pariscc的个人专页

要數尖沙咀最有特色嘅火鍋店一定係呢間！以華麗宮廷風做裝修，充滿氣派！門口有個龍椅可以俾大家打卡，仲有宮廷服可以著嚟玩下影相😆玩味十足！首先點個湯底「雍穆公主•花膠雞湯鍋」有半隻雞，個沙底金黃色勁濃郁！先飲咗兩碗湯，真係好鮮甜！啲雞肉好嫩滑，而且幾厚肉，食得好滿足！艾莎公主牛肉寶盒，仙氣十足！寶盒入面有：本地手切牛三角，牛匙仁，雪花肥牛，牛展，牛黄喉，牛柳粒，牛舌片。最愛本地手切牛三角，肉質特別鮮嫩，牛肉味道都幾濃；仲有牛舌好爽口，都係my fav ！珊瑚桂花蚌雙拼食落都好新鮮，好爽口！真龍蝦豚肉餃啖啖肉，龍蝦味都幾鮮；瑤柱乾貝滑口感唔錯！叫兩杯生啤打邊爐飲就最啱！…查看更多

自從喺台灣夜市食過炸地瓜球，一直心心念念，估唔到香港依家都食到！最近發現尖沙咀呢間芋見好圓有賣地瓜球同埋芋頭球，仲要係即叫即炸！店家堅持每日嚴選優質地瓜，用傳統大鍋反覆手壓製作，行過隔住玻璃已經聞到香味！必試𝑸𝑸地瓜球金黃圓潤的地瓜球外皮好薄脆，煙靭軟糯嘅QQ口感令人好驚喜！我揀咗梅子粉做調味，酸甜滋味幾特別！大甲芋頭球芋頭控必點！外層香脆，咬開係綿密芋泥，勁正嘅濃郁芋香！仲有款upgrade版係「蛋黃肉鬆芋頭球」，中間除咗芋泥之外，仲有鹹蛋黃同埋肉鬆，口感層次相當豐富！鹹蛋黃濃香同肉鬆嘅酥脆都好夾，再淋上沙律醬畫龍點睛，味道超級正！仲有「可芋不可球」雙拼組合，同時可以試到𝑸𝑸地瓜球同埋大甲芋頭球，啱哂選擇困難嘅朋友！芋見好圓除咗尖沙咀，旺角、大角咀、屯門和上水都有分店，不過每間食嘅野都有啲唔同。下次想食台灣野都可以試下！…查看更多

香港竟然有潮汕牛肉任食火鍋放題😮平時食新鮮潮汕牛肉，好多人會走上深圳，依家香港有得食之餘，仲係放題任食，超正！我哋點咗個B餐「潮汕牛肉 x 生猛海鮮放題 」$338/位 ，揀咗潮汕牛骨湯底，濃郁嘅牛骨香氣撲鼻，陣陣牛骨精華，用嚟淥潮汕牛肉，簡直一流！頭盤海鮮拼盤，有齊鮑魚、大蝦、生蠔、龍躉片同蜆，啲海鮮都幾新鮮！生蠔幾肥美，鮑魚爽口彈牙，蜆肉亦都好鮮甜。主角手切牛肉，會先嚟一圈五款嘅牛肉，都幾大盤，圍住個視覺效果一流！包括：-雪花牛：油花分布均勻，牛油香爆發！-五花趾：帶筋位口感爽脆，牛味濃郁-胸口油：爽脆油香十足，好有咬口-匙柄：肉質嫩滑，牛味濃香-吊龍：肉質軟嫩！火鍋配料選擇都幾多，推介「手工蟹籽蝦滑」真材實料，食到鮮甜蝦肉；「黑松露蝦滑」黑松露香氣突出，同彈牙蝦肉出奇地夾！另外鹹蛋黃魚皮都好好食，香脆得來鹹蛋黃味道好濃！…查看更多

