beclover的個人專頁

呢間鋪頭位於西灣河電車路傍邊，位置好方便平日返工食飯如果係一點時間會好難有位難得食12點，先可以唔洗等位入去食🤭入面環境唔算好大，坐位岩岩好啦唔算話好舒服餐牌好簡單，唔同款式嘅粉麵食嘅次數唔多，但每次食都會揀豬潤麵可以米粉/通粉/麵牛油多士就可以加錢改做奶油脆豬❤️❤️❤️我覺得呢個真係必食！！！今次待應姐姐上菜個陣仲講笑三隻小豬無錯！因為我地同枱三個都係轉食脆豬！脆豬呢個名唔係浪得虛名！因為真係好脆架而且色澤都好靚奶油甜度我覺得岩岩好同行朋友話可以叫佢加甜架同時我想推介！個炒蛋都係好好食！夠嫩滑，唔會好油，味道又岩岩好平日好少食豬潤，因為自己煮比較麻煩出來食自我難得有得食賣相都唔錯架，仲有薑絲放係面之前食覺得味道唔錯，口感岩岩好不過今次要少少負評味道ok不過今次口感偏硬埋數每個人要$79價錢唔算好平，不過耐唔耐食下好食…查看更多

呢間鋪頭其實都食左好幾次早期覺得比較有台灣風味（可能因為有珍珠奶茶）近期再食見到有麻辣元素🌶️🌶️🌶️呢個餐單覺得唔算好台灣但幾好食所以想介紹下味道：今次呢個係麻辣拌麵麵款有三隻比你揀我揀左闊麵，感覺會比較有咬口跟餐可以揀一個小食，今次食係手撕雞呢個麻辣對於我來講唔算好辣係屬於香口少麻感覺加上有肉碎同菜絲，撈完之後口感好好揀左手撕雞，將呢個雞撈埋落個麻辣麵到真係perfect match如果手撕雞就咁食都算嫩滑，不過比較淡味飲品：另外跟餐有飲品，揀左珍珠奶茶🧋味道適中唔會太甜，珍珠有咬口又唔會太淋不過宜家無飲管要用匙羹食食完先諗起唔記得影餐牌其實呢間餐廳有麵有飯飯好多年前食過一次 覺得比較乾身所以之後都係食麵為主係門口影左茶餐參考下食嘅嘢差不多係價錢唔一樣價錢：午市來講係西灣河中規中距啦太安樓又有再平啲，出蘇豪又再貴啲特別一提比錢只係可以現金/Payme沒有八達通喔！環境/服務：環境來講地方真係細唔係坐得舒服架職員方面服務都無咩特別正常咁淨係落單上菜比錢咁不過用來過下口癮食下台灣嘢飲下奶茶都ok…查看更多

突發約左大肚婆朋友見面就佢所以揀左灣仔附近cafe上到去都幾多人無book枱所以都要等左10分鐘左右位置：🍀🍀🍀🍀地點來講非常方便，地鐵一出就係門口少少隱閉，一唔小心就行過樓下入大廈要按門鐘上一樓環境：🍀🍀🍀🍀🍀地方幾大，有其他野寄賣整體舒服，目測大約都有十張枱以上另外仲有個唔細嘅空間今次職員就安排左我地坐入去服務：🍀🍀🍀職員態度還可以主要係全部自助形式落單拎食物餐具同水，仲有還餐盤都係自己處理而飲品同食物都仲有機會係分開兩次拎今次同大肚婆去，呢方面就唔算好 friendly不過佢無加一服務費食物：🍀🍀🍀食物方面味道唔錯我叫左雞扒漢堡，配黑松露薯條雞扒juicy 溫度夠熱要評價的是薯條唔算脆身可能有人中意食同時我覺得黑松露醬唔夠☕ 同時叫左杯 Rose Latte落單時職員會問你想揀堅果味定果香味整體我覺得屬中上環境係舒服，隱世中的cafe，食物都唔太差有需要行過都會再上去…查看更多

💯 Bakehouse 出名蛋撻及牛角包係人都知有幾多人試過堂食堂食格局同埋價錢好似一般cafe咁但係入到去即時有好香麵包味道，好正叫左兩個主食🐟吞拿魚包包呢個超級Juicy而且非常足料包包的外邊有點硬，不過可以用刀切同時配埋Juicy餡料，口感好正❤️❤️❤️❤️❤️🐂另外仲有個牛肉飯朋友食落覺得creamy，牛肉新鮮配埋隻蛋好好食🥚❤️❤️❤️❤️同時叫多個小食炸薯粒🥔個醬汁足料微辣🌶️🌶️☕配埋咖啡成餐飯就好完美啦食完正餐仲可以去隔離買蛋撻同牛角包返屋企…查看更多

