LunaJJ的個人專頁

今次再訪銅鑼灣百樂中心分店，因為好近我公司，放工後和同事行過嚟食好方便😬今次完全係衝住佢哋全新推出嘅期間限定《海鮮媽媽麵》而來的🤩呢款響泰國曼谷人氣媽媽麵，終於喺香港都可以食到啦👏🏻👏🏻今次嚟，Menu上仲見到有幾款新出品嘅Cocktail😍🌀Thai Suki 海鮮媽媽麵 $178有兩種湯底可以選擇，Thai Suki 係一種泰國火鍋湯底，酸辣得嚟帶甜味，今次我哋揀咗冬陰功湯底，因為朋友們都鍾意，真係爆多材料唔係講笑，仲有蛋黃喺中間，有大量新鮮墨魚仔、大蝦、魚肉片、再配以泰式燒腩肉😍腩肉經慢煮再烤，外皮酥脆，麵吸收咗冬陰功湯嘅濃郁精華好正呀😋🌀小食拼盤 $188呢個泰式拼盤係我每次食泰國嘢都必點架！蝦餅、魚餅、春卷、香葉雞🤩呢個拼盤就樣樣都有齊，仲配咗大大塊嘅香脆蝦片😋🌀泰式黃咖喱大頭蝦 $268除咗蝦身之外，最吸引就係個蝦頭入面爆多膏，真係又香又好食😋今次嚟到呢度食，個主角竟然變咗係個黃咖喱汁，真係好好味，濃郁椰奶香味，個汁入邊仲加咗蛋，原來秘訣係在於加嘅係鴨蛋，所以令到個汁特別香架👍🌀生蝦刺身（6隻）$108泰式生蝦都係每次食泰國菜必點之物😋生蝦新鮮彈牙，最喜歡係配呢一款綠色嘅酸辣汁，食起上嚟零舍醒胃架！！🌀手撕雞沙律 $78再嚟多一個醒胃消滯嘅沙律，有驚喜係雞肉一啲都唔嚡口幾滑，再配埋青瓜、洋蔥、車厘茄，同芫荽，個泰式沙律酸辣汁好好味，唔算太過辣啱晒我😋…查看更多

多謝朋友今次帶我嚟食咗餐精彩嘅米芝蓮中菜🤩位於英皇駿景酒店內嘅星級川粵菜《駿景軒》來頭不小，原來係連續七年奪得米芝蓮一星嘅餐廳其行政總廚陳鴻杰師傅打造出一系列人氣菜式呢度裝修好雅致，環境舒適座位闊落，服務細心有禮，重有VIP房間，私隱度高，好適合一大班朋友聚會🌀拔絲咕嚕肉$268呢度嘅咕嚕肉係採用咗豬頸肉嘅部份，肉質爽口得嚟又嫩滑有肉汁，唔會好厚粉漿，薄身又脆口，而拔絲糖漿就係靈魂呢度真係做得好出色，個拔絲效果即使擺咗好耐，都唔會係又黏又硬👍🏻個汁酸甜效果亦都做得相當唔錯，唔會話太過甜😋必試🌀香烤豬髀仔伴咖喱 $288呢個豬脾仔好好食😋大隻又啖啖肉，豬髀肉軟綿綿，一啲都唔會硬，原來係用先蒸後炸方法嚟做重有烘焗嘅多士、麵包粒脆卜卜，用20款材料秘調嘅咖喱汁味道好有層次好香，除咗可以配豬髀仔食以外，麵包粒重可以沾咖喱汁同吃，絕配🌀瓦罉焗胡椒蝦 $468瓦罉鍋一上枱咋咋聲，熱辣辣到出晒煙，一開鍋蓋超香嘅胡椒味就飄埋嚟😍開肚炸香咗嘅大蝦肉爽彈好新鮮，蝦肉吸收咗白胡椒嘅香氣，確實好惹味😋呢個都係必吃菜式！！🌀醬油安格斯牛肉石鍋炒飯 $238滿滿嘅驚喜🥰送上枱重熱到滋滋聲，石鍋炒飯香噴噴熱辣辣，份量都唔少，飯粒做到粒粒分明，牛肉粒都多，醬油同安格斯牛嘅香氣融入咗喺炒飯度，每一啖都覺得有香氣飄出嚟，而且唔會有油膩感，擺到最尾都仲保持到暖笠笠，而且仲有飯焦添😋好正呀🥰…查看更多

