Fujiyaboy的個人專頁

碟飯一黎到，擺盤確實唔吸引。。。咖哩汁都沾到碗邊，都無咩意慾想影相打卡而且咖哩汁份量也太少了吧？同我係其他食評中見到既靚相都唔同。不過依啲都無所謂了，只要好吃就可以了吧？？唉。。點知，結果連塊蛋皮都係「全熟」的，這裡主打的不是「雞蛋」嗎？？為什麼連最基本的半熟效果都沒有？？？完全係出乎我意料之外。。。全熟既旋風蛋包飯，我咁大個人真係第一次食，仲要係一間主打「雞蛋」既餐廳入面，如果佢係煩忙時段我都可以理解，但當時係無乜客人囉！可以自己睇，係全熟的吧？？？？？不過我本身都唔係一個要求超高既人，就算全熟既蛋都唔係難食，只係本身對佢期望幾高，估唔到會係咁，食完成餐飯都無咩滿足感不過佢以套餐價　+35蚊  就可以有一份班戟，真係真係好抵，班戟既質素不過不失，我覺得+35蚊又唔可以要求佢整得好好，作為一個甜品已經算係唔錯，仲有好多隻味可以揀$ 68 + $ 35，有一個飯　有一碗湯仔，有一杯野飲，有一個甜品，我覺得都算係咁，而且環境都坐得舒服另外，檸檬茶入面既檸檬完全沒有任何酸味，就算我把檸檬全部篤爛，食埋啲檸檬肉，都食唔到任何酸味，完全只有甜味，我都係第一次食唔酸既檸檬，唔知係咪用左日本既甜檸檬？覺得依樣都幾特別結論：唔係唔好食，但亦稱唔得上係好食，相信只要做好啲，個效果一定會好好多，本身對佢期望好高，有種恨鐵不成鋼既感覺，嗯。。有好大既改善空間。。。…查看更多

草莓珍珠鮮奶平時出銅鑼灣都好鐘意飲黑糖珍奶，但好出名既老虎堂同幸福堂我都係未試過今次係我第一次飲幸福堂，叫左依杯草莓珍珠鮮奶，因為本身都鐘意飲草莓飲品，而且見張相賣相幾好咁，所以就揀左佢，點知真係伏到唔識講首先，依杯野既賣相同張相差超遠，都唔緊要。飲落無奶味，又無草莓味，完全好似係一杯溝左糖水既奶水咁，啲珍珠得個死甜，飲左半杯頂唔順掉左或者佢其他飲品既水準係唔錯的，只係我依一杯好伏。。。始終人地出名既係黑糖珍奶…查看更多

成日見啲朋友去食海鮮粥底蒸鍋，心思思一直好想試！係openrice見到太子依間餐廳食評幾好，於是琴晚就約左班FD一齊去食晚飯估唔到又真係幾驚喜！！每一樣海鮮都好新鮮！！！連熟食都。。。超級好味，朋友個個都大讚呀！！！！刺身拼盤　由於小弟不幸遲到既關係，成個拼盤已經比朋友清光！！佢地個個都話好好味。。。由於遲到既關係，所以無拍到刺身拼盤完整既照片一見到依個蓋，就開始流口水了粉絲扇貝實在太太太太好味了！！無得輸呀　肉質多汁又超清甜！！真心好耐未食過咁甜咁新鮮既扇貝，好食過酒樓果啲多多聲！！啲扇貝仲要勁大隻！我依家望返張相都流口水鮑魚又係十分之新鮮！而且好厚肉呀，但又完全唔會靭！口感屬於鬆軟與煙靭之間！蝦啲蝦一睇又係好大隻！蝦終於蒸熟左，食落都幾多膏！肉質都彈牙，食得出好新鮮椒鹽鮮魷／豆腐依兩個菜式都超級出色，鮮魷比較辣，但本人算係食得辣既，覺得十分之惹味，魷魚大舊，份量都幾多，而且勁香口，出面有啲餐廳既椒鹽鮮魷炸粉比較厚，炸到好乾好硬，會食到刮口，但佢完全無依個問題！佢既炸粉好薄，但又充滿咸香，魷魚仲係好juicy既！豆腐亦都十分好味，外脆內軟，食得出係用心製作，入面好滑好似布丁一樣！細細舊一啖一件，送酒真係一流！貴妃蚌／大蜆／花甲大，中，細，三個唔同既SIZE，每一款都好清甜，食完啲肉你會見到個殼仲有好多汁蟹睇相都知，真係超多膏呀，唔好以為多膏啲肉就唔好食，佢啲肉都一樣好鮮甜！！馬友肉質好嫩滑，我其實都係第一次食蒸馬友滑得黎又充滿海水味，就咁蒸都完全唔腥！瀨尿蝦好生猛，上枱果陣佢地都仲係識郁架！本身都怕好難剝殼，因為真係唔識剝瀨尿蝦，但由於佢有剪刀既關係，真係比想像中好易剝肉質都係好鮮甜既！而且好多肉！最後有個粥底！吸收哂頭先既海鮮精華，而且好多料啊！！朋友個個都食到好飽，但一邊話飽一邊又繼續食喎　甜品真係好驚喜！係一個水晶和菓子，佢口感好似麻糬咁煙靭，但又完全唔會痴牙！超級好食呀，裡面好似係綠豆餡…查看更多

