香港仔魚蛋粉 (已搬遷) 新店位置

琴晚收工好肚餓，已經成差唔多十點半，諗住喺附近食少少野返屋企。自己一丁友，見到香港仔魚蛋粉，諗住實無死，嗱嗱臨食完返屋企，點知後悔到不得了！叫左個魚片頭貢丸米粉，真係好離譜。兩粒縮水魚片頭。係得兩粒！貢丸都大過佢！其實粒貢丸係抵讚嘅，因為真係好大粒，但係隔離果兩粒魚片頭唔知做乜好似仲輻射咁！佢個湯底應該係魚湯，但係淡茂茂無味呢碗野，要成$43！完全唔值呀！一路食，好似一路俾人呃咁⋯⋯👎🏻👎🏻👎🏻無論如何都唔會再食！