foodisallaround的個人專頁

本身係打算去油麻地食第二間餐廳 點知間餐廳星期一原來唔開🫠於是諗起紅伶飯店之前食過一次 覺得不過不失所以諗住再幫襯去到竟然唔洗等位 但人流keep住出出入入因為我地得兩個人 所以只係叫左三樣野鵝片 💰149有豆腐墊底滷水味係唔錯 可惜鵝肉超肥 肥到食完一件後要切走啲肥膏先食到 (本人唔係懶係健康嘅人 但都食唔到)蠔仔肉碎粥 💰79食到最後先到嘅野店員話得一個煲 所以要等蠔仔都幾大粒 最好食係依樣椒鹽鮮魷💰119炸粉有小小多 鮮魷偏細對唔起依個價錢 今次係第二次食 應該唔會有第三次😹😹…查看更多

點會諗到係個商場入面有間咁好打卡咁勁裝修嘅餐廳📸一早打電話留咗後面有鏡依個打卡位🪞餐廳開12點 我地12.30到已經有一枱客到咗 已經打緊卡😹😹12.30後客人開始陸續到 好快坐滿一半位本身想叫香蒜鮮大蜆意粉 但店員話無蜆☹️轉咗叫香煎北海道帶子番紅花意大利飯 💰188帶子比我想像中大粒同彈牙 煎得香 意大利飯口感唔錯 只係份量比較細鮮刨意大利黑松露野菌意粉 💰188一片片黑松露味道香濃 意粉唔會太淋白松露薯條 💰78薯條上面有黑松露同白松露碎 另外配上白松露醬同茄汁俾你點 不過覺得薯條唔夠熱 薯條要熱辣辣先好食🤤但係份量好多Passionfruit mint soda 💰48Green tea latte 💰45本身諗住叫多個tiramisu 點知又話無☹️轉咗叫chocolate brownie 💰68 慶祝生日佢係會幫你係碟寫happy birthday加支蠟燭仔🎂如果你要有人唱歌嗰啲儀式感 依度就無嘅同埋要快啲影相同食野 因為差唔多夠鐘店員會係咁提你同幫你埋單俾壓力你🫢不過整體依間係可以再黎嘅餐廳🕺🏿…查看更多

行開旺角想坐低食個撈麵，經過見到呢間舖頭就入咗去 。60幾蚊食個撈麵的確唔平，但係想坐定定食下頹嘢所以都照食。叫嘅都係無乜技巧嘅食物。撈麵就係撈麵嘅味道，司華力腸就係司華力腸咁。食得依啲都唔預特別好食啦。但係你叫落單嘅時候先係最考功夫嘅時候。明明成間鋪有三個店員 叫佢，揮手，有晒眼神接觸，個個都走咗去唔想落單咁。你唔想落單唔好返工呀嘛😹釀雞翼餃子撈麵 $67呢個份量超過分，得兩隻釀雞翼。唔會再食，都唔建議大家食。司華力腸拼雞扒撈麵 $63套餐跟低糖綠茶/紅茶…查看更多

當日係OpenRice book咗枱 去到嘅時候前後起碼等咗30分鐘 店員話因為冇枱 既然冇枱咁點解我要訂座 睇得出餐廳安排得唔係幾好 第二次再問店員到底要等幾耐 忽然間又有枱 (最搞笑係 唔知點解餐廳會顯示我訂座為缺席 前前後後等咗30分鐘)一入到去環境十分暗 音樂亦好大聲 如果你選擇同朋友食飯傾偈超級唔推薦你 因為你坐對面係唔會聽到對方講乜食物正常價錢都算合理 只係覺得飲品定價太高 個杯又細兩三啖飲晒 收你$1xx (環境太暗食物飲品都冇乜影相)如果你係要黎慶祝生日就歡迎你 因為成餐飯起碼聽左五次生日歌 係有氣氛嘅最後想講 起碼見到有兩個侍應都係唔戴口罩 仲要負責送餐同客人講嘢 雖然疫情冇咁嚴重但係戴口罩唔係基本咩…查看更多

同朋友經過見到依間餐廳 決定入去一試入到去覺得裝修幾靚同埋特別 可惜音樂超大聲 同朋友坐對面都要好大聲先聽到對方講嘢每人叫咗一個漢堡 同埋小食 本身諗住飲咖啡 可能夜晚無 之後諗住轉飲果汁 不過員工又話無晒提子汁 (到餐廳嘅時候只係七點幾)薯條$58 餐牌寫係粗薯條 可惜到嘅時候只係比M記粗少少嘅薯條 根本唔可以叫粗薯條 味道 咪就係好普通嘅薯條 無乜調味可然 份量係偏多 可惜食物唔好食俾幾多都無用蝦漢堡$98 漢堡比較意外 小店質素算唔錯 麵包軟熟 食到粒粒嘅蝦仔 雞漢堡$118 同樣包軟熟 雞肉嫩滑 大件橙汁$38 唔知係啲冰融得太快定係橙汁真係溝過水 似係橙汁加水 唔建議叫果汁作為一間裝修獨特嘅餐廳相信都係想客人嚟打卡同時可以幫助餐廳做宣傳 可惜負責喺門口做接待嘅女侍應 每逢客人影相都喺度眼望望 見親佢都係喺門口食煙飲酒 都幾趕客 明明見到客人喺門口影相仲叫埋佢喺入面嘅朋友出嚟食煙傾偈 感覺似係想趕客人走 希望餐廳可以改善 唔係就算食物好食都唔會有回頭嘅客人 同埋疫情下員工應該要戴返口罩 更可況要負責送餐…查看更多