今次同長輩食飯，就揀咗懷舊老店鳯城洒家，呢度有佢哋鍾意嘅正宗順德菜食，重有懷舊手工菜🤩我都好想試吓呀！我哋當日坐樓上，環境整潔又舒適，坐住食得好舒服👍🏻🌀紫砂茶壺燉螺頭湯呢個燉湯好特別，用茶壺一位位上的，個螺頭湯超鮮甜，材料超足，螺頭、雞腳、瘦肉、淮山，我全部食清光😝🌀鍋貼大明蝦球先嚟嘅呢個鍋貼大明蝦球，每塊炸得極酥脆嘅金黃色多士上邊都有大大隻原蝦好爽口彈牙，真係好好食😋呢個真係必食推介👍🏻🌀招牌炸子雞呢度嘅炸子雞真係超抵食，依家做緊個優惠價錢只係$148咋🤩重要係超大隻嘅三黃雞呀😍炸得皮脆肉嫩，雞肉好香滑，又保持到肉汁，就算雞胸肉位一啲都唔會嚡口，滑嘟嘟😋呢個真係必點🌀北京填鴨（半隻）鴨皮烤得色澤金黃，鴨肉質嫩香有肉汁😋完全唔會有肥膩感，薄餅皮配搭京蔥絲，青瓜，甜麵醬食，超美味😋🌀煎釀鯪魚呢個順德名菜煎釀鯪魚我第一次食，呢個真係手工菜，所以必定要點嚟試吓，將原條鯪魚起皮真係要好有工序，再去骨起肉，再釀番入魚皮之內，煎香切件，食落去有淡淡嘅陳皮味香，魚肉唔會有腥味，再沾埋個鼓汁食真係超Perfect😋🌀鳳肝金錢雞呢個順德名菜聽就聽得多啦，所以今次一於叫嚟試吓，一塊肥豬肉、一塊雞肝、一塊豬肉疊起組合而成，味道濃郁😋呢度比較特別，用上白麵包嚟襯托一齊食🌀海味雜菜煲食咗咁多肉肉，一定要叫返個菜先啦！就連個雜菜煲都咁足料，大量乾魷魚，大大隻蝦乾，個湯汁好鮮甜😋粉絲索晒湯汁嘅味道好正呀👍🏻🌀蓮蓉西米焗布甸（細）完美嘅一餐，就要用完美嘅甜品嚟結尾，咁呢個西米焗布甸一定係啦🥰即點即焗，上枱熱辣辣，表面焗得夠晒焦香😍布甸入面除咗西米之外，仲有超香嘅蓮蓉，喜歡佢唔會做得太過甜，食完一啖又一啖真係停唔到口，呢個又係必點，真係好好食😋…查看更多

有朋自遠方來，話想試吓傳統中菜，我當然係要揀一間高質嘅中菜館啦！見到六國酒店嘅粵軒最近推出咗一個懷舊粵菜《一九三三流金歲月情懷套餐》價錢非常抵食，就一於帶朋友去試吓啦😉原來粵軒已經開業有92年😮特別推出主題為✨六國懷舊粵菜情1933味道尋根✨套餐💟一九三三流金歲月情懷套餐 $428/每位🌀蜜汁叉燒呢個套餐入面竟然有佢哋嘅王牌叉燒，半肥瘦均勻叉燒，蜜味好香，厚切肉質軟腍，重有少少燶邊，好正呀🥰好耐都未食過啲咁好味嘅叉燒啦🌀煎大蝦碌大大隻🦐蝦肉新鮮彈牙，外殼脆脆地，香濃茄汁酸酸甜甜好開胃口😋就連個蝦頭都好多肉呀🤩伴碟嘅漬蕃茄仔都有驚喜，好好食！🌀上湯魚肚熱辣辣原盅上枱，個上湯好鮮甜，極為足料，魚肚好厚身大大塊，吸收晒湯汁嘅精華😋仲有大量乾瑤柱、雞肉、豬肉、冬菇，金華火腿，好滋補呀🥰🌀雙鳯朝陽雞肉和乳鴿肉嘅組合，雞肉滑溜，乳鴿肉做到口感札實得來不失嫩滑👍醬汁輕微辣好惹味😋🌀蟹扒菜苗鮮嫩菠菜苗上面鋪上大量蟹肉🤩真係淡淡都食到蟹肉架！絕對係清新健康之選🥰🌀羅漢齋麵呢個絕對唔係普通嘅羅漢齋麵，竟然重比到驚喜我，除咗份量大之外，個麵炸到脆卜卜，上面鋪滿秀珍菇、草菇、竹笙、紅蘿蔔，炸麵吸收埋個醬汁，再加少少附上嘅大紅浙醋食，口感即時更加豐富…查看更多

