TomFong1519的個人專頁

早前同屋企人講過呢間聽講評價幾好 於是乎有日突然放工就同左佢去食大約6點半左右就去到 當初見入面得一台客果陣以為水準下降導致拍烏蠅 點知接近7點果陣開始多人 7點幾果陣都坐左7成客坐低叫野 因為唔係太肚餓所以3個人只係叫左一個沙律一個小食兩個主食分別係:煙三文魚牛油果沙律 配 黑醋醬黑醋醬調較得幾酸 但酸得黎又唔會好難接受果d 少見既真係令人有開胃feel既野煙三文魚就正常貨色 唔會太咸 牛油果同三文魚既份量都大約各有4塊左右亞洲串燒拼盤西餐但有賣東南亞style既串燒 分別有魚雞牛 各兩串個汁就比較有少少海南雞豉油果種feel 杰d既醬油但無咁咸但本身都幾夠味 分別都落左唔同香料去燒 不過價錢偏貴(但唔記得幾錢)烤斧頭豬排配蕃薯條呢個烤豬排十分出色 大大塊應該都有400G重(淨計肉) 而且烤到入面仍然JUICY 約莫8-9成熟咁 仍然見到有少少PINK而且肉汁爆棚又調味足夠 唔需要額外既sauce都好好食再加上配菜係少見既蕃薯條而唔係普通薯條 (我個人鐘意食蕃薯條好多)呢個真係誠意推介另外仲叫左個焗西班牙飯 不過就真係不過不色 所以都無影到值得一提既係呢到d waiter都好有禮貌好好服務!…查看更多

之前黎藍馬食野果陣 係樓下見到呢間餐廳既試業中廣告 果陣就已經想黎試因為一直想試炸串好耐但香港好少地方有 有都係港島區 對新界人黎講太遠了今次見都係尖沙咀就專登午市黎試下同FD一人叫左一個LUNCH SET1. 安格斯牛炸串定食 & 四色雞肉炸串定食定食set可以揀要烏冬/飯/蕎麥麵 我地兩個都揀左冷soba成個定食set會有沙律+四串炸串+主食(細)+湯+醃菜醃菜就係酸蘿蔔 講真個樣就唔太開胃 中左毒咁 食落都唔係好酸 所以結論呢個開胃前菜都真係幾唔開胃而個麵豉湯就偏咸 呢d野比較個人口味 我就麻麻啦反而沙律有驚喜 鮮蝦沙律黎 入面都有兩隻蝦 加少少柚子醋 食落好freshsoba就正正常常 但份量太少了 不過夏天食凍soba解下熱同埋炸串既膩都唔錯食炸串之前店員有專登埋黎倒左一兜汁比我地 同我地講食之前要成串放落去浸一下  個汁可以提鮮同解膩而個汁食落有dd似酸梅汁既味 酸酸咸咸咁 食落幾有趣但炸串既話 牛就麻麻地 炸得有d overcook 未到乾但食落有d un反而四式雞肉 四隻唔同醬但都係用雞胸肉炸 就炸得幾好幾有肉汁另外我地仲加左個三文魚子蝦餅同埋雞軟骨 仲有茄子炸串(無影到)茄子就最好食 真係炸到香口之餘入面勁軟熟多汁蝦餅都好好食 大大舊雞軟骨就正正常常 最欣賞佢地舊檸檬有個榨汁器比埋 唔洗整污糟手總結:張椅好重 但都幾好坐 野食有好有壞 但去果陣係試業中所以唔出奇 而且係香港少有既炸串專門店 有興趣既朋友值得一試…查看更多