🥢 星期六的下午茶時間同老公兩個放低左個👶🏻👫 拍拖去睇「九龍城寨之圍城」等睇戲之前又想食少少嘢所以就去左叉燒井家食物：❤️❤️❤️❤️❤️🥢 紅豆冰西多士炸雞脾叫左個經典下午茶餐👍🏻上菜速度好快睇到色澤覺得新鮮製作💯 而且溫度熱辣辣🤭蜜糖來講都令我好開心好滿意有啲可能提供一少包蜜糖唔夠甜之餘仲會開到成手都笠哂👍🏻呢到比左成罐你自己隨心多與少味道：❤️❤️❤️❤️味道未到令人驚艷不過係中上程度炸脾都有外脆，肉質唔會硬西多士餡份量適中，唔會話食空氣咁紅豆冰就令我開心，甜度適中又算多豆環境：✳️✳️✳️✳️環境來講門口位有幾級樓梯如果輪椅或者bb 車就唔太方便唔知有冇其他位置可以上去入到去地方都大，多卡位而且當日無咩客人，基本任我坐燈光昏暗左少少咁視力差少少都睇唔清楚餐牌服務：✳️✳️✳️服務就唔算主動坐低之後都無人行過來你舉手要落餐佢就有行過來嘅落餐叫紅豆冰要加錢都有主動問係咪ok我地兩個人食一個餐都無話特別唔高興…查看更多

約左兩位長輩，諗住同佢地飲茶，要揀喺觀塘區，所以又上網睇左介紹，來到呢間豪隍點心工房。早上打電話想book 位12點，但對方表示最快要1點。來到拎飛等位，老實講，門口位呢d天氣真係熱，不過都有幾張椅子放左係到，長輩叫做有得坐下。等左大約半個中，中間遲過我地嘅好多2位枱就入哂去啦，我地4人枱就仲未有位，專登入去睇過，真係好幾張4人枱都擺左留座，但又一直未有人坐，開過聲問職員幾時有位佢，回應係：有人走就有位架啦（問題係，我見到好多人走都未到我地）好啦，最終大約等左40分鐘，有一個走廊位，我地都照坐。目測有2張較好既4人枱郁仍然擺留座牌，但未有人坐，我都唔想問，究竟d人book 左幾點食野時間，我地4個人，最後叫左8個點心（唔記得左影menu，所以唔記得價錢）鵝肝醬咸水角見到係有特別推介。因為第一個到既點心，最餓，只係得返一粒比我影食落鵝肝醬味道淡淡的，都叫有既，但唔係好濃，不過咸水角來講都算好食，脆既！菜遠排骨炒河呢個色水足夠，聞落都好惹味。食落味道唔差，不過感覺比較油，長輩覺得有用豬油炒，我都唔識分啦。味道的確吸引既，我都食左兩碗，但感覺好肥蝦餃粉果雙併菜苗餃因為上網推介呢到點心好大粒，真心見到個下都覺得超級大粒 係好開心餃既餡呢，味道正常，同出面感覺差不多。唯一係個皮略嫌少厚。價錢來講都算抵食蒜蓉芝士蝦條呢個出面都見唔少，不過長輩未食過，佢地話似長形春巻 味道食完，正常啦都係 蒜蓉味道唔算好多，芝士有，都睇到，但味道亦唔係好濃味，我一般濃味芝士，所以覺得ok，細佬就覺得唔ok最後係腸粉，因為分開叫唔記得左，所以最後其實食左2碟腸粉，其中一碟都無影相。最重要comment 係，同d餃一樣，粉皮略嫌少厚餡係好食既其中一個好似係齋菇另一個又係推介，脆炸蘿蔔餡個個我覺得推介個個一般，味道唔算好夾，有少燶味，唔知係咪咁岩呢個炸燶左，畀你上網睇講到好好食好啦，忍唔住寫食評係因為，網上似乎大多正評，食完之後我又感覺無去到咁高分。點心真係大粒抵食，賣相都好靚4個人埋單$260，價錢來講都ok留意返只收現金餐廳環境：老實講，有好多位都應該幾好坐，不過佢安排左我地坐走廊位就真係好逼，後面就已經係水吧位出餐位食物味道：屬中傭，唔係唔好食，但又唔係好食到wow 出來職員態度：整體上服務層面唔多，可能佢地真係好忙，排隊個陣更加無服務可而，入座之後都係落單上菜，一下子之後就行開…查看更多

