彩虹叮噹的個人專頁

現在有林林總總不同的點心鋪頭，現在都不是像一般茶樓一樣那麼嘈雜，有點像快餐廳的茶樓，但裝修比較高檔，價錢又合理，環境又不會太嘈雜，有時同朋友想飲茶又想坐得舒服下呢一個都係不錯嘅選擇。叫咗佢一個廚師推介蜂巢鵝肝芋角，一上枱已經見到一絲絲鳥巢一樣，咬落非常鬆脆， 10分香口，芋容再加上鵝肝10分配搭，粉粉地嘅芋頭撈上鵝肝油油地，咸香咸香的，十分可口。另外叫咗一個粟米煎墨魚餅，墨魚餅很彈牙，一點也不鹹，煎得金黃的，不油膩。…查看更多

食火鍋最重要係配料一定要新鮮，如果再好的湯底配上不新鮮的食材，食上去也不會感覺到好的，今日同朋友黎到食火鍋，最緊要試下佢既牛，叫左碟牛頸脊，上台己經見到個雪花紋分布得好靚，肥瘦看得清清楚楚，很多白雪細少幼紋，見到更系忍唔住夾番塊落鍋到，烚兩烚放入口，好柔軟，好林，一點也沒有痴牙的感覺，牛口十分香濃，佈滿整個口腔。手打四寶丸，墨魚丸10分煙銀彈牙、魚鮫丸食落一點也沒有醒味，彈牙的、牛肉丸食落口有牛香，偏林的，豬肉丸彈牙，鹹味適中。…查看更多

今次嚟嘅時候侍應同我地講今次佢哋推出左麻辣雞煲，咁我哋梗係試吓啦，一上枱雞煲要煮一煮返熱先，大約5分鐘時間雞煲嘅麻辣香味開始散發出嚟，等不及待我已經夾左一舊擺落口入口已經很香濃的醬汁味道把整舊雞肉布滿晒，醬汁濃而不咸，麻不會蓋過辣的味雞肉香滑一點也不鞋口。食完個雞煲更系要加湯食火鍋配料啦，叫了好幾樣整體都新鮮美味，最值得一提的是配胡椒豬肚，豬肚原本有一點胡椒的味道再加上麻辣的香味，令到豬肚更加入味，我食果陣就系未加湯落豬肚的，因為醬汁最濃郁，食落豬肚煙銀彈牙有麻有辣…查看更多

今日帶個女系大本影度影迪士尼相，影完更系要搵野食醫下個肚啦，行下去左food court 見到新開張既車仔麵檔，好少food court 地方有港式車仔麵食，阿囡又鍾意食面易入口，甘更系支持下啦。我自己就叫左個喇沙湯肥牛牛腩牛肚河粉，全牛宴喇沙湯裡仲跟埋豆卜,喇沙湯底不算太辣，香甜易入口，牛腩偏瘦，但不難咬口，食落都沒有黏牙，牛肚煮得夠林，沒牛腥草味，肥牛不太肥，有好少的牛脂肪，但吃落也一點不缺失肥牛的特點，一樣有牛味，口腔滲出少少牛脂的香味，河粉沾滿喇沙味，好快就將一碗吃完…查看更多

好耐無食過烤肉，今晚專程嚟呢間餐廳試吓。一入到餐廳，俾佢個靚景吸引住。估唔到鬧市空中有咁靚嘅景。講番食物，佢個雪櫃有款好特別嘅飲品，係等緊烤肉嘅時候，可以點一d韓國熟食，好似炸雞、餃子、水冷麵醫吓肚先。本人係食肉獸，無肉不歡，先嚟西施牛肉片，好淋，再嚟牛肋骨同牛肉粒，全部都無奄過，好有肉味，CP值好高！跟著到豬肉，一定再推薦大家食豬大腸，好乾淨、無屎味，原來燒豬大腸咁正！我最欣賞佢嘅係，有生菜無限量提供，用嚟包住肉，加埋個黃豆醬一齊食，真係好夾！食完牛肉，跟著到羊肉，一d都唔膻，好淋仲勁有羊味。講吓海鮮先，所有生蠔、蝦、帶子、扇貝任燒任食，生蠔隻隻都有手掌咁大，又鮮甜，蝦肉又爽又彈牙，飽到上心口！到咗甜品，整番支韓國入口嘅雪條就完滿結束，下次一定會再嚟過，挑戰更多肉類先得！…查看更多

講到最有香港特色嘅咖喱，同最有質素嘅牛腩，真係非呢間生龍清湯腩莫屬！反正我都已經唔係第一次食，不過今次先記得相機先食先講下比較傳統嘅籠仔蒸鳳爪排骨飯，宜家會用籠仔蒸嘅蒸飯已經買少見少，仲要唔洗係茶樓，係呢間茶記已經有得食！蒸飯入面滲透住鳳爪排骨嘅香氣，滲入口腔....排骨好入味，份量都好足！基本上每次必點嘅咖喱清湯腩飯！亦係呢度嘅招牌菜！咖喱配牛腩唔係咩特別嘅配搭，但係配清湯腩，就真係呢度獨創！仲有有辣度選擇，自由度好高。雖然係辛辣咖喱，但係入面似乎加入左d洋蔥之類嘅野，所以食落帶清甜！另外d清湯腩亦肥瘦適中，食落好軟熟！…查看更多