📍鳯城1954話說最近同屋企人去咗Megabox嘅鳯城飲茶，見到佢哋有個全新推出嘅脆鯇全包宴，價錢仲要好抵食添！同埋知道原來九龍灣呢邊有間好大嘅卡拉OK房間🤩即刻就book咗呢間房約埋班朋友一齊嚟嘆呢個脆鯇全包宴，可以飯聚之餘，重可以一齊唱吓K，勁開心呀🥳房間好超闊大，私隱度高，玩得嘈少少都唔怕騷擾到其他客人啦，一大班朋友聚會、慶祝生日都真係非常之適合架🥰脆鯇經典全包宴半圍（6位）$1380 ｜全圍（12位）$2480全包宴免加一及茶芥（星期六、日，假期每席加$300）🐟全包宴13道菜menu📋-回味四小碟｜雲耳青瓜 、鮮蝦春卷、龍袍四季豆、龍蝦湯鮮竹卷-堂灼脆肉鯇片-菜遠生炒脆肉鯇片-椒鹽脆肉鯇腩-香茜冬瓜脆鯇骨湯-煎焗脆鯇頭腩-上湯花膠浸瓜菜-脆皮炸子雞-上湯炸粉果-西米焗布甸🔶前菜嘅四小碟，初頭以為真係小碟，但其實原來呢四個前菜都好大碟嘅😆🔷5款胞鯇嘅菜式都做得相當好，《堂灼脆肉鯇片》第一次試呢種食法，白灼完之後相當脆嫩，再加埋付上嘅薑蔥絲、醬油撈埋一齊食相當滋味。《菜遠生炒脆肉鯇片》份量十足，鮮嫩芥蘭與三色椒、蘑菇同炒，魚肉嫩滑。《椒鹽脆肉鯇腩》炸得好酥脆，椒鹽與蒜香味超香口。《香茜冬瓜脆鯇骨湯》用鯇魚熬成嘅魚湯呈奶白色，芫荽陣陣飄香，好清甜，而且一啲腥味都冇，大愛呀🥰《煎焗脆鯇頭腩》用煲仔上枱熱辣辣，魚腩煎得好香口極滋味。🔷除咗脆肉鯇之外，全包宴內仲有其他菜式同甜品😋《上湯花膠浸瓜菜》我極為喜歡，好驚喜個花膠係大大條，炆得夠晒淋好入味，上湯濃郁又鮮甜。《脆皮炸子雞》一如以往，夠哂入味，皮脆肉嫩。《上湯炸粉果》呢個炸粉果真係超好食，亦係呢度嘅招牌點心，第一次食咁巨大嘅粉果，大大個肥嘟嘟熱辣辣，皮薄外酥脆內糯軟，浸上湯同吃令味道更有層次。《西米焗布甸》呢個都係鳯城嘅招牌甜品，每次嚟到無論係飲茶定係晚飯，都一定會叫嚟食😋面頭焗到焦香，內有爆餡西米蓮蓉，甜度啱啱好，呢個係食到好飽都一定要食埋嘅甜品😆另外我哋重加咗其他特色小食同點心🥟孔融讓蟹蓋、金叵羅蟹鉗、生菜夾豬、蝦多士、宮廷紅棗糕、古法灌湯餃甜品-🐢黑白龜丞相（黑芝麻、椰奶糕）包點🍞包羅萬有（熔岩流沙包、豬嘜叉燒包、青趣奶王子）、豆沙忍者龜🔷🥟呢度嘅灌湯餃真係超好食😋必點，真係好大個，係傳統嘅做法，餡料同湯汁都包響個餃入面，一咬爆湯汁🥰上湯鮮甜，餃入邊更加有魚翅，真係真材實料👍食一隻真係大滿足哂呢一晚個全包宴大家都真係食得好開心，好滿足🥰…查看更多

今日Happy Friday 約咗朋友食晚飯，大家都既想食晚餐之餘又想飯後甜一甜食個Pancake😆朋友就帶咗我嚟圍方呢度，由法國藍帶主廚主理嘅寺Tera pancake House，咁就既可以食個豐富晚餐，又可以食到疏乎厘班戟🤗呢度環境光亮簡潔帶庭園風格，木系色tone俾到人好舒服嘅感覺，而且餐廳面積都幾闊落🌀極濃蝦汁意粉 $128真係無錯，個蝦汁真係超級濃郁，非常之香濃蝦味大蝦有5隻大大隻😍蝦肉重好新鮮好爽彈，意粉非常掛汁，每一條意粉都沾滿濃郁嘅蝦香味🌀四重芝士pizza $198車打芝士、藍紋芝士、馬蘇里拉芝士、巴馬臣芝士，4款各有特色嘅芝士mix 埋，芝士味濃到真係不得了😋好鍾意呢款薄薄地又夠脆嘅Pizza餅底，好好食吖！！🌀蜜糖牛油雞翼（6隻）$68呢個雞翼我都係推介🤭好扺食$68有6隻，係超大隻㗎😮上枱熱辣辣，外皮香脆肉嫩，一啲都唔會乾身好Juicy，充滿牛油香氣帶甜甜地嘅蜜糖味，一流呀！！🌀提拉米蘇布朗尼pancake $184我同朋友都好鍾意食Tiramisu架！所以一定係叫依款🙊呢度嘅pancake做得非常出色，果然係法藍帶大廚嘅出品，pancake做得空氣感十足，口感綿密鬆軟，輕盈，蛋味好香濃，但估唔到伴配班戟嘅Brownie都一樣咁有驚喜喎！軟軟地心，朱古力味超香濃…查看更多

