nataliekwokk的個人專頁

食過呢個餐廳兩次，忍唔住要要寫返個食評提醒*記得要訂座，座位有限，經openeice訂座仲有得賺asia miles **勁欣賞佢個午餐，百幾蚊有壽司、烏冬、麵豉湯、茶碗蒸。我哋另外單點咗海膽飯同三文魚子飯海膽超新鮮又鮮甜我老公就鍾意成碗咁食，不過我都係鍾意包紫菜食多啲，感覺會比較似壽司，好似一碗可以食到好多件壽司咁最後仲有甲羅燒！濃濃嘅蟹膏配上生雞蛋，攪拌均勻後，再點麵包食，超級好食！好似去返日本磯燒水產咁…查看更多

今次專程book呢間餐廳同老公慶祝anniversary ！佢位置黃金泳灘隔離，坐戶外仲可以望到海，唯一美中不足就係限聚令封灘，沙灘佈滿橙色圍欄，有少少影響景觀。不過九月份，唔太熱吹住海風食飯，又幾relax!!!餐廳好貼心，枱同枱之間有蚊香，我呢啲咁惹蚊嘅人，成餐飯都冇俾蚊咬，值得一讚！我同老公每人叫咗一個set，同半打生蠔。生蠔超級肥美又大隻，圍返每隻差唔多50幾蚊，值回本價。最後個甜品仲幫我哋寫住happy anniversary,打卡一流！…查看更多

住喺大西北又突然好想食拉麵，又唔想出咁遠，就比次機會試下食坑尾村嘅「小町」！點知有驚喜！！覺得以後可以唔使出城食拉麵～呢間拉麵店，唔係腸地圖底區內人都唔識嚟，佢喺村屋入面，門面裝修到好似日本小店咁(｡･ω･｡)ﾉ我地今次叫咗好多野食鹽拉麵～老公叫呢個，湯底好好飲！我覺得有少少似中式老火湯迷你叉燒丼呢個超級好食，叉燒入口即溶我叫咗迷你size，但都夠女仔胃口叉燒飯團呢個飯團就略嫌太多飯，啲白飯冇乜味但入面嘅叉燒切碎又好好食餃子呢個係老闆自己包，皮薄餡靚，煎香好好食！…查看更多

由東涌開始出發，行東澳古道到大澳，途中會經過海角7號士多（約一個多小時），我見老闆啲炒飯係即叫即炒，望到隔離枱好有獲氣、香口，好可惜我食飽先行山，構思試佢嘅新鮮菠蘿冰！菠蘿冰10蚊一個，大大嚿，係新鮮菠蘿再浸鹽水，而唔係普通士多嘅罐頭菠蘿。咬落去有濃濃嘅菠蘿香，再加有少少鹹嘅味道，食落幾特別。同行友人話，菠蘿要浸下鹽水先冇咁上火，哈哈！長知識了！～係秋天食住菠蘿冰行山，就好似食咗補充劑咁，行幾遠都唔覺攰～！…查看更多

我勁鍾意麵/拉麵個啲，難得嚟開港島呢頭，就要食「彩」！。之前一直食開元朗分店，呢間就未試過啦～本身驚要排隊，就準時12點到彩門口，唔使排隊就入得hehe!門口細細，但入面都算多位，起碼比元朗店多位我今次叫咗*黑蒜油沾麵· 伯爵茶麵* $88黑蒜油帶少少苦，濃厚嘅湯配帶有淡淡茶香嘅麵，粗麵軟硬適中，掛麵一流，好食又特別，唔係一般拉麵店食到嘅味道。唯一美中不足就係，我嫌佢塊紫菜太細塊，得一塊係唔夠食咖！！…查看更多

香港人要幫襯香港人餐廳！今次揀荃灣龍門冰室食早餐，朝早8點唔使等位就入得去。入面環境寬敞，有卡位，衛生乾淨～！我叫咗**雪菜肉絲米粉拼餐肉+奶醬厚多士*$36雪菜肉絲有點咸，但佢係青綠色，應該係餐廳自己醃的，非現成貨。不過我都係鍾意食一般茶記個啲多啲啲！～我反而記鍾意呢個奶醬厚多士多啲，個包好厚又軟身，不過略嫌唔夠多奶醬！！我超鐘意食醬咖！！！成餐埋單37蚊，不過不失啦～估唔到係奶醬多有驚喜！！！…查看更多

