danielleso的個人專頁

個個同事確診返工得幾個 都係叫外賣自取抵過d d app壽喜燒牛肉飯 見個名已經二話不説order佢surprise 係仲有隻溫泉蛋 不過飯量 我覺得可以多d. lunch配埋餐湯/娘茶原來十次有9次娘茶都係酸梅湯但我唔飲酸梅湯嘅, 到畀錢拎外賣我先同店主講改餐湯, 佢都立即ok唔會串串貢唔知點解openrice話佢裝修中今日啱啱同同事叫外賣自取減$8 正☺當然la一個飯盒60-70 我都係覺得唔抵架喇. 但鬼叫黃竹坑無嘢食咩好食又有良心 已經好難得! Support! …查看更多

平時坐車經過，見到有間凍肉店，諗住行下買餸，就發現左轉角呢間同名餐廳。今次特登黎試下, 好彩早左一步，遲兩步入黎嘅人都要拎飛仔等位。餐廳好有聖誕氣氛，除左有聖誕樹之外，所有男女店員都要帶鹿角，真係好正。叫左黃金蟹肉意粉，好似係配粟米湯(？）湯好濃，似係blend爛粟米而唔係開罐頭至於意粉，以為係一般蟹肉意粉，點知真係用左好多咸蛋黃，好有驚喜！仲要係幾夾！不過食兩啖就開始飽飽地。我地叫下叫下，叫到成枱都係，完條鰻魚炒蛋漢堡，同埋牛肋肉，真係好好食! 滿堡足料唔在講，炒蛋加埋其實一定好食而我最鍾意就係牛肋肉，雖然係中間紅bob bob, 但食落無血水，口感啱啱好! 唔知係咪就係隔離間凍肉舖d肉呢! 最後餐飲係陳皮檸檬茶。um... 我都係飲返平時d茶餐廳檸檬喇lol服務都幾好，雖然都多人幾忙，但係店員個個後生仔attentive 又幾好記性咁。如果第時無左禁晚市，可以再黎過！真係幾值得！…查看更多

Openrice d相靚咁多，圖文不符到連隻餐碟都呃我! 如果唔係就黎限聚 搵唔到餐廳食飯, 真係唔可以再走入呢幢大廈!持平d講，呢間真係好啱打卡，一開Lift門就有個好靚嘅花花牆，同埋胡桃鉗子畀人影相。枱椅，燈飾同枱上嘅擺設都有心思，設計好夾。本身都諗住旺角Cafe質素係差dd ，不過飲品上到黎，都OK喎! 薄荷朱古力同埋榛子朱古力咖啡，不過不失，係咖啡無咖啡味但ok嘅。但食物質素真係... 焗芝士西蘭花，ok! 芝士夠味，不過應該焗果陣有d倒汗水，西蘭花浸住左d水咁，但還好跟住Main叫左蝦意粉，某d 意粉未熟透硬d，但還可以，不過味道唔夠，汁又好稀，食落無咩味... 蝦就食到係爽口, 不過就係白灼蝦嘅味。上碟方面 同之前d相 用西餐大邊嘅碟 完全唔同，打卡餐廳都變左茶記上菜。最嚴重係呢碟小食，明太子多士配黑松露炒蛋。遠睇ok，認真一望，炒蛋仲有d蛋汁(?) 定係加左水(?) 大家食完第一啖，都係話，佢真係唔識架喎! 個friend就食兩下唔敢再食，我就為左唔好浪費食物，就食埋佢la, 諗住夾埋做炒蛋多士，點知明太子同松露蛋係一d都唔夾! ❗食完喺mk行左陣, 肚痛,淨係我肚痛... 所以個炒蛋係真係唔熟.... 除此之外，衞生整體ok, 但係隻叉係油淋淋... 所以覺得唔乾淨真係不可一不可再…查看更多