天后最近新開咗呢間高級日本燒肉餐廳，除咗用上靚嘅日本和牛之外，更有侍應幫手燒每款牛肉，可以解放雙手食殘廢餐😆今次同閨蜜嚟食，為佢慶祝生日！訂位時預先同餐廳講，可以喺餐廳門口嘅大螢幕為閨蜜寫上Happy Birthday，儀式感滿滿，連生日甜品都好甜精彩，係我見過最有心思嘅甜品，閨蜜表示好開心好滿意！我地點咗「櫻」套餐，$980/位，有18道菜，相當豐富！全部和牛都係用上「A5宮崎櫻花牛」，好有誠意👍🏻前菜非常開胃，有紅酒橋頭、蕃茄仔、淮山。鰻魚和牛他他肉質細嫩，和風沙律好清新。A5宮崎櫻花牛三品（前腿肉、三角腩、內後腿肉）油脂相當靚，猶如雪花！侍應為我哋介紹唔同嘅部位，再幫我哋燒熟每片和牛👍🏻和牛入口即溶，油而不膩。磯煮鮑魚鮮味彈牙爽勁，再到稀有部位三品（肩口肉、肩里肌、和尚頭），和尚頭嫩滑中帶韌勁，肩里肌肉味濃香，絕對令人回味無窮！再嚟A5宮崎櫻花牛牛柳三文治！酥脆多士夾着燒到油香爆發嘅牛柳，咬落好多肉汁！軟殼龍蝦天婦羅炸皮好薄身，龍蝦鮮甜突出大蜆清湯好鮮甜A5西冷配海膽魚子醬夠哂奢華！西冷油花細密，海膽甘甜，魚子醬鹹鮮，成個配搭都好完美！白飯魚天婦羅冷蕎麥麵清新怡人，完美平衡飽足感。生日記得訂位時預留，必訂呢個慶祝甜品盤，靚到不得了，仲可以加上壽星嘅名，閨蜜非常開心！…查看更多

雖然依家市道差 但好食抵食餐廳依然係要排隊等位😬😬呢間夜晚8:30都仲有好多人排緊好誇張！呢到嘅串燒好高質 即叫即燒直頭可以望住師傅喺你面前燒 夠哂新鮮熱辣😍呢到串燒都幾抵 最平$10/串例如：鹽燒西班牙五花腩、泰式燒墨魚鬚、翠玉瓜 都只係$10 $10-$20嘅有 豚肉荔枝卷、鹽燒鮮雞腎雞、鹽燒鮮雞皮、椒鹽燒雞尾等等 我最愛燒雞尾同雞皮，燒到好香好脆，啖啖油香勁正！😍😍除咗串燒，我今晚嘅最愛係明太子忌廉烏冬😋😋撈勻食，每條烏冬都沾滿勁香濃嘅忌廉，再帶有明太子嘅咸香，勁正！我可以食到兩碗🤣仲有焦糖菠蘿鵝肝醬多士都要試下，鵝肝醬好香，再加酸酸甜甜嘅焦糖菠蘿，都幾好食！仲有叫咗免治雞肉棒點埋蛋黃食好出色，蒜蓉燒蠔都好味如果再大隻啲就perfect 🥰飲品叫咗手打檸檬茶、桔仔薄荷鴨屎茶我鍾意桔仔薄荷鴨屎茶，啲桔仔好清新，食串燒飲佢勁夾！…查看更多

全新抹茶麻糬雞蛋仔！！媽咪雞蛋仔又出新口味啦今次呢個抹茶麻糬雞蛋仔真係幾正😍外層係綠色嘅抹茶味雞蛋仔，咬落脆卜卜😍中間包住黑糖麻糬，煙煙韌韌好有咬口，而且仲拉到絲添😆除咗有黑糖麻糬，仲有原味白麻糬選擇，下次都想試下！依家買任何口味雞蛋仔，加$25都可以加配麻糬👍🏻暫時媽咪雞蛋仔都係我心目中最好味嘅雞蛋仔，每次都做到外層香脆，內層軟熟，而且水準仲好穩定！另外，佢嘅外賣袋都好有心思，用咗好多個窿窿嘅設計，咁就唔洗驚啲雞蛋仔會變淋啦👍🏻平時通常我會叫杯鮮榨檸檬茶邊食邊飲，夏天飲非常解渴！…查看更多

