lingling317 のプロフィール

今日嚟到天水圍分店食早餐，點咗個「全餐」真係超級豐富！一個餐有齊吉列魚柳、餐肉、炒蛋同多士，睇見都開心！餐廳環境光猛乾淨，朝早嚟坐得好舒服。☀️首先要讚嘅係塊吉列魚柳，炸得金黃酥脆，入口「咔嚓」聲，入面嘅魚肉依然保持嫩滑，一啲都唔乾，正！塊餐肉煎得啱啱好，邊位微脆，鹹香十足，係經典嘅味道。炒蛋都做得唔錯，滑溜又有蛋香。夾住烘到香脆嘅牛油多士一齊食，多重口感，大滿足！😋配埋杯熱奶茶，茶底濃郁回甘，完美中和咗食物嘅油膩感。$46就食到咁足料嘅早餐，性價比極高！店員服務爽手有效率，絕對係天水圍區入貨嘅早餐好選擇！一定會再嚟！👍…さらに見る

今次嚟咗沙田禾輋商場嘅亞萊泰，試咗佢哋嘅泰式豬頸肉湯金邊粉。啱啱同店員傾偈先知道原來廚房係泰國師傅整，果然味道夠正宗！豬頸肉切得幾厚身，肉質好嫩，唔會韌，食落好有肉香。湯頭係深啲嘅啡色，好濃郁，有啲香料味但唔會太嗆，好順口。金邊粉吸收咗啲湯汁，滑滑哋，好好食。仲有啲青菜同炸豬皮碎，增加口感層次，唔會單調。鋪頭環境簡單乾淨，坐得舒服，啱晒想輕鬆食飯。服務態度唔錯，態度親切，問咗啲餐牌嘅問題都好有耐性答。$48一碗，份量同質素嚟講，性價比幾高。如果你鐘意食泰式粉麵，呢度嘅豬頸肉湯金邊粉真係幾值得試。係沙田區想食正宗泰式嘢，亞萊泰係個好選擇，上次黎食過晚飯，今次試下午茶，性價比同樣高。…さらに見る

今晚約了朋友係沙田禾輋商場亞萊泰 食晚餐，叫咗$238會員餐，再加埋菠蘿炒飯，叫多時杯飲品，最後埋單$366，份量超多，三個人食，完全食唔晒，仲要打包。性價比超高。 二人餐好多選擇，我哋揀咗：1）招牌咖喱枕頭包，咖喱好香滑，完全唔辣，枕頭包咖喱汁，好好食，推介必試👍🏻2）花膠粉絲海鮮煲，勁多花膠，抵食。味道正常。3）金柚子沙律，必點推介。初頭以為係沙律菜加柚子，但原來全部都係柚子，淡淡柚子肉，配泰式醬汁，酸酸微辣，非常開胃👍🏻4）加配菠蘿炒飯，原個菠蘿上，炒飯味道濃郁，推介。5）配埋泰式甜品：泰式千層糕及椰汁西米糕性價比超高👍🏻…さらに見る

位於朗豪坊，環境清幽舒適，非常適合傾計👍🏻羊扒超好食，唔單止靚，仲完全冇so味。芝士配麵包，芝士熱辣辣，拉絲效果勁靚❤️配麵包絕配，好好食。沙律好新鮮，水波蛋配松露醬，超級好食。不單止環境清幽舒適，價錢公道，下次會再約朋友嚟。…さらに見る