真係估唔到中式餐廳宜家會潮到出復活節套餐咁應境~~~創意十足，值得一贊屋企一行4口揀左呢間餐廳食復活節晚飯，揀左個復活節限定嘅【復活節龍蝦4人餐】，本應諗住都係d搞笑抽水卓頭野，點知食落原來都有d料到！先講下個雀巢海中寶，嗱.....同嗰個雀巢咖啡冇關系，放心！係炸左個脆片好似雀巢咁，都係有西籣花、珊瑚蚌、帶子、象拔蚌等等之類，d帶子都幾多同幾大粒，但最重要係有蛋！係鵪鶉蛋！而且色彩繽紛，好有節日氣氛！！至於味道，係冇味精，好難得宜家d餐廳係冇味精咁健康，而且仲要夠味！而呢個燕窩珍珠海皇羹，真係好足料，味道清甜，都係冇味精，食多d都唔怕呀！燕窩亦好足料，起確每碗都有差唔多兩匙燕窩，抵食！而飯後竟然包埋甜品，朱古力木糠布丁，大大杯，上面仲有兩粒綿花糖，造型都幾特別！而且朱古力味好濃郁之餘，又唔會太甜，好滿足！…查看更多

九龍城可以話係泰國菜嘅集中地，而遇上呢間新開嘅泰菜館，真係要一試！這個泰式咖喱炒蟹，上枱已經是極品！加上新鮮！又大隻靚！竟加上超爆膏！擠滿了在全蟹蓋，連蟹身都充滿了。使人難以相信！蟹膏多，我絕不會厭多！咖喱汁加上了洋葱、葱、辣椒、泰式香料等配搭！使我感到極其難以拒絕！口水直流😍😍😋😋！加上一碟蒜蓉包，香脆可口，可以用包來食埋 d 汁！正呀！👍🏻另外一碟～泰式炒芥蘭，芥蘭好嫰綠，加上蒜泥香味，令味道唔錯！…查看更多

開心小聚餐，由朋友帶咗我黎呢度食，有意外驚喜。原來呢度除咗拉麵了得，熱食都好正！入面嘅環境都相當有氣氛，紅紅地嘅招牌，亦掛日本特色嘅菜木牌.....呢間就係元札幌拉麵喇先講下個拉麵，今次我就叫咗地獄拉麵，因為想食d濃味d嘅野......紅當當嘅地獄拉麵，份量中大，叉燒都好大塊，相當足料。食拉麵當然要先講個湯，夠辣，夠濃，豬骨味都好出，個糖心蛋亦做得好好，入口即溶化，超好食，面底軟硬適中。老闆仲介紹我落呢個勁辣粉，我只係落左一小匙，已經覺得好夠，而且辣得黎好香另外我點左個串燒雞肉丸，感覺好似明太子，一上枱係熱辣辣，特別好食！外皮嘅醬汁非常香口，入面仲有d軟骨，好有口感，好入面！最後我亦點左個枝豆，作為枝豆怪，一定要食，豆香夠甜…查看更多

久聞旺角卜卜蜆，終於有機會一試了！原味的卜卜蜆，看著送到桌子上時，感覺口水已經流滿一地，太愛吃。這個卜卜蜆加了那麼一點點的辣椒，還有加了一點蔥和香蒜，所以吃的時候能吃出了一點點的香蒜味。另外，吃蜆時能吃到鮮甜的味道，連湯也喝得出蜆所帶出來的鮮甜味，蜆的口感並沒有很韌的感覺！！【墨膠奶皇丸】看到名字, 有餡在裡面是一定的，但沒有想過一口咬下去, 餡是流心的奶皇啊!外皮口感跟普通的丸是差不多, 但有點滑滑的, 並沒有那種"鞋"或"韌"的口感......而流心奶皇的部份, 味道不會太甜, 吃多幾顆也沒有膩的感覺！！生蠔吃的之前先浸一下, 也蠻大隻的, 看上去也蠻新鮮的,吃上去也沒有很腥的味道，清爽又有點軟軟的感覺！…查看更多

星期三晚又係去練拳的日子！打拳前不宜太飽，最好就係去食碗麵😉隨意行咗落悦来坊揾食，見到間日式拉麵館，格局唔錯；加上時間早，人唔多，即管入去嘆嘆☺心諗，打拳適宜補補骨膠原，就叫咗碗豚軟骨拉麵😂日式飲食先睇『色』，碗麵拎到面前睇住那半邊流心温泉蛋已急不及待垂涎欲滴😍拉麵好唔好食關鍵在湯底，所以日本人食湯麵前必先飲啖湯！如果啖湯掂，其他就唔使講了😉個麵口感一流，再咬一口豚軟骨佐之，簡直绝配！即時胃口大開，也顧不得會否吃得太飽，即時再加一份吉列廣島炸蠔🤓黄金外衣鬆脆，包在內的卻是嫩口鮮軟生蠔! 就係咁，一碗拉麵，一份小食，已經令我非常滿足了😎…查看更多

