OpenLie的個人專頁

同樓下果位講一樣，牛肉麵既肉，無論肉味同質感，食落去似豬多個似牛，個湯底......係肉骨荼味，但用來做牛肉麵，幾有新意，熱奶茶微温，同凍無分別，店裡人手不足，服務沒有係正常既，本人倒不介意，反正食完就走，但食材同湯底方面店家真係要注意下…查看更多

約了幾個由肺炎限桌令實施都沒有聚首的幾個朋友在附近吃飯，從前光顧開的食肆大為失準,弄得大家沒甚胃口，乾脆飲下啤酒算了，離去時想起幾年沒去的英記就在附近，好不辛苦找了一會才到達，去到見到門口放了兩張桌子有三数客人吃著油渣麵，还以為舖內客人滿滿所以坐到出街，甫進店內，原來不設堂食，燈光調得昏喑，桌子都收起，只設外賣，至於為何炎炎盛夏不設堂食反而在街放2張枱就不得而知，說回在店內,中央站著一女士忙於把麵放進外賣碗，身旁一位较年輕的男子則負責入袋收錢，回家後打開蓋已大失所望,味道方面，走樣不特止，嚴格上不是賣油渣面，每碗有3幾粒炸过既豬腩肉(吃落去怪怪的,大家可在家試試吃炸得半乾的廋肉)及数粒還未軟透及沒入味的小冬菇，賣相已不行 ，湯頭又味如水，得過咸字，買了3碗回家跟家人一起吃，大家都吃了兩啖就浪費掉，餘下一碗想著留待第二天當晚餐，但番熱後，吃了兩啖，真的吃不下去，3碗豬肉麵及1份4隻袖珍版鷄翼，盛惠122元，做邊行都好，過得人過得自己…查看更多

中意食佢過炸金角，因為唔係度度都有得食，炸得金黃鬆脆，行過路過就唔好錯過啦，$20 有8件，合理！魚旦就見人見智啦，不過，希望唔好自制長龍，入面位叔叔 slow motion ，錄影機都做唔到咁慢動作，一個客買$10 魚旦都搞成$5分鐘，有時店裡有3個人，都係得一個去做，另兩個企係度，同D客你眼望我眼，最耐試過5個客等成20分鐘，終於由5個客谷到10幾個客，利用顧客羊群心理係冇錯，買個一次仲會唔會有下次，我依家經過見到有2個人都唔會買，經驗要做10分鐘布景板…查看更多

通常去食飯，都冇諗住寫食評，所以好多時都相片唔多，咁啱呢兩張係影比朋友睇，正好物盡其用放埋係度，上年朋友帶我去深水涉褔榮街店食過，之後都有去食過幾次，水準唔錯，心機菜，近來知道旺角塘尾道開左分店，我公司又係附近，就約埋同事去食晚飯，呢間店出名係精品小菜，食得出每一道菜厨師既功力同心思，生抄骨更加係我此店必食，汁係傳統做法，唔係淨係得個酸字或甜字，食材肯花成本，肉係腩排，唔似得出面為減成本，用合成肉，我無講錯，你地無聽錯，出面好多所謂生抄骨咕嚕肉係用合成肉，啫係用你同我都唔知係咩肉搞爛再用機壓完一餅再切割成肉粒果種，重要既係做到外脆內軟，而肉又剛熟唔生既，厨師少D功力同心機都做唔到，所以大膽講，生抄骨做得好，間飯店小菜都唔會點差，想試試新意思可以叫個冰鎮生抄骨，剛煮完將冒煙既生抄骨急速用冰降温盛上，看到已經涼透心，又好像在吃冰糖葫蘆，口感眼感都昇華至另一層次，好味又過引，其餘冬菇扣鴨掌，迷網蝦卷，蝦子柚皮，咸香鶪，鶪煲翅，炸九肚魚及豬手等等等，都係本人食過，可以一吃，餸名可能有出入，因只憑記憶。。旺角店9:00 後有8折，抵食！！仲有員工難得有禮。依家搵間有禮貌既食店都唔容易呀。。。…查看更多

早兩日去上環做野,中午習慣唔食太heavy,咁啱經過見到間米綫店,見舖內好多人,應該唔會中伏,叫左個酸菜豬大腸加腩肉米綫,習慣食有湯既野都會先飲啖湯先,個湯得D食物唔會差得去邊,個湯飲落去有濃濃牛味,都幾甘香鲜甜,米綫質感唔錯,起碼唔會過諗,豬大腸處理得幾好,冇果D騒臭味,同埋滷出黎都幾香,我食湯類野好少配搭腩肉,今次贪得意試下,都入味既,五花腩,中意食豬既應該會滿足,另外打包左3款小食比公司同事食,有莞荽花生,海带同木耳,我自己冇食,所以不予置評,總括來説,係ㄧ間有誠意,用心做既米綫店…查看更多