嚟到門口就見佢裝修充滿異地風情，幾有特色，唔少打卡位，所以未食都已經滿心期待!一坐低店員好貼心幫我地開爐㵤過啲餐具先，另外調醬嘅配料盤都好靚，好加分。。。 湯底揀咗個土耳其香草羊肉湯底試試，嚟到原來係類似大地魚湯或者昆布湯之類嘅清湯同羊肉片分開上，而且羊肉片撲滿香草，用冰鎮住，確保新鮮。湯底仲加左食用乾冰，配埋成坐山咁嘅羊肉，除左打卡一流之外，味道鮮香亦唔會太騷，好味！牛肉拼盤嚟到又忍不住要相機食先，因為擺盤真系好別緻，旁邊仲有鮮花襯托住每片牛肉嘅雪花紋路，好高級呀！另外叫左特盛海鮮拼盤，有聖子、原隻鮮鮑魚、鮮蝦、鮮甜筒蠔、同大大隻大扇貝，其實呢個壇數嘅食材真心超值。埋尾嚟多個稻庭烏冬，大滿足！…查看更多

抗疫咁耐，終於出街拍下拖!頭盤我地叫左燒豬頸肉木瓜沙律，脆邊豬頸肉係我最愛，驚喜在豬油渣脆脆，炸得岩岩好，雖然邪惡都忍唔住口食左幾粒。以為係前菜，點知份量好大!食完飽左一半😹手拉粉卷皮薄餡料夠味，可惜掛住影相，搞到放耐左粉皮痴晒碟，同整爛左啲皮最抵讚嘅係海鮮濃湯濛嘅湯底，酸尾尾加少少辣，就算平時唔係好食得辣嘅我都食得好過癮❗$98非常足料有蝦硯同魷魚圈半邊雞略嫌偏甜，但起碼餐廳掌握燒雞肉嫩又滑，兩人食份量稍多，如果去左骨的話 用黎加生菜包住食更好唔太甜嘅甜品拉椰糕~ 😹滴漏咖啡滴滴精華加埋練奶，出奇地唔似一般越南咖啡咁甜，可能跟香港人口味調整過😋 而龍眼水好多龍眼肉😍但偏甜其實下次想再黎試下呢個火鍋! 見隔離枱個越南火鍋咁吸引~整體幾好, 始終新餐廳，乾淨企理，服務唔錯，坐喺角落頭都成日有員工黎"針"水，仲要食物高汁唔太貴，食左成晚around 500, 可以翻啅 😊…查看更多

普通珍珠奶茶舖開到成行成市，但呢間台式茶館就以健康養生為主題，尤其是呢個時世，值得轉轉口味試下。皇牌氣血茶好暖胃，淡淡嘅菊花幽香同紅棗天然嘅甜味配合得啱啱好。女仔真係應該每個月都飲返杯補補身。另外桂花雪梨茶嘅花味更突出，更突顯到雪梨嘅清甜。餐廳平時仲有甜品雪糕，但抗疫期間就冇買蛋糕泡芙，得返雪糕同糖水。配合今次養生嘅主題，叫左兩款銀耳露。溫馨提示，銀耳露最好焗5分鐘先食，咁入面嘅雪耳就啱啱好食得！餐廳裝修簡約時尚，有唔少打卡位。而且店面有各種花茶茶包禮盒售賣，係舖頭試過唔夠喉仲可以買返屋企慢慢歎。老闆話而家仲推出母親節禮盒，保溫杯加自由配搭茶包，有心有得體！…查看更多

又來了！喜來稀肉一向係我同寶寶係香港最愛嘅韓燒，爐邊泡菜同芝士蛋係我地一去再去嘅最大誘因🤩由尖沙咀元祖店去到銅鑼灣，今次揀間近屋企少少嘅旺角店，水準一樣好冇令我地失望！一開始爭扎左一陣叫二人餐定散叫，最終為左必食嘅豬大腸同韓牛放棄左餐(其實之前食餐性價比都超高）。韓牛肉眼 見到都流口水🤤 韓牛最大嘅吸引之處就係香濃嘅肉味同咬口。用豬油糕塗滿鐵板，快快煎好上碟，咩醬都唔洗落擺入口已經好好味！豬大腸唔洗多講，燒起後金黃脆口，沾紅色辣醬最夾！最緊要係佢地洗得好乾淨，食落冇內臟嘅怪味，讚👍🏻！護心肉係喜來烤肉之後嘅No.1招牌，點醬包生菜🥬+蛋一齊食🤤但明明記得之前係砌到靚靚上碟架噃~每次韓燒都必點嘅水冷面，佢地嘅水冷面極幼又彈牙，配有雞蛋同埋青瓜，可以自由加酸醋同芥末，消解下熱氣油膩又飽肚，用佢黎結尾非常圓滿😋…查看更多

