Jennyeatallday的個人專頁

行經天后，未到約定友人時間，黎左呢間次次走過都想試既餐廳hea下~一入度黎個感覺係幾relax ge, 落地大玻璃佈置，令成間餐廳有更多自然光進入~背境有中外流行輕音樂，餐廳採木製餐桌，令人坐得好舒服，周圍又有唔少植物做裝飾，係度進食令我覺得自己好文青，想睇番本書，嘆下咖啡~點左秘制海鮮叻沙($65)同越南咖啡($35)。叻沙細細份， 湯頭都ok濃郁，有椰香，海鮮有蝦，蜆，魷魚，魚丸仲有豆卜芽菜，麵係米粉加油面，食味唔錯~越南咖啡先最正！上枱一set上，下面玻璃杯內有煉奶襯低，咖啡就係上面個銀色器皿滴漏落玻璃杯度~熱辣辣，啡底唔酸有香濃焊焙咖啡香~因為我係第一次試，覺得好特別同好好飲~其實重點係想講服務，我有選擇困難症，雖然餐牌選擇唔多，但都揸唔定主意，店員好用心咁介紹俾我知，等我揀到最arm我既~因為hea成粒幾鐘，非繁忙時間，店內唔算多人，但店員依然飛快執枱同serve客人，其中一對母子入左黎坐窗邊對街位置，小朋友arround3歲左右，店員見小朋友唔夠高但坐大人枱即快飛快為小朋友換高椅(冇錯，又係飛快)，仲俾左杯果汁哄小朋友，成個感覺真係好窩心啊～雖然tea黎講呢度唔係平，但用料幾好又坐得好舒服，店員服務一流值得黎…查看更多

收工搵朋友食飯，試下朋友推薦呢間<< Burger Joys >> ~ 呢間漢堡包店燈光稍暗，採用開放式吧台，再加埋美國流行音樂做background music，好有美式酒吧feel，啱哂三五知己食吓小食吹吓水~呢度係先付錢後進食既，有少少快餐店感覺~餐牌款式選擇算多，除左漢堡包亦有沙律、All day breakfast等食物揀~:)Chocolate Milk Shakes($58)大推!!!!奶昔超幼滑!! 賣相吸引之餘，朱古力奶味濃郁，輕微冰沙感覺，配以頂層香滑忌廉，冇得輸~食味似溶緊既朱古力雪糕，又似食緊朱古力忌廉~~~~All day breakfast($88)煙肉煎到勁脆口有種食薯片既感覺，卜卜脆~而且煙肉既油分大多已逼出，食落感覺唔油膩~肉腸咸香軟糯肉味濃，外皮難得做到脆身效果，讚!!太陽蛋同牛油多士唔錯~仲有至愛薯餅粒粒添~Melt Cheese Fries($48)薯條係炸得香脆既幼身薯，一上枱就見到薯條新鮮炸出黎果朕熱氣散出，再配埋勁多熔化芝士，極盡視覺，味覺，嗅覺既享受，芝士迷點頂啊~~~><Classic Buffalo Wings ($48 – 6隻)經典美式風味，雞翼咸香酸辣，外皮裹滿醬汁但仍保持微脆口感，肉質Juicy ~伴碟蔬菜條必沾芝士醬，醬內搵到大量芝士粒同黑椒碎，點醬齊食，爽脆啊~如果想食美式風味可以黎試試，餐廳relax得黎幾啱Feel，食物做得好食，適合朋友仔gathering傾下計~ …查看更多

收工同朋友去尖沙咀食飯，朋友話想食拉麵，於是帶佢黎試下呢間”武士拉麵”~店內座位唔多，門外稍見人龍，排隊時見門外貼滿雜誌推介，又有電視介紹店家製面過程，已經流哂口水勁期待啦~~好在等左15分鐘之後就入得啦。店家勁細心，坐位牆後有衣架俾客人掛褸，唔怕件褸皺哂:)望住點麵紙，樣樣都想試，最後都係揀左”足利將軍拉麵(黑蒜油豬骨湯)”$98店家採用開放式廚房，見住師傅煮麵專業又衛生，仲要有埋計時器計準淥麵時間，掂!!拉麵一到即刻試下果湯底，湯頭濃厚，黑蒜味濃，略帶芝麻香麵質揀左粗硬面，彈牙得黎有D咬口豬肉採用半肥瘦，有肉味又Juicy，肉面沾滿黑椒碎，邊位食得出有燒過，令每塊肉都多咲焦香又唔騷食到一半，滴埋店家推薦既特製魚油落湯底，又係另一種層次，令成碗麵都多左份鮮味~~平時食完坊間D拉麵冇耐就要狂灌水，但呢間”武士拉麵”冇落味精，食完我唔需要特別飲水^^下次要再黎捧場啊~~…查看更多

約左班朋友出黎佐敦食生日飯，今次黎呢間朋友試過話正既<<七福神和食亭>>慶生。未入餐廳已俾門口日式佈置吸引左啦~好有日本居酒屋既feel! 餐廳內部裝修都採用和式設計配以簡單音樂，感覺舒適。餐牌選擇繁多，有壽司、刺身、串燒、煮物等…樣樣都好想食，搞到就黎有選擇困難症啦蟹籽沙律 (大) $48一上枱，幾個friend即時 “嘩!” 出黎! 碟蟹籽沙律一出場就氣勢十足，大到好似個面盆咁! 份量出手豪氣唔手軟，食落清新開胃，抵食之選!!炭火燒河豚干 $38河豚干惹味可口，邊位有少少脆口焦香，伴以七味粉同沙律醬，送酒一流。香芒花之戀 2件 $48賣相似幅畫咁，三文魚肥美厚身，加埋芒果既酸甜去平衡三文魚既油膩感，味道更夾更鮮，encore之作。芝士焗天火蠔 3隻 $58原隻廣島焗蠔，成大半隻手掌咁滯，配以焦香芝士鋪面，白汁煙肉做內餡，大隻juicy又鮮甜。石鍋燒香菜海蜆胡椒湯 $60石鍋湯夠熱，一路食一路出煙，個湯蜆肉味好出夠鮮甜，好在唔會太重胡椒味，反而有淡淡波菜味，粉絲吸盡蜆湯精華，鮮味突出。紀州南梅梅酒 (大 300ml) $78冰鎮梅酒仲要成個木桶上，附上兩個小酒杯，日本feel十足，咁夠誠意，唔係唔映相啊~~經過一輪狂風掃落葉之後，食到個個朋友仔都飽到攬住肚走~ 呢度食物選擇夠多，價錢抵食，下次一定番黎再encore!!…查看更多