估唔到牛頭角有間咁高質嘅意大利菜😮聽講唔book位嘅話walk in 都好難有位！無誇張！質素同喺意大利食差唔多～～～每款菜式都做得唔錯 👍🏻真係相當高質 大推！和牛韃靼生和牛粒配上牛奶蒜蓉蛋黃醬，口感層次豐富，脆薯絲好香脆，而且幾開胃！布袋芝士配無花果芥末醬布袋芝士奶香四溢，無花果芥末醬好特別，開心果碎與薄荷油清香襯托出風乾火腿嘅鹹鮮，成件事好match意式醃魚拼盤鯷魚鹹香突出，醃葡萄清甜有驚超！傳統意式風味中又帶點創新煙燻鴨腿蜜桃寬麵煙燻香氣濃郁誘人，鴨腿油脂滲入蛋香寬麵，芝士濃郁，蜜桃清香解膩慢煮小牛膝肉手工寬麵手工寬麵煙韌彈牙，完美掛汁，慢煮小牛膝肉粒軟嫩入味，每啖都沾上濃郁醬汁，勁正！朱古力牛軋糖蛋糕濃郁朱古力配上果仁內餡中和甜膩，脆卜卜餅底同綿密牛軋糖都好夾…查看更多

估唔到一鼎開到嚟將軍澳啦！之前喺其他分店食過，質素相當高，今次放工近近地去呢到擦返餐勁～我地揀咗$329嘅澳洲200日穀飼牛套餐，有90分鐘時間。湯底揀咗麻痹鴨，入面有超大舊嘅台灣麻神鴨血，好軟滑水嫩，而且吸盡麻辣汁，超正！另外QQ骨膠原都唔錯，豬骨味幾香。肉類好豐富，有最正嘅澳洲200日穀飼牛、澳洲純和牛、花雕雞、丹麥梅花肉等等。澳洲200日穀飼牛好高質，肥瘦勻稱，而且肉質好柔軟，每片淥10-12秒就食得。每啖都食到香濃牛味，再散發牛脂脂香，超正呀！而且每轉點嘅牛肉都好靚，出餐穩定👍🏻海鮮有新鮮生蠔、大蜆、鮮蝦等等。生蠔好大隻，最緊要係好新鮮，好鮮甜！完全無腥味，勁正！大蜆都真係好surprise，唔係講笑勁大隻喎，我地瘋狂encore 生蠔同大蜆，食得好滿足！自助火鍋料都有唔少選擇。各類蔬菜款式好多，其中有啲少見嘅款，例如水蓮、羊肚菌，都好新鮮。其他食材例如丸類、花枝滑、蝦滑等都高質素！台灣小食選擇都好多，最愛滷肉、蒜味小香腸，仲有鹽酥雞同三星蔥串花枝。連煉奶炸油條、榴槤波波、黑糖炸麻糬、冰釀梅汁蕃茄都有，好正！飲品有多款手作茶飲、生啤等黑糖珍珠牛乳、芝士琥珀都值得一試，叫咗少甜唔會太甜，質素仲好過出邊啲珍珠奶茶店，叫多幾杯試咗唔同款式！整體質素都好高，無論環境定係食物都好出色，值得一試！…查看更多

尖沙咀人氣燒肉店 勁抵食超長原條牛舌😍大推呢個原條手切牛舌我地只叫咗半條，已經好長，份量唔少！最正係有專人幫手燒，確保牛舌燒到啱火喉！真係好好味，勁爽口彈牙！上・九宮格包括：和牛三角腩、和牛五花、和牛赤身、極黑和牛、和牛三筋、一口和牛、厚切牛舌芯、韓式護心肉、壺漬牛肋肉一盤有齊9款和牛部位，每款牛肉都相當高質，只係$388真係幾抵！必點雞皮餃子！估唔到咁出色，雞皮香脆，咬開仲爆汁添，好正！和牛棒平時通常見係雞肉棒，呢到竟然有和牛棒，可以點埋月見食，都唔錯！火炙和牛拌冷麵 呢個都推介，拌麵麵質都好煙韌，同和牛一齊食，yummy！叫埋生啤，有買一送一優惠，好嘆呀！‼️依家牛舌仲做緊超抵優惠， $8就有一碟！‼️…查看更多

