penguin_iseating的個人專頁

如果要揀一款食物代表香港，車仔麵絕對可以入選👑方便快捷，又多選擇，啱晒香港人。食過咁多間車仔麵當中，麵尊係企鵝妹成日想回頭再食嘅一間!雞翼尖/豬紅/豬大腸/蘿蔔/油麵/腩汁加麻辣 $52 (8.5/10)⭐️雞翼尖: 如果要喺咁多款餸入面選擇，企鵝妹首推雞翼尖!! 鹵水汁甜甜地好入味，入口已經骨肉分離好正🥰⭐️豬大腸: 好邪惡，但邪惡嘅野總是好味😂清洗得乾淨冇騷味，而且炆得軟淋唔會咬唔開👍🏻⭐️豬紅: 夠實淨，唔會一夾即散，亦都唔會腥~⭐️蘿蔔: 今次有少少失色，以往食係甜d嘅，今次就爭dd，不過都係完全冇渣~⭐️湯底揀左加腩汁，夠味夠濃郁但唔會死鹹，加埋麻辣汁夠晒惹味，揀左少辣啱啱好😍🌶🐧企鵝妹食後感:企鵝妹最鍾意食麵尊嘅鹵水野，每一樣都鹵得好入味🤍而且湯底味道剛好~仲要係少有的良心車仔麵，未試過嘅推介大家去試下~🐧企鵝妹推介指數: 8.5/10…查看更多

香港人熱愛米線嘅程度真係不能低估! 無論幾遠嘅小店，只要佢嘅米線出色，都會受到大家熱捧🙌🏻企鵝妹今次就去到都幾隔涉嘅石蔭試下呢間好多人推介嘅米線🍜⭐️皇牌米線 小小辣 $57 (8.5/10)皇牌米線係小鍋米線配上店家三樣最出名嘅配料，雞絲、腩肉同螺旋藻。雞絲撕得好幼細好綿真係好似雪花咁❄️，索晒湯汁好好味😋腩肉肥瘦適中，唔會鞋口，醃到少少辣剛好~而螺旋藻就比較特別，唔係好多米線店有得食，口感有少少似爽口版嘅海帶，感覺配埋重口味嘅米線食好似健康d🤭🤭配料嘅份量俾得好足，每啖米線都有雞絲同螺旋藻配住一齊食，口感好豐富🤩而湯底就叫咗小小辣🌶，廢事食得太辛苦。湯底夠濃但唔會過鹹，辣度麻度都剛好夠惹味，帶微酸，唔會蓋過辣味，屬於所有野都balance得唔錯嘅一碗米線，啱晒怕太重口味太油嘅人👍🏻🐧企鵝妹食後感:企鵝妹都幾鍾意食呢間米線，甚至會將佢排得前過老闆娘添👑湯底濃郁得嚟唔會太油，係辣麻酸甜度都中和得幾好嘅米線。而且整個份量俾得一d都唔吝惜~不過就真係有d遙遙🤣得閒要再去食過🫶🏻🐧企鵝妹推介指數: 8.5/10…查看更多

