影片
更多
2024-06-12
119 瀏覽
So far 食過三次第一次食覺得麻麻但有時拉麵癮起 見佢又近屋企所以見順路又食多兩次坦白講 無食評講得咁差可能因為我係食辣果款見其他人話難食都係原味/牛骨果d我叫左大辣 辣度同胡椒濃度都係揀大我覺得對平時食譚仔中辣既我好適合但佢隻辣係好多辣粉 好多胡椒既辣 湯入面仲有好多洋蔥粒 同薑粒第一次食覺得有少少奇怪再食第二次第三次就會覺得別有一番風味係一種食完會想再食既味道麵係用粗拉麵我自己中意食粗多過幼因為麵香味出d同飽肚d不過我唔太中意佢用即棄木筷子明明堂食都似外賣我覺得食麵用返日本尖筷子食係最正至於d配料 我覺得舊豬肉係好好食佢個味道似平時米線舖d豬軟骨甜甜地 肉質煮到好軟 好香不過個溏心蛋就差d頭兩次去食到係實心 做唔到流心既狀態第三次食就好左 有返dd流心一碗拉麵$105佢無收加一 可能因為落單自己用QR code 斟水又要自己出去環境新裝修係舒適既坐靠窗位有市景睇 望下天都幾寫意總的而言 絕對唔係超好食 唔需要跨區入黎食但住得近間唔中食下係ok ge
第一次食覺得麻麻
但有時拉麵癮起 見佢又近屋企
所以見順路又食多兩次
坦白講 無食評講得咁差
可能因為我係食辣果款
見其他人話難食都係原味/牛骨果d
我叫左大辣 辣度同胡椒濃度都係揀大
我覺得對平時食譚仔中辣既我好適合
但佢隻辣係好多辣粉 好多胡椒既辣
湯入面仲有好多洋蔥粒 同薑粒
第一次食覺得有少少奇怪
再食第二次第三次就會覺得別有一番風味
係一種食完會想再食既味道
麵係用粗拉麵
我自己中意食粗多過幼
因為麵香味出d同飽肚d
不過我唔太中意佢用即棄木筷子
明明堂食都似外賣
我覺得食麵用返日本尖筷子食係最正
至於d配料 我覺得舊豬肉係好好食
佢個味道似平時米線舖d豬軟骨
甜甜地 肉質煮到好軟 好香
不過個溏心蛋就差d
頭兩次去食到係實心 做唔到流心既狀態
第三次食就好左 有返dd流心
一碗拉麵$105
佢無收加一
可能因為落單自己用QR code
斟水又要自己出去
環境新裝修係舒適既
坐靠窗位有市景睇 望下天都幾寫意
總的而言 絕對唔係超好食 唔需要跨區入黎食
但住得近間唔中食下係ok ge
味玉辣麻味噌拉麵
$105
3 瀏覽
0 讚好
0 留言
張貼
