kkfu's Profile

今日去買海苔小貝，味道份量都算正常，係可以再食既。見佢有鳳梨酥，一盒$150有十個，圖片就有晒鳳梨，第一個感覺應該係用真鳳梨做既餡，但我安全起見都多口問清楚店員，鳳梨酥啲餡料係冬瓜蓉定真鳳梨，佢答我係真鳳梨，咁ok啦$15個都算合理。返到去一食，首先層皮好大陳粉味好難食，個餡一食就知係冬瓜蓉陳味同口感，然後我再睇佢芝麻咁大粒字既成份表，主要成份係冬瓜蓉，啲粒粒先係鳳梨喎。$15粒賺死佢，但唔會有下次。…Read More

呢間店位置唔算就腳，無論旺角定油麻地港鐵行過去都要啲時間，裝修令人覺得舒服唔會話係果啲打咭浮誇店。店員都係年輕人，有禮貌。訂位時已知有限時，而店員適當既時候做適當既野，唔會好似趕頭趕命咁。果晚唔係full house，最後無限時黎收台。但係幾驚喜係訂位時順手㨂咗聚會原因係生日，純粹係順手㨂咗，甜品黎到時見到有Happy Birthday，雖然只係幾隻字，但都帶比我哋歡樂既晚上。食物味道好，會再支持。…Read More

由2020年開始黎呢間小店，最令我掛住既係佢既咖啡，然後係食品味道，位於旺角黎講佢既價錢係相對合理。其間有一次相熟既經理問我哋覺得咖啡有無唔同，我哋覺得淡咗但仍然ok既，佢同我哋講轉咗隻貴少少既咖啡豆因為用開果隻斷貨，我哋就話如果有得轉用返舊果隻啦，之後真係轉返。因為杯咖啡，我哋平均每月都會去1-2次，雖然無高峰期一星期三日，但一直都維持到水準。但明顯人流越嚟越少，我哋都擔心仲撐到幾耐但今日見到成間舖都貼咗2個男人既相，我孤陋寡聞唔識佢哋，但應該係選指定蛋糕+杯飲品就有一個應援包送，目測半數枱面都係一件蛋糕+飲品，然後係滿坐+有人等位，呢個情景我都好耐無見過，但問題係你哋犧牲咗質素。我有好嚴肅咁同位服務員反映杯咖啡既問題，我會再去一次，如果仍然係咁，將會係最後一次。用應援吸引粉絲會係一個方法，但是否可以救到餐廳我唔知，但再係咁同樣會失去一班舊客。…Read More

今次由朋友安排一切，聽佢講每月1號親自到店預約成功機會最高，餐廳當日會撥出最近門口一張枱作為預約之用，而唔係就咁要客人企門口登記完就走，要知道這等同犧牲了一張枱的收入，相當有誠意及尊重前來的顧客，我自己認為這個已經是其中一部分的用餐經歷。當日為我們處理食物既廚師每個細節都解釋得好好，亦好樂意解答我哋既疑問，食材為何這樣配搭也有講解，對於第一次到店用餐既我都感覺到誠意。用餐體驗對我黎講係食材+環境+服務，呢幾樣野今次都好滿意。而我平時對食物調味偏向淡少少，原本以為食完味道咁濃既食物會好口喝，但最後又無出現。而飯後其中一位女經理前來問我們的意見，也有講起Sukiyaki偏向味濃，有部份客人會要求調味「輕」一點。我自己就用生雞蛋減底濃味既感覺，點一點生雞蛋沖走了少許調味都唔錯。…Read More

2014年去加拿大探親人，一個悶到發顛既旅程，記得當時表妹帶咗我出去行下既時候食過佢，仲一次過買咗9個中size既返去，食咗幾日好開心。幾年前見到香港竟然有，味道同當年一樣，每次食都勾起當時既回憶，希望佢哋可以繼續留係香港。見過其它幾間公司都有類似產品，但都無白色既糖漿，糖漿係重點，好邪惡，但真係好夾好好味，如果唔食糖漿不如唔好食，失色太多。…Read More

2020年端午節食過一次綠豆糭，以幾十蚊既價格黎講，算幾好。上星期路過再買黎食，糭既大細無變，綠豆份量少了點，或者剛好係呢隻，但比起其它店都多好多，鍾意多綠豆既朋友我仍然十分推薦。今次試埋芝麻卷同芝麻糯米糍，我係唔算食好甜既人，但覺得無乜甜味，芝麻味亦唔算濃，唯獨糯米糍個糯米皮好食，可能下次試花生。…Read More

