or#tm67980317的個人專頁

我係見到啲大胃王挑戰特大碗飯先知呢間嘢嘅，無奈我食量唔算大，所以都係揀返啲正常人份量😂但係想講正常size嘅丼飯都係肉比飯多嘅程度，勁誇張！我揀咗牛舌芯丼飯，厚切牛舌幾爽彈，而且帶淡淡焦香，撈埋甜醬油同蛋汁食，真係幾滿足🤭但係個人更鍾意朋友揀嘅封門柳丼飯，淡粉紅色嘅牛肉每舊都軟嫩無筋，肉味都濃啲🫡P.S.肉慾嘅門口有啲唔起眼，我兜咗幾圈先揾到🤣🤣同埋就係佢淨係開夜晚，早上去Cafe嚟！！…查看更多

人大咗打邊爐越嚟越重視湯底，春宵嘅養生湯底就幾啱我心水，所以已經係第三次回訪啦😚招牌滋陰補身鴿子湯底加入原隻鴿、蟲草花、茶樹菇、紅棗及桂圓，味道清甜濃郁，茶樹菇嘅香氣亦都非常突出，聽講仲有益血補氣、清熱解毒、養顏美容嘅功效，帶媽子去就啱啱好🤭配料推薦本地牛頸脊，肉質軟腍、肉味香濃，份量都算多，上菜時仲會有乾冰煙霧，都幾打卡able～海鮮嘅表現都唔錯，南非鮑魚、廣島刺身蠔、墨魚滑，全部都夠晒鮮味，可以始終係價位高少少嘅單點邊爐，質素就喺呢度🤣…查看更多

收工後急需食餐好嘅慰勞自己，我揀咗知延屋🫡半年前喺中環食過已經覺得唔錯，但因為懶得行上歌賦街，之後都無再特登去啦🥹北角店唔使行大斜路，啱晒我呢啲懶人🤭1️⃣黑毛和牛丼套餐💵120g $158；140g $188；160g $218老闆話係用宮崎駿嘅和牛，口感軟嫩又唔會太油，撈埋蛋汁食有啲似壽喜燒🥰2️⃣13種野菜北海道湯咖哩飯套餐（北角店限定）💵$88；追加慢煮豬軟骨+$28；追加吉列炸蠔+$30；追加炸軟殼蟹 +$32軟殼蟹應該係冇點麵糊直接生炸嗰種，所以海鮮嘅鹹香鮮味幾突出😚至於湯咖喱就比我喺北海道食嘅濃稠少少，香辛料味都幾明顯，啱晒送飯~✨套餐已包括沙律菜、味噌湯、日式配菜，飯及配菜均可免費追加1次3️⃣吉列炸蠔 💵$32炸粉薄脆，整完一輪相、擺耐咗先食都唔會有油溢味，係我近期食過最出色嘅炸物🤤…查看更多