位於中環嘅高級法國餐廳，名字「1111 」一組被認為強大力量的宇宙數字命名，室內設計以亞利桑那沙漠羚羊峽谷為主題，溫暖銹色的色調，波浪條紋好有現代元素，一出電梯就會見到個靚靚暖銅色嘅大拱門，用嚟打卡一流吖🥰更於2024年榮獲TATLER DINING AWARD及DEZEEN AWARD 室內設計獎項🏆由曾於米芝蓮二星餐廳擔任主廚嘅Chris Chan主理 擁有超過20年嘅經驗，好欣賞佢將意法菜加入中式、港式元素，每道菜式嘅配搭既優雅又令人非常之有驚喜🥰今晚我哋就點咗由行政總廚創作嘅Tasting Menu$1288首先用餐之前餐廳會將當晚新鮮嘅食材放入木盒之內為客人呈上，且細心地逐一介紹，挑選Local BITES street food開胃頭盤先來了一個精緻寶盒內的三款以本地特色做主題街頭小食，有款我覺得最特別嘅係來自港式街頭小食鹽焗鵪鶉蛋嘅靈感，《拔絲鵪鶉蛋》做得完美嘅拔絲包著用蘋果木煙燻處理嘅鵪鶉蛋，係糖心架。第二款《XO醬泡芙》，小泡芙內包住鹹香微辣嘅XO醬和紫薯蓉，實在驚喜。第三款《烤焗三黃雞皮脆片》雞皮去除內裏的脂肪後，烤得超薄鬆脆，沒有多餘油分，配上青咖喱醬和椰子醬，口感極佳🥰💫 Oscietre CAVIAR(15g)Zhenjiang Crystal ham 1 +$420我最愛魚子醬，呢個必定要加配❤️呢度嘅配搭真係令我好驚喜，魚子醬下層竟然藏着水晶肴肉，兩者配合一齊享用，原來味道係咁夾嘅🥰💫TORO sea urchin ,tomato,bergamot 西班牙藍鯨吞拿魚，配上北海道海膽，蕃茄啫喱食嘅時候再噴上佛手甘油，香氣好refreshing立即帶出toro和海膽嘅鮮味，蕃茄清湯啫喱亦都非常醒胃💫 TRUFFLE asparagus,spinach ,house made ricotta 松露配法國白蘆筍，爽嫩法國初春當做白蘆筍與本地蘆筍，再配以自家製乳清芝士、菠菜，再即埸在面頭刨滿慷慨份量嘅松露😍黑松露幽香令味道更加有層次感💫 market FISH of the day是日嘅魚係東星斑，用上魚肉和蜆熬製成周打魚湯，奶白魚湯真係好鮮濃好好飲😋石斑魚肉好滑溜，面頭再配有超薄脆鹹香嘅西班牙黑毛豬片，每食一啖都係享受💫 MOREL cuttlefish,house farmed mushroom,veal jus非常之欣賞呢個釀羊肚菌❤️靈感來自煎釀三寶法國野生羊肚菌內釀入新鮮打造墨魚膠，注入慢煮羊肚菌牛仔汁，再配餐廳自家種植嘅山芋菇羊肚菌汁非常之濃香，墨魚膠爽彈可口，實在滋味無窮🥰💫 PIGEON Wellington 1+$380主菜，呢個威靈頓乳鴿真係唔可以錯過，實在係一個令我驚艷嘅菜式🥰 採用法國Bresse產乳鴿胸，烤至金黃嘅酥皮內包著椰菜、松露醬、流浮山金蠔，想講個鴿胸肉真係做得非常嫩，真係好好好食呀❤️睇住威靈頓鴿切開冒煙一剎那非常有療癒感，醬汁由鴿肝鴿殼熬製而成，味道絕對濃厚可口再講多一次，嚟呢度呢個威靈頓鴿不可不試😋記得提前兩天預訂啊💫 CARABINERO grande,N.T.vegetable 超大隻西班牙紅蝦，好特別配搭中式陳村粉、蝦頭油，本地蔬菜，紅蝦肉鮮甜彈牙，蝦頭油實在非常之香👍🏻Blood Bird’s Nest 金絲血燕伴以檸檬mousse、蜂巢、桂花，清甜滋養Petit Four以花花盤承載著，好靚靚💕有達摩造型利賓納果凍、紅莓蛋糕磚、迷你合桃酥…查看更多

