gabrielle_chan's Profile

呢間嘢好多嘢都好食，食第二次都係會想叫到成枱都係！清酒煮蜆烏冬同火炙三文魚壽司係必叫！係OMG咁好食！係人生！😍😍😍😍😍個蜆烏冬個湯係好好飲，出面好多時候都會有味精感覺，但呢間係啖啖都想飲湯😍😍仲要係又超多蜆👍👍而火炙三文魚壽司又係好正，入口即融😍😍😍一啖擺哂入口，熱熱地，痴線咁好食！佢有個火炙三文魚飯，但我鍾意一件件壽司一啖食多啲哈哈！而炸雞軟骨加咗七味粉又係好滋味，不知不覺食哂~~係絕對要支持嘅小店！（但夜晚次次都勁多人要排好耐.....呢樣就最sad）…Read More

好似2，3年前都食過Let's Jam，當時佢食物係還好，唔特別好食，所以今次再食有驚喜。成份All day breakfast都好食👍👍多士會配自家製果醬(呢款係桂花雪梨，我覺得算甜)，蛋係會落芝士整，煙肉亦夠脆😎P.S. 多士可加錢轉scone，本身都想轉，但佢咁樣轉就冇clooted cream，要原份叫先會配，所以我都另外叫咗一份哈哈！scone就係通常啲high tea set☕度會見到。同樣哋呢度除咗配clotted cream，仲可以跟一隻果醬。我就揀咗蛋黃菠蘿🍍，少少咸但又fresh同甜嘅感覺。熱辣辣嘅scone，一次過搽jam同clotted cream一齊食超好食😍😍😍🤤🤤🤤不過因為細細間鋪，平日都要等位sad sad~…Read More

之前同朋友食過覺得唔錯，今次媽媽生日所以book枱慶祝。叫咗2個尊貴二人晚餐，有餐前同餐後兩杯飲品、三款頭盤、兩款主菜同甜品，仲另外叫咗個白酒忌廉芝士煮青口。白酒忌廉芝士煮青口超好食，好少地方整得咁好食！😍😍😍個汁係好濃！好濃芝士味，點包食係好好食👍👍雖然青口唔算肥，但個汁搭夠，同埋$96價錢嚟講，質素差不多，其他地方隨時冇咁好食添😂😂個汁真心冇得頂😍😍😍而頭盤嘅青蘋果鵝肝多士最為出色，青蘋果中和咗鵝肝脂肪嘅油膩感，細細一舊亦算好好食嘅頭盤。主菜就叫咗7成熟肉眼扒同忌廉海蝦墨魚麵，呢兩樣就中等，ok但未去到超好食。而甜品反而又係出色位！牛奶奶凍好重奶味，甜度適中。整體呢個價錢同朋友食飯慶祝節日係算幾好嘅選擇！不過記得book位，都好多人等位。…Read More

夜晚8點幾間餐廳都仲有好幾個人等位，入到去坐低要先去收銀買嘢食，之後再有人送餐。叫咗個三盛紅燒牛肉麵，有牛丸牛腩牛腱，都幾大碗同牛腩好淋，男朋友都話好飽。仲叫咗碗蕃茄雞扒麵，加咗滷水豆腐同椒鹽花枝丸。個雞扒炸得唔厚粉，皮脆亦有肉汁。豆腐都好食，唔會乾到有渣咁。而花枝丸係比我想像中大粒！都不錯！好可惜賣哂珍珠(下次要飲返珍珠奶茶！)，所以就叫咗杯紅豆抹茶同奶蓋白桃烏龍茶，抹茶味濃，而奶蓋好似雪糕忌廉咁，所以我覺得半甜烏龍飲落差不多啦。兩個人飲埋杯嘢都幾飽幾滿足哈哈呢間嘢裝修得幾靚，側面仲有一排書架，係令人感覺幾舒服。…Read More

都唔係第一次食，不過之前食果次間鋪仲喺丹麥餅店附近，搬左之後就未食過。雖然今日星期日，但可能我地早到啦，唔使排隊等一陣就入得。我叫左個Bacon cheeseburger, 同芝士薯條，仲有支pink lemonade。咁薯條同野飲黎先黎，薯條好食呀!! 但澱粉質會飽肚囉，仲要burger都未到😂 支pink lemonade我覺得係有啲甜，所以最後都飲唔哂。到個包黎啦! 哇超大個! 塊肉勁厚，其實睇到都超興奮😂二話不說就用手揸住食，sorry我個人唔係斯文type哈哈。聽過外國人講食burger係要用手按住夾扁個包先食，咁就唔會食食下散哂。係work既! 不過我都係食到成手都係哈哈。個包有芝士蕃茄生菜煙肉同勁大塊牛肉，食左一半其實都飽飽地，再食埋另一半……其實真係食唔哂🙈建議女仔黎食可以同人share一半啦，男仔就應該食得哂既! $80幾蚊咁大個包我覺得算抵食，咁當然唔可以同麥記比啦咁好食😂…Read More