一兩年前到訪過Ninetys，試過佢地嘅signature菜式Piggy Piggy同得獎咖啡，一直念念不忘，覺得佢地食物同咖啡都好高質🤍近排見有人介紹佢地嘅brunch board，所以相約朋友一齊再去試下新menu~Brunch Board Unlimited Bakery/Rice with 4 sides $138 (7/10)嗰日同朋友叫咗2個brunch board，試咗4款bakery同8款sides👇🏻⭐️Bakery佢有4款bakery，每個set可以揀2款，無限refill。4款麵包都係正常發揮，唔算太出色，chocolate danish loaf bread 唔係好食到朱古力味，有少少失望😢⭐️Signature:-Salty Egg York Bonston Lobster🦞+$78有半邊龍蝦，睇過其他review係有橙色嘅膏，咁啱當日去到我地隻龍蝦就冇啦，感覺價錢有d進取🙈不過龍蝦幾彈牙爽口，咸蛋黃醬經特別調配，甜甜地幾match龍蝦-Sous Vide Char Siu +$48店員嘅特別推介，係經慢煮再用蜜汁烹調嘅叉燒。入口比平時食嘅叉燒甜，肉質軟淋，不過當日嘅叉燒偏肥，有2-3嚿都係充滿肥膏的，呢個就睇個人喜好啦~⭐️Mashed Potato-Crab Fat Cream-Truffle Cream薯蓉好creamy，保留左粒粒薯仔口感，兩款比較下，會推介truffle cream多d，truffle味幾濃，crab fat cream較淡，唔係好食到蟹黃味⭐️Eggs-Black truffle scrambled eggs蛋炒得嫩滑，配上black truffle 醬，呢款好味-Poached Egg with lemon yogurt我唔太鍾意呢個，覺得蛋配酸酸地嘅汁有d 古怪🙈⭐️Green-Mushroom salad係偏清淡嘅菇配海帶，食左其他較膩嘅野，食呢個清一清都ok⭐️Dairy-Granola Greek YoghurtYoghurt幾好味，蜂蜜甜甜地配granola，當dessert 不錯的🤍🐧企鵝妹食後感:餐廳環境舒服，樓底好高好有空間感，適合朋友下午來傾計chill一下。另外值得一提嘅係，佢地嘅咖啡係有拎獎架，每款咖啡都會配上卡仔介紹，見到店家嘅用心，連今次叫嘅朱古力都好濃厚好好飲🍫不過企鵝妹同朋友都認為我地上次散叫嘅main dish較為出色，而今次嘅brunch board就正常發揮，唔算好驚豔🙈推介大家來試佢地嘅main同咖啡呀☕️🐧企鵝妹推介指數: 7/10…查看更多

除左米線之外，企鵝妹都好鍾意食餃子，貪佢有菜有肉夠晒健康又方便食😛有幾次經過旺角嘅甜記都會見到有一堆人等位，今次試左覺得真係唔錯呀，仲要係良心餃子店，值得支持💛!!⭐️椰菜冬菇雲耳豬肉餃 拼 粟米芝士雞肉餃配蕃茄薯仔湯 $46/10隻 蕃茄薯仔湯係店鋪嘅其中一個賣點，真係有蕃茄同薯仔蓉架🍅🥔，有少少似屋企煲湯嘅住家感覺，配埋餃子食都飲左大半碗呀🫶🏻餃子每隻都好飽滿脹卜卜咁，大大隻超級足料，企鵝妹平時食開10隻餃子當一餐，今次都差d 食唔晒🤣椰菜冬菇雲耳豬肉餃口感好豐富，多菜少肉，配料爽脆，係健康之選💚粟米芝士雞肉餃🌽🧀芝士味香濃，粒粒粟米好甜，不過食多幾隻會有少少膩，覺得應該襯煎餃香口d會更加夾~⭐️西洋菜豬肉餃 配雞湯 $46/10隻 相比之下，雞湯就冇咁特別啦~同樣清甜冇味精，但私心推介蕃茄湯多d😛西洋菜豬肉餃入面嘅西洋菜好多，而且唔會切得太碎混入豬肉，而係保留原有菜嘅口感，更加帶出西洋菜獨特嘅香味👍🏻🐧企鵝妹食後感:嗰日夜晚7點左右入座，幾款比較高人氣嘅餃已經沽清lu~所以如果大家想有多d味道選擇，建議lunch或者早d時間去。特別喜歡佢地嘅餃子好足料好飽肚，特別要介紹佢地嘅菜圃，食得辣嘅一定要加落去同餃子食，更加惹味呀🌶下次再去試埋其他口味同煎餃先! 🐧企鵝妹推介指數: 8/10…查看更多

