平時食新鮮潮汕牛肉，好多人會走上深圳，依家香港有得食之餘，仲係放題任食，超正！
我哋點咗個B餐「潮汕牛肉 x 生猛海鮮放題 」$338/位 ，揀咗潮汕牛骨湯底，濃郁嘅牛骨香氣撲鼻，陣陣牛骨精華，用嚟淥潮汕牛肉，簡直一流！
頭盤海鮮拼盤，有齊鮑魚、大蝦、生蠔、龍躉片同蜆，啲海鮮都幾新鮮！生蠔幾肥美，鮑魚爽口彈牙，蜆肉亦都好鮮甜。
1
主角手切牛肉，會先嚟一圈五款嘅牛肉，
都幾大盤，圍住個視覺效果一流！
包括：
-雪花牛：油花分布均勻，牛油香爆發！
-五花趾：帶筋位口感爽脆，牛味濃郁
-胸口油：爽脆油香十足，好有咬口
-匙柄：肉質嫩滑，牛味濃香
-吊龍：肉質軟嫩！
2
火鍋配料選擇都幾多，推介「手工蟹籽蝦滑」真材實料，食到鮮甜蝦肉；「黑松露蝦滑」黑松露香氣突出，同彈牙蝦肉出奇地夾！
另外鹹蛋黃魚皮都好好食，香脆得來鹹蛋黃味道好濃！
2
