kelvinfoodki的個人專頁

鴛鴦蝦球(8/10)($288)六公館飽覽無敵維港景色，景色真係中菜之霸！好好好好靚！出面仲有個草地可以搞婚禮，無得輸！蝦球炸得超酥脆，又唔油，大大隻蝦肉超彈牙新鮮。鹹蛋黃蝦球，鹹蛋香好重。另一款芒果醬汁食落清新醒胃，好岩夏天食！揚州炒米型意粉都非常美味，炒到粒粒分明，望落去好似炒飯咁，但事實上佢唔炒飯，而係比較細粒少少既粉！辣子雞質素都非常高，份量唔會好似其他中餐廳咁細粒，粒粒都係肉，炸到表面超香脆！…查看更多

鮨文係一間香港極出色既omakase 店。魚類極新鮮，服務非常好！當然價錢都係Omakase一概既貴價!比起元朗，黃埔站方便好多，係地鐵站出，只需行幾分鐘！食物有十幾款，而且係時令同埋睇當日有咩最新鮮既魚類決定第一道係魚子蒸蛋，蛋超滑，魚子經過店方自家醃製，帶點甜香，仲有菇、乾搖柱，食落非常好北海道蠔加上威示忌，入口一啲都唔腥，好飽滿！秋刀魚係時令魚，經師傅既刀介開一格格，４塊刺身每款都唔同食法，非常特別幼鱈魚，入口比起雪藏鱈魚有彈性好多！清酒煮九州黑鮑入口好彈牙，以清酒煮數個小時，再加上鮑魚肝醬， 鮑魚肝唔會浪費，加埋飯再撈埋一齊食，正！白蝦壽司，望落去少少，但實際上10幾隻蝦，加上魚子醬蝦豉油 帶咸香味 kama toro 係我食過最好味既toro, kama toro 只佔重量的3%左右,非常罕有，經過微微燒過，油香爆發，脂肪超重！魚湯係以店上既白魚既魚骨同頭煮成，非常濃厚今日呢個餐，可以選海贍杯，或者一款廚師推介。海贍杯既份量多好多，但我就揀左廚師推介海膽。海膽軍艦用上北海道海膽,海膽極鮮甜！！超新鮮…查看更多

鍋処雪舟係一間高級日本shabushabu 店，仲有壽喜燒，有專人幫大家燒。環境非常靚，真係對得起個價錢。當中午餐價真係非常親民選用大部分都係日本食材，由前菜到甜品都真係有日本質素。壽喜燒多數都係收牛黎燒，呢到既豬肉既質素都相當唔錯，所以我地今次就揀左豬肉先先落和牛油脂燒熱個鍋，然後再落洋蔥等等提高解味。之後就落主角豬肉燒。豬肉肉質甜美，加埋日本蛋，質素甚至有啲似牛肉，質素真係非常高。然後仲有烏冬，蔬菜。最後甜品牛奶布甸既奶味係極濃，無得頂。…查看更多

呢間開左無耐既灣仔日式料理店，雖然開得偏，但成間餐廳滿座就知道食物質素相當唔錯！店面係類似居酒屋，食得唔驅束！除左單叫外，亦都可以叫omakase, 當中既食物係平時menu 上無得order的。例如原隻海膽，拖羅，粒貝，海膽赤蝦，原粒帆立貝。每樣食物都非常新鮮，真係有質素！原來香港都有得食原隻海膽!! 呢間係灣仔既omakase，食材係揀選當日最新鮮既海鮮🐟🐟(所以如果當日冇海膽🐚唔好diu 我)。師傅係面前慢慢將海膽拆開,見到入面好似花瓣既肉真係好好好吸引😋。入口勁鮮甜新鮮，味道濃厚，一啲都無腥味！粒貝爽口 ! 其實即係響螺, 爽脆彈牙 ！呢間小店質素真係相當唔錯！…查看更多

渝味曉宇 @ 灣仔麻辣火鍋(7.5/10)質素比起另外幾間麻辣火鍋為高，湯底辣麻並重，但仍然係可接受範圍之內。最鐘意係個鍋既design非常好，唔會令辣湯同埋白湯溝埋一齊，當有唔食辣既朋友都可以一齊食！現炸豆皮即叫即炸，同我認知既腐皮有Ｄ唔同。毛肚唔可以碌太耐，唔太硬，毛肚口感爽口，好有彈性。滑牛肉，入口非常之滑，口感好嫩，有少少韌性。肥牛雪花紋非常靚，但比起滑牛肉嘅口感，入口質感反而無咁滑，牛味亦相對較重。比起另外幾間連鎖麻辣火鍋店有所不同。呢間質素真係相當唔錯，比起好多間連鎖更好！！！！！！！！…查看更多