呢間開左都一段時間 其實已經黎左好多次 每次黎都好滿意事關本人都鐘意飲酒 而偶然都會想食下shisha 呢間野就滿足哂我幾個願望 一間鋪搞掂哂唔洗周圍走每次黎都會order坐戶外位 就算係夏天 但因為位置近海邊 夜晚都成日有風吹過 唔會太熱今次三個麻甩佬黎食 叫左三個主食+一份炸雞 之後再每人一舊cake...其實叫太多太飽了雖然呢到主打既係台洋風輕食 但始終都係西餐為底...其實每份食落都會幾濟 所以望落唔係特別多都幾飽下黑松露干貝意大利飯 + 溫泉蛋章魚意大利飯叫左兩個risstto黎試.. 干貝飯有三大粒帶子,而且伴以少許炸過既金姑做伴碟 食落口感好豐富 意大利粉煮得濕潤之餘帶番少少硬飯既感覺 有正宗ristto feel( p.s. 正宗ristto係有少少生米feel) 而且黑松露幾香下 唔會好似平時放題店食果d黑松露醬成陣煤氣味章魚意大利飯就睇樣都見到 勁大條章魚腳 烤得岩岩好 幾彈牙 而佢配果塊墨魚汁米通就無乜味 都係裝飾用 飯再加埋溫泉蛋十分香+有口感 而且飯入面亦都有加少少雜菜同本姑去增加口感 食落口感豐富炸雞三大舊炸雞胸肉 個炸粉明顯係落左薯片碎 炸完入面多汁之餘外面比一般炸雞更加香口香脆 兩個汁分別食得出落左乳酪去整 都係帶有酸味 其中一個特別辣 幾過癮而個伴碟既沙律有驚喜 入面有幾舊明顯係醃過既蘋果粒食落有d似日本果d甜到變色透明化既蘋果咁 但又冇咁甜而係多左少少酸味 解哂食舊炸雞既油膩咁 全場最高分!!食完上面就搬左去梳化位到食shisha同吹水 坐房外有普通餐桌位同埋明顯比你去chill既梳化位 食完野見有空位可以同waiter講調位架~最後再加多個抹茶斑蘭蛋糕配 蘋果玉桂燕麥奶昔個蛋糕大大舊 本身已經有好香既抹茶味 再加埋勁大pat有淡淡抹茶味既cream 兩者加埋勁香同時又唔會太重抹茶味變苦 亦都唔會有好假既甜味而杯奶昔雖然細細杯但飲左好耐 飲落好香玉桂蘋果味 而且d燕麥奶shake完之後好濃厚 飲落似食緊蘋果玉桂味既麥片咁 勁過癮~總結:坐戶外似乎唔太限時? 幾次去坐戶外+shisha都係食左成晚夠10點先要離場 同班fd食飽再攤係梳化到食住shisha吹水 海風時不時迎面吹過 chill到爆~…查看更多

唔洗解釋咁多 直接睇圖返到公司打開飯盒果陣 我既心情真係仲黯然過呢個黯然銷魂飯...其實即係叉蛋飯 但我諗每個叫呢個飯既人既要求都會係1. 半肥瘦叉燒2. 較過既甜豉油3. 太陽蛋/荷包蛋 (起碼係流心可以用黎撈飯)但我估唔到呢個飯可以完美回避哂上面講三樣野隻蛋唔洗講啦 兩大隻 係就係大大隻 但請問邊個食叉蛋飯會想食全熟蛋? 呢個頭直頭熟過麥當勞豬柳蛋漢堡 即係12成熟咁濟 食落去既feel就好似一塊圓形既烚蛋咁叉燒望都唔開胃 份量好似好多 但全部又瘦又碎又細舊 感覺就好似一個pizza切4塊太少 所以要切8塊咁每人可以食多d咁而且份量問題抵唔抵都係其次 叉燒切咁碎會影響既係口感 不過配落呢舊有厭食症既瘦叉燒 碎d反而好d另外甜豉油唔洗講啦 佢完全無加d人成日話龍門冰室難食 但我每次去食同樣既叉蛋飯 佢都做到我講果三樣基本要求 相比之下原來真係天外有天 我係科學園唔會再食呢間野…查看更多