第一次食ufufu cafe，係 ig 睇到廣告就即刻去左試，所以今次去係為左食 pancake 的去既當日好好彩，唔多客人，坐得幾舒服不過依間餐廳有用餐時間限制～　大家要留意一下！沙律意外地又幾好食，個醬汁酸酸地好開胃！蔬菜都食得出好新鮮的！自家製煙三文魚蕃茄意粉一向唔多選擇蕃茄醬意粉既我，比塊煙三文魚吸引左，最後都係揀左佢，結果係失望既。。因為蕃茄醬既調味唔岩我口味，覺得酸左少少，同埋太稀身。。。不過依一點就係個人口味問題，都唔可以怪佢既意粉係比較煙韌有咬口既，依一樣幾特別！粟米湯酥皮幾好食，香口～湯都好好飲原諒我影得唔太好睇，因為實在太肚餓我無乜心情影相豬扒飯本人無食過依碟野，但身邊朋友話係幾好食的，我見佢豬扒份量都幾多就是了龍蝦意粉唔係唔好食，又未至於話好好食既感覺，但有得揀我會重新揀過第二個菜式意粉同樣都係有咬口的～　如果本身鐘意食有咬口既意粉，我諗都會幾鐘意水果三文治依間餐廳雖然主菜都唔太岩我胃口，但甜點類真係好好食！！白麵包夾著奶油 + 水果，甜而不膩！不過食果陣有少少狼狽，因為中間啲 cream 同水果會擠哂出黎草莓 pancake好好味呀！完全無失望，而且賣相仲好靚，士多啤梨超清甜！pancake 蛋黃味道比較重，係我鐘意既味道靜岡蜜瓜 pancake依個都好好味，而且好似係每日限量供應的，蜜瓜好甜好甜！！…查看更多

