astriddd的個人專頁

晏晝食Omakase真係第一次，幾百蚊就已經食得到，而且食物一啲都唔馬虎。我就揀咗個$350 Omakase Sushi Set，有13件師傅發辦的手握壽司🍣。首先上的就係蛋味濃，滑嘟嘟的茶碗蒸😋跟住就係12件手握壽司🍣， 而最後一件係可以比我自己揀邊一件想Encore每件刺身均配上赤醋飯，所以唔需要特別沾醬油，首先上的款式是，金線鯛(日本版的紅衫魚)，勘八，劍魚等，口感彈牙的金線鯛，最得我心。第二輪上的款式是，赤身吞拿魚，蟹膏，賴尿蝦及伊左目。呢一轉，我最鍾意油脂豐富的伊左目最後上的款式是，海膽，師傅自己醃三文魚子，吞拿拖羅同有我最鍾意燒左口魚😍最後一件壽司🍣師傅可以俾我，係剛才食過12件壽司揀選一件繼續回味。最後更有麵豉湯和甜品作為總結。…查看更多

臨近新年就會開始同公司同事、朋友們食下團年飯，人多通常都係選擇放題或者自助餐，今次介紹間唔錯嘅放題俾大家。呢間係銅鑼灣既尚鮮日式漁市場放題係任食日本A5黑毛和牛放題每人一份海鮮拼盤、任食燒蠔、刺身壽司、炸物小食等，甜品就係每人一杯movenpick 雪糕。店員會先奉上一共七款嘅和牛拼盤，每款每人一片食住先，食完睇吓邊款鍾意就可以再叫，而且無限加單。每款品質都好好，充滿油花，牛味香濃。海鮮拼盤都好正！海鮮夠晒新鮮，而且仲有甲羅燒食，其中蠔仲可以唔係order。其實每款小食都幾唔錯，款式多味道都幾好。最緊要係$398呢個價錢可以食到和牛放題真係抵到爆。…查看更多

水牛城雞翼有4隻，脆脆外皮上鋪了酸酸地辣辣地醬汁，好開胃同惹味👍🏼蠻牛卷大大件好足料出面塊牛肉一d都唔乾，可以話係一件好有牛肉味嘅roll，食得嘅男仔可以食呢個😬USDA 肉眼扒塊USDA扒真係正，5成熟Grill得好好，仲要店員好貼心地幫我地切埋，啱哂乜都唔使做就有得食嘅食肉獸慢煮春雞一共有兩件雞扒配特色醬汁同薯蓉一齊食，有少少乾不過味道ok白桃乳酸梳打乳酸梳打飲得多，白桃味真係第一次試呢個唔錯幾有驚喜值得一試😬…查看更多

北海道毛蟹鍋， 呢個毛蟹鍋成隻蟹放落去煲湯底個味真係越食越出，令我不得不叫烏冬同湯都飲左幾碗😂 ！另外我入黎時候見到有個透明嘅櫃擺滿曬佢地啲麵，睇落去好似平時麵店嗰啲手打麵咁，就點左個闊條麵。麵質煙唔煙韌我就唔評論，因為火鍋呢味野有時候靠自己掌握，但係手打麵同烏冬配呢個湯真係冇得輸A5 和牛拼盤 - 一次過試曬咁多個部位仲要有店員教由脂肪少食起，真係有如日本食和牛感覺。 濃汁牛丸 - 彈牙牛丸食得多咁濃牛味同Juicy真係第一次，必食！三星蔥豬肉丸 - 唔係特別好食蔥，但食落又唔錯喎冬陰公蝦球 - 成碗冬陰功湯放左入去咁😁最後補充呢間餐廳有好多音樂做主題嘅野，檯墊有琴譜，梳化係琴鍵，爐係鼓，配料茶匙係結他，店內仲有個大仿估電視同播周杰倫演唱會，唔知J pot呢個名係咪代表Jay Chow，唔知係咪真係周杰倫開架呢，今次唔記得問下次再問下先😅…查看更多