突然有日返返下工好想食炒飯 然後見到呢到有五香肉丁炒飯就買左盒返公司食打開一睇已經幾開心 塞滿左成個盒既份量而且配料亦都比好足 唔理係人人喊打既三色豆 定係五香肉丁本身份量都好夠 食哂成盒都好幾乎每一啖都食齊哂飯、肉丁、三色豆 每一啖都好滿足 口感亦豐富而且調味都恰當 唔會因為用五香肉丁去炒就導致成個飯好咸咁之前食過西貢有利士多既五香肉丁炒飯係倒埋肉丁個d罐頭汁落去炒 但本身炒飯就唔係咩健康野 再咁加埋真係太不健康了 而且口味亦都重好多所以我鐘意呢個多d 有咸香之餘亦都唔會太重口味不過呢到餐牌成日轉 上次食完都未見得番呢個炒飯 見到既唔好錯過…查看更多

其實令和之前已經去過一次旺角果間最近想食居酒屋又見佢多d優惠 所以就黎左tst呢間價錢同旺角果間差唔多 但加埋折扣就抵好多xdd成晚前後開左2枝清酒 清酒半價完之後比起自己出去買都係貴少少 可以接受既價錢野食方面成晚都叫左好多野 影唔哂 最深刻係幾樣野makase刺身拼盤 4人份 ~$600實際幾錢唔記得左 淨係記得每人大約150蚊左右呢個我覺得黎呢間令和係必叫 好難想像600蚊就有咁多既份量 每人每款刺身都可以有一切 而且都係厚切加而且用料新鮮 就算我係大食仔 呢盤刺身每款試一舊都已經滿足哂條刺身癮 黎到真係必叫和牛壽喜燒估唔到係香港居酒屋會食到煮法比較正宗既壽喜燒 佢地唔係就咁一個鍋物 而係真係拎個兜去到你個位到 落牛油再落和牛煎香再倒壽喜燒汁 燒哂咁多片最後先加哂d汁落去變鍋物 有專人服侍加本身用料靚 好難唔好食 另外之後我地仲加左個赤薩摩雞加左落去 呢個就打邊爐方式食都好好味 甚至有朋友覺得雞仲好食過和牛成晚前後都叫左唔少野 但都係正常水準無乜特別驚喜 不過呢個價錢(8折後)算係比起同區既居酒屋抵好多最後食左勁多野仲要唔少都係貴野 埋單都只係每人around 500 算抵但最大缺點係限時只有90分鐘 純黎食野都ok 但如果真係想好地道居酒屋feel坐低慢慢吹水食野既 就要諗諗啦…查看更多

話說最近混亂拉麵有準備重開既消息 令我勾起對二郎系拉麵果條癮雖然鬼金棒唔算係二郎系拉麵 但同佢既重口味都算同二郎系有少少相似 就黎左呢到止止癮先今次叫左最standard果款乜都有既 $130蚊 湯:今次叫左小麻小辣(因為我唔太食得辣haha) 發現入口十分ok 本身唔食得辣既我食落都唔太有感覺 可能同本身日本人唔太食得辣有關 我試朋友既感覺中辣大約係三哥既七小辣-五小辣左右 係有小小麻 就算就咁飲都ok 味道勁濃厚既豚骨味 望都知多油 但本身既麻辣味中和左果種油膩感 勁重口味 越食越上癮麵: 正常麵 太重口味所以食唔出有咩麵粉香味 重點係夠掛湯 唔專登筆湯都可以係麵入面食到湯既味道肉:兩大舊勁大舊既五花腩 肥瘦層次分明 咬入口勁淋 味道足夠 唔會太咸太辣 好肥膩但靠住湯底既麻辣中和番肥膩味道 不過太大舊了 食落有d唔方便小粟米: 普通小粟米 無味道 似係呼應「鬼金棒」呢個名xddd蛋:正常唐心蛋一隻 有淡既醬油味 但配落去重口味既湯同肉入面可以用黎中和呢兩者既重口味總結: $130蚊 其實呢個位置黎講算貴 但份量真係幾夠 本身大食既我食完好飽 唔係因為好油膩而唔想食 而係份量真係幾多下細食既朋友可以叫平d再睇自己需要加料 例如可以淨係加一舊肉(呢個set固定兩舊肉 但細食既一定食唔哂)味道方面同日本一定冇得比架啦 但係香港黎講我覺得都係數一數二 而且份量真係對得住價錢 淨係果兩舊肉已經嬴左唔少係tst地段賣130-150既拉麵店…查看更多

