virginialai's Profile

難得約咗朋友出去食大排檔，咁啱見到喺佐敦有一間大排檔任食，$288一位再加一，都幾吸引，所以就試吓佢食物嘅款式都好多，有小菜，煲仔，仲有小食湯羹同埋炒粉麵，嘢飲都有啤酒汽水同埋茶每個人可以叫兩個餸，咁我哋前後叫咗四個餸再加兩個嘢飲， 120分鐘都好夠食等咗一陣就上菜，小炒王入邊都好足料有蝦米腰果，仲有魷魚，好夠鑊氣金沙雞翼，一上枱已經好香，雞翼好入味，而且外面佈滿蛋黃，煎炸嘅時間啱啱好，個皮好脆口，大家都食唔停魚香茄子煲，真係啱啱煮起，好多茄子同埋肉碎，味道啱啱好唔會太鹹，就算冇飯都可以，而且有少少辣椒吊味芥末牛柳，佢有少少辣，但係好開胃，而且佢啲牛肉好腍，唔會太硬咬唔開呢間小菜嘅質素都幾高質，其實就算散叫都唔會太貴，下次都會再返轉頭再試其他餸…Read More

今日去試海之戀呢間日本餐廳，佢都好多選擇有丼飯烏冬，仲有刺身飯。豪華海鮮丼茶漬飯刺身都好新鮮，而且份量都唔少，三文魚好肥美，吞拿魚，甘蝦，帶子同埋魚子都好鮮甜，我哋揀咗香龍蝦湯，個蝦湯好鮮，飲得出係用蝦頭熬出嚟，食晒刺身嘅時候最後倒埋個湯，撈埋個飯嘅時候好似湯飯，最啱冬天嘅時候食吉列豬扒定飯，豬扒比想像中細份少少，但係外皮好脆，入邊豬扒嘅肥瘦比例唔錯，不會太乾，個日本飯好有驚喜，煙煙韌韌，真係好想叫多碗再食我哋各自都嗌咗杯嘢飲，個百香果好香，但係唔會太甜，咖啡都配咗糖漿，你可以自行去加牛肉薯餅，滿滿嘅薯蓉撈埋牛肉，剛剛炸起，熱辣辣雪糕好有驚喜，我哋加咗$35 ，每人都要咗一份，上面嘅雪糕食得出係高質，旁邊嘅朱古力帶有少少朱古力苦味，唔會一味死甜，而且下面仲有一啲麥片脆脆，最後可以食埋個窩夫餅底，好大滿足…Read More

今日約咗朋友去海之戀食韓國嘢，好好彩可以坐近窗邊，個view勁正，一邊食炸雞一邊chill驚喜二重奏，呢個幾特別，可以食到牛扒同埋炸雞，牛扒上菜嘅時候熱辣辣，煎得啱啱好，食落好重牛味，而且好有咬口，炸雞微辣，而且醃得好入味，揸到好香口八爪魚煎餅，佢上面真係有好多八爪魚嘅粒粒，而且個煎餅餅邊煎得脆脆，再沾上旁邊嘅醬汁好好味，乳酪粉無骨雞，一啖啱啱好，上面嘅芝士粉鹹鹹甜甜，雞肉亦都好多汁，下面仲鋪滿番薯條，番薯條食落甜甜地都幾開胃鮮蝦沙律，見到顏色咁豐富都好開心，而且食咗咁多肉，食個沙律就最啱，沙律酸酸地好開胃，而且上面又有大蝦，好彈牙香蕉沙冰好重香蕉味，朋友就飲草莓乳酸梳打，佢鍾意酸酸地唔會太甜…Read More