一直都有支持下社企，以往都有食開銀杏館嘅分店同埋士多🥰佢哋一直為長者提供就業機會，亦有開展扶貧工作，向老弱孤寡派發免費飯餐，覺得佢哋好值得支持一下，呢度大本營個空中花園平台可以睇到好靚嘅日落，呢度嘅每位員工同婆婆都非常親切有禮，真係好Warm 吖🥰餐廳嘅特色係有自家農場《樂活有機農莊》種植100%有機時蔬，好新鮮，有機無害!💟家常味道, 無添加, 無味精, 鷄蛋無激素，喺呢度所有食物蔬菜都係有機，冇加味精，真係食得非常安心💟呢度每款小菜，都會附送一位自助沙律吧，飲品、白飯、粥、湯和甜品，都係任食㗎😍🌀婆婆酸菜魚$188以$200都唔使嘅價錢嚟講，呢個酸菜魚真係好超值，材料超足爆多😮味道更加係有驚喜，魚肉片嘅份量非常之多，應該係用咗一大條魚🐟肉質好滑好嫩，問咗師傅原來佢哋係用羅非魚做架！個湯底超鮮甜，微酸帶麻香微辣，鍋嘅底部仲有大量芽菜同冬粉吸收晒個湯同魚肉嘅精華，真係極之好食😋呢個真係必點🌀薑蔥生蠔雞煲 $158薑蔥生蠔雞煲上枱熱辣辣香噴噴🥰調味亦都做得相當好，又係海量嘅材料，雞件好新鮮肉質好嫩，雞嘅份量都好多，生蠔隻隻都肥大飽滿又鮮甜😋我哋數過都有成6-7隻架！🌀銀杏杞子浸腐竹有機菜（油麥菜）$138呢個有機油麥菜，相當養生，有大量杞子，呢度嘅銀杏真係好好食，同出邊嗰啲完全唔同，鍾意個湯汁唔會偏鹹，好清甜😋…查看更多

位於東京銀座嘅旗艦店The CHOYA Ginza BAR已經進駐銅鑼灣利舞臺廣場，全港首間日本梅酒專BAR已經登陸香港店內裝修和風格跟銀座旗艦店完全相同架❤️呢度重有房間坐位，舒適又夠私隱度，大家想坐房的話記得早啲book走啦😉除咗超過50多款雞尾梅酒之外，重有每月都會定期更新嘅日本梅入饌美食menu😋🌀黑色迴響用混合了法國科尼克地區產嘅白蘭地，Black本格梅酒作Base，再加上樹苺甜洒、橙味苦精，我就連個原粒冰鎮南高梅都食埋🤣呢杯梅味超香濃，好正🌀櫻花梅香以熟成一年本格梅洒作基底，加上櫻桃甜酒、檸檬汁同薑啤，好清新飲落真係好舒服🥰🌀CHOYA日落金山金箔梅酒做Base，加上bourbon、梅糖漿，最後再加多一層金箔點綴，真係好鬼靚吖😍呢杯酸甜味比較突出，好香吖！好好飲🥰成為我全晚最鍾意嘅Cocktail，喜歡洒味比較濃嘅可以選擇呢杯🌀CHOYA愛麗絲呢杯係不含酒精嘅！用咗choya無酒精梅酒，再加上菠蘿汁、紅莓汁同埋忌廉，呢杯口感重好軟滑㖭🥰🌀The CHOYA Flight $128講到呢個梅酒套裝嚟到度必定要試，哇😮只係$128就可以試到5款梅洒，呢個價錢絕對係震撼5款係包括：熟成一年、熟成3年、白蘭地Black 、果泥梅洒、宇治茶梅洒其中我最愛喜愛宇治茶梅洒，茶味非常特出好清香❤️白蘭地Black都係不可不試架👍🏻🌀梅煙香$108呢杯Bai En Ko真係俾到我驚喜，梅洒、再Vermount、Sherry，再注入煙燻，呢杯我好鍾意聞，一打開就聞到陣陣蘋果木香氣😍飲落陣陣梅香，雖然洒味幾濃，但都比較偏向甜，所以我都好鍾意❤️ 🦃黑椒火雞鎚釀青梅子薯蓉$98🍤雞尾蝦杯配梅雞尾汁$98🥗🐔香醋慢煮雞胸配梅子薯蓉沙律$138🌽扇貝粟米蒜味黑椒梅汁$158呢度除咗雞尾酒出色之外，佐酒美食都一樣正架😋…查看更多