旺角樓上韓國菜，地點方便，而且大件夾抵食，值得一試！嚟到一定要試試佢地嘅招牌燉雞，一大大盤，淨講配菜都已經好有份量，可以選擇辣度、雞有骨還是冇骨，非常貼心。本來就已經有一人份量嘅粉絲係裡面，如果覺得唔夠喉仲可以加配菜、白飯、飯焦、年糕等等... 推介加魚蛋同魚糕，送汁一流！另外來多分韓式芝士炸雞，都係嗰句，好有份量！炸雞真係唔錯，炸得外脆內軟，還保持到肉汁，配上半溶拉絲芝士，又一大滿足！今次兩個人食真係食唔晒，建議大家就住自己嘅胃容量而叫，再唔係就約多幾個朋友一齊happy share啦！…查看更多

First off, the service was so good to begin with. Was surprised to see how the staff are so friendly with all the othercustomers. It is perhaps people are always returning.We started off with a baked mushroom stuffed with crab meat and double cheese for our appetizer, which was afulfilling start. Flavor of the crab meat is surprisingly present even in contrast with the strong double cheese. They complimented each other perfectly.Speaking of well-calculated design of the dish, what has to be mentioned was the lovely Iberico pork chop withcaramelized apple. The pork was juicy and salvory of course. Usually I’d skip the oil bits but this Iberico pork was too heavenly that it would beunforgivable to not having finished it all. The secret lies in the sweet and soft apple that balanced the heaviness of the meat with refreshing lightnesswithout diminishing the tenderness of the award-winning Iberico meat.Smoked cocktail was another fun try. The restaurant deliberately gave us the three bottles separately so the the guestsmay be entertained by the fun of mixology. For the base there was of course lime soda and ice. And then the spirit lied in the rose water with applewood smoke. When it was all mixed in your mouth, you get to experience the three distinguish tastes, as well as the smell, all in one go! Definitely a drink to impress!…查看更多

工作後想靜靜地同朋友呻下,傾下計, 所以揀左去梭椏道呢間旺角何文田交界，旺中帶靜嘅Cafe放鬆下~餐廳門外有兩個座位，食下煙吹下水，或者weekend 帶埋狗仔黎嘆杯咖啡，都真係幾chill! 😜入到去，除左發現文青擺設之外，仲見到牆上面寫住有3D拉花咖啡架! 同埋蛋糕畫碟!可惜聽日要返工😣如果唔係一定叫返杯3D拉花咖啡! 試下佢手勢~最後，我地兩個中女一人叫茶，一人叫green tea latte. 綠茶味濃, 不過我就鍾意甜D!All day breakfast. 賣相超吸引，特別係松露炒蛋，真係幾滑. Bacon 唔會煮到硬晒, 仲係Juicy ge. 而最有驚起就係牛頭包. 脆口不在講, 加埋少少甜味. 我仲夾埋炒蛋一齊食. 真係不得了😋另外就係黑松露雜菇意粉好大碟, D 菇好成座山咁高😜意粉真係超推介. 煮得啱啱好，唔會太軟又唔太硬. 芝士焗雞翼👌🏻肉質嫩滑仲有肉汁流晒出黎不過芝士多得濟，食到好飽LOL食物有質素，環境都舒適.不過可能open kitchen 所以煮野食時有油煙味. 下次無咁凍的話，坐出面就最正…查看更多

成街都係台式飲品, 惟獨呢間人頭湧湧 所以行入去試下佢!裝修幾骨子, 叫得唇茶, 有大大個咀唇是常識吧!旁邊有小枱同兩張椅, 人少d 的話, 可以嘆一口茶, 好好享受下慢活tim!呢間淨係得茶飲, 想飲奶茶嘅朋友, 可能要失望了~結果我叫左店舖推介月滿花香, 以為係簡單一杯玫瑰花茶, 但原來有桃膠喺入面! 除左有港女嘅環境, 仲有埋中女嘅養生, 你話點可以唔推介畀絲打😂雖然話係黑糖桃膠, 但飲落唔太甜. 絕對係減肥良品, 珍珠奶茶嘅代替品lol…查看更多

