YauYau7692的個人專頁

久久一次想食酸菜魚 憶起這間店的魚片和薯粉便到了馬鞍山分店用餐但這間店雖然是連鎖分店 但開的位置都十分偏僻(由一開始在元朗幫襯認識)從馬鞍山廣場行路行了十多分鐘 實在是不太好找分店面積不大 晚飯時間7時半仍有位置 坐在卡位店員示意用QR CODE下單 所以很快便選好 鯛魚片+老壇酸菜 配茼筍 娃娃菜選了少油少辣椒另一碗老公不太吃辣 便點了檸檬酸菜湯鯛魚片配豆卜萵筍  一樣少油少辣椒還點了一碟酸辣萵筍土豆絲$33很快的便上了菜 份量對比價錢算不錯 2人食都頗足味道像撈涼皮的醬汁 但偏酸一點 辣味也不錯 但兩種絲口感都好腍 完全不爽脆 實在是不推再數分鐘酸菜魚+手打薯粉到賣相一貫的樣子 但一嚐湯頭 溫度不夠熱 而薯粉雖然是熱的 但早己煮過頭 在轉到大碗的時候一夾便斷完全喪失薯粉應有的嚼勁 失去了靈魂而鯛魚片也沒以往這麼彈牙 總覺得全部食物都差了一點吃到中段因湯底不夠熱 已經吃不出有辣和麻的香 實在是不夠盡興還有老公點的凍菜密 淡得像水一樣 青蘋果梳打特飲 廉價藥水味 去這間店不要點飲品 喝他們提供的水便好 雖然份量很足  大男人也能吃飽 但靈魂全失 我想我不會再次光顧了 罼竟山長水又遠 失望而回難怪啟德店會88 實在是保持不了水準 愈做愈差…查看更多

簡短食評：明明有位唔比人坐卡位 個場60%空既 食物款少 Sell你芝士雞 但無味 焗你加錢食麻辣佳寶68蚊牛扮安格斯雞係切件雞脾肉 工場貨唔係出面果種 半隻雞 一隻雞飲品得凍飲一路食一路比人望住 唔提時間last order 仲有20min先夠鐘就催你走🖕End:所有野都係局黎 有興趣睇下面詳細食評：喱排天氣轉冷緊係諗住打邊爐見附近都好多選擇但未試過芝士雞煲+邊爐，加上坐近門口既咁岩上左啲牛 見到啲色都唔錯 價錢又地道 便入去一試 見到餐牌$228食安格斯牛 都係貴20蚊 當然就加錢食好啲店員帶左我地坐係兩邊都有卡位既路中央 眼見人地都有卡位 而且大把卡位剩 問店員可否轉卡位 店員話哩到有細枱可以方便放餸 係都唔帶我地轉去卡位 唯有照坐 （事後諗番佢唔比人坐卡位都係想堆哂啲客係櫥窗位 扮到好多人食） 坐低後店員問食芝士定麻辣雞煲 我地未揀到 佢就推介芝士雞煲 話幾好食 我問店員咁一陣想食埋麻辣得唔得 店員話可以 你可以叫芝士雞煲少雞 一陣再叫麻辣雞煲都得 聽到佢咁講當然就答應點芝士雞煲 哩到就已經為成餐飯既伏線中間上左醬油盤比你自己加 ［好彩有整］之後再出位拎飲品 得可樂 cc lemon 馬蹄爽 烏龍茶 啤酒得青島 飲品前後十款都唔知有無 見到有一壺壺既竹蔗茅根就拎左（ 個壺柄勁油） 試左啖同糖水無分別 都係0竹蔗水味好快上左個煲，隔住個蓋睇落雞同芝士都好多 店員仲拎哂timer同你計時 一響就過黎幫你攪攪煲雞 但所謂既”少雞‘’係下圖既量 食左兩舊雞發現芝士味係0 同平時啲拉絲pizza芝士一樣味 啲雞件係大件又比較少骨 不過一食就知係普通黎貨雞件 難怪比咁多 去到哩刻已經知道如果兩個人食哂哩個量 基本上都唔洗食打邊爐既野 果斷叫店員加湯轉打邊爐 個店員仲會問番你食夠喇？ 唔食多啲先之後就拎左壺奶白色既上湯加左 同一時間就點埋啲邊爐食物 啲紙仔睇多兩睇其實無乜野好揀 但有任食安格斯牛 諗住唔緊要可以食牛食番夠水滾後立即試左兩片安格斯牛 湯底完全無芝士味 連少少鹹味都無呀 牛都係無味根本係佳寶68蚊既牛扮安格斯 啲羊一樣得騷味 肥牛更加唔洗講又肥又無味 都唔知自己食緊啲乜 如果唔係有醬油點根本同白灼無分別 啲菜就幾新鮮 但山根 魚頭片果啲要炸既就有一陣油溢味 食左一粒就無再食過因為真係無味個湯底 同個店員講想加麻辣雞件 咁樣就可以有麻辣湯底再打過 點知店員阿姐就話要加既話就換煲 要加28蚊 聽到咁就知成件事都係個局黎推介你食個無味既多雞煲 之後迫你加錢食麻辣雞煲 唔洗審一定少雞都係大大份 食完啲雞都唔洗打邊爐所以我地無加到 點左啲菜 希望可以令個湯稍微有啲變到有菜湯味 食多兩食時間黎到個半鐘（自己睇安心出行時間） 諗住點多次野食就差不多 遞完紙突然就同你講話last order 中間提都無提過用餐時間 之後上左餸整緊黎食既時候 分別有兩個店員係到𥄫我地個煲 唔知想睇啲乜 當時間仲有20分鐘既時候 有位阿姐就催我地食快少少 差不多時間 心諗睇番安心出行時間仲有成3個字有多都要趕人走？仲要無客入 聽完之後都唔食了 直接埋單走人 未見過咁唔識做生意既鋪頭 野唔好食都算 唔提時間仲未夠鐘就趕人走 真係第一次 嬲到要上黎打篇食評提大家唔好中伏 …查看更多