啱啱去咗荔枝角嗰邊買嘢，見到有一間主打懷舊復古嘅茶餐廳，就入去試吓入到去舖頭入邊嘅裝修好靚，呢邊又好大個嘅龍鳳牆，好有心思沙嗲牛肉麵，有驚喜，比平時食開嘅帶一啲麻辣，少少甜甜地，而且牛肉嘅份量都幾多，而且夠入味好腍叉燒滑蛋飯，個豉油汁係精粹，將佢淋落個飯度食，好惹味，雞蛋好滑，而且叉燒肥瘦剛好，最得意嘅係食完之後見到隻碟上面會有金句，幾有趣沙嗲牛肉炒蛋熱香餅漢堡，最近嘅熱潮好興食熱香餅漢堡，呢度第一次見係配沙嗲牛肉，佢一層夾住沙嗲牛肉一層夾住芝士，估唔到出奇地幾夾，沙嗲牛肉嘅辣味配上熱香餅口感唔錯，唔需要加蜜糖都幾好食金莎朱古力流心西多士，小朋友一定好鍾意，滿滿嘅朱古力醬再鋪上脆脆，啱鍾意食甜品嘅人喺呢度嘅特任都好多款，我哋叫咗一個阿華田脆脆，佢入邊係阿華田再配上脆脆，又唔會太甜，下次可以再試吓…Read More

今次第一次荃灣呢間韓國餐廳，原來佢佢比旺角多咗個lunch Menu，又幾抵食海鮮伴炸醬麵，份量非常之大份，而且海鮮都好多，有蝦，魚同埋青口，味道比較清淡，唔會太鹹石燒腩肉配香蔥煎餅，每舊嘅腩肉都好肥美，而且都幾大嚿，配埋生菜蒜頭再加泡菜，唔會太油膩，煎餅都好厚實，而且都煎到好香我哋額外加錢要咗個韓式包飯，佢入邊嘅牛肉好好味，甜甜地，而且入邊嘅材料都好多，飯量亦都唔會太多，幾鍾意呢種韓式包飯，但係佢哋包得比較鬆散，夾起嚟會容易跌韓式辣醬湯底，朋友好想食部隊鍋，所以叫咗一個食，一上到嚟，都比佢嘅份量嚇親，入邊有午餐肉金菇冬菇，同埋牛肉，佢嘅牛肉都係帶有甜味，冬菇最好味，煮到好腍，最後加埋一個辛辣麵落去，非常滿足火炙牛，呢個好有驚喜，侍應會攞火槍係你前面再燒一燒嘅牛肉片，賣相非常之吸引滿滿嘅牛油香味，咬落去好軟腍，食到牛肉嘅味道…Read More

第一次試呢間日本燒肉，雖然價錢唔平，但係真心高質素和牛西冷薄切&赤身定食勁大塊西冷，一放落去嘅時候牛脂已經不停冒出，好香，因為切得薄身嘅關係，所以佢都好快就熟，在沾上旁邊嘅蛋液，好香牛脂味，真係一分錢一分貨，貴得有價值，牛肉好嫩滑，配飯食一流，旁邊嘅赤身，牛香亦都好重，但係就比較韌豚肉定食，豬肉嘅份量都幾多，差唔多有四至五塊肉，放上烤爐，好快都食得，本身以為豬肉會比較硬身，點知出奇地淋而且好滑，呢個有驚喜我哋另外散叫咗兩樣和牛肋肉，同埋牛舌，兩種完全係唔同嘅口感，牛肋肉比較厚身，要花啲心機去燒，但係入邊係爆汁，好多牛肉汁，好重牛肉味牛舌就比較嫩滑一啲，同平時食開嘅牛舌都好唔同…Read More

好耐冇同朋友去食韓國嘢，估唔到呢間餐廳仲保持到水準，我哋lunch去食仲有七折乳酪粉無骨雞，好鍾意食炸雞，又唔想吮骨，旁邊仲有番薯條，炸雞一啖食落去又冇骨，番薯條甜甜地，配上乳酪粉鹹鹹甜甜白切五花腩，本身想叫滷水味，但係賣晒，可以沾上旁邊兩款醬，佢嘅韓式辣醬唔太辣，配埋蒜頭生菜食八爪魚煎餅，上菜嘅時候啱啱煎起，熱辣辣，而且佢煎到邊脆脆好好食蜜瓜沙冰，入邊係冰沙芒果菠蘿liquor好大支，兩個人share就啱啱好啦，燒酒味唔太濃士多啤梨雪冰，可能士多啤梨唔係季節，就唔太甜，雪冰外面加咗煉奶甜甜地好好味，食到中間就要撈埋出邊煉奶食會比較好…Read More