今日茶餐時間突然好肚餓，行過見到呢間鋪頭咁多人，所以行埋去睇下 入到鋪頭，見到個裝修，覺得仲正 不過鋪面入面唔算好大，面牆位好似大約2個。外面企位有兩張高枱。睇完餐牌之後，更加覺得好正！因為好重要係，小妹係超級中意食滑蛋 滑蛋有好多款，不過目測好多人都係叫軟殼蟹，所以最後決定叫呢個試下！因為鋪面太多人，所以叫外賣。另外順便叫左杯棉花阿華田試下 😎外賣來講，我覺得都係好窩心既。膠袋當然靚啦 另外係因為，個吐司佢有加多層封面，無咁易鋪塵食啦喂！！！！！老老實實，真係好好食小妹男朋友都話好食。本來佢唔係好中意食軟殼蟹，不過呢個吐司味道真係好夾軟殼蟹又夠脆，配合滑蛋，少少醬，下面係菜為主。一個吐司size 唔細，茶餐來講都有d太飽，所以兩個share 岩岩好不過又好老實，杯棉花糖阿華田，就真係一杯阿華田味道既飲品 唔知係咪因為外賣，總之打開個陣係無棉花糖既。味道正常啦，係正常既阿華田，如果$24來講，小妹覺得唔算好抵當時現場比較多人叫既係，牛油果沙冰，不過小妹唔想飲沙冰，所以就咁啦總結：推介軟殼蟹滑蛋吐司…查看更多

好耐無衝勁寫食評今次執筆因為想介紹新鋪頭，見到兩位年輕人既幹勁，小妹好佩服:):)話說其實係見到新開鋪頭，裝潢以Tiffiny Blue色系為主，所以吸引到小妹本身好中意呢隻色不過，尋晚同男友打算walk-in 個陣，居然係full booking 結果我今朝轉戰早餐，先比我入到去食鋪頭裝潢簡約為主，藍色白色木色，其實同小妹新裝修屋企好似店鋪本身唔大，一張6人枱，三張4人枱，另外兩張2人枱。所以明白點解咁易full，建議多人既真係要打去book 位入去係早餐時段，不過唔記得左影menu，輕鬆食下食下已經變左午餐早餐有奄列有炒蛋有通粉有煙三文魚有牛角包等等等，搞到小妹選擇困難症揀左勁耐，最後唔好煩咁揀左all day breakfast ($68) 其他餐大約$30左右，跟餐可免費揀咖啡奶茶檸茶 (其他跟餐半價)，不過小妹眼望到rose latte 一字，已經忍唔到，半價要一杯一見到個陣，真係心心眼老闆沖既時候，佢勁有心機拉花，同埋好暖男feel咁撒花瓣落隻杯到 (係，小妹個早餐唔係同男友食，所以可以昅下老闆 )個all day breakfast都放得好靚好豐富，有蒜蓉包炒蛋窩夫炒菇菇一條腸煙肉沙律 豐富到望到都好開心。深水埗似乎真係無呢類style 既 味道方面都係中上 炒蛋冇得輸 炒菇煙肉腸仔沙律菜都OK 窩夫唔算好甜，有蜜糖脆身好食，我幾欣賞 唯一覺得爭啲係個蒜蓉包，硬左d 至於杯Rose latte，睇相都見到打卡一流 外貌靚靚。聞落好香玫瑰味，飲落口玫瑰味都仲有。不過奶比較多，如果唔鍾意飲奶可能就會覺得差d 整體來講我覺得 鋪頭兩位主力水吧，一位主力樓面，唔算好快回應客人 不過cafe 應有style 都要係輕鬆為主，所以我又覺得OK，但心急人就未必好岩啦。鋪面唔大，建議多人既真係要打去book 位。小妹眼細見到每張椅子腳都套有膠粒，真心欣賞呢個細心位。另外同場有好幾位小朋友，見到店鋪備有小朋友椅子。價位深水埗來講未必算平，但cafe價錢咁上下，唔洗出旺角近近地…查看更多

