以前所有嘢食都有水準，我仲會介紹朋友嚟食！
食過好多次所以都記得唔同菜式係點，琴日叫咗一個燒帶子併豬腩肉，平時帶子係好滑，襯埋個汁好好食，但琴日我叫同一個，上菜時連帶子都無，得燒豬腩肉，可以睇下以前同而家嘅對比圖。
到食燒小青椒，勁細粒青椒，同以前完全唔同樣！炸海鮮球嘅大小，係以前嘅一半！影都無__影！真係接受唔到一間曾經鍾意嘅餐廳搞成咁！
最後，平時唯一一個樓面非常有禮貌同有服務嘅男侍應，每次都會用心介紹食物，今次去到都無埋，得返啲等放工嘅菲律賓姐姐侍應，十問九唔知，成晚得我一枱客，但9點左右，已經連洗碗阿姐都企埋出嚟望住我地張枱，係咁望，個菲律賓侍應企哂出嚟望住等放工，瘋狂倒酒催我地飲完走，第一次咁樣比人迫走咁，真係以後都唔會再嚟！！