上個月，係 facebook 見到依間餐廳好靚，尖沙咀離我又近，於是約左幾位朋友一齊去食晚飯自從做左插畫師之後，職業病越來越嚴重，第一時間唔係留意 menu 有乜食，而係留意餐廳裝修。。哈哈其實依種偏古典風格既裝修，俗氣定高貴，完全睇在「金色」上面萬一金色如果用得唔好就會顯得俗氣，而我留意到依到既金色係偏向 Harvest gold 的，所以比人感覺好舒服，而唔係光燦燦既土豪金環境其實真係靚，隨便一個角落影相都靚。真心講句連個廁所都好靚，令我好  surprise。。。不過覺得影廁所好變態所以我就無影～　嘻嘻！晚餐既燈光柔和舒服，蒙上一層灰調麵包好食，種類都幾多。。有甜有咸唔知係咪親手整架呢？如果係既話都幾加分南瓜湯飲落creamy，湯既溫度ok，對於我黎講唔會燙口我用黎送麵包食mocha 甜度我覺得係少甜既，連上面啲 cream 都唔算好甜，但真係都幾大杯，我飲唔哂餐桌上面放左小蠟燭，成件事都幾精緻鱈魚海鮮意大利粉塊魚我係最滿意既！好好食！個皮好脆口！但皮肉之間又唔會有層油係到，肉質嫩滑，食落清爽不過餐單無寫明個意粉係蕃茄醬。。。本身仲以為佢會係白汁添，因為本人平時去餐廳都甚少會叫蕃茄醬既意粉，（覺得蕃茄醬比較容易中伏。。。一係過酸一係過甜。。。。）還好依碟意粉調味都幾岩我口味大蝦彈牙，食得出係新鮮既，意粉既份量都算多本身諗住叫白酒，但發現原來有香檳，咁就叫左枝香檳美中不足，覺得背景音樂應該要播《茶花女》入面既 (Drinking song)，咁成件事就好 perfect Panna Cotta好滑，質感好似食緊雪糕咁，奶香都算濃，唔會太甜，食完都唔覺膩總括黎講食物質素真係幾高，服務質素都唔錯，Staff 都幾好笑容，價錢唔平，但睇風格應該都係打算行貴婦路線，素質稱得上依個價位我覺得就 ok因為趕時間，所以好急急影左幾張相就走了～下次想再試下依到既下午茶，到時再考慮下要唔要影個廁所　嘿嘿 …查看更多

上星期約了一位朋友見面，由於真的好久不見了，大家心裡面都有很多話想說，想找一間幽靜又環境好的日式餐廳吃個午飯銅鑼灣很多日本料理都試過了，聽說玄鮨是米芝蓮推薦的，當日便去一試，誰知一試後至今仍然有點回味無窮一開始先來了兩小碟蘿蔔絲漬物，蘿蔔絲當中混有了幼細既橙皮，除了醋的酸甜，還吃到一陣陣的橙香異常清爽，平常不太喜歡漬物的我居然意外的喜歡魚湯湯料只有芽菜，卻不是一般的味增湯，喝下去帶有濃濃的魚鮮味前菜　茶碗蒸當中有魚糕，蜆肉，菇，等等的材料，雖然沒有太大驚喜，但味道香濃可以看到蛋的表面非常漂亮煮物　牛舌牛舌配以白蘿蔔，再灑上菊花花瓣點綴，由於本人是不吃牛的，根據朋友口中所述，這牛舌煮得非常入味，醬油帶有一點點甜味刺身刺身一吃便知新鮮，最驚豔的是那墨魚刺身，中間夾著秋葵，這口感真的配合得太好了壽司筋子與海膽一點腥味也沒有，只有滿滿的海水味，鰻魚肉質鬆軟，蝦也十分清甜，而且壽司握得非常好，玉子燒咬下去是札實的，可見做得不錯另外，壽司盛上來時，店員也有禮貌提醒軍艦要盡快吃掉，以免導致紫菜變軟影響口感我真是太愛這裡的壽司，現今再看照片，還是一邊寫食評一邊流口水．．沙律蔬菜新鮮，沒有草腥味，特別的是沙律當中混有白飯魚！刺身鮪魚雖不是拖羅，卻十分美味，帶子肉質爽口，味道甘甜，但我最愛這油甘魚，冬季正值油甘魚當造時期，非常肥美刺身擺盤亦十分雅致，雪白透明的墨魚刺身上面放了兩片長長的葉子，看起來就像是一隻雪兔一樣最後甜品是紅豆雪糕，配上威化餅，個人喜歡先把雪糕吃一半，再把剩下的用鐵匙抹平，連同整塊威化餅吃下，有種在吃雪糕批的感覺總括而言是非常滿足的一次用餐，餐廳的菜式用心可見，材料新鮮，店員服務態度佳，添茶 / 收碟的時機都很剛好，會再次光臨…查看更多

啵爆黑糖厚鮮奶見到完全唔洗排隊，就走左去買黎試！唔洗等好耐就已經沖好了鐘意佢啲珍珠，有咬口，黑糖味都幾重，甜度第一啖覺得好甜，但飲多兩啖覺得又剛好，幾好飲，但個人比較喜歡奶味重一點的，覺得佢啲奶味唔太夠同埋份量好似比較細杯，明明已經叫左大size…查看更多