好少即日寫食評～～～～今次試新野，食物黎到，賣相比起其它試過既無咁討好，而味道都幾失望，唔睇個名，真係唔知自己食緊乜，近乎食唔到有沙嗲牛肉，只食到炸咗既麵包，麵包好鬆軟，但除此之外無任何味道，只係唔想浪費食物所以都食晒，食完感覺都幾差，只有油既味道，希望好快唔會再係menu見到佢…Read More

見到好幾多人食過都無伏，就試試訂位，結果第一次失敗，要再等多一個月先成功。本身對魚料唔係好熟，未去到一睇一食就知，如果可以有人簡單講解比我知食咗啲乜就梗好，會覺得物超所值啲啲總括黎講，店員有禮貌，食物新鮮，係中環計呢口價合理，以食海鮮丼既期望對待會開心好多。…Read More

朋友唔太鍾意食熟成魚料，唔算試過好多鮨店，Shion基本上得一至兩款熟成，朋友就想黎試吓，好在都無令佢失望，水準穩定，如果有朋友想試Omakase，短期內都會黎Shion…Read More

想帶媽試Omakase，年初食過覺得各方面都好穩陣，4月約等到6月頭先有位，都相當full😬今次食物質素都好穩定，全部魚料都好味，話事人都滿意，唯一少少尾中不足上漏茶碗蒸，問完再補返😅但整體都穩穩陣陣。…Read More

朋友大力推薦這店，除了因為食物質素，主要是服務讓人有係日本既感覺，沒有過份熱情，但感受到在乎客人的用餐感受。不過真係要好早預約，記得每月一號準時訂位食物質素唔太識評價，但每款食材都好獨特，食得好開心。睇住大將如何造出呢件壽司，除了味覺，還是視覺享受大溝貝，大將明顯知道我哋聽唔明佢講乜，由枱底攞張紙出黎等我哋明白^^白子，食入口完全無鯹味，好軟滑有驚喜。櫻鱒，入口溶化，比較深刻將大吞一層層放，同一舊過食落口感覺明顯唔同。期待再訪…Read More

對上一次食大概係2018年，我最鍾意係咖啡同芝麻，入口好明確知道自己食緊乜，真係癈話啲講芝麻有芝麻味，咖啡有咖嘛味，追住食。今日約咗朋友諗起可以買黎送比朋友試試，自己都順道買啲回味吓，價格唔算加得好犀利，好可惜，放入口無晒應該有既味道，最重係有陣奶油味，我只諗到「將貨就價」呢4個字，本身已經唔平，應該唔敢加價加得太過份，結果犧牲了品質，送的咁既糖比朋友食好唔好意思但今日既姐姐好有禮貌，我半磅想要3隻味佢都ok，見我買細包雜錦味會提我買盒裝抵啲，所以服務無問題。…Read More

我喺14:00場，但最後遲咗差不多15分鐘，聽聞有好多場都發生時間管理問題後改為14:15，都算係有改善既。我見好多朋友都好介意師傅有無同客人交流，但我唔係咩食家，食飯都係約好朋友去，主要想見見面，吹吹水，太多交流對我黎講有點煩，所以呢度啱喇，講吓個名介紹邊度黎就夠。分享比較深刻既幾款。。。。頭一款同第二款，唔知係咪師傅重手咗，我只食到蔥味，正打算如果第三款都係咁，會叫佢唔好再放，連張相都睇到綠色🥲，好在只有呢兩款。呢款係熟成魚，但講真，無乜味😅賴尿蝦本身應該帶鮮味，但又係無咩味😑我見無乜人貼賴尿蝦，唔知係咪佢哋都知道出咗事無再用，算我唔好彩。出事既都係以上幾款，都有啱我口味既，呢款有埋魚肝既我好鍾意，本身鍾意食內臟，佢無腥味，仲有少少甘香，帶出埋魚既香味。海膽好好味😋其餘都滿意🙃…Read More

今年老闆叫我㨂地方食團年飯，係群組見到都幾多人讚食物質素唔錯，就預訂咗，最後老闆都食得滿意。師父有每道菜式介紹來源地，有咩特點。而因為疫情下一日要開4場，我哋食1:30，師父控制時間都好好，唔太趕，我哋邊傾邊食，準時交台，但感覺師父就辛苦少少。總括黎講值得試試。…Read More

同朋友黎chill一chill，原來Menu轉咗少少，本來想食漢堡配牛油果，結果變咗配薯條，唯有轉食All Day，望落好似唔多野咁，食完飽到甜品都食唔落，2條友飽到夜晚…Read More