自從上一年由男友介紹之下試過就愛上左喱到既刺身，同埋以日本野黎講算得上中上水平，於是今年都想係到食情人節大餐，重溫下美味既刺身！ 點知中哂伏！我地叫左個拉麵沙律，刺身拼盤，軟殼蟹卷同餃子。拉麵沙律:無咩特別，麵質吾錯，但配料偏少，加埋沙律汁，一碗來說份量有點多，一人吃完會吃不下其他東西，所以二人吃完已有飽肚感。餃子同普通餃子無分別，以為廚師推介先點黎試下。。除了外皮脆的口感，已無其他特點，不值一試。軟殼蟹卷:記得上次黎食好好吃，軟殼蟹不會只有小小的一條，加上牛油果的配搭，柔滑中吃到香脆，口感一流，但今次稍遜一籌，因軟殼蟹未見炸得很脆。但畢竟是招牌菜，也可一試。最後重點刺身拼盤:有七款刺身，分別是三文魚，吞拿魚，立魚，紅雕魚，鮮蝦，海膽和八爪魚，但一看便知不夠新鮮，色澤普通，雖然沒有相片留底，但只能說你要試可以，但價錢是否合理就憑個人感覺了。以前的三文魚入口即融，十分鮮甜，這次也是衝著刺身來的。但現在的水準跟爭鮮沒兩樣，只能說極失望！其餘的吞拿魚八爪魚也是沒什麼甜味，口感比爭鮮好一點而已。只有立魚紅雕魚和蝦尚算可以，但海膽是散開的，入口略帶苦，但記憶中上一次絕對不是這種印象，所以顯然是質素下降了。最後埋單送雪糕一球，我和男友各點了芝麻和菠蘿，我們二人都覺得這間餐廳，唯一沒變的就只有雪糕的味道了，並且共識不會再來了。由原本的期待變失望，只能賴經濟差！食肆不加價，就只有這樣降低質素來維持經營了。…查看更多