✔🌟 金牌源記鐵漢柔情，真材實料！平時我都唔會寫咁多字嘅食評，不過呢間真係又新鮮好食CP又高，而且仲要有店員服侍整埋比你食，真係好似佢門口嗰句咁平到唔信。龍蝦平時食唔係焗就炒，清蒸真係第一次，肉質好彈牙唔係急凍👍🏼十頭鮑魚好大隻好有口感，完全唔乾。我差d食埋朋友嗰隻🤪蒸鱔鱔唔係我杯茶因為怕多骨或鯹，不過食完頭先兩款都有驚喜位，就膽粗粗試埋。好彩有試，肉好滑滑到有D似食蒸魚嗰D面豬仔咁。海蝦我唔知D蝦邊度黎，淨係知好甜😱龍躉魚皮唔夠多，不過勝在啖啖肉而且少骨，啱我😬鹽水大蜆隻隻都好大，比花甲甜，老闆話唔係香港本地。梅菜菜心中埸休息～菜唔老～快上下一道！🤣蒜蓉扇貝＋蟶子皇通常出面食都係只可以二選一，今次呢個海鮮餐兩樣都有😍長筒魷魚拼腸粉魷魚有啲似平時茶樓食嗰啲蒜蓉蒸“鮮”魷，不過呢個真係鮮好多！下面仲有吸收D魷魚汁腸粉，多種口感食法荷葉蟹飯盤荷葉飯唔同係呢塊荷葉用黎執底托住d飯同蟹汁去吸收，而唔係包住（其實隻蟹咁大都應該冇咁大塊葉包🤣）真係有成隻蟹喺𥚃面，唔係蟹肉蟹柳！…查看更多

突然之間好想食水煮魚🐟朋友介紹話三希樓嘅水煮魚唔錯，就一齊嚟試一試~四個人叫咗個大嘅水煮魚🐟 一嚟到勁多天椒放喺面，成個辣椒山🌶咁勁誇張，影完相之後店員細心咁幫我哋拎走上面嘅辣椒，話因為怕啲辣椒湯浸得耐會愈來愈辣，同無咁好味~ 不過其實食落唔係好辣啱曬啲又鍾意食辣但係又怕辣嘅朋友🤣魚肉片厚切得嚟又好嫩滑，唔會煮到老曬， 配料一啲都唔孤寒，有紅薯粉、荀片同芽菜，重有鴨紅添~水煮夠晒惹味令人食到停唔到口，朋友果然無介紹錯~另外重叫左個椒鹽排骨架，個賣相好吸睛，睇得出師傅整得好有心機，用個骨架做條橋 再放啲排骨上去，岩晒仲意相機食先嘅我😂食落口其實都辣架，不過就辣得惹味，隔離仲有涼拌青瓜做伴碟添，唔錯呀~食咗咁多熱氣嘢最後加返個干煸四季豆， 四季豆食落好爽口同卜卜聲，加埋啲肉粒炒得好香，令人可以送曬成碗飯呀🍚…查看更多

今日同朋友行左成日街晏晝都冇食過野，天氣涼涼地突然好想食燒肉暖身補充下體力，經過呢間日式燒肉店比佢嗰和牛餐牌吸引入左去😅入去見到差不多每兩人或四人就有一個燒烤爐而且有個抽氣扇，唔洗怕夾唔到野食，門口仲有除臭噴霧，可以放心食👍🏼蔥燒牛舌薄切易熟而且爽口，適合我呢類想快d熟快d食嘅人😂黑椒雞唔係BBQ咁放哂d黑椒入去，所以就咁睇唔會睇到有黑椒，而係黑椒味已經入哂雞肉，未咬落去一刻都仲以為普通雞肉。放心雞肉好滑唔係雞胸肉！中落牛肋肉燒烤食牛肋肉本身就冇得輸，不過呢個牛肋肉同平時出面幾百蚊嗰d上級牛肋肉差不多水平，性價比高👍🏼澳洲和牛肉眼和牛=入口即溶，雪花脂肪剛剛好，真係燒熟少少都唔怕，全場最得呀呢個。😋…查看更多