好耐冇出尖沙咀行街，行到差唔多食晏嘅時候，見到呢間新開日式餐廳，佢嘅套餐都幾抵食，而且環境設計好日式好啱打卡，所以就試吓佢嘅套餐款式好多，打卡仲可以有八八折，喺尖沙咀區嚟講都幾抵食安格斯牛肉壽喜燒定食，入邊有三大塊安格斯牛肉，肉質好滑，好重牛味，而且帶有少許嘅甜味湯底係日式，帶有少少甜味，配有好多蔬菜，而且仲有索曬湯汁嘅粉絲套餐仲有兩片三文魚刺身，佢嘅小食係辣味牛舌，辣辣地幾開胃，而且仲有沙律茶碗蒸，佢嘅茶碗蒸上面有蟹絲，相當有心思，仲有甜品厚切吉列芝士豬扒，非常厚而且大塊嘅吉列豬扒，剛剛炸起，唔會太油，外皮有薄薄一層嘅炸粉，豬扒唔會太乾，油脂感重，再配上芝士真係不得了…Read More

之前食過晚餐，今日去食下午茶，兩個人食到勁飽，最推薦咖央多士咖央多士個牛油好邪惡，再配入邊多士嘅醬，趁熱食非常好食，多士烘底，再配上半溶化嘅牛油，值得推薦娘惹咖喱炸雞配椰漿飯下午茶抵食之選，份量夠多，大大隻炸雞髀，配椰漿飯，旁邊仲有半隻蛋，加花生同鹹魚仔，好正宗嘅口味，椰漿飯偏淡，但係加埋花生同鹹魚仔啱啱好，炸雞髀外皮炸得脆口，非常邪惡星洲喇沙摻摻，配料都非常多，有蝦，魚蛋，豆卜，個湯底好足料，好香嘅花生味，其他嘅配料都入晒未，尤其個面底，吸晒個湯汁，同埋個白魚蛋好彈牙，用料唔差小食拼盤，啱晒大家選擇，咩都有，炸到好香口，不過雞髀同埋雞翼，就偏鹹咗一啲麻辣魷魚通菜，我哋已經叫咗小辣，對我哋嚟講都仲係有啲辣，魷魚好爽口，通菜亦都好夠鑊氣…Read More

第一次去挪亞方舟度假酒店嘅Harvest Beachside食BBQ，個環境好舒服，可以睇到青馬大橋夜景，由黃昏食到夜晚，幾有渡假feel我哋揀咗其中一個4 人套餐海陸空海鮮燒烤套餐$1888，有澳洲豬鞍，紐西蘭羊扒，和牛漢堡，同埋大虎蝦等十幾款美食，份量都足夠，豬鞍勁大塊好厚肉，燒完都仲係好Juicy , 虎蝦燒完都幾新鮮彈牛，好多蟹膏，最正原條粟米，最後查啲牛油上去幾鮮甜。旁邊有梳化及藤椅，等食嘅時候可以喺旁邊坐低飲吓嘢傾吓計，都幾啱搞party，又好近沙灘，可以食完野又去同小朋友去沙灘玩一陣，下次可以試試book晏晝嗰場，同小朋友一齊去BBQ之餘，又可以去玩水…Read More

今日冇煮飯所以一齊去元州邨嗰邊食lunch，之前都試過幾次，今次想試吓唔同嘅嘢食牛魔王撈麵，我阿媽話個麵好食，唔會有鹼水味，牛筋有少少硬，但係個牛肚好入味，雲耳辣辣地好開胃叉燒蛋包飯，個叉燒係腩差，肥瘦剛剛好，咬落去好林，唔會太乾，個蛋送飯一流第一次試佢嘅撈丁系列，試咗咖喱雞扒撈丁，如果再多啲汁，個麵會更加入味，雞扒煎得好香手撕雞腸粉，我阿媽都讚個腸粉好滑，食咁多次都保持到個水準，手撕雞都好入味值得一讚嘅係個老火湯，完全冇味精，南瓜紅蘿蔔雞湯好甜，而且好夠味道…Read More