十分有特色嘅中式設計書法提字作牆壁裝修有風格餐前小吃點左個相當酥脆響口嘅炸魷魚鬚外脆肉軟又爽口，熱辣辣，真係即點即炸夠新鮮，加上個gip汁，鮮味十足！奶皇豬仔包蒸得好到位，奶皇十分熱同流心，食嗰時要小心丫，唔係就會辣親個嘴。豬仔造型超可愛，真係見到都有少少唔捨食tim..............燒味真係餐廳必點，叫左個油雞燒朒仔嘅雙拼，大大碟超抵食，重點係質素高，皮脆肉嫩又多汁！啲雞皮仲好薄呀！！！…查看更多

今晚約咗個保險朋友傾保單，平時佢都係孤寒度最多請我食麥當勞，點知今晚佢約我係佢公司樓下打邊爐，心諗佢都應該跑唔到數搵我加大張單，還掂係佢請，我就食咗先算！間邊爐係偉業街同敬業街既轉角位，宏利金融中心一樓，係觀塘站沿開源道向海行一陣就到！入到去見到佢好似唔使錢咁叫咗成十幾碟牛肉，佢仲唔等我食緊添！見到牛肉切得夠薄，放入喜煱燒沙底滾兩滾就食得，放入口唔硬又夠鮮，最重要就係湯底唔會太濃，唔似其他邊爐咁一味太甜搶晒牛肉既味。個保險佬仲博命叫我飲啤酒，雖然任飲但都唔使人出酒你出命，所以借機話出去自助吧拎野食行開下先，自助吧都係正常既丸類菜類，但米線意粉就好有心機用個類似香水樽裝起，真係睇得又食得👍通常食邊爐之後，不外乎係牛記雪糕杯，但呢到就有部自助雪糕機無限食牛奶或綠茶雪糕，仲可以用甜筒裝起，好似以前7-11食雪糕既感覺！牛奶同綠茶我都食過，打完邊爐最好都係食綠茶，夠消滯之餘又唔怕肥！🙏唔經唔覺九十分鐘過去，係時候埋單！原來都係$168加一，咁就真係正過係同區觀塘道某放題大廈既邊爐！最重要有靚靚海景睇！下次帶埋男朋友來食下先！…查看更多

今日同朋友係尖沙咀寶勒巷附近行完街，諗都唔諗就入左呢間餐廳~~~一坐低我先叫個炸皮旦同埋泰式濕炒河再加香芋煲仔飯，朋友就叫個泰式炒通茶加小食拼盤！炸皮旦我都食得多，但呢個皮旦炸得唔會太乾，反而皮有肉汁，又唔會太咸，而濕炒河相對清淡，唔會有其他泰國餐廳既通病，就係一味辣而不香！所以食埋個煲仔飯都唔覺太撐肚！而小食拼盤係朋友既最愛，款式夠多，對於有選擇困難証既人黎講係好好既選擇，因為唔洗揀，乜都有得食！至於碟菜我本來以為會好辣，所以叫定杯椰汁冰，但結果食落又唔會太搶口，味道剛好！最後杯椰汁冰俾朋友飲晒，因為佢話好食又心急，食到俗親😑到埋單連加一都係三四百蚊左右，真係估唔到尖沙咀食到九龍城價錢，下次再去食多次！最重要就係呢間餐廳可以包房，咁就算下次一大班朋友都可以聚埋一齊開會食飯吹水啦！…查看更多

去開大角咀常路經附近，見到一小店自成一閣，晚上總是人頭湧湧，姑且一試。店名為靚煲皇，故名思義食煲啦！一來到店已熱情地招呼我們入座，店有直播足球又有WIFI可用，食好嘢梗係要同班FRIEND開心share 啦！前先，就點左個新菜試吓，麻辣蟹煲，一上嚟就見到爆晒膏蟹勁大隻！跟住麻辣既香味撲鼻而來，當然要即時間動啦！一食更加不得了，蟹肉彈牙，蟹膏甘香，加埋麻麻辣辣更加醒胃。一個字『正』。咪以為食煲咁簡單，食到尾仲可加湯打埋邊爐連汁到運用埋，一啲都無嘥。當然唔只食一味咁簡單，我又再試新嘢，叫左泰式水餃，夠創新！因為佢以自家種植羅勒加入做饀，減少油膩感覺。仲有一定推介個響鈴，係自家炸架！好嘢係值得等嘅！一上枱夾落脆卜卜又夠鬆化，落湯燙一下吸收一下上湯精華，簡直令人回味無窮，食唔停呀！雖然今次只係小試牛刀食左宵夜，無叫到太多嘢試，但試到既都令我回味既感覺，的確係一間好有心而且求新的食肆，值得向大家推薦。…查看更多