店舖裝潢同尖沙嘴風格一致，都係白色綠色配合埋木色系的setting，視覺上好舒服，有點小清新的感覺，想打卡影靚相的人都好適合。作為一個黑松露迷，我見到menu上面的意大利黑松露醬虎蝦班戟真係心心眼😍即刻order～好靚呀！首先個擺盤真係好靚，好色繽紛，而且個松露醬真係好香🥰 松露係一樣好霸道的食材，佢可以為菜式畫龍點睛完美加分，同時間亦因為佢味道好濃郁，所以如果配搭錯誤的話其他食材的味道就會被松露完全蓋過。不過呢個意大利黑松露醬虎蝦班戟真係要一讚！因為將虎蝦、黑松露醬夾埋班戟一齊食，依然可以食到爽口彈牙的虎蝦同帶著淡淡蛋香的班戟，層次感好足，而且仲有好清新的無花果適當地中和一下味蕾，睇得出創作呢個配搭的人真係有花過心思，really good！…查看更多

呢間cafe位於堅尼地城地鐵站附近，出左地鐵站大概行1分鐘就到，所以都幾易搵幾方便。呢日夜晚去到都無咩人，藍綠色的主題色望落好舒服，影相打卡一流呀！上次食過佢地呢期hit到爆既earl grey cream cake，今次試下其他野。我地點左個香蕉蛋糕同熱朱古力。蛋糕濕潤而鬆軟，都真係幾有香蕉香味。雖然價錢對比一般cafe既蛋糕黎講其實算貴，但係據店員講佢地堅持用的食材原料同其他店唔同，所以價錢都會相對地高少少。…查看更多

對上果次黎應該已經係大半年前的事，以食台灣菜黎講，我都幾鍾意呢間台式小店。以前的西營盤分店原來已經搬左過去堅尼地城，店面大左好多，坐得相對舒服左，等位入座速度亦都快左好多。見到menu都更新左唔少，多左個阿元滷肉飯，唔知有咩唔同所以就order黎試下。然後再點左個又係新野，叫地瓜球，好似幾得意咁。原來阿元滷肉飯其實就係本身個滷肉飯的放大版，我覺得各有各好，男士食量大可能大size會適合，但係如果係想叫多幾款野食的話，我都係鐘情於細果碗。地瓜球真係一粒粒波波咁，既有咬口，不過粉味重左少少。…查看更多

座位設計同一般拉麵店一樣，唔算好闊落但係都可以接受。見Menu有雞肉拉麵幾特別因為唔係間間有，不過最後都係決定叫返最傳統穩陣的濃厚豬骨豚肉玉子拉麵🍜一開頭聽落以為同普通嘅豬骨湯底豚肉拉麵差唔多，所以本來冇乜太大期望，但係原來食落去都幾大分別。首先我覺得值得讚嘅係嗰塊豚肉，雖然唔算好大塊，但係因為都幾厚切，所以都OK，唔似得有d拉麵店塊肉好細塊。塊肉都OK，食落去半肥胖瘦。個湯唔知點解會有一種好似炭燒嘅味，可能因為塊豚肉炭燒過，所以個湯底飲落去都幾特別。麵底都算彈牙，不過偏硬。…查看更多

