wingwing28的個人專頁

2人去食晚餐 勁後悔無睇劣評就去咗首先一入到去，一個男人坐櫃台hea, 同佢講book 咗枱，態度已勁衰話等等全場得一個待應，唔算多人亦唔算忙但佢可以成日唔記得嘢第一版推薦刺身 話得返一份最後叫咗個刺身拼盤 好一般油甘魚勁腥🤢吞拿魚好瘀暗色 無味 但好彩唔腥成碟雜錦刺身得帶子同蝦正常食刺身想要隻豉油碟 要問兩次先記得仲要話無豉油碟到食烏冬 問佢拎碗第一次問 大聲答等等然後完全無咗件事 唯有再問就答無碗跟住勁悔氣咁話：洗比你仲要夜晚竟然比客玩骰盅嘈到癲我以為自己去咗劈場食咁多間居酒屋從來未試過可以差到咁我好少寫食評 但真係唔想有人再中伏香港好多小店努力經營 更加值得幫襯…查看更多

要講香港特色地道美食，一定唔少得茶記☕️一間有水準嘅茶記都唔易搵㗎，唔識搵好易中伏，貴得嚟仲要唔好食嘅大把🫣🙈，一不小心揀中間又貴又難食就令人失望啦！呢間新記冰室位於荃灣最多嘢食嘅地標，鄰近路邊圍，美食集中地，諗得出嘅菜式都應有盡有，任何時段都咁多人🤭今日星期六中午嚟到新記冰室，裝修係香港懷舊Style, 冷氣夠，行到熱入去感覺涼爽，樓底高，不焗促，樓面爽快帶位，餐牌清晰易睇，好快揀到想食嘅嘢👍🏻我地揀咗一個常餐$48香濃沙嗲牛肉通粉，配雙蛋，火腿及牛油厚多士份量夠，味道夠香濃，牛肉入口有濃濃沙嗲味，有口感，通粉軟硬度適中，沙嗲牛肉控一定要試！而且店舖用的雞蛋都非常大隻新鮮，入口有濃郁蛋香👍🏻👍🏻另一個餐揀咗茄汁煙肉公司炒通粉🍅份量好夠，茄汁非常香濃，每粒通心粉都沾滿茄汁，非常惹味！有鑊氣👍🏻👍🏻混上濃郁蛋汁食真係一流👍🏻兩人食一個午餐，連埋凍飲，埋單都只係$112上餐又快，坐得舒服，又好食，真係好抵食！👍🏻👍🏻🥹👍🏻絕對值得推薦呀⭐️⭐️⭐️⭐️⭐️地址－荃灣海壩街83-93號荃好景大廈地下環境／設施－🇭🇰香港地道茶記特色－抵食有水準人均價格－$50評分－⭐️⭐️⭐️⭐️⭐️#新記冰室 #茶餐廳 #香港餐廳 #香港地道美食 #荃灣美食 #荃灣美食地圖 …查看更多

豬面脥：炆得夠林，好入味，入口溶，好食！燒鷄：入味，是傳統偏乾的燒雞，薯片是自家製，都好食。燒鯛魚：入味，燒得夠香脆，魚肉滑，好食。薯絲馬芥丘：薯絲新鮮香脆，比傳統馬芥丘球特別，可以一試。焗鴨飯：比較似港式爉味飯，油香夠，3-4人份量，可以一試。蕃茄飯好食，好有蕃茄味好Fresh, 配傳統偏咸葡菜非常合適。薯仔湯：正常的薯仔湯，較杰身炸BB沙甸魚：炸得夠香，小食不錯！酒水方便：叫咗一枝白酒，$292，幾fresh唔錯！呢到酒水唔算貴！#澳門婆仔屋 #婆仔屋 #葡國菜 #澳門美食 #婆仔屋1601…查看更多