其實一向唔太鐘意食西餐 因為本人好大食 所以覺得份量本身偏小既西餐唔太岩自己不過今次屋企人話想黎試 所以就黎左試晚市一坐低放左左一人一個既餐包 普通貨色 牛油雖然係大路野但都係唔錯既牌子 而且有加熱個包先上 心意搭救餐湯揀左紅湯 味道正常 同mk果堆豉油西餐差唔多質素主食叫左軟穀蟹意粉一放低有d嚇親 因為份量真係好大兜下 成隻軟殼蟹係到都唔意外 意外既係其他配料都好多 意粉入面加左蟹籽同埋雜姑去增加口感 食落層次感好豐富 而味道方面就有淡忌廉味 味道醇厚得黎又唔會太重口味 就算份量多左都唔會咁快食膩總結: 各方面黎講都係一般豉油西餐水準 不過開係馬鞍山無乜好抱怨 呢個價錢同份量叫收貨…查看更多

約左朋友係觀塘食飯 因為成日係呢頭都係食西餐 難得搵到間日式cafe就黎試下晚市鋪頭唔大 環境幾舒服 全場都係梳化位黎 每個人都坐得好舒服 而且台與台之間間隔都好夠 坐得舒服同時私隱度都夠 而且好鐘意佢地用日式屏風做依加防疫要求既間隔  防疫得黎又唔影響成間店既裝修 燈光偏暗黃 係到同朋友吹水幾有feel 如果bgm播番d舒服d既音樂/日文歌會再有feel d野食方面叫左三樣野1.燒茄子 $48茄子唔算大 用日式燒汁+木魚碎做調味 味道正正常常 無乜特別 不過比較細條2. 明太子炒飯 $98成個飯炒出黎口感偏濕 不過味道幾好幾平衡 每啖都食到明太子既香味 少少辣 而且份量幾多下 兩個人分都好滿足3. 北海道3.7牛乳松葉蟹腳鍋個牛乳湯好味 飲落有有好香既牛奶味同時又有日式高湯既味道 配料既菜好多款 有娃娃菜小唐菜本姑金姑冬姑豆腐冬粉但主角既松葉蟹腳好伏 幾條都係完全無肉/勁少肉 劣中之劣建議叫同樣湯底但係豬/牛肉總結:環境100分 一般般 有d甚至係伏 但價錢還好 如果想舒舒服服搵間日式cafe坐下同朋友吹水呢到係唔錯既選擇…查看更多

一蘭拉麵係香港都開左好耐 但因為一直都係咁聽朋友同網上講唔好食所以無去試前排突然間勁想去食一蘭拉麵  就決定自己一個動身去左食今次叫左一個最標準既SET 另外加左隻蛋價錢好似totla 130蚊左加 連埋加一150埋單湯:典型豚骨湯 聞同飲落都好香豬骨味 飲落唔會太油膩令人唔舒服 濃厚之中帶少少清爽 今次我飲哂d湯食呢個湯就明點解一蘭可以沖出日本係哂港台開分店咁出名 個湯係香港都算係頭幾麵:幼曲麵黎 揀左普通硬度 煮得岩岩好 食落就唔會特別有麵粉香 食落幾彈牙 如果話台風份量係偏多佢就係偏少 食完唔太夠喉肉:豬肩肉兩片 揀左最瘦既部位 食落完全唔淋 有咬口 但係無乜味蛋:無影到 因為佢隻蛋係另外加錢再另外成隻連殼比你 唐心都做得足夠幾靚 但要自己"mok"殼又冇得切開扣哂分另外連殼上相信都估到佢完全無做過調味 係唐心蛋但係純白色 加埋因為凍左所以佢蛋味更加少 唔係十分重度蛋控都唔建議加 勁唔抵服務:無服務可言 裝水都要自己出去裝 加隻蛋又要自己mok殼 咁樣都學人收加一? 態度唔差既但本身佢提供既服務只有幫我收張落單紙同埋上碗拉麵呢兩樣...總結:一蘭黎左香港咁多年，第一次去試叫冇失望之中帶點失望。呢個價黎講份量可以再多d，味道方面，拉麵既兩大主角麵同湯佢係ok，但其他配料完全唔掂 亦都無服務可言。純追求好既湯底既拉麵迷可以一試，如果係追求一碗滿足而且overall都ok既拉麵既話，一蘭真係唔太掂…查看更多