舖頭座位比較少 應該得十個位左右 等左大約半個鐘終於入到去 入到去上菜比較慢 上齊野應該都用左半個鐘以上 舖頭出面排隊位置比較污糟 成日有啲烏蠅蚊滋飛黎飛去😩😩胡椒豬潤米 💰42豬膶米上有胡椒粉同薑片癖走腥味 豬膶切得夠厚所以食落好滑好淋 一啲老嘅感覺都無 食得岀豬潤用酒腌過所以好惹味 不過米粉同湯底都比較普通無咩特別瑞士汁雞翼撈出前一丁 💰40雞翼係我鍾意食嘅味道 好入味同無牙牙婆都食到嘅質地 出前一丁都有濃濃嘅瑞士汁 食完罪惡感好重😩清湯蘿蔔 💰20大大件無渣 索晒湯 好中意依個🤩白菜煎餃 💰5隻/35 10隻/48本來想食韭菜但賣晒 所以叫左白菜煎餃🥬🥟相比起其他呢個比較普通 煎得唔算脆口 無乜特別 可唔食低糖豆漿 黑芝麻味 💰跟麵食10低糖感覺上比較健康…查看更多

食飽飯想食甜品 第一下就諗到黎有米芝連推介嘅甜品舖Chocolate Banana Waffle 💰72窩夫朱古力味好濃好香 我覺得好好食😋再配香蕉🍌同朱古力味雪糕 不過如果有四件就更好Green Tea Lava Cake 💰72一切開抹茶流心就湧晒出黎 🍵抹茶味都係好濃 好正 不過如果無咁小就更加好 甜左小小咁多🤏🏼 因為我唔食紅豆 所以走左紅豆 配抹茶雪糕唔小心倒瀉水 店員即刻衝過黎幫手 仲怕我地整濕自己 枱同枱之間有距離 係食甜品慢慢傾計嘅好地方…查看更多

香港地少人多 依間應該係我去過最細嘅cafe😹一出𨋢踏前一步已經入左間cafe😹 不過我去嘅當日唔算好多人 所以都坐得幾舒服 如果cafe坐滿嘅時候枱同枱之間太近了吧枱位置嘅酒櫃幫cafe加左好多分🔥隨手都可以影到靚相焙茶白玉拿鐵 💰54焙茶味可以再濃啲 白玉數量比我想像中多 粗略估計都有四粒以上 仲要唔係細細粒小丸子size 好煙韌😽😽三層顏色層次分明打卡好靚特濃咖啡冰樂 💰54咁熱嘅天氣叫返杯沙冰最岩 咖啡濃郁 就算啲冰開始溶化都無減淡宇治抹茶窩夫配雪糕 💰118窩夫疊起四個好igable 中間配上抹茶雪糕同少量紅豆 整體ok但未去到好好食 如果下次黎未必會encore依款甜品…查看更多

之前食過一次覺得幾好食 經過決定再黎食 可惜保持唔到水準 估唔到第一篇中差評就俾左依間舖😿由於味道關係無幫佢影張靚相藥膳黃酒雞湯米線 💰60湯底淡而無味 識落仲無味過史雲生雞湯 雞肉好似一粒粒咁 並非雞件 明顯有醃製過嘅味道 肉質鬆散 而且死鹹 米線屬於滑嘅可惜太淋招牌痴花膠雞濃湯米線 💰68湯底味道好淡 雞件好鞋 花膠幫手拉返少少分 食到尾嘅時候湯底先開始有味 失望🫠…查看更多

長洲唔係得芒果糯米糍 去西灣經過依間小店 見到有Oreo鮮忌廉糯米糍 即刻走去買 因為本人好中意食Oreo😹叫左一個Oreo鮮忌廉糯米糍 一個鮮忌廉芒果糯米糍🥭每粒都係獨立包裝好方便糯米糍嘅皮係類似班戟質地 唔係平時嗰啲軟糯糯米糍皮 忌廉唔算甜 不過不失過下口癮…查看更多

晏晝時間去佐敦舖竟然冇無乜人唔洗排隊 差唔多包場咁😹芝士吉列豚肉定食 $78 💰唔係好食牛嘅我叫左依個豚肉定食 佢仲配埋一個芝士醬俾你點 芝士醬好多 唔使慳住慳住食 不過唔算好濃味 所以兩者都幾夾嘅 表面嘅炸皮唔算厚 豚肉有少少油脂 糖心蛋同飯正常發揮🥚🍚板燒吉列牛 $118 💰鐵板上面有舊牛油 所以唔會黐底外面包住麵包糠脆脆地 牛肉好林 仲要份量多 正宗有得玩又有得食…查看更多

