asula的個人專頁

中午同同事第一次試呢間泰國餐，一早上網book咗位，不過發現去到其實都仲有好多位。我叫咗個海南雞金邊粉，味道正常但分量少，得4件雞，金邊粉都好細碗。另外同事分別叫咗個大蝦炒金邊粉同青咖喱雞配薄餅，味道OK。整體環境、味道、價錢都可以，但上菜速度很慢，青咖喱雞几乎四五個字先上，對返工趕時間嘅人就唔係咁好。…查看更多

在附近返工，同事介紹下第一次到水門雞飯吃午飯，由於中午繁忙時間，等左一陣先有得入去。同事們叫了水門雞飯，一致地贊不絕口，雞肉嫩滑和雞味重，而我就點了冬蔭公雞絲金邊粉，湯底好好味，夠辣夠酸，不過留意份量唔算好大碗，男士應該要加底先得。餐飲叫了泰式奶茶，好好飲！總括來說，呢間算又平又好食，下次會再來！…查看更多

Book左六大二小吃周日中午自助餐，環境舒適，食物種類多，甜品精緻，服務也很好，侍應姐姐會逗小朋友傾計同送左盒顏色筆俾小朋友。食飯中段會有magic moment,即係可以同迪士尼卡通人物合照，今次見到唐老鴨，小孩子非常開心，又攬又拖手，影咗好多相，有機會會再來。…查看更多

第一次嚟呢間餐廳，以為有得食又有得玩好好，點知事實不符預期。book咗6:30 PM，嚟到先通知話波波池七點先開始有得玩同埋用歺限2小時，問佢可唔可以改做7:00先入座，佢話唔可以，因為晚上full Booking，但其實後來七八點嘅時間我見仲有好多枱都未有人坐。一坐低問佢兒童餐有咩揀，侍應一句「枱上面有Menu自己睇啦」，我第一次你都期望佢可以介紹吓有啲乜嘢嘢食，但係呢度啲服務真係唔得。約咗幾點燒牛肉，平均百幾蚊一碟彈得幾快仔，完全唔夠食，可能要再點海鮮燒餅同韓式炒粉絲先覺得有嘢落肚。咁好啦今次來主要都係帶小朋友玩波波池，點知原來個場地勁細，啲玩具亂七八糟，櫃桶裏面嘅玩具完全冇整理過或者分類，都唔知小朋友玩緊乜嘢，另外有好多動物公仔但睇落去全部都好似好污糟咁，唔知有冇洗過。但是兩個鐘頭食飯，真係有啲趕，下次寧願帶小朋友去玩play House，之後先至食飯都唔使咁講同咁貴，今次買單五大兩細千四蚊，你問我我就覺得唔值啦，下次應該唔會再嚟。…查看更多

今日到東薈城食下午茶，二期開左好多新食肆，其中見到有間日本拉麵店，平日晚上都要排隊，見今日下午無乜人，一於試下。一個人坐4人枱，非常舒服，一坐下馬上遞menu同清水，水杯面蓋住張紙巾，感覺衛生清潔。第一次來，叫左一碗人氣黑蒜熟成濃湯拉麵。不用五分鐘就上，湯底非常濃郁，味道適中不會太鹹，附一塊厚叉燒同一隻的流心旦，落單時要求有葱和筍，夾埋拉麵一齊食非常好味，拉麵底揀左普通，口感確是軟硬適中。整體而言，環境舒適，服務良好，味道也非常地道，可改善是拉麵上時再熱d仲正，下次會再試其他野！…查看更多

今日星期六，在銅鑼灣行完街後，到澳門逸園中心搵野食，呢度有好多日本餐，其中聽同事介過一杯屋環境同野食唔錯，所以打算試下！一坐低，覺得同事無介紹錯，呢度好有日本風情，牆上掛左好多幅日本畫，天花同門框加上樱花裝飾；環境也非常乾淨，令人進食時很放心。點左個上炭燒牛舌定食，除了飯同主菜外，仲包括日式豆腐、沙律、茶蒸蛋、麵豉湯，特別既係仲有一碟淮山泥連生蛋，平時其他日本料理餐廳不見的，一問侍應原來是可把它撈在米飯裡加埋醬油吃，呢個食法幾新鮮特別，令米飯口感好滑！主菜牛舌燒到剛剛好，外面少少燶，中間生生地，肉味濃，好有咬口，夾埋碟上左邊的咸菜，又或者點右上角既香蔥汁吃，送飯一流！整體而言，環境和食物不錯，侍應也很主動加茶和介紹淮山泥生蛋的吃法，下次一定會再黎同試下其他野！…查看更多

