ki_fooddairy的個人專頁

朋友話同我黎試下呢間餐廳順便當埋生日飯😊我地叫左一個avocado pizza(呢個pizza係不含麵筋的),一個尼泊爾烤雞肉,一個瑪沙拉羊同一個芝士手餅。avocado pizza:個皮唔厚，仲幾有咬口，但一定要襯熱食，而且唔太漏尼泊爾烤雞肉:啲雞肉勁juicy,雖然睇落平平無奇，但食落就知好正，烤嘅時間岩岩好，啲雞肉一啲都唔老👍🏼瑪沙拉羊: 啱曬我地啲唔太食得辣嘅人，同埋我地會同芝士手餅一齊食，味道會冇甘濃郁，而且份量都幾多下。…查看更多

不起眼的日本料理，如果唔係朋友講過都唔知有呢間野🙈🙈🙈一上到去地方乾淨企理，啲位都幾闊,坐得幾舒服👍🏼👍🏼我同daddy mami嗌左鐵板羊架，雜錦天婦羅同和牛刺身(半客)🤤🤤鐵板羊架(2件$68):唔會太熟，唔會太生，岩岩好👍🏼 亦都厚肉，而且價錢都幾抵👍🏼雜錦天婦羅：即叫即炸👍🏼 粉唔會太厚，亦炸得幾乾爽，唔會勁油和牛刺身(半客)：同係韓國食嘅生牛肉唔同，冇甘甜，但另一番風味👍🏼整體黎講都不錯吃👍🏼…查看更多

居酒居顧名思義係俾人傾計，輕食同飲酒。呢到嘅野食全部都係即叫即整👍🏼 所以所需時間較長但品質會令你覺得值得😊我嗌左個魚湯烏冬，麻醬蕃茄同刺身🤤魚湯烏冬一定要試👍🏼 食落一啲都唔覺有味精，勁鮮甜一啲都唔腥，聽店員介紹個魚湯係有七種魚一齊煮出黎🤓 啲烏冬時間煮得岩岩好👍🏼 有咬口有口感👍🏼刺身好新鮮，雖然價錢唔平，但食落就知值得😋 海膽係一啲都唔腥，好鮮甜👍🏼吞拿魚係冇雪藏味，連我平時係香港一定唔會食嘅時候，呢到嘅拖羅比美得上係日本食👍🏼…查看更多

中午經過旺角女人街，唔知食咩，行行下見到呢間食羊嘅店，本身都幾鍾意食羊，所以就一於入去試下😎間野絕大部分都係食羊嘅，同埋食麻辣。不過我就唔係好食得辣，所以嗌個陣嗌左最少嘅辣。碗粉都幾大碗，而且羊肉都幾多下👍🏼真心出乎意料👀 而且價錢唔貴，都幾抵食😊啲羊肉都幾嫩口唔會煮得太老。而且啲辣係辣得黎幾香，唔會剩係得個辣字👍🏼 愛辣之人一定要試佢啲辣👍🏼👍🏼 間店都幾企理同埋乾淨👍🏼而且好有中國風😎 …查看更多

屋企人好鍾意食片皮鴨😋😋 所以經朋友介紹就同屋企人黎食😊呢到嘅餸普遍黎講係比較清淡，岩曬我同屋企人嘅口味👍🏼片皮鴨係會即場係你面前片的皮出黎，亦都有人同你講點食，好細心👍🏼 呢到嘅片皮鴨係比外面多食法，成件事好有趣😎 其中一個食法係沾爆炸糖食👀 好新奇。而且啲鴨皮夠脆， 即叫即燒的。我地亦叫左蘑菇刺身，好正👍🏼 勁爽口，啲味都調得好好，係係外面未食過🤤亦叫左個磯煮鮑魚，個飽魚好入味同平時食嘅磯燒鮑魚係唔同,個鮑魚軟硬適中👍🏼價錢方面我覺得合理，屋企人都話會再黎食😋…查看更多