上個月19號，臨近聖誕節，約左3個舊同學去左OSYTIME食晚飯，香港仔終於有一間有生蠔食既西餐廳啦！好開心！！係facebook睇到佢地既生蠔只係 $10，忍唔住即刻要去試！不過由於新開張，好多人排隊，好彩有book位　環境唔錯，幾舒服，唯一美中不足係天花板樓頂有點低，不過都係無辦法既事～酒係我地自己係隔離百佳買入去既 haha聽講好似未有酒牌因為食生蠔點可以無白酒！海膽﹑三文魚籽 配墨汁意大利飯身為墨汁愛好者既我，一定必試啦！海膽配埋墨汁飯個口感好 Creamy份量我覺得係剛剛好，始終有海膽又Risotto，如果飯量太多會覺得有啲膩北京填鴨pizza幾特別既菜式～　朋友都覺得依到既pizza係OK既！上面鋪滿青瓜絲同蔥絲生蠔除左生蠔之外，仲有好多種焗蠔不過我地今次主要都係為左食生蠔而黎！我地4個人食，總共叫左兩打，好好笑，其中一位平時唔食蠔既朋友居然仲想再叫多一打，但比我地阻止左，因為實在太飽啦！！大家都認為依個價錢係超值，蠔都幾新鮮！香脆德國豬手睇相望落好似好少咁，但其實依碟野真係好大碟！！牛扒因為本人唔食牛既，所以唔記得依一碟係肉眼扒定係咩扒，根據朋友口中既食評，佢本身好似叫左5成熟，但食落覺得好似熟左啲啲咁多，不過仍然係唔錯，而且塊扒都好厚好大塊香辣蒜片橄欖油配天使麵其實係好食，只係無論賣相定係味道都有啲似炒米粉。。辣辣地都幾開胃，但依碟真係試一次就夠啦，下次再黎既話想試下龍蝦汁果個意粉炸薯角薯角熱辣辣，好脆身，本人對茄汁有莫名既執著，覺得依到既茄汁比較偏甜，如果可以酸返少少就完美啦食左咁多野，每個人先好似係食左 $ 2xx，總括而言係非常滿意既一餐，值得再次光臨！　…查看更多

其實一直都未食過川菜，依排天氣凍，突然好想食啲熱辣辣既野！於是就搵左依一間好出名既川菜館，餐廳既裝修真係好靚好有中國風味，而且坐得都幾舒服！餐廳內周圍都掛滿紅紅既花燈同鳥籠！但原諒我實在太肚餓啦　無點影到相蜜瓜牛奶　＄２８一開始就試左佢啲飲品先！比想像中大杯好多！而且牛奶非常解辣！熱情果蘇打　＄２８比蜜瓜牛奶更大杯，朋友話雖然味道比較清淡，但卻加入左少少薄荷，一邊食辣野一邊飲好過癮！蔥油拌麵　＄３８第一道上既菜式，雖然望落份量好似好少咁，但其實完全唔係！只不過係隻碟大，兩個人食SHARE岩岩好！一入口就好香好香既麻油味，超開胃充滿蔥油既香氣，但又唔會覺得特別油膩！調味亦恰到好處，唔會過咸過淡！麵條軟硬度適中，有口感酸菜魚　＄１９８本身其實好想試佢既麻辣鍋！但見隔離周圍啲食客都會叫依一道酸菜魚，睇黎應該好出色！於是就決定試一試！依碟菜式既份量真係超大，而且好香！入面全部都係無骨既鮮魚片，再加香菇，酸菜，辣椒等等，入口首先係食到酸菜既酸味，然後再食到辣味，用黎送飯真係一流啊！！我係叫小辣既，都已經覺得夠辣了　望返啲相都流哂口水極品麻婆豆腐　＄５８我本身真係好鐘意食麻婆豆腐，但就未食過川菜館既麻婆豆腐！依碟我都係叫小辣，原來依到既麻婆豆腐除左辣，仲會有酸味！唔知係咪加左酸菜既原因呢？感覺味道上都幾有層次感依碟菜式仲可以揀全素，我依個就揀左全素，姐係無肉碎既豆腐就非常滑，但又唔會碎同淋，最後都係忍唔住加左兩個白飯，因為酸酸辣辣實在太開胃啦雖然菜式味道比較偏重　（應該係川菜特色吧？）但卻唔會令人覺得特別油膩！喜歡香口食物既朋友一定會喜歡！…查看更多