中午同老公二人到迎東邨食飯，大約1:30左右，唔使排隊，兩個人坐一張八人大枱，枱面有茶水可以自己倒。睇睇餐牌後，好快就落order，差不多5分鐘後就有嘢食，效率快！因為我要減肥，所以叫咗碟素嘅，叫咗紅燒豆腐飯，好好味，份量亦都好足夠，除咗豆腐，有菇同埋菜心，汁好夠，成碟野非常滿意好好食。至於老公叫咗一碟XO醬海鮮炒烏冬，上嘅時候都係熱辣辣，味道好份量夠，有青口、魷魚、蟹柳、芽菜。總括而言，呢間茶餐廳食品味道同服務質素好，不過留意價錢，中午食就平好多，夜晚嚟就會貴少少。…查看更多

今日慶祝老公嘅事業更上一層樓，去咗愉景灣搵好嘢食，其中見到一間墨西哥餐廳環境氣氛唔錯，可以坐露天茶座欣賞海景，於是就入去。服務員好快幫我地切好張枱，有好發比Menu我哋，同埋話俾我哋聽因為今日係星期一，主菜牌上面買一送一，真係覺得好好彩！首先叫咗個頂級牛扒墨西哥鐵板燒($222),牛扒底部有洋蔥絲同雜椒，想嘅時候有四個醬，包括牛油果醬、芝士、酸忌廉同番茄醬，仲有墨西哥薄餅，食嘅時候就可以包住牛扒同埋加自己鍾意嘅醬食，真係覺得好正！另外叫咗個墨西哥海鮮燴飯($0，主菜買一送一），其實有少少似西班牙海鮮炒飯，份量都唔少有墨西哥辣肉腸、青口、三文魚、魷魚，海鮮飯好食，加左青檸汁，好開胃，同海鮮好夾。仲有叫咗個墨西哥芝士火鍋（$150），個芝士好濃郁，鍾意食芝士就唔好錯過，上嘅時候有玉米脆片、辣肉腸、墨西哥辣椒、同埋薄餅，份量好足夠。總括而言，呢間墨西哥餐廳食物水準高，好有特色，價錢合理，環境有氣氛，員工有禮貌，服務態度好，上菜快，非常推薦大家來試試！…查看更多

喺東薈城睇完戲，就見到樓上7樓開咗間牛角次男坊，以前有見過其他分店，但一直冇試過，於是入去食下啦。入去自己搵位坐，Settle down工人姐姐同BB後，係要自己到收銀處買嘢食，餐牌上食物種類唔多，大部份價錢超過一百元，感覺有啲貴，而且套餐只配麵豉湯或者細支解茶。叫咗個牛角次男坊丼配日本拖羅蓉刺身飯，牛肉好鹹，肉質好鞋，完全令人失望；拖羅蓉味道就正常，不過員工畢嘅時候畢得唔好，成個拖羅蓉球曾經跌在盤上。總括而言，以呢個價錢來說，可以有其他更好嘅選擇，呢間野試一次就夠。…查看更多

話說同老公睇戲，睇戲前見到東薈城二期7樓天仁茗茶有好多學生排隊，所以跟大隊買番杯嚟飲吓。排隊排左三四分鐘就到我哋，落單後等5分鐘之後就有得拎。我叫咗一杯珍珠鮮奶綠（$25），奶綠味道正常，但係珍珠味有啲偏酸，有啲奇怪，因為正常珍珠都係浸咗糖水應該係甜味，所以每食一粒珍珠入口有啲酸酸嘅味道，不太好飲。老公就叫咗一杯檸檬綠茶沙冰（$31），我就冇飲過，不過老公話杯嘢正常，但也無乜特別。總括而言，呢間天仁茗茶少少令人失望，特別係個珍珠嘅味道。不過我諗因為價錢相對平，所以吸引到好多學生過去買，然而東薈城賣台式飲品嘅店舖都有好幾間，所以如果想維持好生意就需要改善啦。…查看更多

