老三陽 (已搬遷) 新店位置

天气好潮濕，無食慾。係銅鑼灣行吓行吓，經過老三陽，便睇睇鰻魚乾，鰻魚乾係海魚，本身都幾鮮，点知又睇到新出品："太湖"出產嘅"白魚乾"。我係蘇州公幹都食過"太湖"最出名嘅"太湖三白"，即係:白魚、白虾、銀魚。食嘅時候係新鮮游水，好鮮味，香港未見過有得賣，因為養唔到，蘇州食都幾貴。一見到老三陽有白魚乾，買一條試試，有一呎長，賣88元，好抵，今時今日靚嘅咸魚秤金咁秤。返到屋企，蒸四分一條，好簡單，淨係加羗絲清蒸15分鐘，嘩！鮮到不得了，一家四口，最快食晒就係條白魚乾，不過，要小心有几多小骨，一定要慢慢食！隨時加餸，正！