平日收工後同男朋友一齊食晚飯，誤打誤撞入左黎呢間拉麵店🙈因為男朋友唔太肚餓所以我地嗌左個灸燒豚肉海苔味玉拉麵，沙拉野菜炸餃子同信州蘋果梳打同靜岡蜜瓜梳打。灸燒豚肉海苔味玉拉麵: 我揀左硬麵，少油。好彩揀左硬麵，剛剛好唔會好硬其實，如果本身鍾意食有咬口嘅野嘅人一定要揀🌟硬麵🌟 嚐左一啖湯底，一啲都唔覺得咸，同平時食嘅拉麵湯底完全唔同，係濃得黎唔油唔咸👍🏼 隻蛋係類似溏心蛋咁👍🏼沙拉野菜炸餃子:外皮係脆嘅👍🏼 而且都炸得幾乾身唔會好油👍🏼…查看更多

期待左好耐嘅釜飯終於同朋友夾到時間一齊食🤤呢間野食之前就search過係食釜飯，釜飯出名，所以一坐低諗都唔洗諗就係釜飯中選擇😙 最後揀左鰻魚釜飯定食鰻魚釜飯定食: 鰻魚都幾多件下而且都唔算薄身👍🏼 米飯粒粒分明，軟硬適中😊 鰻魚上會淋上鰻魚汁，另外仲有一個碟仔裝住啲鰻魚汁，如果覺得唔夠可以自己加🤓呢樣野我覺得幾貼心之後仲嗌左個明太子厚燒玉子，明太子本身係偏咸，但同玉子一齊食完全唔覺得咸，而且都好夾👍🏼 不過記住襯熱食…查看更多

個個黎食沾麵嘅時候，因為我唔太肚餓但唔食又挨唔到去夜晚，所以就入黎食少少野🙈🙈間店有樣野幾好，就係有自閉位😎 唔洗同人搭枱同人面對面尷尷尬尬咁。唐揚炸雞：本身好驚佢好乾身，諗緊要唔要有沙拉個款，但餃子已經有沙拉所以最終都剩係嗌唐揚炸雞。吱啲檸檬落啲雞到，令到冇咁膩。第一啖有驚喜，一啲都唔乾身😋 又唔會好多油，外皮係脆嘅👍🏼啲雞肉都幾嫩口辛口沙拉羽根餃子: 餃子皮夠薄，個底係脆嘅👍🏼 不過都幾辣下，鍾意食辣嘅人可以試下😎…查看更多

上一次係媽媽生日同佢黎食，最難忘嘅係個荷蘭薄餅，真心好正🤤所以今次同朋友黎食，我地嗌左個原板海膽木魚花紫菜絲荷蘭薄餅同黑松露牛肝菌意式燴飯。原板海膽木魚花紫菜絲荷蘭薄餅： 個薄餅唔係我地平時食個隻，個薄餅係勁薄，外圍係脆。食個陣將海膽擺係薄餅上，再將薄餅由內向外卷🤗 海膽依舊新鮮冇腥味👍🏼 薄餅一啲都唔油膩👍🏼 食完真係仲想食🤤黑松露牛肝菌意式燴飯: 好重黑松露香味🤤啲飯軟硬啱啱好，而且啲汁係濃郁，唔會好烯好淡…查看更多

難得有一日off，緊係要同朋友去chill下😎我同朋友係尖沙咀誤打誤撞咁入左呢間餐廳🙈 因爲我地貪佢有落地大玻璃同入面裝修幾正，成件事夠chill😎😎海蝦燴意大利飯: 啲飯軟硬適中，啲汁夠濃唔會稀👍🏼 啲蝦食落你知係新鮮👍🏼 唔係死實實半自助buffet:真心好正🤤 最欣賞嘅係右手邊嘅一口撻🤤 有幾款味:煙三文魚，煙肉同蝦。三隻味都好正😋啲皮係好鬆脆，完全out of expectation ❣️椰菜花忌廉湯:賣相可能麻麻，但個湯係好足料👍🏼 唔會太咸香煎三文魚扒配香草汁: 三文魚扒冇腥味，火喉啱啱好👍🏼 啲香草汁配三文魚令到成碟野一啲都唔膩👍🏼啲薯角勁脆😋…查看更多