OT完又肚餓，周圍搵嘢食，同事食過呢間話好好食就諗住一試啦，叫咗個叉燒煎蛋飯。我想講個叉燒飯真係好大碗，啲叉燒好大塊，隻太陽蛋都好吸引!忍唔住先食叉燒，哇真心好食! 啲蜜汁完全滲透左落叉燒，叉燒唔算肥亦唔完全瘦到有渣咁。跟住撈勻隻蛋去啲飯度，成個飯都好好食，令我諗起食神嘅黯然銷魂飯😂😂😂$53嚟講咁多飯(我懷疑有三碗)，咁多大舊叉燒，兩大條菜，係相當抵食! 可惜嘅真係太多飯完全食唔哂，我好似仲食剩左一碗飯咁多，但叉燒就食哂，因為太好食，唔食哂好嘥哈哈…Read More

行開旺中買嘢，就順便搵嘢食! 行到1樓嘅角落有幾間鋪頭，間間都幾多人買，咁我比較鍾意食burger又見到佢用饅頭做包幾特別同吸引，所以決定買嚟試下， 我買左個牛葉芝士漢堡(唔知點解叫牛葉呢)，仲加左$13叫左杯青瓜青檸梳打。好快就有杯野飲啦，杯梳打賣相幾靚，絕對啱哂用嚟影相呃like，飲落去都幾清新，有啲荷葉香香地，仲有切碎左既青瓜咬下，都幾特別。揸住杯野飲等個包既時候，門口有部電視睇鋪頭開張花絮，先發現原來係陳柏宇開既哈哈。等多一陣就有包食啦，個包熱辣辣，包面印左鋪面名幾特別，咬落去牛肉有啲筋但有肉汁，由於個包係用饅頭，啲肉汁滲左落包度，同埋口感好煙un，的確比一般漢堡包食落口感唔同。整體係幾好食，不過有少少細個，食哂個感覺都唔會話好飽。另外員工好有禮貌，佢會主動邀請你入鋪頭食嘢，即使我朋友拎住其他鋪頭既食物，真係值得一讚!…Read More

媽媽話想食中式嘢，所以帶佢去茶木食下，話我食過都幾好食。呢間服務好好，好有禮貌，等左五分鐘已經入得。其實我次次都食松露什菌手作面，因為真係好好食，不過上次見同事食個肉燥手作拌面都好食，所以今次叫左呢個，媽媽叫左個莎朗肉燥飯同芝士雞翼。肉燥手作面的確好好食，啲肉燥好多，我覺得面係好食過個飯嘅，雖然啲牛肉都幾好食，不過可能因為我本身鍾意食面多啲啦哈哈，個芝士雞翼芝士味都幾濃，至少我媽媽都覺得呢餐幾好食，話要帶人嚟食!本身都想叫個蜜糖吐司食嘅，不過有啲飽覺得食唔哂，結果我地各自叫左個芋圓甜品，我媽果個係有雪糕嘅，我果個就係紅豆果個，不過我覺得同台灣食嘅差好遠，個底勁多冰，啲芋圓又冇咩味，俾相呃左，係有啲失望，早知嗌蜜糖吐司啦。不過佢嘅野食都普遍幾好食，會再幫襯!…Read More

聽同事講呢度有間藥膳米線，好似幾特別咁，所以lunch同同事嚟食，點知都好多人下。等左都有幾個字先坐得低，因為眼見出菜都有少少慢。我叫咗個藥膳牛腩米線加豆漿，啲牛腩係好瘦嘅，不過有啲un有啲難咬開。不過想講佢個湯係幾足料! 有党参，杞子，淮山，果皮，蘿白，我剩係識咁多個蘿白好入味又好甜，個湯超似媽媽煲嘅湯，好濃亦好大碗!不過個米線就有少少凍同唔係好夾，因為佢個底仲有少少牛腩汁，令到浸湯食起時又有腩汁又有湯味，有少少怪。整體上都係個新嘗試，都ok既!…Read More

之前喺Facebook見過牛油果和牛漢堡既宣傳已經想食，於是都喺觀塘食過一次，但果間真係好唔得，成個包除左個包面之外都係凍，係雪櫃果隻凍==但今次經過東港城突然想食漢堡包，行到入去Mos Burger, 我想食多次，所以就叫左黎食。我想講嘅係真係好好食!!! 個包一攞上手係熱辣辣! 明顯係岩岩整既!! 跟住揸實個包咬落去，OMG好食到暈，我覺得係好食過平時果個和牛漢堡，多左牛油果口感唔同，都係果句熱辣辣真係重點! 認真，想試既話大家可以嚟東港城呢間食! 原來真係唔同分店整都會唔同=0=…Read More