會為左佢而入元朗嘅美食 排隊加等野食總共1小時左右 不過值回票價店舖有少量位置俾客人係度食 不過你面前就會有長長嘅人龍望住你食😹1️⃣ 傳統刈包加柚子醬 💰$42五花滷肉超級淋 無牙婆都食到 陣陣芫荽香味配上花生碎酸菜 連包皮都係自家製嘅 好軟熟2️⃣ 蝦餅刈包 💰$46蝦餅口感彈牙配上芝麻蒜味醋 港式咖喱醬 兩款汁估唔到都幾夾 個人應為咖喱味比較重3️⃣ 麻辣蒜香炸台腸 💰$18佢係有一個炸皮包住台灣腸 炸皮上面有相信係自家製嘅花椒辣椒油同埋生蒜 好惹味呀！🔥…查看更多

第二次食依間爆谷 之前去日出康城舖頭經過親都大排長龍 上網search一search原來佢有好多間分店舖頭會有一位職員係到炒爆谷 令到本身無諗住買嘅人都吸引左過去 聞到陣陣爆谷香味🍿疫情期間少不免留係屋企睇Netflix睇Disney+ 零食嘅首選緊係爆谷喇 仲有唔同size同口味 緊有一款適合你🙊今次買嘅係焦糖脆脆口味 根據上一次食嘅經驗爆谷幾日都仲係好脆〽️💰小袋 $38…查看更多

今日同朋友兩個人去食lunch 一早經OpenRice book咗枱 仲落咗個remark講低希望坐到嘅枱位置我哋準時2:00去到餐廳 一去到餐廳發現想坐嘅位置有人坐緊餐廳職員應該冇幫我哋reserve想坐嘅位置 但佢就同我哋講話唔係確保一定留到枱 但係我哋都早咗半個月book枱 真係咁都安排唔到咩?除咗留位問題 嘢食同埋員工態度都十分唔錯Set lunch 可以試晒幾款starter同main dish 仲可以自己揀一款甜品不過最吸引嘅相信係2 hours free flow白酒紅酒 啱晒我依啲酒鬼 哈哈！嘢食好食 份量足 上菜速度夠快 覺得maccaroni beef cheek ragout最好食 而咖啡同甜品略嫌遜色餐廳員工經常面帶笑容同有禮令我哋用餐時愉快依間餐廳我係會再幫襯！係一個適合朋友聚會嘅地方…查看更多

一直都有Openrice account 但今次不愉快嘅經歷令到我寫第一次嘅食評之前見人介紹呢間餐廳 睇相覺得環境好靚 於是同朋友決定晏晝去試一試 上網做過資料蒐集後發現佢係三點開始營業 於是同朋友三點十分已經到咗餐廳 估唔到依餐午餐食到大家咁背脊骨落一入到去門口有兩位receptionist 一位係比較高大而另一位係比較矮少 而比較矮少個位負責接待我哋 從來未試過一入一間餐廳有諗過走 身材比較矮少依位店員十分冇禮貌 態度惡劣 第一句問我哋 你有冇book位 之後我哋話 冇 我哋到嘅時候只有一台客人 於是我哋問可唔可以坐比較近門口嘅枱 之後店員話 冇 我哋問點解 佢就話俾人book咗 餐廳係一共有三層嘅 於是我哋問可唔可以坐上面嘅位置 佢又係一句 冇 我哋再問點解無嘅 冇嘅意思係冇開定係做晚市嘅時候先開 佢就話 夜晚先開 佢每一句回覆嘅態度都係好差好無禮貌 於是我哋揀好位之後 佢一面唔耐煩嘅樣 dum底一句5點半還枱 之後再叫係負責做水吧嘅一位男同事出嚟招呼我哋 而負責水吧嘅同事好有禮貌 作為一間中價價錢嘅餐廳 依位員工嘅態度連我樓下茶餐廳姐姐嘅態度都好過佢坐低嘅時候我叫咗一杯荔枝mocktail 水吧同事話生果未到所以要等20分鐘 於是我話可以去到我同朋友連野都食完 我杯野都仲未到 於是我問一問店員 佢話佢同事同過我講話要等 之後我話 係 佢話要等20分鐘 跟住佢話 但係生果仲未到 於是我轉左另一杯飲品 如果生果未到所以飲品製作唔到嘅話通知客人唔係好正常嘅事咩 有咩理由要個客人等咗起碼一個鐘再主動問先至知道我同朋友留意到店員係冇名牌 希望貴餐廳都睇到呢篇食評 依位態度十分惡劣嘅receptionist 係短頭髮身材比較矮少亞洲面孔的女生 雖然餐廳稱不上五星級 但員工態度冇理由比茶餐廳差吧 相信餐廳需要提供更多培訓比店員最後 一開始店員話俾人reserve左嘅枱 到我哋差唔多五點埋單嘅時候 依張枱都係冇客人坐低 冇人到嘅 唔知道係依位員工特登唔想俾我哋坐定係咩原因餐廳環境就算有幾靚食物有幾好 員工態度惡劣 絕對唔會打算回頭再幫襯！…查看更多