Omakase 開到成行成市。價錢貴就一定。但要搵一間有質素都要試多幾間先知。！！道鮨日本料理係一間新開既omakase。服務質素都上佳。 食物都好新鮮，魚生海鮮非常惹味！！壽司用上赤醋，質素非常唔錯！當中最出色必定就係海膽😍😍，鮮甜冇比，好正呀！以紫菜包住海膽,紫菜非常脆口。赤醋飯帶微酸，海膽非常新鮮好味！拖羅都唔錯，油份多唔錯！！！魚子咬入口多汁，唔太腥，少少咸。最後既蜜瓜又甜又多汁正呀！…查看更多

Lobster pizza ($298)位於銅鑼灣既the point 想食好耐🤣，每次經過都見到落地大玻璃都好想試😂😂！今次就試下佢地既龍蝦pizza🍕🍕! Pizza 全部即叫即製。龍蝦肉會拆左出黎整pizza🍕 。而個殻就會擺返蝦肉魚肉入去。薄餅餅底整得夠薄脆，加上車厘茄，芝士🧀。食落有麵粉香。反正薄餅上既醬汁有點兒一般，似千島醬。店內裝修超靚，雖然有少少迫，但實際上係好舒服地址：銅鑼灣登龍街52號地舖…查看更多

重慶劉一手火鍋店 @ 銅鑼灣九格全鍋麻辣鍋(7/10)($168)美國雪花肥牛(6/10)($228)呢間重慶劉一手係中國🇨🇳🇨🇳有多分店，香港呢間係第1068間分店。麻辣鍋🌶🥘味道真係同係中國食好接近，夠香夠辣🌶，浸唔同食物既味道都唔會太搶，食到食材本身既味道！係唔錯既！呢個鍋價錢都算合理。但美國雪花肥牛🐂，價錢真係唔多合理，$228得十片，好薄🤦🏻‍♂️🤦🏻‍♂️。但肉質的確有肉味，油脂分佈非常平均。自家麻油好香好好食…查看更多

超足料意粉，自家製意粉，入口比較煙韌，帶濃濃麵粉香，醬汁非常惹味雪糕用haagen dazs，質素當然唔洗點講都知非常唔錯！, 蘋果批啖啖果肉超惹味！連簡單既薯條都非常足料，滿滿都係芝士，薯條超熱辣辣，絕對食得出即叫即焗。簡單既意粉屋，呢個價錢黎講，味道質素都係非常唔錯，最重要價錢非常抵食，一啲都唔貴！環境都非常簡單舒服，服務態度都相當不錯。食得開心！！！！大家都可以考慮黎呢到食野，絕對唔會令你失望…查看更多

位於希慎廣場的中菜餐廳，有很多不同的新式中菜，例如鐵板牛仔骨。而且裝修比較年輕，唔會有平時酒樓食野既感覺。茶基本上每個人都係蕎麥茶，好重麥味，好飲！叉燒比得上燒味店，微微燶，醬汁好入味，勁厚切啖啖肉，仲要半肥瘦。櫻花蝦炒飯好足料好香,，粒粒彈牙，櫻花蝦又好多，炒得有鑊氣。蝦餃，好足料好飽滿，小籠包都有茶樓級數鐵板牛仔骨，以鐵板上牛仔骨，上到黎仲係熱辣辣，食落又少少韌，但入曬味，相當唔錯！環境舒服，食得又輕鬆，食物質素又相當唔錯…查看更多