因為住得近，嘢食又正常，服務又唔錯，所以我耐唔耐都會嚟呢間幫襯，但琴日去真係一個非常差嘅體驗，啲嘢唔同哂，以後都唔會再嚟！以前所有嘢食都有水準，我仲會介紹朋友嚟食！食過好多次所以都記得唔同菜式係點，琴日叫咗一個燒帶子併豬腩肉，平時帶子係好滑，襯埋個汁好好食，但琴日我叫同一個，上菜時連帶子都無，得燒豬腩肉，可以睇下以前同而家嘅對比圖。到食燒小青椒，勁細粒青椒，同以前完全唔同樣！炸海鮮球嘅大小，係以前嘅一半！影都無__影！真係接受唔到一間曾經鍾意嘅餐廳搞成咁！最後，平時唯一一個樓面非常有禮貌同有服務嘅男侍應，每次都會用心介紹食物，今次去到都無埋，得返啲等放工嘅菲律賓姐姐侍應，十問九唔知，成晚得我一枱客，但9點左右，已經連洗碗阿姐都企埋出嚟望住我地張枱，係咁望，個菲律賓侍應企哂出嚟望住等放工，瘋狂倒酒催我地飲完走，第一次咁樣比人迫走咁，真係以後都唔會再嚟！！…查看更多

位於荃灣的 Bench Cafe @benchcafehk充滿日式和諧休閒感覺我哋點左幾樣野食，當然唔少得最出名嘅檸檬批🍋1️⃣煙三文魚配牛油果$100All day breakfast 嘅其中一款，除左所選嘅主菜，仲會配上手工蛋沙律+火箭菜沙律+迷迭香蕃茄麵包，仲可以加$20轉窩夫，份量正常，唔會太多，啱啱好！2️⃣溫泉蛋日式本菇雞肉意粉$80食落有甜甜地嘅日式醬油味，雞肉都很嫩，意粉入口煙韌👍🏻3️⃣法式檸檬批$30檸檬醬酸酸甜甜，入口軟滑即時溶化，配襯批即時無左漏嘅感覺！夏天食非常𝖥𝗋𝖾𝗌𝗁 同清新！4️⃣Cold brew $40感覺很濃，咖啡控嘅我完全無法抗拒，非常夠味，正！呢間Cafe 根據網民介紹，定時會轉菜單，每次嚟都會有新鮮感，食物同珈啡都唔錯，值得一試👍🏻…查看更多

位於山林道的特色Cafe點左2個Set lunch1️⃣虎蝦意大利麵•明太子香蒜汁 $188前菜配餐湯及麵包餐湯係日式菇湯，夠熱，配煙肉香草包，麵包新鮮軟軟，好食餐飲配𝗅𝖾𝗆𝗈𝗇 𝗍𝖾𝖺2️⃣牛肉漢堡·黑松露蘑菇·墨西哥辣椒青瓜·薯條 $198前菜配𝖧𝖺𝗆 及沙律，非常𝖥𝗋𝖾𝗌𝗁!餐飲配𝖡𝗅𝖺𝖼𝗄 𝖼𝗈𝖿𝖿𝖾𝖾整體來說，環境以深藍色為主調，襯托所有餐具同裝飾都好靚，員工非常親切友善，好有禮貌，服務很好，野食正常好食，但野飲淡同有點稀，希望可以多加改善，改善唯一美中不足的地方。👍🏻…查看更多

呢到係兩次order嘅相兩次都係燒肉有牛頸脊，封門柳，牛腩頭 同 牛舌封門柳好有牛味濃，清甜，唔油膩，個人非常喜歡！牛頸脊無得頂，油脂平衡，入有非常濃牛味，又唔會好漏牛腩頭有和牛感覺，入口溶化，好濃牛味，如果唔好油膩就一片都好夠😂牛舌又係好有牛味，好正！老闆仔熟知唔同部位唔同煮法嘅優劣聽佢意見試左幾款都非常滿意仲介紹左比同事朋友每個都盛讚老闆仔會根據當日來貨同食法，再比建議有信譽，有品質保證值得幫襯👍🏻…查看更多

首先，老闆及其員工非常有禮員工工作態度勤奮，不像一般餐廳般懶散食物方面，完全感受到用心製作常餐厚多士，牛油用心塗滿多士，烘焗得剛好，外脆內軟食物即叫即製，新鮮熱騰騰煎蛋是超大隻的蛋，蛋味濃郁飲品方面，紅豆冰是用啤酒大杯裝，份量驚人紅豆大粒有口感，好食如不太愛甜吃可叫少甜咖啡味濃，一點都不馬虎缽仔糕小小一件，過到口癮之餘，價錢合理，口感非常好總括而言，這是一次非常好的用餐經驗，會再幫襯，及會推薦朋友幫襯！…查看更多