是晚約左朋友gathering，其實都係無咩計劃下，見呢間餐廳無咩人，所以入左來。門口已經見到個餐牌，其實小妹覺得，都唔算平架不過又咁，入到去就覺得個環境同裝修又真係幾好，幾舒服。諗返起個名，同個裝修其實都幾match，係心機之作，小妹最欣賞呢d 好啦，係門口都已經有心水，所以入去都好快叫餐。是日餐湯係南瓜湯，兩位朋友就揀左沙律朋友表示沙律就係正正常常咁啦:)反而小妹個湯我又覺得幾好飲啵，口感夠滑，而且味道夠濃首先上菜係個蝦肉意粉老老實實，呢個賣相一般，食落都係普普通通 朋友話齋，hea左少少，簡單左少少 d蝦肉唔係好大隻，似一般蝦仁，配菜量亦唔多，少少紅椒配搭，顏色外表都差少少了跟住到小妹揀既三文魚第一個菜無咩驚喜，但見到呢個上菜個陣都有返少少期望，畢竟個賣相有心機好多食落個三文魚煎得恰當，唔會太乾 味道岩岩好，又唔會太咸 因為小妹都好中意食胡麻沙律，所以呢個餐好岩我食 不過男士可能就未必夠食啦最後到呢個帶子意大利飯呢個睇落都好吸引 見佢有成四粒帶子，都算唔錯食落呢個真係幾好食呢個飯食既時候有陣陣香氣，應該係香菜既作用 個意大利飯亦都唔錯，唔會太濕又唔會太『杰』最後最後叫跟餐飲品，待應表示加錢可以轉特飲，不過朋友們最後都係叫左一般凍咖啡凍奶茶加錢轉飲抵唔抵就見人見智啦，小妹望完就無咩興趣小結： 餐廳環境裝修係唔錯，不過唔算好大間，食到一半人多既時候有少許嘈吵 食物中規中距，未算大驚喜，不過三五知己相聚都可以的 價錢小妹覺得偏貴，最後埋單有加一，三個人三個餐平均每人$188…查看更多

呢個晚上好忙碌，去完蒸腳又去租袍，跑來跑去到八點幾既時間終於可以去食野作為聲稱減肥既小妹梗係無咩意見，不過朋友一來就話想食burgeroom，話係銅鑼灣open rice top one choice。講到咁，點可以唔試下因為我地三人行，都需要等左一陣，如果二人既話就好快有位，最後等左大約二十分鐘啦，終於等到門口露天位置 雖然呢日落緊雨，不過個四人枱岩岩好有野遮蓋，唔會淋到雨。其實係等候其間，我地已經揀好左自己想食既款式，所以坐低一陣就已經揀好想食咩。反而係飲品方面就 諗左好一陣，比個drink menu 來睇下先啦！最後小妹係揀左西瓜汁！的確係鮮榨既味道！而且飲唔到好種糖水味道，唔錯！最後終於落左order 啦，因為我地坐出面，落order 個時要自己入去落的！係等候食物其間，影左d鋪面鋪內既相，其實係銅鑼灣呢條街既餐廳，個感覺都唔錯，有relax 同輕鬆既感覺。鋪內有調味料站，客人可以自行加喜歡既調味料，唔錯！首先登場既係小妹favourite 之一，薯條！！  OMG，呢個加左芝士既薯條真係好好味！不過，朋友咁講，如果芝士上面再加多少少bacon 就perfect池啦 (話說小妹真係減緊肥... ) 跟住到洋蔥圈啦！呢個洋蔥圈，個人認為味道淡左少少，不過佢係配有sauce 既。但小妹對點sauce 唔太好，反而落多少少鹽同埋黑椒  然後就覺得味道好足夠啦！食到咁上下，終於到重點啦！Burger 逐一登場！！首先係軟殼蟹漢堡，同埋大烤菇芝士漢堡！ 軟殼蟹漢堡，個軟殼蟹仲keep 到好脆，味道同個醬同配菜好夾！另外個burger，因為小妹唔食牛，朋友就feedback 味道好食，牛肉夠厚但同樣juicy，加埋芝士真係無敵啦！不過呢，小妹叫既大烤菇雞柳漢堡，就唔知點解，足足等左半個中有多先到。 中間有問過待應，佢地就話呢個漢堡係要等耐d，雖然佢地態度都唔錯，不過真係耐呢！ 好彩有小食個d食住先，2位朋友都差不多食哂，小妹都未有得食呀！等左真係有40分鐘，終於登場啦！唔知係咪期望太大，烤菇個味道好好，一放低個burger 已經聞到個個香味。:) 不過件雞味道就屬一般，都好食的，唔會好乾身咁，只係無個種好驚奇既味道，所以都有少少唔明白點解要等咁耐？！其實一個burger 既size 真係好大！小妹食左半個已經好飽，可能都係因為等耐左，又食左2個小食。最後埋單每人$168，其實都好低食，而且一定夠飽，又滿足！！…查看更多