呢間人氣cafe喺西貢市中心，純白嘅外表同簡潔嘅裝修，俾人好舒服嘅感覺，好適合放假嚟食d野休息下🤍店鋪仲有戶外位置，啱晒主人們帶埋寵物嚟chill一chill🐶⭐️French Toast $98 (8.8/10)一上枱已經見到賣相好精緻，成隻碟鋪滿玫瑰花瓣🌹，好適合用嚟打卡📸多士烘得外脆內軟，好香蛋味，配上肉桂粉同香甜蜜糖🍯，仲有開心果碎增加左口感，全部一啖放入口係滿滿嘅幸福感吖~🥰⭐️Smoked Salmon on Sourdough Rye $112 (8.2/10)配盤同樣美美的，酸種麵包外皮烘得香脆同時煙韌有咬口，三文魚份量俾得好足，配埋火箭菜同佢地特調嘅醬汁，成個配搭幾fresh🫶🏻⭐️Iced matcha latte (7/10)Matcha latte 唔會過甜，但略嫌抹茶味較淡~下次試下佢d smoothie 先🥤🐧企鵝妹食後感:好喜歡這間cafe嘅氛圍，如果平日人潮不多的話，來吃個brunch慢活一下，都係一個好好嘅叉電地方🥰而且食物質素都好好，推介給大家🤍🐧企鵝妹推介指數: 8.5/10…查看更多

大坑有好多特式小店✨，放假去行下周圍發掘下都幾chill幾舒服🤍今次揀左一間bookmark 左好耐，食手工意粉好出名嘅店🍝 ⭐️Sea Urchin Pasta $208 (7/10)海膽意粉係呢間店嘅招牌菜，手工意粉偏粗，煙韌有咬口，有少少似上海粗炒麵硬版嘅感覺🤣亦食得出麵條好重蛋香味，幾有特色。海膽汁夠晒creamy，包裹住每條意粉，但味道同預期有少少唔同🤏🏻海膽味唔算太出，要伴埋喺面嘅海膽同魚子食先比較濃郁，可能期望過高，所以覺得還好，未去到超好味嘅程度🙈⭐️白酒蒜片紐西蘭鑽石蜆 $148 (7.8/10)睇其他人review 嘅時候見到d 蜆好大好吸引，嗰日嘅蜆唔算太大，但都夠鮮味，醬汁好重白酒同蒜味，整體都ok嘅~⭐️Seasonal Seafood Soup $78 (8/10)成餐反而個湯最有驚喜🤩好重嘅龍蝦同海鮮味，食得出落足心機煲同好足料，飲完好有滿足感🥰🐧企鵝妹食後感:店鋪環境裝修唔錯，但略嫌有少少迫，枱與枱距離偏近，不過下午去，整體感覺都係寧靜舒服🤍手作意粉有特色，亦feel到店家準備食材嘅用心，但對企鵝妹嚟講，整體調味爭少少，有聽過和牛同紅蝦意粉都好味(紅蝦要預訂)，有機會可以再一試🫶🏻🐧企鵝妹推介指數: 7.5/10記得follow 埋ig，就可以睇到更多企鵝妹吃喝玩樂嘅分享啦ʕ•ᴥ•ʔ…查看更多

