鮨一 (厚福街)

食過呢個餐廳兩次，忍唔住要要寫返個食評
提醒*記得要訂座，座位有限，經openeice訂座仲有得賺asia miles **

勁欣賞佢個午餐，百幾蚊有壽司、烏冬、麵豉湯、茶碗蒸。

我哋另外單點咗海膽飯同三文魚子飯

海膽超新鮮又鮮甜
我老公就鍾意成碗咁食，不過我都係鍾意包紫菜食多啲，感覺會比較似壽司，好似一碗可以食到好多件壽司咁

最後仲有甲羅燒！
濃濃嘅蟹膏配上生雞蛋，攪拌均勻後，再點麵包食，超級好食！好似去返日本磯燒水產咁