其實想試好耐不過之前每次經過的時候，都超級多人排隊，所以每次都食唔成。今日lunch time經過見到難得唔算好多人，即刻衝入去試下。之前有食過既朋友都有提醒過佢地份量係非常少，但估唔到真係少到咁！我點左個擔仔米粉，哇！應該一兩啖就無左，好似無食過野咁😂我覺得女仔的話起碼碼要食2碗，男仔更加唔止。所以要叫到食飽的話其實最後都唔平。不過味道就OK既，個米粉吸左個湯的味道唔錯，個湯因為落左醋係裡面所以帶少少酸味都幾好味。加埋肉燥碎一齊食口感味道都唔錯。不過就真係份量太少。…查看更多

最近呢間係堅尼地城嘅Cafe小店非常出名，好多人都慕名而來食佢哋嘅 earl grey cream cake，cake上面嘅藍色cream又的確令到成件蛋糕生色不少。同朋友喺附近食完晚飯，所以就黎想朝聖一下佢地既皇牌 earl grey cream cake，不過店員話每日基本上下午時間就已經賣晒。😱店員見我哋有少少失望，於是就推介左另一款蛋糕：banana coconut upside down賣相當然無佢地既皇牌Earl grey cake咁殺食，不過食落去都幾好味，有一種好原始嘅香蕉味道，而唔係一般食到嘅香蕉蛋糕用香蕉精去整果種。希望下次試到佢地既皇牌啦～…查看更多

今日同朋友係尖沙嘴shopping day，尖沙嘴出晒名多野食，揀完一大輪最後決定去試下「滿江紅」。其實知道佢開左好耐但係一直都未有機會試😆 因為我同朋友只有兩個人唯有點兩三個餸先啦！必食水煮魚🔥🐟好多指天椒但湯底唔算太辣所以都易入口，同我之前喺四川食過嘅幾接近，有芽菜粉皮鴨血去索味。桂花魚片好滑，有啲仲要有連魚皮㗎，Q彈的魚皮令到整個口感更有層次！而且魚片份量都算幾多，好抵食！我唔算係一個非常食得辣的人，通常都只係食到小辣，但係呢個水煮魚的正常辣我都接受到，當日客人可以因應自己需求同店員講要小辣/大辣喇～椒子炒田雞呢道菜竟然比水煮魚辣！建議唔食得辣嘅朋友先叫微小辣因為田雞本身炸過好入味，微辣都已經夠食，不過因為係田雞，所以肉同骨比例骨偏多。下次試雞軟骨先，應該更正😁腰果唔油好脆口，而且就算過左一段時間都依然好脆，個人認為比花生更適合伴碟同解辣，加分！特別推介餐廳的飲品，點左凍洛神花茶，少少甜甜好fresh而且好幫助到解辣！推薦！…查看更多

最近有d感冒，想食d清談嘢～岩好黎尖沙咀辦事，經過見到有間新開嘅好小清新日式餐廳，於是就霖住入去試下。入面環境非常乾淨光猛，而且可能新開嘅關係，人比較小，所以坐得好舒服😌因為係lunch時間去到，所以menu就只有lunch set可以揀～不過總體menu上嘅菜色感覺營養非常均衡，比較清淡嘅感覺👍🏻為佐更加健康，所以我揀佐糙米飯，而且隨餐附贈salad同miso soup，都幾nice。前菜方面，我揀佐鴨醃醬油，食落感覺幾得意、有少少魚生味又有少少燒鴨味，都幾開胃。跟住就係揀佐香煎三文魚～唔好睇距好似好乾咁，食落又幾好味，皮脆肉嫩，咬開仲有肉汁～送飯一流👍🏻因為想食得清淡d，所以鍋物我就揀佐最普通嘅野菜鍋，中規中矩，反正病左就食清d啦～最後，仲食佐個招牌美顏雪糕🍦，據聞係用無酒精清酒+豆乳製成，非常滑溜，有種食豆腐嘅感覺❤️不過如果唔好咁甜就perfect啦！誠意推薦大家黎試下～唔好睇距細細份，我當時食完都超級飽！而且感覺又健康營養又均衡～好適合果d健康人士👍🏻…查看更多