Tomy Chan的个人专页

大門拉麵喺德福商場已經開咗一段時間, 想去呢間食拉麵已經好耐, 但因為每次都是要排隊.....非常多人, 所以冇乜耐性. 今日啱啱瞓晏咗, 又冇早餐食, 所以就嚟呢間等佢一開門(十一點半)就入去幫襯. 因為時間尚早, 所以一入去就即刻有位坐低.一睇餐牌價錢比其他連鎖嘅拉麵店平, 而且因為新張期間, 免收加一. 雖然款式唔係太多 ...... 其實喺日本食開嘅拉麵都唔係太多款..... 而呢間香港分店就跟足日本店嘅款式一樣. 叫咗一個大門沾麵同一個大門拉麵, 再後加一個味蛋, 同埋一份叉燒. 拉麵嘅麵質剛剛好, 湯底好清甜, 不愧為日本直送嘅湯底. 沾麵方面湯次喺銅鑼灣嗰間(三X)咁濃, 因此對本人不食太濃嘅口味, 剛剛好.總括上本港嘅日本拉麵店其實水準差不多, 大部份嘅價錢接近100蚊一碗, 相對係日本食就差不多價錢. 但係喺香港我發覺不值囉! 而呢一間嘅價錢大概50至60蚊, 價錢比較公道. 所以如果大家想食日本嘅拉麵, 可以試下呢一間嘅所有分店.…查看更多

今日太太同舊同事敍舊, 因只有我同老爹.....同之前一樣......通常都會叫外賣回家食, 但突然時常想嚟試吓佢哋嘅西餐, 所以今晚特登去呢間飯店(西餐廳)試吓.父親叫咗個蒜蓉汁煎牛扒配薯條 (餐牌只係話配飯或意粉, 但問過老細佢話配薯條都可以), 我就叫咗個黑椒汁紐西蘭羊架配意粉. 因今日特別多人, 所以等咗十分鐘先嚟, 先到嘅係牛扒, 因配薯條, 所以蒜蓉汁另上 (廚師都幾有心思), 牛扒煎得剛剛好, 大概八至九成熟, 完全冇揸👍👍👍(因父啲假牙都食到😀😀), 薯條係即炸嘅非常鬆脆, 以$58嘅價錢, 非常超值.跟住我嘅黑椒汁煎羊架上枱, 羊架好有鮮味, 以$60嘅價錢, 都算係ok. 其實最主要想試吓佢哋嘅意粉, 因為如果識煮西餐嘅廚師, 煮出嚟嘅意粉應該係軟硬適中. 而呢啲意粉就可以達到呢一個要求.估唔到喺中菜廳裏面都可以食到有水準嘅西餐, 大家想試嚇平民化嘅西餐, 不妨嚟呢間餐廳試一試. 因為就算朋友唔鍾意食西餐, 呢度嘅中菜都好有水準👍👍👍👍.…查看更多

不經不覺已30年多!從剛剛出來打工開始在呢間餐廳食3式即食麵當早餐至今自己變咗好多,但安順出品的即食麵就無變.....保持水準(用出前一丁)👍👍.3式麺套餐在定富街有很多茶餐廳都有.....有啲要加$3,有啲不用加錢(同安順一様),但煮出來不及安順的麺質剛剛好.另一個現象就係雖然佢哋座位不多,當早上繁忙時間,就算要等位都不願去其他餐廳,可見佢哋味道有一定水準.本人推介係佢哋的午餐肉及腸仔.....因為會先煎一煎才放上麵上(不像其他只用水預先淥熟).其實上面所講都係我之前的意見,今次之所以寫呢次食評係今日剛好休息及太太又短週,約咗老爹中午飲茶,但不想食3式麺,就試吓佢哋啲飽,因價錢($30)同麺餐一樣,感覺不太好,但又唔想食太好,終於叫咗沙爹牛肉飽及咸牛肉炒蛋飽(太太叫的).5份鐘後,兩個飽放在我哋面前,賣相很多......豬仔包原本係烘過👍👍👍(不像其他茶餐廳只叮熱),食落去沙爹牛肉好入味,沙嗲醬好多.另一個咸牛肉炒蛋飽啲炒蛋不太乾,食落去仲有蛋汁.....正正正.最後如大家想食個地道茶餐廳午餐,佢哋都有碟頭飯......牛腩飯/雞翼飯都值得試.…查看更多

