園林閣咖啡室

星期四晚約6:30到，人唔算多，座位都好鬆動，我覺得幾舒服😌未去之前感覺呢間餐廳麻麻，所以無太大期望。凍海鮮有麵包蟹，有蝦，青口。味道正常，肯定質素唔係最好果款。
熱盤種類唔算多，不過樣樣都幾好食，炸墨魚餅，咖哩，蝦仁都唔錯，湯都有3款，味道都ok呀。
廚師即煮有鐵板燒，大蝦好爽，牛仔骨好淋好食，魚都唔錯👍仲有片皮鴨同水蟹粥，算咁上下
生蠔任食，普普通通。甜品發揮正常，雪糕係大牌子，食幾球都翻本。
總結，我覺得如果3舊水食個晚餐，係尖沙咀，係好抵食。味道唔太差，對得住個價錢

1