紫荊講的個人專頁

滿有期待地一 心諗住嘆番個悠閑嘅早午茶，故此在較早前已預先在 openrice 預留了 11:00/2位 訂座。 參考過圖片都知道食美軒係需要步行數十級樓梯才可到達餐館，所以覺得每一位嘅客人既然都取難捨易來光顧，齋講誠意其實已理應換來較好嘅服務，怎料相對連合格也談不上…唉！失望😔👎🏻👎🏻 踏入餐館門口眼前嘅地方寬敞，接待處無人招待，我和友人只好自覺地尋找安心出行和掃針卡嘅位置”嘟”….全程零監察。呆企了一會兒我們只好入內自行找坐位，過千尺嘅地方目測只得兩名女侍應，她倆雖則看見了我們，但就反而選擇優先執拾客人已走了嘅餐枱而不理會新到嘅客人，執完枱又走了去做其它唔急趕嘅工作，行為匪夷所思，令我們大惑不解。 在冇人招呼嘅情況下我們也唯有自己找座位，但一坐下了其中一位侍應又立刻理會我們說這是”留座” ，（其實真諷刺，我們不也是已在OpenRice訂了座嗎？）無奈的交回座位，兩位好像很忙碌嘅女侍應到這刻都還未安頓好我們，任由客人站著不知如何是好⋯⋯相當尷尬！當然我們意會到這套特色服務後亦唯有執生，自己入內再找其他座位坐下，坦白說未進食心情已大打折扣了😑😑 總括而言，點心質素一般冇驚喜，亦有出現漏單情況，沒有服務可言，勝在環境偏僻寬躺，但相對點心價錢平均要$50左右，這個價錢基本上已可享有很多高質嘅選擇，包括我嘅至愛”李公館”😋❤️❤️…查看更多

之前試過銅鑼灣分店，已經發覺格局似足快餐店自己去收銀處點餐，由坐低到取餐絕對自己包辦，但價錢進取印象麻麻😑。昨天趁假期前夕同友人入沙田新城市閒逛，由於疫情已經好耐冇去過呢度，久別重逢後個mall果然耳目一新，有很多食店都轉換了，但好可惜真係人山人海，怕等位嘅我們眼見那時已是八點幾了，再不下決定今晚就冇飯食了，就在此時「永年士多」再次出現眼前，眼見門外沒有人排隊，所以便匆匆的再一次光顧了。 踏進門口服務員問多少位？安排帶位並同時說明用餐時間為1小時（火鍋放題限時就聽得多，茶記限時真係少聽，如果你出餐慢咗又點計先？）同友人睇完Menu發覺選擇少又冇乜特別，連基本嘅冰室大熱特餐or常餐之類都欠奉⋯唯有叫全餐廳最平嘅四餸車仔麵（$78）啦🙄於是又全程要自己QR code落單，不熟悉點餐介面的搞錯了又要從頭開始，前後花在點餐時間上已約15分鐘，選擇凍飲（+$4)介面亦沒有少甜少冰之類嘅選擇，感覺上毫無服務可言。$78車仔麵奉上食落口依舊普通過唔普通，連最主要嘅湯底亦不過是一般嘅味精湯底（我敢講譚仔任何一款湯底都比佢出色）朋友嘅清湯同我嘅麻辣絕對帶唔到俾我哋味蕾上嘅享受只有口喝嘅感覺👅💧🧊至於四餸方面只是一般隨意在街上有車仔麵食嘅舖頭嘅貨色而已⋯⋯不值一提😑😑最後結帳時發覺原來還要收取加一服務費（基本上沒有服務，連水都要自己出去斟）。結帳後我和朋友都互相對望了一眼，大家都知道彼此心裏在想什麼...發誓唔會再幫襯「永年士多」👎🏻👎🏻 租一個旺嘅地段用進取嘅價錢做生意，不足為奇。但相信做飲食行業食物嘅質素同價錢都不能夠過份地性價比”低”，有回頭客才有望可守！感謝「永年士多」終於令我提起懶惰嘅手指去寫此post🙏🏻🙏🏻…查看更多