因明天休息,今晚預先約埋弟同父親提早慶祝父親節.記起早幾日在Facebook發現原來佢吔都可預先訂喜歡的菜式,所以4日前叫老闆訂咗花膠釀魚肚/豉汁蒸鱔/花姑海参扣鹅鵝掌/薑蔥蠔.一坐下老闆就先來了菜乾豬肺湯.....正! 一貫水準!無味精....同利苑出品無分别.跟着花膠釀魚肚/豉汁蒸鱔/花姑海參扣鵝掌/薑蔥蠔分別上台.....1)花膠釀魚肚 ..... 花膠爽,魚肚鮮甜. 2)豉汁蒸鱔 ...... 鱔肉好爽,豉汁不像其他酒樓得個鹹字,鹹味剛剛好! 3)花菇海參扣鵝掌 ..... 花菇炆得好冧,海参無噏味,鵝掌冧得來又不會淡而無味. 4)薑蒽蠔 ...... 蠔好飽滿,每隻都好juicy.因今晚晚餐有越式肥牛炒河,所以無叫白飯,叫咗呢個河粉食,啲河粉炒嘚無太油但又不會黐埋一舊,味道很好,心想咁大碟未必食得晒,但最後都好快食晒.唯一美中不足係因人不多,未能一試佢哋個 盤龍鱔及炒聖子.下次約多嘚親友一齊再試.…查看更多

之前買開呢一間鋪頭嘅麵包, 當時其他舖頭一個菠蘿包只買$3, 但係佢哋要買$3.5, 價錢雖然貴一啲, 但食落比較好d. 之後不斷加價, 而家一個菠蘿包要$5.5, 有餡嘅包賣到$8, 喺牛頭角區嘅麵包舖嚟講, 物非所值😞😞😞😞.所以而家夜晚行經呢間麵包鋪, 都發覺有好多麵包在架內, 佢哋又唔會喺夜晚做一啲特價畀街坊買😞😞😞, 如有特價相信街坊都會再買番佢哋嘅麵包.現寧願行遠少少去路德會小學對面間麵包鋪買麵包, 佢哋都係賣菠蘿包$4, 有餡包都係$6.5, 品質/大小同佢哋都冇分别👍👍👍.所以如果大家想買比較好少少嘅麵包, 提議大家去路德會對面間麵包鋪買.…查看更多

第一次寫中菜館食評, 因在母親節有20%回贈, 所以今晚同家人來用埋八百多的回贈.第一度菜係元帥三弄, 分別係义燒/醬蹄/燒肉, 賣相幾好, 味道都OK, 最值得推介係醬蹄 👍👍 ---- 像上海菜的肴肉.湯係杏汁白肺湯, 杏仁味好重, 味道清甜, 雖然明知係大煲煲好再用湯砵上枱, 湯料都包含所有應有的材料, 值得介紹給大家.小菜3款 - 金銀蛋莧菜/君度橙花骨/彭家豆腐. 不愧為高檔食府👍👍, 雖然好多酒樓都有呢幾款菜, 但賣相及味道就無呢間好.飯係薑粒燒肉炒飯, 炒飯係最考酒樓廚師 - 要炒到粒粒飯都分開而唔油膩, 除聘珍樓外, 冇其他酒樓可比.因很少會點酒樓的甜品, 但見到佢哋甜品餐牌的甜品賣相又幾靚, 終於衝動點咗3款 - 蓮蓉西米布甸/圓肉燉津梨/地鼠木糠布甸. 又幾好味, 價錢冇出面的甜品店平. 值得一試.…查看更多