大閘蟹入季嘅時候又到啦！我今年食大閘蟹嘅頭炮就揀咗鳳城酒家，見到佢哋新推出咗出一個好抵食又吸引嘅大閘蟹宴🤩原來上環分店都有一間有得唱K嘅大廂房，當然係要book番間房，舒舒服服咁同朋友們，一邊享受大閘蟹宴美食，一邊唱下歌啦🥰🦀時令大閘蟹宴 $538/位（兩位起）🌀清蒸/鹽焗大閘蟹蟹（每位一公一乸）清蒸大閘蟹每隻約4両重，我自己就偏好蟹乸多一啲，我鍾意塞滿晒膏，橙黃色好似蛋黃咁😍 口感豐腴，好鬼正呀！🌀金湯蟹皇包翅（位）呢個蟹黃翅唔係講笑，呢個價錢淨係食呢碗翅抵，依家仲要$538成個餐喎😱好貼心，每一盅蟹黃翅，都有個小爐仔熱住保持溫度，呢個蟹黃包翅用料超級足，大大塊魚翅就塞滿晒成個碗😮個橙色嘅金湯真係每一口都食到啖啖嘅大閘蟹膏與魚翅，真係滿足到不得了呀！ 🌀滋味欖角骨呢個用傳統手法製作嘅欖角骨，真係食得我好滋味😋欖角真係好香好好食，排骨嘅表面甜甜地，肥瘦適中，容易食又唔會韌🌀美人米紅杞泡龍躉球個龍躉肉真係好大好大舊，皮魚好香好彈牙，膠質極為豐富好有養顏感🥰奶白色嘅魚湯真係好鮮甜，而且充滿鮮魚味🌀頂級蟹粉小籠包呢度嘅蟹粉小籠包都幾大隻喎，一口咬落去好多肉汁咇出嚟🥰餡料多肉，蟹粉份量都OK，個人認為相當唔錯🌀薑茶湯圓（位）食完大閘蟹，當然係要每人食返碗薑茶驅寒暖胃啦！湯圓係細細粒嘅芝麻湯圓，個薑茶好夠薑味好香，少少辣辣地，飲完個人會好舒服🥰…查看更多

發覺元朗經常都會有啲隱世又高質嘅餐廳，好似今次就同朋友們相約嚟呢間《睦月鐵板燒》絕對係享受咗一場精彩嘅鐵板燒料理🥰💟「睦月」二人前晚市套餐 $1960/ 兩位🌀枝豆凍湯呢個係用枝豆做底嘅法式凍湯，上面配咗新鮮帶子同黑松露，重有自家醃製嘅三文魚籽，加埋一齊味蕾就雙重享受🥰🌀日本生蠔生蠔唔算好大隻，但都好肥美鮮甜，淡淡海水味，配上柚子啫喱一齊食，估唔到有幾夾喎！🌀吞拿魚腦天腦天即係吞拿魚嘅天靈蓋，每條魚只係得少量，師傅用火槍輕燙，魚油脂極香入口軟滑，再加上在鐵板上面烘烤過嘅巴馬臣芝士碎，味道一絕🌀北海道帆立貝稍微煎香嘅帆立貝，外脆微焦香，內裏口感嫩滑，底層有松葉蟹膏做嘅汁，非常鮮甜，重食到有蟹肉絲添😋🌀南非鮑魚大大隻鮑魚好新鮮，師傅燒嘅時候仲識得郁㗎😮肉質爽彈，配鮑魚肝醬汁食即刻帶到鮑魚嘅鮮甜味出嚟😋美味升級，好滿足呀！！🌀季節燒魚師傅先將秋刀魚放響米紙上炸，然後再用火槍燙一燙魚嘅表皮，再配埋自家醃製嘅三文魚籽同芽蔥伴食，食嘅時候米紙仲脆卜卜架！口感💯滿分💕🌀龍蝦今晚有法國空運嚟嘅新鮮生猛嘅藍龍蝦😍肉質爽口彈牙份外鮮甜，配埋個濃郁Creamy嘅海膽醬食，味道同層次真係一流😋🌀龍蝦鉗呢大大隻龍蝦鉗，就係今晚食嘅藍龍蝦嘅鉗啦！好厚身又啖啖肉🤩再撈埋面頭嘅蟹膏伴食，真係好鬼正呀🥰🌀厚燒宮崎和牛降霜油花均勻，真係入口即溶😍肉質軟綿綿，燒至外微焦肉質嫩紅，配上四款調味，自製XO醬、即磨山葵、鹽漬昆布，能夠帶出和牛嘅口感層次🌀炒飯呢一個炒飯真係超級多材料😮炒得粒粒分明，飯粒乾身度啱啱好，見到師傅加入大量日本櫻花蝦、蘭王蛋、蔬菜粒、日本煙肉、白飯魚、龍蝦膏等等，又香又惹味😋🌀時令湯仲有用龍蝦熬成嘅湯超鮮甜，飲落去真係好舒服🌀甜品自家製芝士雪葩，芝士味濃郁香滑，重有師傅即場烤製嘅焦糖牛油多士，焦糖化咗嘅多士，又脆又甜美，配芝士雪葩一齊食，真係雙重享受呀🥰…查看更多