企鵝妹之前食過燒烤堂，覺得佢地串燒種類非常多，除左日式串燒，仲有港式、川式、台式、店家自創串燒etc，睇住個menu真係令人花多眼亂，每款都想試🤣。所以近排再訪燒烤堂，果然質素仲係唔錯，仲係良心小店，值得encore!!💛試左好多串燒，全部都調味得好好，唔會過鹹食完好頸渴，下面挑選左d比較有記憶點嘅食物嚟介紹~⭐️惹味爽口雞腎 $20 (8.5/10)同佢個名改得一樣!! 好似係企鵝妹食過最爽口嘅雞腎，燒得剛好一d 都唔硬，有驚喜!😍⭐️厚切鹽燒牛舌腩 $48 (8.5/10)真係好夠厚身，入口啖啖肉，有咬口但唔會韌，係必叫之選👑⭐️鹽燒A4宮崎和牛 $58 (8.2/10)食得出係高質嘅和牛，入口充滿油脂同肉汁，好味😋⭐️雞皮墨魚滑 $38 (7.2/10)雞皮燒得好脆，墨魚滑食到少少墨魚粒🐙但略嫌墨魚滑有少少粉粉地，如果再彈牙d 就perfect 啦~⭐️檸蜜牛油包 $20 (7.5/10)睇名唔知點解聯想左佢係脆豬，所以上枱見到係多士有少少失望🤏🏻不過食落又唔錯喎! 個包外脆內軟，配蜜糖檸檬汁酸酸甜甜🍋🍯，加埋塊牛油完全係邪惡之最😈⭐️牛油蒜蓉金菇 孜然蒜蓉茄子 $32/$36 (8/10)係串燒店必叫食物! 滿滿蒜蓉夠晒惹味~~⭐️青檸菠蘿梳打 $28 (8.5/10)大大杯好抵飲，入面超級多菠蘿🍍可以又飲又食🤣酸maymay 啱啱好解到串燒嘅油膩🐧企鵝妹食後感:店鋪好有日式串燒小店嘅感覺，好適合放工同朋友嚟小酌兩杯(Sapporo買一送一)，食下串燒。不過店鋪略有小小迫狹，勝在冇限時任坐👍🏻大家可以早d訂位試下約坐卡位，就可以自成一角啦~另外串燒店普遍價格比較高，我上次食到捧着肚子走係$260/人，算性價比不錯吖🥰🐧企鵝妹推介指數: 8.2/10…查看更多

香港專門食泡飯嘅餐廳唔多，所以一想食泡飯就會去村爺爺👨🏻‍🦳逢晚市去到門口都會有條人龍，而最近一次去，老闆會喺大家等位其間落埋單，見你猶疑不決嘅時候又會俾下意見，呢方面都幾貼心!⭐️南乳雞翼龍蝦湯泡飯 配半隻龍蝦 $60+$48 (7.8/10)企鵝妹嚟左幾次都係叫呢個組合，龍蝦湯雖然賣相唔算好靚，但飲落去會感覺到幾濃郁嘅龍蝦同海鮮味，但又唔會死鹹，飲完佢地d湯都唔會覺得好口渴，絕對係白飯小偷! 而且個湯好足料，有巨量蜆、青口、魷魚、同生菜等等，每次食到最尾都仲有好多蜆凈🤣而加錢配嘅龍蝦，對上一次去雖然都好鮮味，但對比之前食就較為失色，之前會食到有橙色膏同好爽口嘅龍蝦架!🦞(如果唔加龍蝦成個餐真係好抵食!!!)南乳雞翼大大隻，醃得剛好夠入味，炸粉唔會過口，忍唔住一隻接一隻食!⭐️熱情果梳打 跟餐+$12 (8/10)呢杯野飲係老闆嘅誠意推介，所以試一試巨。上枱超級大杯，杯會放住熱情果果汁，另上枝裝雪碧，酸酸甜甜幾解渴😍🐧企鵝妹食後感:成個感覺係一間親民小店，環境唔大，坐得有少少迫狹，同埋通常出面有人等位所以食完都會即刻走😌但感受到店家烹調湯底同食材嘅用心👍🏻，而且全部都「大件夾抵食」好足料，務求令顧客食到飽一飽走😂，所以企鵝妹一想食泡飯就會過嚟架啦ʕ•ᴥ•ʔ🐧企鵝妹推介指數: 8/10…查看更多

