Sasa姐的個人專頁

大多數吃大閘蟹都在秋天吃，未必試過春天吃。想食就要試吓喇買咗三只$380一斤嘅6両半，共$458，平均$152一只，唔算貴。不知好唔好，所以不敢買多。哈！好得喎 勁甜、爆膏。兩個人食唔夠喉哩！另買了一包醬鴨舌$80，內有獨立錫紙包裝，好味有口感。比得上台灣至出名嘅"老天祿"，…查看更多

要招呼國內朋友，當然是介紹香港的絕佳美食，千萬不要失禮！其中有朋友特別喜欢生蠔，深圳多數賣湛江出產，我今次帶他們去跑馬地嘅Oyster Talk，起碼吃到十幾種不同地方的佳品。點菜之前我已很實際的說，一行六人，只有三人嗜好生蠔，兩個Aunt不肯吃生品，一個係孕婦又係不吃。想先order湯類給他們，第一，只有三款供應：龍虾、磨菇、蕃茄海鮮，不合胃口；第二，他們一看到每位$110，認為不值，唔肯叫。而我們，當然留肚吃蠔啦 不過，平心而論，如果是$80-$95的話，仍可接受嘅。所以先幫準媽咪來份羊架。第一round四款生蠔每樣四只，結果都係每樣來五只，點知兩個Aunt無論如何只勉強吃兩只，我們三人當然"包尾殺'，其中兩款好鮮甜、爽！ yummy！已即吩咐第二round另外四款每樣只要三只，我們目的希望試多幾種。點知，仍然每樣五只，內心即刻唔舒服。駛錢無問題，不過是我話事，都未知好唔好食！起碼係我encore先！Uncle要飲紅酒，已開了一瓶(house wine麻麻地la)，我倆再來一瓶白酒，明知飲唔晒，都無問題，是我招呼朋友，但......實不應以為是大陸人就亂來，難道要退嗎？！完全破壞氣氛！！果然，硬加碼的四款，只有一款好味，即刻覺得......"賣唔出咩，其中像貝殼的一款更是 "la" 口，詢問之下說是"蠔王"？！！ 話吃前吃後都要飲啖白酒，我們兩個試多次，個口都係"la"好耐，開始不信任喇！第三round，確實order另外新品種，又係要四款，每樣三只夠。奇怪，第一、二round讚許過的三款，encore咗，只加一個新品種？？即刻肯定了他們的手法好有問題講番主菜，"準媽咪"先吃羊架，賣相好好，也說好味。兩個Aunt見他食過讚才叫(穩陣！)點知等了超過30分鐘，說完全無味，要加鹽？！我都唔好意思，再加兩個pasta同rib eye大家食，pasta好普通，比較硬身，只係pasta都收$200一份，真係未試過咁貴rib eye就一催再催，超過40分鐘先到，面已有點燶帶苦 (order 5成熟)，也是普普通通，好多地方做得比她好，價又收得唔平$360一份。其實，Oyster Talk 留意一下經營手法，不要殺雞取卵，價目定得合理點點，一定得到顧客口啤。此刻，起碼我不會興致勃勃再來一次，要好好好想食蠔時才再去！可惜！…查看更多

每逢有上海、蘇州朋友來港，我必帶他們去"老上海"吃飯，次次讚不絕口必吃餸菜：燻魚、小黄魚、舟山蜇頭、蟹粉鮑翅、遼參花膠、塔古菜抄冬笋燻魚、舟山蜇頭必定打孖，實在太好食，海蜇頭爽脆無比、味道一流！蟹粉鮑翅份量多到好似食麵一樣，食完都飽，蘇州朋友說：這裡一人份量，差不多等同當地一圍(10人) 份量。半條遼參有一只手掌咁長，扣得剛剛好，正！塔古菜抄冬笋嘅冬笋就少咗D！以前吃過炒虾子冬笋角，雖然二百幾一碟，也覺物有所值！單尾來份炒年糕又好、麵條又好、菜飯又好，也吃不下。只是幾道菜，已經飽到動不得。3人吃飯，埋單要$2500，同客人吃飯最緊要 "穩陣" ！千其唔好去一D又要俾貴錢、又食唔到好嘢的地方，無面哩！次次客人回國後，仍然大讚香港的 "上海菜" 正！！不過，要接受 "老上海" 的環境、服務，都好 "老式" 啊！"老上海"只講實力，不講花巧！…查看更多