初嘗天婦羅Omakase位於中環威靈頓街嘅《瀧》主打天婦羅廚師發辦，室內設計簡潔，入口處有開放式廚師桌，可以一邊欣賞師傅手藝一邊品嚐美食，真係好似睇緊表演一樣，仲有清酒放題，每位加$280就可以任飲兩小時清洒😍今次我哋就揀咗晚市套餐 瀧 Taki ，原價每位$1180。折後每位$880，數一數有成17品咁多😱呢個價位嚟講實在超值👍想講呢度唔係虛有其表，師傅們真係好有heart健談，食物高質，服務員個個都好親切同細心💟先付魔鬼蛋🥚唔係普通嘅蛋咁簡單，蛋黃造成慕絲內混有香草、紫蘇花、蝦頭油、蟹肉，蛋面配三文魚籽，尤其蝦頭油令口感層次上升💟四式前菜賣相相當精緻，藝術品一樣🥰海膽豆腐滑嘟嘟、玉子燒蛋味香口感鬆軟多層次、胡麻漬靖魚濃郁魚香，漬過嘅靖魚味道帶微酸幾開胃😋翡翠銀杏我極為欣賞，甜甜地一啲苦澀味都冇💟刺身 三款當晚有當造嘅秋刀魚、金鯛、 八爪魚秋刀魚油脂豐香配薑蔥食味道好平衡，最鍾意係個八爪魚咀，口感爽爽脆脆又鮮甜，好鬼正👍金鯛好新鮮肉質鮮甜💟天婦羅 四款蝦天婦羅🍤新鮮彈牙，個蝦頭炸到卜卜脆沾咖喱鹽食真係好夾。瀨尿蝦天婦羅，真係好特別少見😮即使係炸咗，都仲幾大隻啖啖肉。目光魚口感一流，超級外脆內嫩，就咁沾少少海鹽已經好好食啦。帆立貝配三文魚籽，帆立貝火候炸得啱啱好，內裏嫩到好似食緊豆腐咁，配埋三文魚籽食真係好滋味😋💟海鰻天婦羅，呢個成為我當晚至愛🥰鰻魚炸得好酥脆肉質鮮嫩，炸蔥底再配上大量日本萬能蔥，再伴以萬能蔥造成嘅泡沫醬汁，食時散發陣陣蔥香😋💟水果蕃茄食到嚟呢度，有又涼又清甜嘅岡山蕃茄清清味蕾，呢個品種嘅蕃茄🍅原來係西瓜和士多啤梨嘅基因培植出嚟㗎😮唔怪之得味道咁甜美，又唔會有蕃茄嘅腥味啦！！💟主菜日本和牛配溫泉蛋，肉質軟綿綿好粉嫩，配自家製醬汁與溫泉蛋同吃，口感更加香滑😋💟白蘭地鹿兒島安納芋好戲在後頭，終於出現呢嚿唔係普通嘅番薯，由我喺餐廳一開始坐低，就已經見到師傅響度炸🍠番薯外皮好香脆卜卜，番薯肉香甜糯軟，附上白蘭地和砂糖，沾白蘭地再沾上砂糖同吃，口感層次好似食緊焦糖一樣🥰呢個配搭簡直係冇得頂，唔怪得話喺呢度嘅招牌啦！💟主食梅冰素麵。用梅子製作麵條，就連個梅冰都係自家製㗎😍酸酸哋嘅梅冰沙，加上炸紫蘇葉，配合冰涼清爽嘅素冷麵，極為透心涼清爽解膩💟水信玄餅完美ending 有我最鍾意食嘅水信玄餅😍晶瑩剔透，配黃豆粉、沖繩黑糖，就係咁簡單已經可以咁好食…查看更多

有一次經過呢一間Cafe門口，望入去俾一隻好大隻嘅Bear Bear🐻吸引咗我嘅目光，當時已經book mark咗要嚟呢度雖然呢間啤啤Cafe環境唔算好大，但內裡粉藍色+白主調嘅環境令人感覺好舒適又夠Chill，門口位，仲有寬闊嘅樓梯座位，加上超大隻嘅啤啤熊陪住食嘢同打卡🥰呢日我都有同朋友響呢個位瘋狂打卡🙊🌀經典早餐 $148呢個All day Breakfast極為豐富，搭配煙三文魚、煙肉、香腸、炒蛋、牛油果、沙律菜、車厘茄、雜菇、迷你酸種貝果，食完真係大滿足🥰一個令人開心嘅早午餐❤️🌀明太子海膽汁蟹肉意粉意粉上鋪滿海量蟹籽、紫菜絲和明太子😮重食到啖啖鮮甜蟹肉，配上濃郁鮮味嘅海膽汁，極極極之Creamy 每一條意粉都沾滿海膽醬汁，好好味吖😋🌀Earl Grey Scone $45鬆餅我哋揀咗伯爵茶口味，伯爵茶味非常濃👍唔似出邊食到嗰啲冇咩茶味😆配有奶油同果醬，Scone口感外酥脆內鬆軟，原來呢度除咗酸種麵包之外，連英式鬆餅都係酸種的…查看更多