我一直都勁鍾意食壽司，三文魚、三文魚子、海膽個啲實走唔甩。不過嚟到長洲，就一定要食返港式壽司，事關細細個每次嚟到都一定會好，十幾年嚟味道不變，每一口都係回憶！～我今次叫咗*腸仔蟹柳蟹子手卷*$28蟹子配試沙律醬，再淋兩圈醬油～同日本手卷比，緊係冇得比啦，但以回憶同港式風味嚟講，我會俾佢100分食每一啖都好開心！另外，呢間店仲出名食*紅豆餅*$7紅豆味香濃，暖暖地啲餅身，食落口唔會覺得乾，好味道！！…查看更多

同朋友聚會就好鐘意去牛角，燒下又食下，好過癮咖！我哋通常會揀午餐或下午餐時段去食野，因為佢有set叫夠晒抵食！呢次就想食豪啲啲，試試牛角buffet~我地叫咗lv2 buffet呢個餐有牛、豬、雞、魚，同埋最重要金菇！野食多到就嚟放唔晒hahahah..不過醉翁之意不在酒，實不相暪，我最鍾意食嘅係牛角飯。牛角buffet呢度採用自助方式，自行盛飯，添加紫菜、蔥、燒肉汁，咁我就唔客氣。一口氣落勁多紫菜，勁好食，俾錢淨食牛角飯我都願意呀！其他肉燒完都好好食，唔會太肥，同個飯好match …查看更多

呢排天氣轉涼，梗係要食一碗熱辣辣嘅拉麵啦！呢間拉麵店每到中午同晚飯時段，門外就會有長長人龍，好彩店內位置都算多，前排有約十人排隊，都係排咗15分鐘到就入得！魚介豚骨拉麵$78湯底好濃郁，麵質屬粗麵，軟硬度適中，掛麵好好食。配菜有兩塊紫菜、兩塊叉燒、半隻溏心蛋同埋筍，不過我就mama地食筍，所以喺張order紙到寫「走筍轉紫菜」除咗紫菜之外，仲可以轉溏心蛋或叉燒，幾抵食！就咁加點一樣野都要10幾蚊啦…查看更多

喺荃灣呢頭返工，緊係要搵下Ｄ美食小店，日日食連鎖野真係唔得！喺一條好多車房嘅街度，俾我發現咗一間拉麵小店—主打沾麵！！！！！ 魚介沾麵 $73魚介湯好大碗，又熱辣辣。飲落去非常濃郁，有日本食沾麵嘅感覺，配埋蔥花簡直係一絕！麵幾好食，麵條偏粗身、質感好彈牙煙靱、好掛湯，整體味道又唔會太鹹。食完沾麵之後可以加啲熱木魚湯，魚介再加木魚，魚味超級濃，正！！ 下次一定會再嚟，好好味，一解思鄉之愁ＨＡＨＡＨＡＡＨＡＨＡ…查看更多

一朝早緊係要嘆過美味早餐，麥當勞係我嘅不二之選。話說次次都係食魚柳包餐、豬柳蛋漢堡，好多年都冇食過熱香餅（因為覺得要用刀叉食好麻煩，食麥當勞就係懶得用餐具ＭＡ），今日就心血來潮食返佢！！食熱香餅一定要多牛油，一個牛油配一塊餅就最PREFECT LA~ 咸咸地嘅味道加上楓糖醬，好好食，即刻諗返細細個嘅回憶。不過我就怕肥，所以配左杯熱檸水，想減低自己罪惡感（因為我食咗好多牛油落肚），如果唔係平時一定會叫鮮橙汁加大嚟飲！…查看更多

呢排想食得健康D，又唔想日日喺屋企食減肥餐所以就揀左Oliver's Super Sandwiches，貪佢有焗薯仔，罪惡感冇咁高。我揀咗挪威煙三文魚沙律拼碎蛋沙律，配羅宋湯，個薯仔好好食，唔會話食到成口好乾，勁夾煙三文魚，一口接一口就好快食完，本身以為會唔飽，點知一個薯仔都好飽肚，減肥有營之選！佢呢個餐可以揀要白湯定紅湯，我呢個蕃茄怪緊係要紅湯啦，熱辣辣嘅湯完全冇令我失望，勁好飲！老公叫咗費城牛肉配車打芝士醬，估唔到佢平時咁大食，食一個薯仔都夠，我偷食咗少少，車打芝士配薯容勁夾！！！…查看更多