三希樓 (已結業)

突然之間好想食水煮魚🐟朋友介紹話三希樓嘅水煮魚唔錯，就一齊嚟試一試~四個人叫咗個大嘅水煮魚🐟 一嚟到勁多天椒放喺面，成個辣椒山🌶咁勁誇張，影完相之後店員細心咁幫我哋拎走上面嘅辣椒，話因為怕啲辣椒湯浸得耐會愈來愈辣，同無咁好味~ 不過其實食落唔係好辣啱曬啲又鍾意食辣但係又怕辣嘅朋友🤣魚肉片厚切得嚟又好嫩滑，唔會煮到老曬， 配料一啲都唔孤寒，有紅薯粉、荀片同芽菜，重有鴨紅添~水煮夠晒惹味令人食到停唔到口，朋友果然無介紹錯~另外重叫左個椒鹽排骨架，個賣相好吸睛，睇得出師傅整得好有心機，用個骨架做條橋 再放啲排骨上去，岩晒仲意相機食先嘅我😂食落口其實都辣架，不過就辣得惹味，隔離仲有涼拌青瓜做伴碟添，唔錯呀~食咗咁多熱氣嘢最後加返個干煸四季豆， 四季豆食落好爽口同卜卜聲，加埋啲肉粒炒得好香，令人可以送曬成碗飯呀🍚