話說有日做完gym 突然想食拉麵 咁岩記起馬鞍山正正有一間睇落好似唔錯既拉麵鋪 就黎左試其實呢間野都幾有趣 因為同樣鋪位 之前係一間叫麵屋武藏既拉麵鋪黎 但無幾耐執左 但同樣位置竟然出現番呢間麵屋武藏二天 果陣我以為佢裝修完改下名 點知佢仲係商場到賣廣告話「全新開張」... 大佬啊呢到馬鞍山黎 黎得呢個商場多數都係住呢頭 你真係以為改下名d人就唔記得你咩...不過唔緊要 呢間其實聽過呀媽講幾伏下 但始終家母係食唔太慣拉麵既人 所以可能佢覺得比接近100蚊食碗麵好唔抵(因為佢果陣都係覺唔抵多過難食) 所以就照黎試下做完gym就緊要補充蛋白質 門口見佢個排 招牌二天沾麵有咁多舊肉 心諗呢次正啦入到去坐低就叫左 碗二天沾麵 配自家製擔擔湯底結果等左15分鐘先黎...其實都唔太應該 拉麵呢d野suppose一早準備好 上菜洗幾耐?好啦我當你即叫即炸果幾舊肉算啦上到黎一睇 個份量我哇左出黎少到呢...講真我唔會期望d肉好似佢廣告咁大舊架啦 問題係佢d麵都係咁少份量想講我仲見到佢個牌上面有半份既二天沾麵揀 呢個份量細路仔都未必飽啦 仲要再減半?你講笑咩...好啦都算啦 份量少可能味道好呢一食 果兩款肉(炸豬肉同炸雞) 咬落去勁油 睇個樣其實都唔太開胃 食落去果下已經應驗左我既諗法 勁大陣油溢味 連最基本既翻炸逼油都無 等你咁耐比d咁既野我..唐心蛋唔意外 望落ok係唐心 但完全無味最過份係個湯底 個牌上面講微辣 我本身係食三哥七小辣係極限既人黎 食呢個微辣湯完全唔覺辣 成個湯底毫無層次感同味道 淨係得花生味 唔講以為我食緊花生醬沾麵最後因為都比成舊水 唯有含淚食埋佢...最好笑係間野既台麵除左放餐具之外 仲放左枝tabasco係到...食拉麵落呢個?你玩我咩大佬?馬鞍山過咁多年都仲比人笑美食沙漠係有原因 開極都係呢d低質素餐廳 我食味千仲好過呢間 起碼味千平d同我食得飽d食完我仲要去爭鮮買左盒外賣壽司番去食...唉…查看更多

呢間麵包店已經出名好耐 聽人講親都係隻隻包都勁好食咁岩要係附近上堂 收工時間黎呢到就買左d bagel諗住第二日番公司食入去勁多口味 平均一隻都18~25蚊咁但因為夜晚有折 所以價錢計落都唔會太貴 bagel本身係d易飽既食物黎 換算番對女仔黎講其實十零蚊就可以好飽了買左幾隻味都好好味但我最建議食法係買完番屋企 用微波爐叮番熱佢 之後就變到勁熱勁香勁彈 食落超好味同滿足加上佢夜晚有折 所以覺得夜晚黎呢到買bagel第2日叮番熱食係最抵 同埋其實夜晚黎到佢多數得番bagel多 其他包都就黎賣哂…查看更多