以前LamLamli仲係太子小店嘅時候，已經好想試佢嘅千層蛋糕🍰但嗰陣每日限量供應，所以一直都覺得好難買冇買到，直至LamLamli搬左新店兼有堂食位，如果預訂原個蛋糕，仲可以ig direct購買之後上去取貨，非常方便，終於有機會試佢地嘅蛋糕啦🥰🫐🧀藍莓芝士千層蛋糕 $210/6吋 (8.2/10)LamLamli有好多唔同口味嘅千層蛋糕，連坊間少有嘅藍莓芝士都喺到搵到🤩嗰日一取貨已經感受到蛋糕好有重量好足料嘅感覺。班戟皮整得夠薄，每層cream厚度都好均勻，兩者比例配合得好好。藍莓味有果肉喺每層中間，酸酸地幾清新，配埋芝士都唔會過甜過膩👍🏻嗰日上門市見到好多口味，大家都會散件買，一次試晒唔同味道。下次要再去試下先!!😋…查看更多

觀塘工廈係好多cafe林立嘅地方，而企鵝妹對呢間cafe真係情有獨鍾🤣，已經encore過幾次啦! 佢地無論最出名嘅梳乎厘定鹹食都唔錯，所以想推介俾大家🫶🏻⭐️榛子朱古力焦糖梳乎厘班戟 $95 (8.5/10)班戟入口鬆軟綿密，佢唔算係超重空氣感嗰款，但企鵝妹反而幾鍾意呢個比較實在嘅口感😋蛋味香濃，配埋榛子醬、朱古力cream同脆脆焦糖面嘅香蕉同原粒榛子，再加配Movenpick超濃朱古力味雪糕，好邪惡但好滿足😈⭐️伯爵茶忌廉糖漬橙片梳乎厘班戟 $105 (7/10)伯爵茶忌廉個味幾出唔太甜，配埋pancake幾清新，純粹我唔太鍾意同糖漬橙嘅配搭，所以扣左d分😂😂***而家好似轉左另一款伯爵茶梳乎厘⭐️意大利芝士溶岩 $98 (7.8/10)呢個絕對係店鋪嘅打卡之選，一拉膠片，d忌廉芝士就會好似溶岩咁流落嚟，非常吸引😝味道方面就唔算太突出，咖啡味香濃，忌廉Creamy好滑，蛋糕濕潤索晒咖啡同淡淡酒香，係合格以上水平嘅Tiramisu~⭐️Cobber Noddle(辣番茄忌廉大蝦意粉) $88 (8.5/10)企鵝妹幾鍾意食呢個意粉，番茄味濃而且加左少少辣好惹味🍅🌶(可自選辣度)，蝦份量好足亦爽口彈牙，食下食下好容易就清晒成碟🤰🏻⭐️雜莓乳酪沙冰 $48 (7.5/10)酸酸MayMay 幾解渴同解膩，如果莓味可以再重d更好🍇🐧企鵝妹食後感:呢個cafe真係好高人氣，因為無得book 位，晚市時間長期大排人龍。雖然多人，但座位都算闊落坐得舒服，企鵝妹前後都食左幾次，一直都維持到水準👍🏻佢地而家Menu應該更新左，見到出左新嘅麻糬梳乎厘，睇相都覺得吸引，搵日要再去試下啦!!🐧企鵝妹推介指數: 8.2/10…查看更多

企鵝妹係名符其實嘅一個麵包控🍞，早排長期見到呢間店嘅菠蘿皮麻糬波波將ig 洗版，一直都好想試但每次經過都有海量人在排隊。有次落雨天，企鵝妹見人龍唔算太長，所以就排隊一試呢個名物 (最後都排左40分鐘😂)⭐️抹茶QQ 伯爵茶QQ 朱古力QQ $10/個 (5.5/10)當日只有呢3款供應，所以企鵝妹一次過買晒。佢係新鮮出爐即刻放入袋嘅，仲會打開個袋口防止水蒸氣整濕個包。買完後搵左個位，大概10分鐘後食，一拎出嚟就有d失望了😢因為個包扁塌左，完全唔係脹卜卜，所以第一下咬落感受唔到空氣感，有d似食緊壓扁咗嘅麻糬餅🙈菠蘿皮偏硬，唔太鬆脆，感覺好多菠蘿包嘅菠蘿皮做得比呢款好。味道方面，伯爵茶QQ個茶味近乎冇，反而食落有d似芝麻味合桃酥?! 抹茶茶味同樣欠缺🍵，而朱古力味比較有誠意，有d朱古力碎🍫，但亦都唔濃。唯一要讚嘅地方係麻糬甜甜地都真係幾煙韌嘅~🐧企鵝妹食後感:可能對佢有幾高期望，嗰日食到之後都幾失望，唔知係嗰日嘅品質問題定企鵝妹唔啱口味🙈佢唔係難食嘅，如果之後冇人排隊都可能再一試有冇改善到，但如果再要排隊就不了🫠🐧企鵝妹評價: 5.5/10…查看更多