呢間係家庭式運作既小店，香港地咁樣既鋪頭好難得，梗係要支持一下！ 係到食野，老闆每樣都親自下廚，而且都係即時製作，其實真係好有心機！ 所以同時間，大家要有心理準備，係到食野係要等下😅今日食午餐有以下選擇，因為小妹唔食牛既關係，所以揀左一個B 一個C。如果唔岩食既可以自由配搭：叫左B 同C 都係配煎薯，點知老闆話要等半個中，因為真係想食，咁就等啦講下環境先，鋪內大約有十二個位左右啦，有bar枱，門口都有位坐。牆上既裝飾油畫掛畫，我覺得整體感覺都算唔錯。鋪內係open kitchen，好處係你會係咁聽到煮野聲，好有感覺，不過坐得耐就會有少少熱。等緊其間上左飲品先。飲品就不過不失啦。之前飲過餐湯好飲d。老闆話半個中，就真係半個中。有野食！兩碟個賣相真係好靚！事先講明，其實之前食過兩次，兩次都係黑椒汁，味道偏咸。所以今次都唔揀黑椒汁啦呢個係洋蔥汁雞扒，個汁唔錯，味道好味 雞扒都煎得好食，無雪味 唔只主菜，配菜都一樣好味 明白點解個煎薯要等半個中，因為老闆係慢慢生煎，味道十分香口 另外我都中意d配菜，煎蕃茄都係好juicy 男友唔中意食芹菜，不過我就覺得好味啦 另一個係香草汁三文魚，份量真係唔少呀，完整一塊，再加條魚尾 而且唔會整到好硬，煎三文魚其實都好要技巧 配菜就一樣啦，都係咁好味 兩個人食呢兩碟野，其實係好飽，證明份量十足，埋單 $96，西餐來講郁好抵啦，雖然都要等左陣都會推介比大家，不過大家要係慢慢享受食物既樂趣…查看更多

對於可愛既主題餐廳，小妹一向好有興趣，不過，有時好驚d食物係得個樣 但尋晚來到呢間布甸狗cafe 探下路，味道係有驚喜啵！鋪位好易搵，一出sogo出口轉右，其實算係so go樓下？！ 要落樓梯，條樓梯都好有心思架！揀食物既時候，小妹都係比較中意食飯，所以兩碟都係飯 揀左第一樣，真係因為佢有大大個樣椰汁雞肉咖喱外貌唔洗講啦，打卡影相一流，伴菜都好有心機好靚咁又心形又星形 (不過心裏一問，咁樣切食材係咪會浪費d 😶)食落真係嘩一聲，個汁有泰國風味，但唔辣，味道係見得人啵，唔係得個樣另一樣係香港限定既款式，酥豚飯 【簡單d講，即係咕嚕肉】味道唔差，要視乎個人口味，因為小妹同男友覺得酸度較高，無咩甜味 不過酥炸豚肉幾好食 但相比起椰汁飯，呢款個飯身比較硬同實，唔知係咪因為要堅挺住個造型 (就係搵個pat pat 對住你)跟住仲叫埋個甜品，可以叫起。餐牌入面有幾款食品會隨餐送贈圖入面隻布甸狗狗杯仔 小妹覺得佢好可愛，雖然未諗到可以裝咩 講返個甜品，賣相又係一流！ 味道方面個人覺得非常好食 個Pancake 上層係朱古力粉，中間有cream 有朱古力漿。 隻布甸狗狗杯入面就係糖漿。第一淡試過唔加糖漿，味道普通，朱古力味都突出。之後加糖漿，成個味道唔同哂 食落唔會好濟，又唔會太甜 同場加映，原來糖漿倒落頂層朱古力粉到，係溝唔埋，然後一粒粒好似珍珠咁冼返落來，好有趣 上甜品時候既碟同餐紙 餐廳環境，個人覺得好有心思，整間鋪頭由鋪面樓梯，裝修天花，牆身坐椅，都有布甸狗狗既踪跡 👣👣小提示因為我地係 walk in ，見到d坐椅有布甸狗狗樣既，本來想坐過去，但職員話係訂左枱既先有。星期一至五可以預先訂枱喔 另外留意 堂食限時９０ 分鐘影相打卡必備餐廳入面有大中細既公仔或咕，職員會主動拎比你，攬住來同碟靚靚飯一齊影，無得輸！最後埋單，講真就唔係平架啦，同一樣食物無左布甸狗可以唔洗呢個價錢 不過女孩子或同女朋友仔來，又影相又食，內外兼備既食物就都算值得呀 …查看更多