上個月幫朋友慶祝生日，係銅鑼灣搵到一間非常雅緻既蛋糕店！雖然蛋糕望落好高級，但價錢卻唔高，係銅鑼灣黎講真係好抵食！係櫥窗已經見到啲蛋糕好靚好吸引，環境又舒適，我地點左個二人set玫瑰泡沫鮮奶甜度算係微甜，但就十分充滿奶香同玫瑰花香而且係用不鏽鋼吸管，美觀之餘又環保，值得一讚乾燥既玫瑰花瓣浮係雪白既奶油上面，飲飲下，發現鮮奶底部都有好多花瓣！意大利泡沫咖啡因為唔係我點的，所以都唔記得係latte定cappuccino，但睇個樣應該係cappuccino法國玫瑰玫瑰味既戚風蛋糕！本黎以為上面朵玫瑰花係睇得唔食得，又或者係好難食既朱古力，點知原來係一塊軟軟既餅皮黎，有少少煙煙韌韌，幾好食之餘仲要有好濃既玫瑰味！白桃巴伐利亞真係超級靚！上層果凍 + 下層慕絲，入口係淡淡既桃香，但就唔係話十分好味，唔知大家有無食過東海堂白桃蛋糕，我覺得隻味好相似餐具都超靚，全套係玫瑰金色，是次用餐十分滿意，一定會再次光顧…查看更多

琴晚有朋友生日，壽星女話想食PIZZA，於是去左依間餐廳到試不過由於本人不幸遲到既關係，所以朋友預先係手機到SD左個餐牌比我望下有咩想食，我第一眼就睇中個墨汁闊條麵，因為我真係好鐘意食墨汁意粉！！蟹肉粟米忌廉湯好特別，係蟹肉，唔係雞湯唔係蘑菇湯，有粟米甜甜既味道，仲有好多蟹肉蓉，蟹肉份量都算好多，一啲都唔吝嗇，大家都覺得係好飲既白酒汁煮蜆一碟有10隻蜆左右，幾好食，但唔重酒味，如果鐘意酒味重既朋友可能會有小失望，蜆肉都算肥美厚肉蒜麵包一客有5件，SIZE比較細，但味道都唔錯，蒜味唔太重，但幾有牛油香既都白酒煮蜆個汁真係好香，唔好浪費，用黎配蒜蓉包！原件炸魚柳　配炸薯條我覺得有啲貴，個魚柳係 $ 78，有三件，同埋唔算大件，加薯條要再加多 $25，不過薯條份量都還可以，魚柳幾香口，唔會太膩，肉質係絕對嫩滑既魚柳本身有配沙律醬，加薯條既話會再比個茄汁你沙律醬唔會太酸，幾易入口墨魚汁闊條麵我全晚最期待既一道菜，唔係特別覺得好食，但都無失望雖然望落好似好乾身咁，但其實唔乾，佢係有醬汁的，配料只係有魷魚圈，但我覺得已經叫做足夠，墨汁意粉如果配料太多反而有反客為主既感覺佢個醬汁亦有墨汁成份，都食到墨汁本身既鮮味，食完個嘴會好黑，記得要飲水同抹嘴但 pasta 既份量唔算多，可能食完一碟都唔飽香蒜牛油炒雜菜依個真係香到不得了，食落第一啖已經有好香既黑椒味道，同埋佢係有汁既，唔乾身，非常惹味既一道菜，依碟野真係比預期中出色，雜菜有蘑菇，椰菜花，三色椒，青瓜辣蒜帶子意大利粉我睇openrice其他餐牌發現淨係得辣蒜蜆肉意大利粉，所以我估帶子應該係新出依碟野都算辣，唔食得辣既朋友唔好嗌，不過食得辣既我就覺得好好味，蒜油味好香口，但同樣地，意粉既份量都係唔算多雜錦海鮮PIZZA佢既餅底係薄身既，所以食完都唔會好膩，不過就比較難切，都係建議大家用手食算配料都幾多，蕃茄醬好食！唔會偏酸或者偏甜，PIZZA黎講依間餐廳都算幾出色，大家都覺得依到啲PIZZA好好食依個係 10 吋既SIZECUSTOM MADE PIZZA芝士 + 菠蘿 + 蟹肉 + 蕃茄醬因為上面個PIZZA太好味，所以決定再叫多一個，今次就揀自選配料，感覺蕃茄醬最穩陣，所以就無試其他醬料，菠蘿就係一般既罐頭甜菠蘿，無乜期望亦無乜好講，想講既係蟹肉份量都幾多依個我地就叫左 8 吋總括黎講，餐廳既食物質素都幾好，好味係好味，不過每道菜食完都真係好口渴，要狂飲水，還好佢有大水樽放係枱面，可以自己斟水唔洗求人好多食評話佢上菜慢，但幸好我又無咁既情況出現，反而覺得佢每次上菜啲食物都係熱辣辣，剛出爐會出煙～～而且上菜次序 make sense，上完小食先上主菜，再上Pizza但改善之處係有既，如果 staff 可以多返啲笑容就更好囉。。。。。…查看更多