呢間串燒店大大話話都食咗10次以上無論中環、尖沙咀、旺角嘅分店都有食過可以話係想食串燒第一時間會諗起佢我老公最鍾意呢到啤酒買一送一我就鍾意佢串燒款式勁多 食物都過百款最緊要係呢到質素好穩定 每次都燒得好有水準 同埋份量都幾足 真材實料 價錢又唔貴所以值得幫親完再幫親今次喺旺角店食咗唔少串燒鹽燒雞皮卜卜脆！而且好大塊豚肉節瓜波板糖，沾上月見汁食 超級正汁燒鮮雞肝入口即溶 鹽燒豚肉荔枝卷好開胃三黃雞全翼夠哂惹味明太子雞腿肉 咸香味十足泰式豬頸肉好爽口蒜蓉燒蠔飽滿多汁燒茄子份量十足 辣得過癮孜然豚肉韭菜花卷幾有口感燒芝士年糕 成碗芝士自己蘸邪惡爆燈香草蒜蓉包 蒜香陣陣嚟食記得訂位 平日都好full …查看更多

這家餐廳以宮崎和牛為招牌，提供A5級別的宮崎和牛拼盤，拼盤中包含了肩里肌、肩口肉、牛肋肉、內後腿肉、外後腿肉以及五花腩等多種精選部位。我們選擇了價值698元的特上放題套餐，該套餐主打6款A5宮崎牛，其中更有2款可供無限量享用。此外，還有超過60種小食和飲品供選擇，所有美食都係任叫。最鍾意佢除咗肉之外仲會有一啲季節限定嘅內臟，今次我哋有牛肝，雞就有雞肝雞芯，每一款都經過精心挑選，保證新鮮同質素。牛肝煎得外脆內軟，入口即化，帶有濃郁嘅牛香味；雞肝則細膩滑嫩，雞芯爽口彈牙，兩者都係不可多得嘅美味。餐廳仲會根據季節變化，不定期推出唔同嘅內臟選擇，每次嚟都有新驚喜，令人期待不已。對於鍾意食內臟嘅朋友嚟講，呢度絕對係一個不可錯過嘅好地方！不過俾啲貼士各位食肉獸，除咗肉以外啦都一定要食一啲沙律菜，綠色嘅食物先可以保持戰鬥力。估唔到佢連熟食都咁好，當中最欣賞佢嘅係和牛餃子同埋燒茄子。和牛餃子外皮煎得金黃酥脆，一咬落去，內裡嘅和牛肉餡鮮嫩多汁，肉香四溢，令人回味無窮。而燒茄子則烤得恰到好處，外皮微焦，內裡軟滑，搭配特製嘅醬汁，味道層次豐富，令人食到停唔到口！最後補返個茶漬飯，又解膩，又滿足。…查看更多

香港做蒸海鮮嘅餐廳唔多，最近食呢間都幾唔錢錯，價錢又抵！今次叫咗個成個$318套餐。套餐有刺身拼盤、8款時令海鮮、四款蔬菜及1款主食。份量十足，今時今日係香港食飯都算誠意滿滿。刺身拼盤有帶子、三文魚、希靈魚、油甘魚、北寄貝，整體都幾新鮮。小食椒鹽鮮魷，外皮酥脆，內里依然保持魷魚嘅鮮嫩。蒸汽海鮮方面，扇貝肉質飽滿，上面撒上蔥花蒜頭同粉絲，都幾香幾惹味。魚肉蒸完好鮮美，食起黎好彈牙，魚皮邊充滿膠質，幾好味。蝦肉緊實彈牙，鮑魚肉質厚實，口感爽彈！最緊要全程都有阿姐幫手整，唔洗自己落手，唔怕會蒸過龍。蠔，新鮮生蠔肉質飽滿，加上蒜茸好香，蠔肉鮮甜爆汁。青口同蜆都肉質鮮甜，完全冇沙，處理得好好。蒸蟹，最後壓軸好戲係整隻蒸蟹。蟹肉鮮美，蟹黃濃郁，清蒸嘅做法最大程度保留蟹嘅原汁原味，仲會用埋個蟹膏煮粥，再加上火鍋配料可以作調味。蒸蔬菜，食左一輪海鮮又有啲菜落下肚，令到成個餐都好balance！蒸蟲草雞，作為海鮮之外嘅另一道主菜，肉質鮮嫩。最後仲有甜品，黑糖紅豆和菓子，味道清甜煙韌。…查看更多