之前喺旺角去開一間日本料理店關閉之後已經很少喺旺角食日本料理, 因為大部分都係 放題 ....... 得個平字, 食物水準就一般😒😒,今日因為要去朗豪坊附近一間按摩店揼骨, 喺等候期間無意中發現呢一間日本料理店, 見佢都幾多人幫襯, 所以決定同太太揼完骨之後上去試試.上到去發覺座位都係得三十多個, 只得兩張枱有人, 可能因為太早(晚上六點半), 所以就好易攞到位, 坐低一陣間就有位男店長過嚟介紹佢哋嘅食物, 介紹得非常詳細👍👍👍, 我相信喺其他嘅日本料理店都唔會有咁嘅服務水平(每一枱客人都會介紹一次), 我同太太點咗兩個"廚師發板料理" ..... 前菜係五款小食, 雖然店長有介紹每款小食嘅名稱, 但我都忘記咗喇😞😞😞, 不過味道就冇忘記(非常好味😛😛, 賣相都好好. 跟住就係五款刺身, 分別係 - 榮羅/拖羅/牡丹蝦/池魚/鯛魚, 味道非常新鮮, 之後喺兩款熱物 - 一般係鹽燒榮螺, 成隻榮螺咁樣上, 跟住將螺肉切碎 再加日本鮮草菇煮出嚟, 非常好味. 第二款係炭燒吞拿魚胶, 雖然係比較油啲, 但味道都好好, 而且喺旺角其他日本料理店都好少有呢款食物. 再嚟就係5款壽司, 同其他日本放題唔同嘅係佢哋啲飯唔會太多 (同在日本幫襯嘅壽司店一樣) 一啖可以食得曬, 上面鋸刺生非常鮮甜, 最記得係拖羅同埋北海道海膽 , 同我喺日本食嗰啲味道一樣. 跟住就上一個叫做海鮮茶壺湯, 湯就非常清, 但味道非常甜美 ...... 佢係用一隻蝦同埋鯛魚嚟淆湯. 最後就係甜品三款 : 櫻花雪糕配紅豆/柚子肉楊枝甘露/沖繩蜜瓜 😃😃😃.最初見餐牌好似唔係太多食物, 感覺唔係太 值得, 但食到最後發覺都好多款式. 價錢雖然貴啲, 但值得去試一試啲正宗嘅日本料理, 同其他旺角區嘅日本放題得過平時冇得比 !!!!…查看更多

昨午試咗觀塘嘅慢煮西餐, 今晚去大圍試意式西餐廳. 因為之前去同一條街嘅甜品店經過, 因為當日係星期六, 餐廳𥚃超多人, 今日星期二相對之下少好多人😀😀😀.先叫左個前菜 ...... 白酒忌廉汁煮藍青口, 青口就冇乜特別, 反而啲汁非常好味, 配蒜蓉包一流😛😛😛.跟住餐湯係甘筍南瓜湯, 味道ok啦 !!!主菜係煙三文魚配水煮蛋, 同埋係焗羊架配法邊豆. 煙三文魚記得order七成熟, 啲魚肉比較嫩滑, 唔提議大家order龍脷魚.焗羊架冇三文魚味道咁好, 鍾意食羊嘅朋友不妨一試.最後就係甜品 ..... 藍莓奶凍/士多啤梨撻 ....... 有驚喜😃😃😃 !! 味道一流, 媲美酒店嘅甜品👍👍👍. 大家嚟呢度食完記得order甜品. 因可以每個加60蚊已包餐湯及甜品任揀.相信喺大圍好難搵到呢一種嘅意式西餐廳, 大家如果來到大圍想試西餐, 不妨考慮呢一間.…查看更多