最近做野壓力真係好大，好想搵間舒服既cafe 坐下，最終搵到呢間🐱 Cafe，睇到open rice 見到整體正評唔錯，所以都來拜訪一下。門面位置。一出lift就見到，好易搵到。個名改得幾好，home sweet home一入門口即刻睇到鞋架，原來入去要除鞋。侍應即時上前服務，原來仲要消毒雙手添！個人覺得呢安排很好，一間舒服既cafe，就係可以點坐都得，加上消毒雙手，都係保護🐱同保持衛生既方法 另外餐廳有膠索袋提供，如果驚貓咪抓到自己個袋既，可以借用 (窩心)坐底之後真係分心不暇，都唔知同貓咪玩好，定揀餐好。本身唔算係貓痴，但見到佢地都覺得好可愛，好想撩佢地玩 相機不停影相📷📷📷 呢到貓咪都好乖下，有唔少都訓緊覺，有一兩隻都會坐上枱到，但都無搞食物。餐廳郁有提供貓咪玩具，可以用來撩佢地玩 又或者買零食 ($18) 去哄佢地，佢地會即刻痴身哂 仲有張愛貓守則。客人都要乖乖遵守，要好好對貓咪呀睇返餐牌，要留意返餐廳設有最低消費餐廳野食既款唔算多，不過都好吸引。(坐左係梳化位置，對面座有兩隻搭枱訓覺既🐱) 頭盤揀左一口花❤醬多士常言道，愈好味道既食物，就化表愈邪惡呢個有cream 有蜜蜂有多士，再配埋花生醬既夾心，食落去真係有唔少罪惡感但真係好味道好邪惡呀不過雖然叫做頭盤，但製作須時，小妹食哂兩個正餐先上到呢個，變左做甜品啦 叫呢個真係要預佢耐少少 香辣海鮮意大利飯其實份量唔算多，不過cafe 既食物一般來講都唔會太大份。最重要係味道好味！交到貨 唔食得辣既男友都表示，呢個辣度可接受。千島海鮮三文魚相比之下，呢個就唔算好突出啦。味道其實係好味的，只係沒太大驚喜 另外揀呢個既重點係因為佢個千島醬，千島醬既感覺似係pizza既中間，個面比較乾，唔算好rich 好juicy 每個餐可以跟杯$30 飲品，多左就補差額。$30飲品主要係梳打類，但小妹對其他飲品比較有興趣，而且加左都唔會令人失望 杯朱古力味夠濃 好岩我口味，好怕飲到水一般既味道 另外抹茶鮮奶都好飲，叫左杯熱既，可選凍餐廳內環境 / 牆上既相片畫整體環境都唔錯，地方唔算大，但坐落都舒服既。(特別係梳化位置) 不過枱密度都算高，如果全場滿座應該都會好嘈下 雖然多貓，但唔算好大陣味，衛生情況不錯餐廳仲附有board game，真係一大班人可以係到玩埋一份最後兩個人食左$284 (應該無加一) 個人覺得都幾抵，cafe 價錢差不多係咁，環境 / 貓咪 / 食物質素 / 服務 各方面都唔錯 最重要係，食完之後個人心情都會好d，舒緩一下平日緊張壓力…查看更多