餐廳裝修帶田園風情，綠化的設計容易令人放鬆心情，享受美食。寫意的裝修，以甜點Waffle為主打，而且還有開放式waffle廚房，讓客人完全直擊waffle的誕生，集合各種打卡必備的條件，固然能夠吸引不少女生閨蜜來個溫馨girls night out，我也不例外。今次我們點了二人full set, 由前菜、小吃、主菜、當然不少得甜品和飲品，全部都是任選兩款，實在是沒有兩個胃都吃不下！首先點了餐湯是南瓜濃湯，味道鮮甜，配搭小吃的炒雜菇和炸薯粒，十分開胃！主菜的龍蝦意粉不錯，麵條口感十足，配上香濃的龍蝦 ，還有原隻小龍蝦，物超所值！大力推介第二道主菜蜜桃汁烤五花腩，皮脆肉嫩，而且帶點淡淡的燒烤味，配以清甜的蜜桃汁及微酸的酸菜，剛好中和了豬腩肉的的油膩，是必食之選！重點終於來了 - 甜品！！！本來我就十分愛吃waffle的，這裡更讓你自選最適合自己口味的waffle餅底（原味，麥味，雲呢拿，巧克力）及多款口味的雪糕，加上色彩繽紛的雜果，完全是視覺味覺雙重享受！最後餐飲點了熱薄荷綠茶，為完美的晚餐畫上句點。…查看更多

九龍城泰菜多, 試過幾間九龍城越南菜尚算可以，今日再去越南餐廳踢館。7pm到無咩客唔洗等位，同友人跟住廚師推介，叫左海南雞飯、鮮蝦蟹膏湯檬，同埋牛油雞翼。先黎海南雞飯，黃油飯香、海南雞亦都滑，重點係有個小辣嘅的酸汁，令本身above average 嘅雞立即升level。蟹膏湯檬，味道好夾。蝦堅係鮮蝦，爽得黎仲有鮮味，唔係冰鮮味道。而檬粉都吸左湯底的精華，食到Lam lam脷。牛油鷄翼味道非比尋常，牛油加少許蒜粒令香味更濃郁，內里肉質嫩滑，再滴少許青檸汁，食起黎唔覺肥膩，毫無罪疚感。呢道菜絕對值得翻啅！本身仲叫左春卷，不過好彩賣晒，因為三樣野已經食到我地頂住個胃。性價比高、味道又好，九龍城都唔只得泰菜揀。食完飯，發現已經幾枱等緊位，好彩黎得早。…查看更多

深水埗想食飯後糖水, 今次輪到阿媽帶我去搵好西! 呢間野都幾多人, 不過好在算早, 未洗等位order完一人一個甜品, 店員好識做生意, 拎另一個餐牌出黎, 問要唔要叫埋! 頂! 係d串燒同炸野 好邪惡!! 結果 叫多個炸洋葱圈, 唔太油, 份量多, 炸粉又唔會多到死~ 幾好幾好. 係邪惡d😈我叫嘅oreo雪糕+芋圓+椰子冰 凍到敏感牙齒lol不過芋圓係高質嘅, 椰子冰係堅重椰味! 媽媽嘅傳統野 楊枝甘露, 師奶仔話 多d芒果就好喎🤷🏿‍♂我地兩個淨係識睇餐牌, 見到隔離枱嘅甜品好靚又心太軟又toast咁! 原來貼晒喺d牆度! …查看更多

灣仔lunch茶記都60-70蚊, 見佢一個米線只係20-30蚊, 三個窮鬼抱住慳家心態試下呢間。雖然餐廳應該辣野出名, 但唔食得辣ge我地, 揀左酸辣無辣豬軟骨米線, 同事叫左清湯米線。豬軟骨好好食! 又入味又夠淋! 而湯底好香, 就算係清湯 都唔係清雞湯咁dry😂夠晒味! 另一個同事叫豬頸肉炒飯, 豬頸肉大大粒, 炒飯夠乾身, 唔錯! 不過個人就覺得都係米線正d! 😋有個小插曲, 就係姐姐忙得濟, 畀漏左個餸, 不過同佢講完, 兩秒後即有! 算佢la~ 總結, 呢個價錢食到好味嘅野, 仲要係灣仔. 呢間窮人恩物, 真係十分有驚喜同超值! 記住黎到豬軟骨係必食! …查看更多