同屋企人到佐敦食日本料理，一直想試呢間好耐，因為知道餐廳師傅特登到日本學廚。夜晚7:00左右去到，我哋係第一台客人，於是安排左我哋坐單邊有梳化的位，裝修好似啲居酒屋，又掛咗一幅日本畫，環境好舒服。叫咗一客上壽司盛（$268），一共有10件壽司，件件都好新鮮，最正嘅就係海膽壽司，海膽唔會太聲而且份量足。另外叫咗個北海煙肉燒蠔（$75），一碟有兩隻，用咗芝士同沙律醬去焗，配埋鹹鹹地嘅煙肉，同蠔真係好夾，超級推薦。仲有叫咗黑松露炒雜菌($75），上嘅時候熱辣辣，有好香嘅牛油味，全家人都話正，仲話要研究下返屋企點煮。除此仲叫咗一碟蟹膏蟹肉炒飯($128），蟹肉落足料，炒飯好有鑊氣，飯底係用咗啡色嘅日本珍珠米。總括而言，呢間日本料理好高質，食物嘅質素高，價錢合理，值得推介！…查看更多

中午1點同屋企人到美孚稻坊飲茶，一行三人因為大家都減肥所以唔算叫太多野。第一個叫咗個蒸龍躉藜麥飯，起初以為會好似其他酒樓咁用竹籠連荷葉底蒸，但原來只係用個砂煲上，龍躉合共有七八件，份量合理而且算新鮮，四條菜心可以切返短啲會比較好，飯底有少少乾，但可接受。另外叫咗個蒸流沙包，賣相係一個卡通人物，算係幾有心思，上嘅時候熱辣辣，搣開食嘅時候奶黃唔算太流沙似普通奶皇包，不過都幾好食。仲有叫咗個蒸棗茸糕，上嘅時候都係熱辣辣，紅棗味好香，但個人認為甜左少少。整體而言，作為美孚街坊一個月至少到飲茶一次，呢度飲茶同埋晚飯都唔錯，係值得推介嘅家聚好地方！…查看更多

今早9點幾去東薈城麥當勞食早餐，前面排一兩個人就到我，叫咗個豬柳漢堡餐（$29）。個包夠熱辣辣，裏面塊芝士溶溶地同塊豬柳好夾好好食；至於薯餅剛剛炸起，熱辣辣又脆又好味，而且唔算太油膩；餐飲叫咗港式熱奶茶，略嫌茶嘅份量稍多有少少澀，如果奶多返些會較好。不過以呢個價錢同快餐店來講都可以接受。由於食客眾多，最好食完自己搬返個盤俾阿姐處理，因為睇見年紀大的姐姐都辛苦。總括來講，地點方便，排隊唔駛等好耐，嘢食夠熱，經濟實惠，唔錯！…查看更多

今日要去銅鑼灣上堂，放工後要馬上食嘢，The L square 有好多嘢食,其中見到一樓係fuhn, 以前有去過其他分店覺得幾好食，所以今次再去。六點幾去到，可能太早全場得我一個人，一位外籍男侍應嚟serve我，俾咗Menu同杯水我，我就睇吓Menu有咩好嘢食，見到湯粉種類選擇多，而且size有得揀Regular, Large同extra large, 適合唔同食量人士選擇，湯粉可以揀金邊粉或河粉，都幾flexible!我order左一碗生熟牛肉牛筋片金邊粉，落單後唔使5分鐘即刻上菜，亦有送上芽菜香葉青檸辣椒等配料，湯底濃郁有牛味，唔係好似其他越南餐廳用味精粒煲個湯，牛肉片夠鮮嫩，牛筋片有咬口，果然冇令人失望。匙畢左好多蔥，如果唔食蔥落單時要講明走蔥。總括來講，服務唔錯，上菜快，湯底同牛肉都好味，呢間餐廳值得推介！…查看更多

一行二人喺氹仔街行到好攰又口渴，見到茶麻里標榜係綠色飲品，又見到都有幾個人排緊隊，於是就試吓，落左order等左大約三四分鐘就有得飲。我叫咗一杯「香芒鮮奶」，要少冰正常甜，見到佢哋係用meji 鮮奶，味道唔錯，唯一要批評嘅係芒果粒太多毛，飲時候有好多渣， 很影響口感，覺得呢一點好需要改善，不過應該都冇下次了。同行有人叫咗杯「一顆爆檸綠」，同樣要少冰正常甜，基本上係凍檸水，不過放咗一大粒綠色檸檬，飲完幾解渴同好似吸收左好多維他命C，幾fresh 幾健康。總括而言，呢間店嘅飲品不過不失啦，冇乜特別，一試無妨，氹仔街仲有其他飲品店可以選擇，下次來澳門會試其他。…查看更多