すき焼 森 (荷李活道) (已結業)

今次由朋友安排一切，聽佢講每月1號親自到店預約成功機會最高，餐廳當日會撥出最近門口一張枱作為預約之用，而唔係就咁要客人企門口登記完就走，要知道這等同犧牲了一張枱的收入，相當有誠意及尊重前來的顧客，我自己認為這個已經是其中一部分的用餐經歷。當日為我們處理食物既廚師每個細節都解釋得好好，亦好樂意解答我哋既疑問，食材為何這樣配搭也有講解，對於第一次到店用餐既我都感覺到誠意。用餐體驗對我黎講係食材+環境+服務，呢幾樣野今次都好滿意。而我平時對食物調味偏向淡少少，原本以為食完味道咁濃既食物會好口喝，但最後又無出現。而飯後其中一位女經理前來問我們的意見，也有講起Sukiyaki偏向味濃，有部份客人會要求調味「輕」一點。我自己就用生雞蛋減底濃味既感覺，點一點生雞蛋沖走了少許調味都唔錯。