68折貨真價實！《上菜快》落單15分鐘左右已接近上齊所有菜！《菜夠熱》鐵板豆腐熱透心，又滑又好味！海洋炒飯，飯粒粒粒分明，炒得乾身，好食！甜品三色糕亦涼透心，不會太甜，剛剛好！是由桂花糕，班蘭及椰汁組成！《份量適當，味道亦不錯》菜式分S/ M/ L 三個份量，可自行按喜好，食量及人數選擇，非常細心！員工亦會提供意見，解釋菜式不同大小的份量，減少浪費食物既機會！另外一個重點是：員工工作態度非常勤奮有禮，整個進餐都好開心！…查看更多

因為任飲$128的海報，吸引左黎試試中伏指數甚高，第一宣傳海報同入場menu係唔同，第二，飲品落單後遲遲都唔會到，但限時2小時！首先黎到櫃枱拎位，眼望入面得5枱人，外面有張紙寫明每日限量100位，咁都好正常，可能係止蝕技倆入去前講明booking full，只有自助位，要自己出去落單同傳菜，做埋一份入到去，發現現場menu同宣傳menu唔同，已經大打折扣，cocktail得返5款仲頭野飲唔夠凍，汽水唔夠汽，真係唔知飲緊乜！以後唔會再黎！…查看更多

今日黎食lunch，好耐無黎過，入去食下叫左個雞肉濕炒河同肉碎飯員工極懶散，圍爐一直吹水，吹到餐具都唔會比你就算拎比你，餐具都好污糟，筷子上有上一手或上幾手既漬濕炒河竟然水到碗上河粉碎到夾唔起成碗野咸到洗腎河粉夾多兩夾原來已經無了咁大個人未食過咁既濕炒河咁就$42肉碎飯肉碎肥肉多過普通肉碎咁都可以收$42埋單$84 整體感覺係比人搶緊錢總結完全唔知自己食左乜以前未轉手前好似真係唔係咁而家真係唔駛錢都唔會再去…查看更多

想放鬆一下，便找了間餐廳進餐我是在open rice 找到這間餐廳的，還可以網上訂座，十分方便6點半到達餐廳，氣氛環境非常好，員工態度親切友善，點了兩份主菜套餐，分別是墨魚汁帶子意大利飯，及厚切豬扒漢堡。墨魚汁帶子意大利飯入口creamy，不膩，帶子爽甜新鮮，漢堡的厚切豬扒爽口多汁，完全不像一般餐廳的硬口，這兩點已充滿驚喜。然後突然在進食途中侍應送上一碟大蝦，原來經open rice 訂座便會免費送贈大蝦口感鮮嫩，熟度剛好，這是第二個驚喜！:)最後我點了朱古力咖啡，朋友點了當晚的主打甜品-藍莓奶凍朱古力咖啡非常濃郁，當然很滿意，而藍莓奶凍口感幼滑，甜度適中，伴上士多啤梨醬，是完美的配搭。當日的晚餐能夠在如此舒適的環境下，享受用心製作的美食，過了非常滿足的一晚。…查看更多

今日約左朋友去食，見到餐牌實物圖都幾靚就入去試下，點知中左大伏！我地叫左兩樣野，$198特選拼盤擺到落黎覺得都幾靚，好期待咁去試味，點知樣就靚，但味道就完全唔值呢個價8款甜品，當中有一款係青瓜做甜品，都唔明青瓜都可以做甜品，咁當試下新野，點知無味，仲有個醬，陣陣淡牙膏味，青瓜又出水，Strawberry勁酸，藍梅係無味，得個樣！士多啤梨布町係好假既士多啤梨味，勁酸，佢話要撈埋個脆花一齊食口感會好啲，但係個粒花係好硬 整極都唔爛，加埋食都唔好食，入面既荔枝唔係新鮮荔枝，成個布甸得個甜字，仲有好假嘅士多啤梨同朱古力味，抹茶布甸幾乎無味，超淡，得底陣抹茶粉正常d，完全唔值咁貴！松露橙香燉蛋，完全冇橙味，松露的味遮掩哂，兩者味覺完全唔match，唔識欣賞另外，我地一路食一路覺得唔對路，就討論味道好怪，點知D侍應聽到竟然黑面都不特止，態度仲好惡劣，其實開間舖一定要人讚架？原來係唔比人講得既，上到open rice見到竟然咁多誇張既讚賞，真係中哂伏！ 第一次食甜品食到全枱人都覺得難食，野就食唔到，仲要受到一肚氣！放上黎只係想比人睇到真實既評價，難食都算，貴都算，食下甜品既放鬆時間唔需要受班侍應氣，唔想再有人中伏，話哂呢個伏都唔平！…查看更多