同朋友係mk唔知食乜好 又唔太想食放題類 諗起呢間大學時期久唔久就黎既半豉油西餐 所以就黎左食入座果陣見全場得兩三台客 同以前好似長期8-9成客比冷清好多 不過坐低食左陣都開始多客 差d以為呢間都算有番d歷史既豉油西餐都頂唔住疫情1. 酥皮鵝肝牛柳 (+$18升級大鵝肝) (簡稱201加大) (配意粉)每次黎左諗右諗都係叫同一樣野 所以今次坐低唔洗諗 照舊一個201加大賣相就係咁 雖然同佢相完全唔似 但食落味道依舊唔錯黎呢到食扒可以揀飯/意粉/薯菜 我會建議大家叫意粉 因為佢既意粉都會專登用自家製既茄汁撈一撈先 食落無咁dry 唔洗怕唔夠汁導致要食白烚意粉咁慘牛柳就每次都係撞手神 有時好完美既5成熟 但亦都試過well done牛柳 祝大家好運鵝肝就正常鵝肝質素 煎其實都係一般 乾左少少 不過呢個價錢唔會要求太多炸蕃薯片疫情優惠 +10蚊可以有既小食 叫左黎試下 一望到樣就後悔...食左半舊無食 唔理係炸既手法定係本身揀既部位都係劣中之劣 好似食緊生蕃咁...我次次食野都會食清光 呢次真係唔飽就由佢阿華田脆脆正常味道…查看更多

雖然龍門出名難食 但其實食左幾次我印象都幾好因為我本身係個好大食既人 所以好多時出街食野有個問題係覺得唔太夠喉但黎到龍門我只會食唔哂多過唔夠喉所以就算龍門個價比起普通茶記既平均4-50係貴dd 不過我個人覺得十分值今次叫左黯然銷魂飯 $68蚊(凍飲+3)份量有幾多睇圖就知 接近以本傷人咁濟三大隻半生熟蛋+一堆叉燒 而且叉燒雖然擺得樣衰左d 但都見到全部係半肥瘦 唔會成舊油/勁柴既瘦肉加埋個甜豉油 吉穿隻蛋撈落d飯到食 正到爆講真龍門就算水準唔穩定 叉蛋飯呢d必勝combo都可以伏得去邊 呢個味道呢個份量令我周不時都會想專登出黎食…查看更多

朋友約食飯 又係揀食居酒屋 呢間係朋友去開既飯堂 質素都有保證食落又真係唔差 不過因為好耐之前去 所以d野食名都唔太記得haha1. 溫泉蛋燒牛肉飯 有七片唔細既燒牛肉 加埋隻溫泉蛋同埋本身既燒汁 撈埋一齊食好好味 不過缺點係飯比較少 四條友分真係一人一啖飯就無哂 d牛仲多過d飯咁2.日本海膽本身想叫加拿大海膽(平d) 但無哂貨於是升級左叫呢隻貴100既日本海膽 配上紫菜食 勁鮮甜3. 刺身omakasa呢到既omakasa有兩種 一種平d一種貴d 我地揀左平d果種 around $600左右  份量都唔少 同埋都好新鮮但每一舊都勁厚切 係厚切到我覺得無必要 如果可以薄番少少 將兩塊既份量切成三塊咁會好好多4.花陽浴酒本身係想飲sake先黎居酒屋 所以就一定開左枝sake 呢枝係朋友話想試 係鋪頭叫好似要成七百幾蚊一枝 不過難得一次都照飲 飲落勁正勁甜勁易入口 比三割九獺祭有過之而無不及 事後睇番發現呢枝野係香港鋪頭買都要接近700蚊 計落鋪頭真係無點賺 呢點真係估唔到 (你知啦 香港居酒屋d酒多數比自己買貴1.5~2倍)總結:仲有食好多野 不過無樣樣影哂 整體質素都ok 不過我地太癲當放題咁狂叫所以最後都食好貴xddd…查看更多