Fûhn (The L. Square) (已結業)

今日要去銅鑼灣上堂，放工後要馬上食嘢，The L square 有好多嘢食,其中見到一樓係fuhn, 以前有去過其他分店覺得幾好食，所以今次再去。六點幾去到，可能太早全場得我一個人，一位外籍男侍應嚟serve我，俾咗Menu同杯水我，我就睇吓Menu有咩好嘢食，見到湯粉種類選擇多，而且size有得揀Regular, Large同extra large, 適合唔同食量人士選擇，湯粉可以揀金邊粉或河粉，都幾flexible!我order左一碗生熟牛肉牛筋片金邊粉，落單後唔使5分鐘即刻上菜，亦有送上芽菜香葉青檸辣椒等配料，湯底濃郁有牛味，唔係好似其他越南餐廳用味精粒煲個湯，牛肉片夠鮮嫩，牛筋片有咬口，果然冇令人失望。匙畢左好多蔥，如果唔食蔥落單時要講明走蔥。總括來講，服務唔錯，上菜快，湯底同牛肉都好味，呢間餐廳值得推介！