早排行銅鑼灣，好想食日本野，於是就去左依間居酒屋，據聞佢有happy hour，飲酒好抵！三文魚三文魚籽飯雖然係happy hour時段，但由於本人未食飯，所以都點左個刺身飯填填肚先雖然三文魚稱唔得上叫厚身，但水準都過得去！三文魚都幾新鮮，三文魚籽都幾多青椒仔雖然佢寫青椒，但我覺得應該唔係燈籠椒，而係長形果種青色既辣椒仔，食落係辣既，雖然醬汁同木魚咸左少少，不過真係好惹味左邊果杯我已經唔記得係咩了．．garigari-kun 燒酎梳打（右）garigari-kun係日本好出名既雪條，波子汽水味，個人食法係先將雪條食一半，之後放入酒裡面搗爛佢，會變成沙冰口感！整杯都是藍色的蘆荀煙肉卷（左）朋友話好味，蘆荀燒完都好多汁年糕煙肉卷（右）依個都係身邊朋友好推薦的，因為太好食，所以朋友再叫多左串添炸魚餅一客有兩塊，幾好味旁邊果啲好似係醬油薑蓉都算幾厚肉，依個價錢都接受到乳酸燒酎梳打本人好鐘意乳酸飲品所以點左依個，好似可爾必思既味道，再加啲燒酒味咁，好易入口賣單果時店員會主動問我地對食物滿唔滿意，有無地方需要改善咁，好好禮貌同服務態度，環境又舒適，總括黎講係好滿意既一餐…查看更多

早排去旺角新世紀，食飽飯諗住去食個甜品，於是去左試依間專食可麗餅既餐廳荔枝蜜桃梳打蜜桃味就唔係好重，荔枝味比較重，我叫20 oz，都幾大杯入面食到有好多打到碎哂既荔枝蓉Caramel Apple 另加開心果雪糕玉桂蘋果，合桃，焦糖醬，法式香餅依個我無試，所以唔評價，但朋友話係ｏｋ的，開心果雪糕好味道，入面有啲開心果碎Bloom 另加青檸雪糕士多啤梨雪葩，新鮮士多啤梨，白朱古力醬，鮮忌廉，法式香餅對於依碟野既感想係好酸同好酸，我真係酸到 Bloom，個青檸雪糕係我自己額外加，我無諗過會係咁酸，但即使無青檸雪糕既存在，依碟野都一樣係超酸，入面啲士多啤梨勁酸，個雪葩又勁酸，佢個酸已經完全蓋過哂個甜味…查看更多

