正義人的個人專頁

打卡可以，肚餓就唔好黎，一定唔飽。價錢進取，我就無下次啦，環境幾好坐既，不過限時80分鐘，好快坐完。22蚊一碗仔飯，飯冇特別，牛舌正常味，係貴少少，有選擇就可以選擇更好…查看更多

聖誕前食個平民版西餐，我覺得佢最好食係個牛扒餐，雖然加左少少價，不過60幾蚊有一大塊牛扒，都相當抵食。牛扒好淋唔薄切，薯角炸得好香好食。另外叫左碟意粉同豬扒，同樣好正，值得一試💪…查看更多

午餐叫了湯烏冬同冷麵。價錢其實唔算平，因為40幾蚊只係得個麵。要餸就要再加錢。不過個麵同烏冬真心好食。好彈牙，好有咬口，索埋湯汁超正👍雞脾燒得好juicy，另外叫左關東煮，非常入味，值得再黎😄…查看更多

午餐全部有85折，就入去試下。叫左兩條烤魚，叫左蕃茄湯同麻辣湯。味道好濃，魚都炸得幾香口，配埋個湯底，都算幾好食。薯粉索左湯汁，滑得黎好好味，加左幾份配菜，每人$60有找，值得試…查看更多

今日中午，叫左個碟頭飯，鹵鵝配鵝肝，$62連熱飲。堂食環境都乾淨整齊。鵝的份量好足，有啖啖鵝香，好淋好有鮮味，完全係水準之上👍鵝肝份量都好多，味道不錯。反而係碗白飯有啲硬，其他都好食…查看更多

午餐試左呢間韓國菜，今日叫左有特價個牛肉炒粉絲，另外叫左大醬湯同冷麵。味道不錯，整體水準ok，再加上見到openrice有88折現金卷買，價錢相當抵，要支持小店👍…查看更多

好耐無再黎呢度打邊爐，一向任食抵食的新廣發，今日再戰。價錢$95，湯底$48。你當然可以叫雞煲，羊腩煲，咁就會另外收費。任飲任食既打邊爐，收你幾十蚊，當然質素唔會太高，但價錢表示一切，有蝦有青口，仲送左一碟蟹，海鮮新鮮既，蟹雖然細隻，不過有甜味。丸類好食正常，款式未算好多，不過絕對夠食…查看更多

係街市入面的隱世泰菜，一定會揀呢間。中午黎食lunch簡直平靚正。款式選擇多，中午客飯，即炒泰式粉麵乜都有。價錢好親民，全部40幾蚊，仲包杯椰汁冰，係無得輸👍今日叫左咖哩牛腩，菠蘿炒飯。味道好正宗，一定好過唔少出面的泰菜館。…查看更多

支持佢哋都一段時間，今日post下食評。街市黎講，環境都算好乾淨，空氣流通。今日食左個肉丁炒公仔麵，全部即炒，味道好好，配個木瓜湯，好足料，飲完最重要唔口渴，價錢平，好值得支持…查看更多

係沙田食扒，至少都幾舊水，不過呢間真心唔算貴，都算抵食。我平日約7點到，餐廳唔算多人，座位都好好坐。餐廳主要食扒，今日叫了兩款，香草平鐵牛扒一定要加大，抵食好多。另一款叫了390日prime級，好淋好juicy，個人比較推薦…查看更多

星期四晚約6:30到，人唔算多，座位都好鬆動，我覺得幾舒服😌未去之前感覺呢間餐廳麻麻，所以無太大期望。凍海鮮有麵包蟹，有蝦，青口。味道正常，肯定質素唔係最好果款。熱盤種類唔算多，不過樣樣都幾好食，炸墨魚餅，咖哩，蝦仁都唔錯，湯都有3款，味道都ok呀。廚師即煮有鐵板燒，大蝦好爽，牛仔骨好淋好食，魚都唔錯👍仲有片皮鴨同水蟹粥，算咁上下生蠔任食，普普通通。甜品發揮正常，雪糕係大牌子，食幾球都翻本。總結，我覺得如果3舊水食個晚餐，係尖沙咀，係好抵食。味道唔太差，對得住個價錢…查看更多

任食椰子雞煲。先飲個湯，非常甜，雞都唔錯。之後到打邊爐任食，有海鮮，有點心，款式都算多，海鮮特別係蝦最好食，好新鮮，點心應該即叫即蒸，幾好食😋肉就只係試左牛肉，正常無乜特別。總結係唔錯，可以一試…查看更多

星期一去食lunch buffet，個場7成滿，服務真心一流，收碟又快，都有咖啡，茶任飲，其實係ok既。環境好，望到海，食都食得開心😃講返食物，我完全唔覺伏，又唔難食。首先，佢係比較特別，某d食物，好似鮑魚，花蟹，係出一兩轉，但咁，佢之後會換上其他食物，好似馬刀貝，麵包蟹咁。我個人又覺得ok，佢唔會唔fill，又可以試唔同野味道方面，我覺得ok播，海鮮好新鮮，刺身又正常，熟食又ok，整體係唔錯播，值得再去…查看更多

觀塘晚餐好推介，我平日晚上約7點到，餐廳唔算多人，座位舒適，侍應服務好好，介紹當晚特別推介，亦有介紹一些餐牌沒有的食物。食物價錢非常經濟，都係幾十蚊就有交易，味道唔錯。我叫了一隻$13的生蠔同$9牡丹蝦刺身，質素唔錯。廣島蠔鍋蠔味濃，抵食👍最後，還有雪糕贈送，用埋openrice coupon，埋單2舊水有找，還有何所求？…查看更多

opernice外賣自取燒腩骨有折，當然要買黎試下啦，要左個例牌，份量都幾充足，當日我買既時候唔算新鮮熱辣辣，不過就食得出有質素。燒肉有份豬肉既肉甜味，唔似出面雪藏肉無豬味。皮脆，肉淋，唔鞋口，相當不錯👍…查看更多