放端午節假，宅了大半了後終於覺得要落樓下食個茶餐。行過見到，咦！正式開業啦啵:) 基於之前係餐廳試業個陣食過一次，個陣都覺得味道唔錯，所以就再食多次啦 －－－－－前傳 (2016-05-01) －－－－－原來又係公眾假期 當時餐廳個門面同埋入面都比較頹廢，仲係試業階段。抱住試下既心態 老老實實，咁耐之前，真係唔記得左幾多錢。不過當時都係茶餐來既。吞拿魚牛角包。呢個其實正常味道，無咩特別。當時令我覺得驚喜既，係個簿底pizza 本身由細到大都淨係食厚批pizza，但一食呢個之後，就覺得原來簿批都可以好好食－－－－－前傳完－－－－－返來端午節，門口已經放左茶餐既餐牌。入去坐底，居然仲有午餐叫 (已經係下午四點) 經過一量商議同計數後，決定叫一個茶餐，一個午餐。茶餐同午餐其實係差左一個湯同一個蒜蓉包，價錢差十蚊內。所以如果以同一個餐同款來計，其實午餐抵d (要係食得哂) 濃湯烏冬 呢個湯底真係好濃，有番茄肉，味道唔錯又夠味道 不過嚴格來講，都唔似飲緊湯，似係食緊個湯 湯面個煙鴨胸同火腿，好有心機 兩樣都煎香左先放落湯到，味道幾好 不過烏冬偏淋，估計應該係煮得比較耐煙三文魚鴨胸簿餅個簿批味道足夠，份量足夠 批邊夠脆，餡料足味道好味 (個人覺得好味過pizza 🎩 ) 呢個就係午餐啦。跟埋一個湯一個蒜蓉包。湯係雜菜湯，對於素食人士來講幾好選擇。不過味道咸左少少 另外蒜蓉包，無咩特別，鬆軟程度差了一點，蒜蓉味唔夠最後埋單$96 (無加一)整體上評價唔錯食物味道質素不錯，環境光猛簡潔，衛生情況ok (發現有一隻餐具洗唔乾淨，但枱面地下ok )，侍應表現積極有禮貌。價錢來講唔算特別平，不過計埋食物味道都可接受。餐廳位置人流唔算多，要行去的話長沙灣地鐵站其實都唔算遠。…查看更多

其實係睇到食評所以想來試下。不過地點真係唔算方便，呢條街人流好少，餐廳座落位置都比較隱閉。以前行過好多次，居然都唔發覺原來有間餐廳 小妹食野都比較著重環境，所以來到門口已經嘩一聲 門口有椅有緣蔭，好似一個公園仔咁，望落其實都幾舒服。餐廳門口已經有餐牌，價錢就一般西餐咁既價錢，可以睇到覺得岩食先入去既呢晚都比較早食飯，入到去大約8:30 左右，侍應表示晚上有滅蟲工程，最遲要9:40交場。食一個中頭其實都好夠啦，所以我地都坐低左。係出面都大約諗到食咩，所以好快落好單。之後就開始望下環境啦個人覺得餐廳內環境是很不錯的。餐廳大約有20個位左右，寬敞的，舒服的 牆上都有點裝飾掛畫，亦有一些語句，有點意思的 (即使我們的節奏不一樣，我也懂得欣賞你的美)首先上左個青瓜湯 味道唔錯，飲落青瓜味唔會好重，無草青味。個餐包就無咩特別，唔算好鬆軟咁，入口還好吧跟住到個烤豬肋骨配沙律。老老實實，個沙律係最好食 至於豬肋骨，食材一流，肉質都夠淋，但烹調功力尚有進步空間香草醬意大利雲吞伴煙三文魚。呢個真係因人而異啦，因為小妹同男友意見不一致 小妹唔太歡喜香草醬隻味道，不過男友表示味道不錯 不過份量真係好夠，起碼有廿粒雲吞，未食哂都飽左 個人覺得，配埋煙三文魚入口一齊咬，味道會好d 每個set 都包有一杯餐飲，款式有唔少，部份要加錢。叫左杯凍朱同熱啡。個樣夠好睇啦，但味道真係好一般 (男友補充：係好難飲 :( )最後最後到個甜品。好有圖片只供參考既感覺 望落去諗諗住係cheese cake。食落應該係木糠布甸tiramisu餅底 其實味道正常的 (不過男友抗議：被騙了！)最後埋單二百多元啦 (有加一)。西餐來講都係咁上下價錢。同侍應傾左兩句，知道餐廳係YMCA 既，我估都有社企元素掛，可以支持下！！:) 另外可能閒日加上位置再加上八點幾既時間，用餐一小時左右時間餐廳都係得小妹同男友，『包場』來講呢個價錢就好抵啦！…查看更多