呢間日本小店主張健康同營養均衡嘅飲食方式，所以佢地嘅食物都係堅持無味精無添加💯，同埋多蔬菜🥦🥬🥒。餐廳入面嘅設計以木為主，配合左少少camping用品嘅元素，雖然簡約，但幾有日本小餐館嘅感覺🎌⭐️豬軟骨咖喱烏冬 $74 (8.5/10)豬軟骨向來是心機之作，店家話佢地嘅豬軟骨用醬油慢煮左7小時，食落非常軟淋入味，就算d軟骨位都接近入口即溶🫠，仲feel到滿滿嘅骨膠原添呀😝而咖喱比較杰身，所以有點撈烏冬嘅感覺，偏甜唔辣，大人小朋友都啱食，仲有大量椰菜粟米紅蘿蔔絲balance 翻豬軟骨嘅肥膩感🥕，配埋掛汁烏冬食，令人忍唔住一啖接一啖咁食🥰🐧企鵝妹食後感: 呢間小店嘅豬軟骨真係好出色，配埋咖喱烏冬同滿滿野菜，令人食完好滿足🫶🏻但要提提因為豬軟骨同咖喱都偏重口味，如果平時食得較清淡，建議可以揀烏冬配昆布湯底或者豬軟骨定食配飯，企鵝妹食過都好正架👍🏻👍🏻🐧企鵝妹推介指數: 8.5/10…查看更多

喺咁多國家嘅菜式中，企鵝妹最鍾意就係食泰國菜🇹🇭九龍城又稱為小泰國，行兩步就有一間泰國野。嗰日去左食出晒名大排長龍但好有良心嘅泰金國啦，佢地9點左右截龍，好好彩成為左截龍前嘅幸運兒🥰⭐️泰式燒牛肉 $88 (8.2/10)燒牛肉係店鋪招牌🥇，枱枱都必點，燒到半熟入面仲係粉紅色架! 雖然唔係超嫩，但係有咬口得嚟唔會韌，好有肉汁帶少少油脂，仲食到陣炭香味，配埋酸辣汁好惹味😋😋⭐️泰式燒豬頸肉 $78 (7.8/10)呢款同樣燒得好出色，啱啱上枱見佢好似乾乾地，點知擺入口原來好爽口，個面又燒得脆脆地，都係配佢個辣汁食，好味😙⭐️泰式燒雞翼 $18/隻 (6.5/10)喺出面排隊一直見姐姐不斷燒海量雞翼，對佢滿滿期待，但覺得燒得唔夠香，而且唔算太入味🙈⭐️肉碎生菜包 $88 (7.5/10)企鵝妹好鍾意食生菜包，貪佢有菜夠晒fresh，呢個生菜包肉碎酸酸辣辣，辣度應該幾啱大部份人，正常發揮，都好味🥰⭐️泰式炒金邊粉 $78 (7/10)金邊粉上枱熱辣辣，大大碟好抵食，但偏濕炒得未夠乾身，而且d顏色同味道都差少少，如果再鮮艷d 同濃味d會更吸引，同埋嗰日冇花生碎，有嘅話應該口感更豐富~⭐️椰汁沙冰 $35 (8.5/10)超濃嘅椰奶味🥥，好綿滑，用佢嚟解辣啱晒👍🏻🐧企鵝妹食後感:之前都食過幾間九龍城泰菜，泰金國絕對可以入選企鵝妹心目中頭一二位👑。雖然佢地嘅環境未算坐得好舒服，但成間餐廳同食物感覺好地道，而且大部份性價比都好高，又係良心小店，當然要多多支持😝💛🐧企鵝妹推介指數: 8/10…查看更多