黄埔又有新餐廳啦！今次開喺Taste果頭，位置非常方便。Asian Lab係主打特色嘅越南馬來菜，係我喜歡嘅菜式！今日去吃晚餐，熱辣辣嘅天氣食越馬菜真係好活啱，酸酸辣辣好開胃！2個人點咗一份小食拼盤，有4款小食，包括：炸春卷、米紙卷、牛油雞翼同蔗蝦。每款小吃都做得好好，即叫即整，保持新鮮度。我最鍾情牛油雞翼，牛油味濃，而且好香脆！仲有蔗蝦，同樣外層好香口，入層蝦肉更係鮮甜彈牙。另外。仲有叫咗炭燒豬頸肉濱海。豬頸肉嘅份量都幾多，配上沙律菜同埋好似米粉餅嘅濱海，點一下自家製醬汁，口感相當豐富，呢個配搭真係勁正！豬頸肉亦都好好味，油香十足。河內蕃茄蟹檬，入面有軟殼蟹，豬肉丸，扎肉，豆卜，都幾足料！軟殻蟹都幾大件，食得好滿足！」湯頭方面，新鮮蟹肉同蕃茄好夾，酸酸甜甜，perfect match！夏天食佢真夠又清新又開胃！肉骨茶，我哋叫咗一字骨，炆得超腍，夠晒味，送飯一流，重有濃濃嘅藥材味，真係好正。總體嚟講，呢餐真係食得開心，下次一定要再嚟！…查看更多

天氣極度炎熱，行行吓街都熱到好似游完水咁，最岩就搵返間店坐下飲下野chill 下。咁就搵到銅鑼灣既居酒屋，有串燒有火鍋有酒飲，咁樣先有返生活既模樣。呢度環境整潔，冷氣充足，夏天條街三十幾度都唔覺熱。一開波就梗係叫返杯冰凍既啤酒同串燒先啦燒青椒 - 唔係尖椒，所以唔辣既，好清新好開胃燒雞肝 - 味道香濃，口感特別厚切牛舌 - 燒完都仲咁厚，仲要爆晒汁燒雞腎 - 大大粒，十分惹味燒鱔啖啖肉，外層好脆，魚肉又好爽口食完串燒就梗係到主菜Shabu shabu啦樣樣海鮮都係即叫即切，勁新鮮！有蠔，蝦，帶子，鮑魚同埋大蜆，隻隻size 十足，冇渣流灘！蠔熟左都好大隻，好鮮甜。和牛雪花超靚！煮完配上芝麻醬味道更加豐富加上濃郁既牛味配搭，係炎炎夏日都會冇咁膩。最開心係食完火鍋仲會用返個湯底黎做返個粥，本身就吸晒啲海鮮同和牛既精華，勁鮮甜。…查看更多

返到黎堅尼地城，呢度已經變成好似中環soho區既新地域。而今次黎到呢間餐廳亦都非常適合各位女士前來打卡，雖然人都算多，但係餐廳都設有數卡卡位，就算唔係卡位都係相當有格調。牛油果明太子蝦肉牛角包窩夫 - 係一味咸甜交錯既一份菜式，配以沙津，令到口味較為清新花式鄉村鐵鑊早餐 - 可以話係份量十足，炒蛋，窩夫，大啡菇，香腸，蕃茄，薯餅，乳酪同埋南瓜，brunch 就更為適合，賣相精緻碧翠園 大極 - 佢係宇治抹茶，抹茶味較濃郁純厚，不過食完個all day breakfast 飲返就解晒膩喇朋友就點咗杯朱古力，佢話幾好飲！…查看更多