為左慶祝妹妹生日所以今晚就嚟到百樂小館食潮州菜👅 位於Mira 1期，餐廳都幾大幾好坐😽 一坐低就侍應就遞上功夫茶🍵 茶味濃，入口甘甜. 係一杯好茶，可以嘅真係想再飲多幾杯🤤 有d小食，花生腰果小小咸，仲有d魚仔一齊食😻😻首先嗌左個胡椒豬肚湯👀 胡椒味十足，豬肚好淋好軟⭐⭐ 仲有d芥菜煲到淋哂好正😍 之後嚟左凍烏頭魚😉第一次食凍魚感覺幾新奇，魚肉入口即溶，佢比左2個黃豆醬嘅，一個比較甜，另一個就咸d☺ 南乳骨亦好食，好香南乳味，肉質偏淋好易咬，撈飯唔錯！👍🏻👍🏻 甜品有紅棗糕😍非常煙韌，又唔太甜💛💛…查看更多

中秋冇陪屋企人，所以中秋過後補反數，吖媽話想食韓國野，於是上網搵下，搵到呢間覺得好似ok,就一於去試下。我地嗌左個招牌薄餅同烤芝士豬肋骨。上菜速度好快同埋個職員好好心，我地本來諗住叫招牌薄餅同招牌沙律，個職員好好甘同我地講兩樣野啲料一樣。招牌薄餅：熱辣辣，個薄餅夠薄，芝士味好香濃，配搭埋啲沙律菜係perfect match,唔會太漏。媽媽話個批好正宗，同係韓國食嘅差唔多👍🏼烤芝士豬肋骨: 上菜個陣會有職員講點樣食同埋要曾熱食，啲豬肋骨好入味同啲芝士一齊食成件事好濃郁😋😋個餐牌啲價錢睇落好似幾貴下，但佢會俾反甘上下嘅份量你，所以係值嘅，媽媽仲話可以encore😋…查看更多

中午係黃大仙附近做完野，係黃大仙中心行行下見到呢間日本野，見啲價錢都算親民就走入去醫下肚。我嗌左個胡麻角切魚生冷烏冬，我最鍾意嘅蟹子沙律同藍柑白桃梳打。胡麻角切魚生冷烏冬：自己本身好鍾意食烏冬，一黎到個樣係幾吸引。啲烏冬好正👍🏼 唔係軟lum lum 冇口感個啲，夠煙韌夠曬口感。啲魚生都新鮮，有蝦，三文魚，吞拿魚，八爪魚，油甘魚，而且份量都幾足。蟹子沙律：蟹子嘅份量都足夠，青瓜爽口。藍柑白桃梳打：大大杯，上面插住枝lemonade, 入口唔會太甜，白桃味好重👍🏼…查看更多

之前突登走入元朗總店食，食完一次就好耐冇食過。最近竟然係灣仔開分店，即刻去回味下。試業期間已經好多人排隊，但我唔想等所以買個招牌咸牛肉芝士蛋豬仔包外賣過下口癮，幾分鐘就拎到。本來諗住買反杯好正嘅冰花奶茶，但賣曬😟招牌咸牛肉芝士蛋豬仔包:同係元朗食個陣冇分別，都係熱辣辣，個豬仔包都係甘軟熟，隻蛋唔係全熟，7成熟到，咸牛肉嘅份量啱啱好，唔會太多令到個包好咸，芝士係半溶狀態。呢個包真係會食上癮😋😋😋…查看更多

舖頭細細間，有自家小舖頭嘅感覺，呢次係老師話要去食，話間野唔錯。我就嗌左個白汁芝士蟹籽焗鴨胸螺絲粉（好耐冇食過螺絲粉），羅宋湯同熱檸茶。白汁芝士蟹籽焗鴨胸螺絲粉：一上黎，估唔到甘多蟹籽，啲汁好多，唔會食食下冇汁撈，同埋都幾多芝士，會有絲拉到出黎。本身好驚啲螺絲粉好"lum"，但食落發現唔會好"lum",不過自己本身鍾意食硬身少少，所以都覺得有少少"lum",但接受到。啲鴨胸都厚切，唔會好薄一片，所以食落有口感，而且啲鴨胸都唔會太咸。…查看更多