唔知呢度有冇沙爹牛肉麵嘅fans呢? 企鵝妹每次去茶餐廳食早餐常餐都必點沙爹牛肉麵🤣今次就嚟到元朗食喺沙爹牛肉麵關注組上榜嘅永順食店試下😌⭐️沙爹牛肉配蟹王麵 $32 (7.8/10)一上枱就feel到佢比普通茶餐廳嘅沙爹汁濃稠好多🥜，花生味道重，牛肉係新鮮牛肉嚟，有咬口幾嫩，唔會好似某d餐廳嘅牛肉俾鬆肉粉醃到過軟。因為好多人推介蟹王麵，而且喺香港比較少見，所以就嗌左啦! 蟹王麵真係好掛汁，但偏冧身，企鵝妹都係鍾意食出前一丁彈牙口感多d!🍜⭐️加配 炸豬扒 $14 (8/10)配料當中，我覺得炸豬扒最好味，外面炸粉薄薄一層好鬆脆，而且入面豬扒唔會過乾。特別一讚係炸物嘅調味啱啱好😋⭐️加配 炸雞翼 煎雞扒 $14/每款 (7/10)兩款都係正常發揮~🐧企鵝妹食後感:佢地嘅沙爹牛肉麵未去到超驚艷，但的確比普通茶餐廳出色。企鵝妹住得比較遠，而且上次公眾假期去差唔多要排~45分鐘，所以未必會專誠搭車去食佢了，但未食過又去開元朗嘅，都值得一試呀!🤣🐧企鵝妹推介指數: 7.5/10…查看更多

呢間via tokyo 已經屹立喺銅鑼灣好多年，由以前到而家，一到晚飯後時間，就會有條人龍喺出面等。企鵝妹隔左幾年冇食，嗰日同一班朋友翻去再品嚐茶味甜品🍵⭐️Cremia 三色雪糕窩夫 $78 (7/10)一睇menu 就想叫呢個，因為可以食齊cremia抹茶同焙茶味。Cremia 係本身品牌雪糕嘅味道，奶味好滑好香，焙茶同抹茶都係呢間店嘅signature，當然都有一定水準，茶味濃微苦唔會過甜，啱晒唔好甜嘅人。但呢個甜品最大嘅扣分位係溶得太快，其實相片係佢啱啱上枱嘅樣子，已經見到雪糕開始溶了，再過多一陣，就變成雪糕醬，感覺如果雪糕質感控制得好d，會係一個出色嘅甜品🍦⭐️焙茶麻糬巴斯克芝士蛋糕 $68 (5/10)見到menu上呢個蛋糕好吸引，所以企鵝妹同友人都非常期待，焙茶味一如既往地濃，芝士蛋糕亦好creamy，但問題出於麻糬，唔知係當日雪得太耐定點，好硬亦唔煙韌，影響左成個進食嘅口感🥲⭐️抹茶Tiramisu $68 (7/10)Tiramisu質感幾滑，奶香同抹茶嘅苦澀balance左，呢個就正架發揮🐧企鵝妹食後感:對於多年後再次嚟到via tokyo，感覺有少少失望，好似水準不如以前了。抹茶焙茶味甜品依然係好濃嘅茶香，值得一讚，但喺甜品製作上仍然有好大嘅進步空間🙈另外要提一提係，因為嗰日見到店鋪營業時間至11點(openrice資料及店鋪門外張貼)，所以決定同友人前往，諗住坐多陣傾下計，但去到10點搭2 3 左右店員已經邀請我地離開，話要清潔，未知係因為疫情影響提早關門定點樣，但感覺入座前通知一下客人較好🐧企鵝妹推介指數: 6.5/10…查看更多