大年初一，本來一家人好好吃一頓，卻換來一肚氣！定了12位，點知臨時有親戚不到，變咗8位。枱仍很廹，还要在角落位有小孩不吃海鮮，雖然只是6大人、2小孩，也點咗8位海鮮套餐 (根本無得選擇)，另外重點多半只乳豬`、煎蛋角，為的是小朋友。點之前問清楚乳豬是否熱、脆？部長說：'是"。乾等25分鐘，不要說"6小碟"，連一小碟都沒有，追完又追，竟然龍虾先上，'6小碟'才來。接着是冷冰冰、肥腯腯的"半只又半只"乳豬！一上枱已顎然！大年初一，持住客人不會投訴，可以亂來就亂來搶錢！半只乳豬$288，合理，但四分一只喎！錢也不是問題，人多的話，不夠吃，難道又加多'半只'？！一只乳豬的話，豈不是$1152！！！蟹肉金錢鮑翅和石頭魚二味，不過不失，'魚湯鮮菇翡翠"就差到不得了，完全沒有味菜上得超慢，本來是第二道菜的"鰉魚膠遼參花菇'，菜食晒還未見！又追，追得離都唔想食支红酒：物非所值骨碟一路都係叫先換，最好笑係拿走骨碟，無補上骨碟，再要求拿來骨碟，又係果句 '等陣先！"大年初一，第一餐飯，真是 "大吉利是"！！！…查看更多

今時今日酒樓競爭好大，第一係低食、第二係師傅、第三係用料，環境同服務反而不著意。爺爺生日去邊度食飯，想咗好耐，話就話佢無所謂，最奄尖又係佢，一次係灣仔間稻香食過唔高興，擺係心入便幾年！難招呼爺爺好識食，新派菜唔鐘意，佢話淨係食裝修，原材科同師傅其實好低級，佢唔buy！我以前試過去呢間飲壽宴，對佢嘅手剪奶皮乳豬、包羅萬有、火朣翅印象好深，今次試吓呢間啦！事前我都幾緊張，親自去點菜揀料两次，都係"太子爺"親自招呼(好認真)。手剪奶皮乳豬 - 好瘦、熱刺刺、脆卜卜，个个都讚嘆不已，爺爺少食肉，都食咗兩大嚿，細路最鐘意食香口野，又係兩大嚿，落手落腳食咗第一个菜，个个都飽飽地，正火朣翅 - 翅身要幾粗、幾多両是自己定，豐儉由人。最正係湯底，火朣香到不得了，不要以為火朣係湯渣，攞出來原隻上枱，又食晒！爺爺次次都係食東星班，以前都試過連游水嘅東星，肉係霉，好驚條魚唔靚，聽"太子爺"話要"黃皮老虎"，約两斤幾一條，嘩！好有海魚味、肉滑、連皮都好油香，師傅蒸到剛剛好，超滑！芝士焗龍虾 - 汁嘅香味夠濃、稠度適中，比美出名嘅"竹園"，OK包羅萬有不敢點，雖然有花膠、海參、鵝掌、冬菇、蠔豉，最敝係半邊冬瓜墊底，實比爺爺鬧，所以位上遼參鵝掌，扣得好好味，夠霖。其他較普通嘅芝麻雞，都寫明用"生劏走地雞"，夠認真，不過，都已經食不下，打包拎走！熱暈係帶子、螺片，OK母子蟠桃壽包，裡面有小壽包，逗得爺爺最開心，証明並非"東海"最出名，"東園金閣"都出名！單尾"鴛鴦飯"、水餃麵，樣子好正，又食不下。糕品 - "鴛鴦飽"，招牌流沙飽加奶皇飽，老人家、小朋友都照顧到，夠 體貼！甜品 - 原隻椰皇杏汁燉海底椰，真係香滑到不得了，褲頭鬆開都要食！正正正！埋單6000元/一圍，計落好化算，免加一，包紅酒、啤酒、汽水、雀片。埋完單想繼續打麻雀，可以上樓上"金閣會"，再叫飲品、小食才計錢，抵抵抵！喺稻香食嗰次，無一樣食得都要9980埋單，食完揼心都不敢出聲，費事俾爺爺鬧…查看更多

天气好潮濕，無食慾。係銅鑼灣行吓行吓，經過老三陽，便睇睇鰻魚乾，鰻魚乾係海魚，本身都幾鮮，点知又睇到新出品："太湖"出產嘅"白魚乾"。我係蘇州公幹都食過"太湖"最出名嘅"太湖三白"，即係:白魚、白虾、銀魚。食嘅時候係新鮮游水，好鮮味，香港未見過有得賣，因為養唔到，蘇州食都幾貴。一見到老三陽有白魚乾，買一條試試，有一呎長，賣88元，好抵，今時今日靚嘅咸魚秤金咁秤。返到屋企，蒸四分一條，好簡單，淨係加羗絲清蒸15分鐘，嘩！鮮到不得了，一家四口，最快食晒就係條白魚乾，不過，要小心有几多小骨，一定要慢慢食！隨時加餸，正！…查看更多