記得之前響IFC買過佢哋嘅蝴蝶酥已經覺得好好食，原來呢間香港創立嘅品牌《PIN 品曲奇》近來喺旺角開咗新店喎🤩地點好方便，就響正百老匯戲院嗰條西洋菜街，真係好方便我喎👏🏻👏🏻店內裝潢充滿著香港情懷特色，而且老香港懷舊情懷滿瀉🥰每個角落都係打卡位無論佢哋嘅包裝、又或者禮盒套裝，設計都好獨特又好靚，買來送禮，同埋做手信都真係一流，非常之適合，所有產品不含任何色素和防腐劑，真係可以食得好安心吖👍🌀快樂果醬曲奇禮盒一揭開罐就見到顏色繽紛嘅果醬曲奇，就連罐入面個曲奇牌仔都係食得㗎😍見到都開心吖🥰內有四款口味，菠蘿醬荔枝曲奇/ 果醬牛油曲奇/果醬朱古力曲奇/牛油曲奇，口感好鬆化，食落有點似細個時食過嘅舊式曲奇，好有兒時嘅回憶感🥰我特別鍾意果醬朱古力曲奇，微微苦嘅朱古力味道加上果醬嘅香甜，原來真係好夾🌀 XO醬曲奇呢款XO醬曲奇真係好特別，味道驚喜十足，fusion得來又好有本土特色，鹹香鮮味滲入酥脆曲奇之餘，更有超香嘅蝦米味道，除咗蝦米味好出之外，更有瑤柱飄香，喜歡個辣味係aftertaste慢慢飄出來🥰🌀朱古力果仁脆脆有濃郁法國朱古力配上美國頂級果仁，呢款薄身嘅曲奇口感真係好脆脆😋甜度啱啱好，仲有大大粒果仁喺上面好香脆吖！令人忍唔住食完一塊又一塊呀🥰…查看更多

驚安燒肉想試好耐啦！今次終於同朋友夾到時間一齊嚟食🥰依家仲有折扣優惠時段Sapporo生啤做緊買一送一😍梗係要叫返set啦見到嘅Menu 樣樣都好正，搞到選擇困難症🤣真係想樣樣都叫晒嚟食🌀原條手切牛舌$115（半條）呢個牛舌係必點，一上枱已經好吸睛，好誇張半條牛舌就已經長過我手臂咁濟😮份量又大條又厚身，店員會幫忙烤好👍🏻肉質軟中帶爽爽口感，配自家醬料昆布一齊食味道更昇華滋味😋🌀和牛壽喜燒$98極力推介❤️呢個都一定要點店員會即席用火槍輕輕將和牛炙燒至5、6成熟，和牛好軟嫩，入口溶化滑入喉嚨😋蘸埋蛋黃黑松露醬汁一口飯食，一流吖🥰🌀蝴蝶切和牛牛頸脊$188利用蝴蝶切令到口感更有層次👍🏻油脂相對冇咁重唔會好膩，且充滿肉汁，鍾意佢有少少咬口😋🌀紫菜月見飯$28每次食烤肉必叫，估唔到廿零蚊大大碗，上面鋪滿晒海量紫菜，配埋味道香濃嘅蛋黃撈勻一齊食，用嚟配燒肉都勁正🌀柚子漬雞肉山$48（全份）呢個非常之抵食雞肉堆到成座山咁都只係$48😱雞肉滑嘟嘟，散發住清香嘅柚子味🥰正呀呀呀！🌀封門柳$88橫膈膜肌肉，近內臟附近肉質好嫩滑，牛味極勁濃郁，適宜加小小鹽輕輕燒一燒就已經好好食㗎！🌀阿波美雞芯$32（5粒）阿波美雞肉就食得多啦！雞芯都係第一次食，加少少鹽烤至表面微焦，又真係幾好食喎😋🌀雞皮餃子$48脹卜卜嘅雞皮餃子好飽滿，表面嘅雞皮烤到微焦香，一啖咬落去內裏充滿肉汁，好鬼正呀😋🌀宇治抹茶最中餅$32每次食日式美食，都一定會點，最中餅一咬落去好香脆🥰夾住一大球抹茶雪糕，底部鋪滿紅豆，呢度做得相當唔錯…查看更多