約咗朋友去旺角嗰度食燒肉，朋友介紹一間佢之前去過覺得好食嘅燒肉店，入邊有環境裝修頗有格調今次揀咗雨嘅套餐，有A5和牛可以食，上菜嗰下大家見到都嘩一聲，油脂分布非常平均，而且都幾大塊，入口即溶另外仲有四款a4黑毛和牛品嘗，質素都有返咁上下，一個套餐可以食晒兩種和牛真係抵食仲有佢嘅頭盤的確超正，鮑魚好彈牙，值得推薦，其他幾款都唔錯除咗A5和牛之外，全部肉都可以任食，啱晒我哋兩個食肉獸重點係雪糕Häagen-Dazs都可以任食呢個餐真係好抵食，因為仲可以食埋另外三款套餐好彩我朋友上網訂咗，原來成人有半價優惠…Read More

今日去長沙灣搵舊同事食飯，我搵了一間平比較親民的餐廳，餐廳環境衛生乾淨，坐位也很闊落，上菜的速度也很快，職員態度亦很殷勤，值得一讚！餐廳位置很近長沙灣地鐵站大約行十分鐘都算方便。芝士煎蛋牛肉漢堡包加肉醬意大利粉$58一隻煎蛋加一塊芝士，都砌到漲卜卜好飽滿。麵包雖然是很多空氣的港式麵包，但最少乾身鬆香，夠挺身。一啖咬落去好有層次，好滿足！肉醬意粉中規中矩，略嫌醬汁未夠多椒鹽豬扒飯炒底$68一嘗超強的椒鹽豬扒飯炒底，真係幾大碟，一個女人要KO真係有難度。香蔥、蒜粒、辣椒佈滿飯粒，食落香口惹味，但不會超濃味。唯一是飯粒末夠完全乾身分明。配料水準唔錯，醃味適中，只是豬扒略嫌乾左D。榛子醬西多士$32西多士是港人下午茶的熱門之選！加入蛋漿油炸至金黃香脆的白麵包，在進食前再塗上厚厚的牛油及香甜的糖漿，內裏又有榛子醬，既邪惡又美味，令人心花怒放！…Read More

約咗朋友係屋企附近食飯，佢話想食新加坡菜，所以約咗佢去呢間長沙灣出名嘅蘇山雞飯我哋每人叫咗一個套餐，再加半隻雞，都係$300買單，兩個人食到勁飽，好抵食招牌海南雞半隻，雞肉好滑，而且份量都唔少，我哋兩個人share啱啱好孖寶芽菜走地雞飯，呢個滿足晒我兩個願望，又可以食到海南雞飯，又食到星洲叻沙，油飯好重雞油味，真係每粒飯都沾滿雞油，雖然佢話係迷你叻沙，其實都幾大碗，個湯底真係一流，完全係叻沙嘅口味，有一隻蝦，配上兩種面底芽菜走地雞真係第一次食，佢肉質都好滑，再配上佢獨特嘅醬汁娘惹咖喱牛筋腩飯配烤餅，我哋為咗烤餅先至叫呢個餐，烤餅本身都好好食，配埋個咖喱汁好入味，入邊有唔少嘅牛根腩，食剩嘅牛腩汁，用嚟撈埋個雞飯食真係好滿足…Read More

今日同朋友出去食飯，喺太子一齊食餃子，朋友第一次去食，佢覺得松露餃子最好食我哋叫咗四款餃子，入邊有煎餃同埋湯餃，湯餃就配埋九鼎湯，個湯好正，飲落係完全冇味精好足料之後再食埋佢嘅配菜醃蘿蔔，真係好好味，佢酸酸甜甜，忍唔住一舊接一舊咁食龍鳳松茸煎餃，好重松露嘅香味，唔需要點任何嘅醬汁已經好夠味道，亦都煎得好香松茸豬肉餃，入邊好多豬肉，好足料，餃子皮亦都好夠薄芫荽豬肉餃，第一次食，啱晒鍾意芫荽嘅朋友，芫荽又唔會搶咗豬肉嘅味道大白菜豬肉餃，白菜好清甜，呢隻最基本款嘅餃子大家都覺得好食…Read More