第一次幫襯 Shari Shari 係為左食櫻花刨冰所以去幫襯的，知道係日本人開，仲堅持用日本冰，一試果然無令我失望！無錯！係初戀既味道呀！！！當時既遺照：士多啤梨 special 刨冰依個真心好好味！好有士多啤梨同牛奶味，刨冰入面仲有牛奶布丁！！櫻花刨冰依個係期間限定既味道，依家無左了，我覺得好香花味，好重牛奶味，但有朋友就唔鐘意食櫻花味，所以都係睇下合唔合個人口味，不過上面兩塊花瓣朱古力係完全無味道>>>>>>>>>>>>>>>>>>分隔線<<<<<<<<<<<<<<<<<<<上個月經過，見到佢又出左限定新口味，咁一定要去試啦，點知今次真係令我好失望！！！食過咁多間餐廳，我都未試過服務想比一粒星，但我當時真係好想比一粒星佢當日，我地同上次一樣係晏就去，但可能暑假啦。。要排隊，天氣又曬又熱，門口對面仲有工程做緊，超噪音等左一陣終於入到去，落完單刨冰終於到啦，咁第一時間緊係影相啦，影唔夠兩張，都無一分鐘呀，店員就走埋黎催我地要快啲食，唔係刨冰會溶啦，「係啦快啲食啦，溶緊架啦！快啲食啦！！！！」明明上次都無咁樣講野，點會咁易溶呀講真。。。好啦之後都想拿拿聲食完走，當食曬兩個刨冰既時候，覺得有啲唔夠喉，仲想食多一個，諗住叫佢落單啦點知個店員用好響亮既聲音講：「我地依到無得追加單架　因為出面好多人排隊呀」無得追加單唔係問題，問題係語氣真係令人感到好不舒服，態度好少少係咪真係咁難呢請問？？？由頭到尾都完全係到趕你走，我地由坐底．．到食完．．頂多都係去左半個鐘左右姐，唔知真係以為我地食左成粒鐘懶死係到唔走日本人一向以客為尊，身為一間日本人開既餐廳，做店員既連咁基本既禮貌都無？係咪多人排隊你就可以咁既態度？有邊個唔洗排隊，我地無排隊咩家下？？我寧願你規定３０分鐘用餐時間，咁樣大家都會易接受好多，希慎既京林屋都有用餐時間規定，大家都一樣食得好開心比你左催右催咁，真係食完冰都成肚火士多啤梨乳酪刨冰好鐘意 Shari Shari 既刨冰係絮狀，唔會凍到令人好難入口，而且口味易人，就算係士多啤梨味都唔會過酸，配埋乳酪一齊食真係好夾！！好多乳酪！！上面仲有啲新鮮草莓醬芒果刨冰本人麻麻地食芒果野，都覺得依個芒果刨冰真係好好味，唔係酸果種芒果味，而係芒果雪糕果種芒果味，刨冰真係好好味，可惜當日既服務態度實在太差，令人好婉惜>>>>>>>>>>>>>>>>>>分隔線<<<<<<<<<<<<<<<<<<<事隔差唔多一個月啦，我早幾日又去左幫襯第三次，啲店員同上次唔同左，無打擾我地用餐之餘，服務態度都真係好太多了，不過見出面都好多人排隊，所以我地都拿拿聲食完就走本身服務真係好想比一粒星佢，但基於今次食得幾舒服，所以決定比３粒星抹茶忌廉焦糖刨冰由於本人唔鐘意抹茶所以淨係試左一啖刨冰，好有抹茶既甘苦味，朋友話要連埋啲焦糖定忌廉一齊食先好味喎。。。凍抹茶朋友點既，我無飲過，佢既評語係抹茶係無甜味既，不過用啲冰都真係唔同啲，完全係睇到佢啲冰係好透明好清澈車厘子乳酪刨冰無藥水味，係新鮮既車厘子味道，不過依個真係好酸。。。要配乳酪食先中和到乳酪上面有車厘子肉，刨冰底下都有…查看更多

魚腐春卷河粉 配 大豆漿本身我話要魚腐春卷河，但個嬸嬸落錯單，比左魚餃春卷河我，我同佢講返我要魚腐，佢地都好好態度咁改返魚腐比我南記真係由細食到大，以前中學放 LUNCH 一趕時間就會去食南記，雖然無以前咁好食，但都真係好大碗，食得好飽…查看更多