慶祝母親節訂咗枱喺星期日, 因不想太夜回家, 所以訂頭段, 但要七點九前交枱😞😞😞, 心想d嘢應該好食, 如果唔係不會分兩段時間. 坐低一看餐牌 (sorry餐牌係冇啦😞😞😞 ..... 因母親節 ....... 只有一張A5尺寸嘅點菜紙(唔係點心紙). 餐牌(因座位後面有本餐牌, 所以攞嚟睇吓)上面有好多菜式都冇😞😞, 問一問店員 ...... 原來呢段時間係暫停供應 !!!!!睇咗成兩分鐘點菜紙, 好難決定食乜 ---- 因大部分都係雞😒😒.最後除咗點咗 ...... 擔擔麵/龍鬚芥蘭/豬手/芥蘭/包點之外, 其他都係雞整嘅菜式 !!! 相信食咗呢餐之後, 要等一輪先想食雞 !!!大部分菜式味道ok, 但價錢偏高, 但有個好處 ........ 如果大家嘅味道不同, 呢間餐廳係一個好好嘅選擇, 因為大部分菜式都係以每位計, 所以不用就大家喜歡嘅菜式嚟點.鍾意食雞嘅朋友, 不妨試吓呢間飯店, 有唔同款嘅雞菜式.…查看更多

今日休息,同太太一起食lunch.首選都係食西餐..... 今次試吓慢煮, 因要在食lunch後買北海道熊牧場馬油,所以選咗樓下呢間.叫咗兩個set lunch, 我叫咗安格斯牛仔肋, 太太叫咗個西班牙橡果豬肋排. 先嚟個甘筍湯, 雖然细碗.....但味道都幾好味, 跟住主菜上我的安格斯牛仔肋😛, 口感似牛腩, 心想全熟牛仔肋比較"嚡", 食落有幾好, 配埋佢哋自家整嘅芥辣, 味道一流.太太選的豬肋排, 醬汁酸酸地配豬肋排非常一流, 不會太肥膩. 最後餐飲系特濃咖啡, 太太因為飲唔慣特濃咖啡, 所以加咗啲糖, 女店員話啲糖加咗少少雲呢拿, 令啲糖比較乾身d, 加咗落啲咖啡都未到都幾好飲😛😛.如果大家食開西餐, 想又試下另一個口味 ..... 可以考慮試慢煮西餐, 一個幾好的選擇👍👍👍👍.…查看更多

來此糖水店已不計其次,終於N年後今日突然想寫下本人對此店的情意結.本人係非常喜歡食糖水,每次食完晚飯後都主動提議去糖水舖食糖水.雖然出面好多醣水舖嘅水準都有水準,但我一經過觀塘.....別無他想.....第一時間就想起"港記糖水",佢哋有傳統嘅糖水同埋流行嘅糖水.傳統糖水首推,合桃糊,完全係手磨嘅,唔同出面係用合桃粉開,價錢比旺角某間標榜手磨糖水店平,同埋其他連鎖店糖水都好少有整得好味的傳統糖水.如果唔想試傳統糖水,亦有好多特別糖水....款式太多,很難用文字介紹,提議大家嚟試吓.另外最緊要係價錢俾連鎖店糖水鋪平,份量俾佢哋多,想食傳統嘅湯水/有水準嘅糖水不妨搭地鐵去觀塘試吓呢間👍👍👍👍…查看更多