 Mokumoku 係一間新開既串燒店🍢，燒雞串🐤／牛串🐮就見得多。但專做豬既串燒店真係未見過！ 每個部位都好新鮮！聽聞係當日即刻買返黎！豬心♥️♥️、豬腦、豬潤，豬腰，豬腩油，豬小腸，豬脷，豬肉蘋果串。有幾神奇得幾神奇，講真好多都食過，但以串燒呢個形式，真係第一次。 豬心，食落口感反而有D似豬潤，肉質偏軟，加上黑椒同埋鹽。 罵人豬腦就試過😂😂，但串燒真係第一次試，豬腦以豬網油包住🤣，避免軟林林既豬腦散開。入口口感入口即融，真係好新奇。 當中最鍾意就係豬腩油😘，豬油真係好惹味，頂部個位有Ｄ似豬皮，帶啲脆感。 豬肉蘋果🍎串燒，以薄豬肉包住蘋果，有創意得黎，口感新鮮！最特別係呢間串燒店竟然有拉麵食，拉麵湯底濃厚，拉麵掛湯力十足，比得上出面拉麵店！…查看更多

鮨心 ，旬節 @ #foodki旺角 樁 (8/10)($800) 旺角終於有一間非常出色既omakase，有$600- $1200 不等。呢個係$800既set。包前菜，三件壽司🍣，三款刺身，料理一品，湯，甜品。 當中前菜同甜品真係好有驚喜，同其他omakase店好唔同，黎到真係嘩左出黎🤗🤗！好有誠意！ 前菜有6款。 柱貝冬瓜凍🐚，甜蝦豆腐凍，豚肉茄子，海葡萄巨峰🍇，金針雲耳粟米醬同埋鬼爪螺。 當中最正係海葡萄巨峰，底下加左蘿蔔蓉,入口好特別🤗，好少見omakase 店既前菜咁出色！ 刺身係兩件厚切拖羅🐟，牡丹蝦同埋粒貝。拖羅超肥美🤗、油脂滿溢。 食完刺身，仲有熟食，估唔到係蒸水蛋🥚🥚，但一啲都唔簡單，水蛋上有海膽同埋大量黑松露，超香！食落仲幾飽肚，相信呢道就係omakase 一定有既塞爆客人個胃既菜式🤗，哈哈，但食得好滿足！ 壽司有北海道馬糞海膽壽司🍣，石鯛魚同埋深海池魚。必備既海膽入口即溶，好正呀！！！ 最後甜品有靜岡蜜瓜🍈🍈，自家製芝麻雪糕+銅鑼燒，仲有雜果椰絲，食到最後都覺得真係好有誠意，充滿驚喜！！…查看更多

裝修有中國特色環境真係好舒服，好耐冇試過食完一間火鍋，咁清爽🤣。裝修好靚，坐位闊落，抽風好好，連前菜都有8款。叫左花雕醉烏雞鍋😛😛，烏雞份量好多，等水滾先倒落去，花雕酒酒味好香，但唔濃，仲有藥材味。烏雞非常嫩口。另外西班牙黑豚肉🐷份量十足，一份有十片。質素也十分高，豚肉切得薄，而且脂肪分佈平均，入口即溶。另外，佢仲有本地手切肥牛頸脊，肉質明顯較結實，脂肪唔多，肉味好濃同埋，食材質素都非常不俗。呢一餐係我非常滿意既火鍋大餐…查看更多

漁獲浜燒係我一間非常非常鍾意既餐廳每幾個月都一定要去一次每之去都會嗌特上漁獲浜燒盛合($1008) 而珍寶大蝦換左龍蝦，所以價錢係貴左啲，但係物超所值 其餘都係鮑魚，帆立貝，蟹，蠔。龍蝦會活生生拎出黎比你睇下佢幾生猛。真係燒得非常好，一直燒都提醒我地有可能會彈油今次比較特別係加上味噌醬，燒到微微燶，金黃色，入口肉質彈牙爽口，味噌汁味道好重。扇貝落左牛油非常香口，味濃甲羅燒都係我好鍾意既食物，蟹膏好香口好濃味！…查看更多

塩玉居酒屋比起一般既居酒屋有啲唔同，佢會有大量刺身提供，仲要係築地直送一盤壽司包海膽，穴子，牡丹蝦，劍魚腩，拖羅，螢光魷魚，帆立貝等等，食落出非常新鮮但當中都係串燒最吸引，燒雞翼，我最鍾意食燒到外層微脆，內裡勁多肉汁，加上佢地既塩，實在太好味啦仲有一道蔥吞拿魚腩薄脆，係呢間店既名物亦都係自創菜式，吞拿魚蓉加上沙律醬，底下仲有脆脆既米通，入口又軟，又脆，非常特別。黑松露甜蝦卷亦都希佢地既名物，可惜呢個就有啲凍啦，麻麻地，不過黑松露香都帶起到整個壽司！…查看更多