balentinebotwn的個人專頁

前日12號父母去食lunch, 叫左一份檳城喇沙摻摻，一份快餐咸魚蒸肉餅飯，份量正常，味道都不過不失，雖然座位算窄，但近屋企，疫情呢幾年都經常去由入座叫野食到食完離開只係半個鐘時間，食完晒野，杯餐飲都未飲完仲有一半，侍應就問: 你唔要架喇可？都算啦，當你係熱心收枱，但佢仲跟手收走左杯水，平心而論，其實一個lunch食左半個鐘都未夠，好過分咩？( 早幾年雪山未換新餐牌嗰陣食晚飯叫過牛仔骨，食晒埋單嗰陣講咗句，啲肉其實有少少生，亦都冇投訴，個阿姐講咗一句震驚我嘅說話: 你要同我哋講幾成熟🫢🫢 咁大個人都未經歷過食牛仔骨要講幾成熟，高級餐廳食牛扒嗎？？落單嗰陣唔見你問我要幾成熟)實在太趕客，以後唔會再去🥹…查看更多

今日一行5人食晚餐，多年前食過，諗住親戚聚會食飯都唔差，點知中大伏！我想比負分。。。五人食叫左10樣野1.生蝦唔差嘅，幾好食，d蝦大隻夠彈牙，幾鮮甜。2.金柚大蝦沙律非常奇怪，無柚子應有ge清新苦澀味，甜得出奇，應該浸過蜜糖水。尚算可以接受3.泰式鳳爪全晚最好食就係佢，夠辣夠爽口。4.生菜包-豬肉都可以接受，但係豬肉偏瘦，而且沒有泰國特有的香料味，如果你食過比較地道嘅泰國菜就會明我講咩。5.蒜蓉炒芥蘭不過不失。6.馬拉盞炒通菜比較鹹，沒有馬拉盞味。7.明爐烏魚實在太差，肉質差，好梅，湯底完全無味！冇香茅無菇無肉碎無海鮮，淨係放d葱係上面！得幾粒湯圓咁大嘅肉丸！條魚係好大條，但係食剩半條。呢度真係太淡，清湯一樣。8.串燒-豬牛雞全晚排第二，燒得剛剛好，唔會太乾，而且入味，旁邊嘅配菜酸酸甜甜，幾清新。9.鮮蝦炒飯泰國炒飯唔會好乾，微微帶濕，但呢個炒飯口感實在太失望，林到冇牙婆都食得，而且又同一個問題，無味。其實如果我要食無味野，我唔會選擇泰國菜OK？10.冬陰公湯 (應該叫真陰公先岩！)全晚最失望！應該改名叫真陰公，坐低開始放定湯碗，直至全餐飯最後先上。而且個湯係微暖ge，d蝦係梅ge，個湯係甜ge，辣味呢？係沒有ge。得罪講句，有啲似印度人身上的味道。係好多材料，但個湯少到好似汁咁少！上呢個湯ge時候餐廳啲人都走得7788，我哋個湯已經放左係附近一張上菜嘅枱，碗都排好晒，不過完全無人諗住幫我地分湯。擺到凍哂，要出聲詢問係咪我地order嘅先拎比我地，而且上湯時已經凍左。總括來講，真係十分失望十分差。從來未食過咁差嘅泰國菜，而且係呢個價錢。由其係個冬陰公218，衰啲講句，請都無人飲！…查看更多

琴晚收工好肚餓，已經成差唔多十點半，諗住喺附近食少少野返屋企。自己一丁友，見到香港仔魚蛋粉，諗住實無死，嗱嗱臨食完返屋企，點知後悔到不得了！叫左個魚片頭貢丸米粉，真係好離譜。兩粒縮水魚片頭。係得兩粒！貢丸都大過佢！其實粒貢丸係抵讚嘅，因為真係好大粒，但係隔離果兩粒魚片頭唔知做乜好似仲輻射咁！佢個湯底應該係魚湯，但係淡茂茂無味呢碗野，要成$43！完全唔值呀！:(:(:(:(:(:(一路食，好似一路俾人呃咁⋯⋯👎🏻👎🏻👎🏻無論如何都唔會再食！…查看更多