已經第四次嚟食, 終於肯寫個食評, 間舖雖細, 但好有街坊feel, 而且冇味精, 食材都好新鮮, 價錢雖然比附近茶餐廳貴少少, 但物有所值. 今晚一家人去食晚飯, 叫咗三個套餐再加三杯嘢飲, 總共$254.第一個餸 - 豉汁蒸烏頭, 父親特別要求點呢個餸, 烏頭好新鮮, 仲係黃油, 之前食開都係檸檬蒸烏頭, 依家用豉汁蒸, 另有一番味道.....正😃😃第二樣餸(商店老細介紹) - 蔥油雞(好介紹👍👍), 雞好滑, 好香蔥味, 值得推薦畀其他人.第三個餸 - 通菜炒牛肉, 牛肉好滑, 唔係太多油, 好味 !!! 同餐牌一樣 ...... 少油少鹽無味精.最後叫咗兩杯即磨咖啡加一杯蘆薈檸蜜, 咖啡好香, 同出面啲咖啡專門店一樣水準, 非常滿足😀😀😀😀大家如果嚟開牛頭角食晚飯或午餐, 都可以試呢一間, 值得推薦. 但午餐記得早啲嚟, 或預多少少時間, 因為超多人.…查看更多

今晚在官塘食咗晚飯後,時間尚早,唔想甘早回家,本來想去另一間在康寧道傳統糖水舖,但想食撞奶,所以去咗葫蘆舘.坐低後第一時間叫咗薑汁撞奶,太太叫咗海帶綠豆沙.本人好鐘意睇住師傅點整.....果然名附其實,老板娘(師傅)總共撞咗4次(係薑汁同奶,唔係撞自己),之後再用隔嚟隔咗d泡先將完成品送上枱,製造認真!!!!海帶綠豆沙就超起沙,唔用其他d糖水店豆還豆/水還水.其次d海帶就切得剛剛好,不會太大塊.如大家去開官塘食飯/shopping後想食糖水,唔好再去d連鎖糖水店,大家去吓呢d傳統糖水舖吧!!!…查看更多

已是第3次嚟食晚飯,除咗支持社企外(已政府對支持社企出咗很多.....sorry寫錯,係很少力),亦希望有意自食其力的長者有多一個行業可選擇.對上2次係自己一家嚟,因父睇見雜誌介紹一些懐舊菜,終於嚟咗2次試佢地d菜......用洪荒之力推介(因除新蒲崗德龍外,未食過有水準/用心製作懐舊菜).但今次本人唔會有相給大家睇,因真正懐舊菜係注重味道,賣相其次.推介菜式有:1)拔絲骨2)扣肉煲3)南瓜卷4)倉魚球5)炆班尾煲6)薑汁介蘭7)金銀旦萈菜8)豬肺湯(每日限量)9)鮑魚雞湯10)反沙芋另留意last order每晚8点9.希望大家支持吓佢地!!!!…查看更多

放假突然想去愉景灣行吓放鬆吓,但行程太遠,最後決定走較近的馬灣行吓.有5年冇嚟過,大致上風景冇乜變,但多了一些新店舖.途中見到一間餐廳玻璃窗外放咗好多可樂產品,吸引咗我停留望望,再望入去.....全座爆滿,再睇吓叫乜名....."樂燒遥冰室”!!係咪咁happy呀?入去試吓先!我叫咗過鰻魚雞扒飯,太太叫咗過All Day Breakfast.先嚟All Day Breakfast --- 賣相普通,因口痕,攞咗個包(應該叫脆朱包)咬一啖,好脆/好鬆化....之後成枱都係包碎---正.不久我個鰻魚雞扒飯到咗,鰻魚肉質彈牙,個汁有我係日本食果個有得比,雞扒冇係普通茶餐廳的一般做法“炸”,而係“煎”--呢個做法會比炸更有肉汁(吾會乾僧僧).再試吓d飯,原來係用珍珠米煮,一個字“正”,咁先至係真正日本定食.太開胃,有d吾夠,叫多個“芝士咸牛肉大蘑菇漢堡飽”,又幾OK呀!大蘑菇煎得吾太乾身,仲好多汁.咸牛肉好明顯係有煮過,因肉質仲熱.芝士溶得剛剛好.但落單後至食物上枱時間較其他冰室長,亦因為這樣先反映每款物品步驟都一絲不拘,製作認真!!值得再下次再嚟一試.…查看更多