Alex Liu's Profile

呢度裝修幾特別，有少少懷舊感覺，有好多房間私隱度都幾高。叫一個平時喺其他地方少見嘅湯底，酸菜白肉煲，入面幾多料，白肉起碼有20塊以上。口味比較偏咸，但同肉類幾夾，配搭幾特別。肉類方面就叫咗黑豚肉同雞髀，兩種都口感嫩滑，價錢都唔算貴，算係抵食。再叫咗個雜菇拼盤，種類同數量都算相當之多，唔需要嗌飯面都好頂肚。丸拼夠多選擇，總共五種十粒，唔同口味嘅丸，包括墨魚蝦滑牛肉豬肉同辣丸，豬肉丸入面有鹹蛋黃牛肉丸，入面有芝士，係今晚最滿意食物。…Read More

平時比較少食太辣嘅菜式，今晚我嘗試一下不同的口味。我點了一道黑胡椒辣椒老虎蝦，蝦子感覺新鮮，肉質都唔錯，反而黑椒汁的調味剛剛好。白雪牛油骨，比較少見的菜品及煮法，這道菜牛油味道濃郁，味搭配上少許椰子的香氣，味道都幾特別，排骨的份量十分豐盛。另外還點了一份炸魚片米粉。雖然我覺得這份米粉的溫度可以更加熱，炸嘅時間可以更準確，但整體味道仍然令人滿意。再加兩杯飲品，一杯是玫瑰露青檸，另一杯是玫瑰露恐龍。這兩杯飲品都偏甜少少，但味道都唔錯。…Read More

呢個樓下的茶記，但裝修都比較新潮啲，空間感幾大，坐得都算舒服。選擇除了一般茶餐廳款式，亦都有啲中餐館的茶式，選擇都算多。大肚婆炒飯，薑粒炒飯，啲飯炒得夠乾身亦軟熟，辣到足夠，好啱女士或大肚婆食。金銀蛋浸時菜，份量都幾大，菜上面鋪咗一層蛋白，增加賣相好，味道唔會好鹹，菜亦新鮮。火腩大鱔煲，熱辣辣夠鑊氣，啲豆腐質素幾高，好滑身；鱔肉質結實彈牙，配合埋火腩一齊炒，好開胃。紅豆奶茶，賣相唔錯，似西式飲品。…Read More

佢哋嘅裝修唔似一般車仔麵鋪，算係坐得比較闊落，價格上又同其他車仔麵店差不多。佢哋有幾個特色小食，金沙脆皮牛坑腩，之前喺高級餐廳食過，最少都要$100以上，所以佢哋性價比高。外皮炸得酥脆，鹹蛋黃又唔會太鹹，就算過咗15分鐘，個脆皮仍然保持得到，牛坑腩有質素，如果可以切細件一啲就更好。滷水拼盤$58，滷水流心蛋夠流心，豬腩肉片肥而不膩；仲有我最鍾意食嘅豬大腸，炆得夠淋。牛肚鴨腎都有水準。佢哋可以嗌淨餸套餐$48起，因為有時都唔想食咁多澱粉質。陳皮魚蛋、胡椒豬肚丸及墨魚丸，陳皮魚蛋，味道都有特色；墨魚丸夠彈牙。羊肉餃豬紅薯粉兩餸麵，羊肉餃唔多餐廳供應，又唔使加錢，食落都唔錯。…Read More

呢度開業都應該有幾年時間，間中都會幫襯，佢哋的水準穩定，座位亦夠闊落，依家仲多了一些茶餐廳款式嘅常餐，保持新鮮感。今晚叫了一個一人套餐另加一個燒味飯餐，飯可以轉河粉、瀨粉、米粉、全部都包括飲品，性格比都唔錯。燒鵝燻蹄河粉，佢哋的燒鵝食落好有炭燒果木的香味，炭燒味唔會好濃，但又可以增加味覺層次感，燒鵝皮脆肉嫩，肉汁鎖得幾好，好juicy, 燒鵝醬唔會太甜，配搭一起食都可以增加層次感。燻蹄唔會太肥，肉質有口感。叉燒燒鵝一人餐，份量上比燒味餐多大約15%，多了油菜，價格合理。佢哋叉燒都有水準，大部分都係半肥瘦，有咬口，肉質鬆軟，味道唔會太甜。…Read More

呢度好近我公司，所以之前都嚟食過幾次，水準都好穩定，今次係第一次夜晚嚟食飯，菜式嘅選擇同中午好唔同，有機會食佢哋嘅出名菜式。前菜日本黑豆亞塔子黑木耳及豆絲粉皮，食落幾清新。香芒牛油果苜蓿手卷，都感覺到日式的味道。白松露椰菜花忌廉濃湯，冇黑松露味道濃烈，但都有好重嘅香菇味，湯底都幾順滑。和風黑松露扁意粉加吉列牛油果，吉列牛油果食落好似炸生蠔，中間食到一陣陣嘅鮮味。小食拼盤有齊5款食物，酥炸蒟蒻都係第一次食，識落都有少少層次口感。沙嗲串燒，佢哋嘅沙嗲汁做得好正宗，配合素串燒，好有馬來西亞沙嗲嘅風味。泰式如餅食落有少少似泰式蟹肉餅，都幾得意。…Read More

今晚同老婆食火鍋，因為之前係佢哋荃灣分店食過，覺得佢哋性價比幾高，最近佢哋推出烤鰻魚火鍋，好有特式。鰻魚夠厚身，好香口，差不多5-6件。食完鰻魚之後，便可以放湯打邊爐。佢哋火鍋配料選擇都好多，蔬菜類自己出去攞，仲有蟲草花，花款都幾多。肉類選擇大約10種，但我覺得大部份都高質素，牛肩胛肉眼牛味濃厚，有咬口。羊肩肉亦好高質，羊肉味夠濃。海鮮有鮑魚、花膠、生蠔等，好容易回本。刺身除了三文魚、希靈魚、鮑片，泰式刺身蝦、仲有帶子，好重本。而好似我呢個榴槤發燒友最開心，有榴槤炸彈，榴槤芭菲，榴槤甘露，榴槤班戟，每一款細細份，可以食多啲唔同款式。甜品選擇亦十分多，楊枝甘露及咖啡奶凍易亦唔錯。…Read More

如果唔係朋友帶我嚟，真係唔知道有呢間懷舊英倫風餐廳，位置上比較偏僻，附近亦冇其他餐廳或零售店舖，但咁樣更突出到餐廳外觀嘅設計風格。裝修用英式復古懷舊風格，放咗好多懷舊嘅產品及相等，牆身亦用上泥黃色貫徹懷舊風格。Apple Vinaigrette Chicken Salad, 沙律新鮮，雞肉都幾滑，加上蘋果少少嘅酸味，配搭都唔錯。Pesto Mussel Spaghetti, 意粉約creamy, 青口亦高質。Oldish Hot Wings, 雞翼表皮炸得香脆，內裏肉汁仍然鎖得住，肉質亦夠滑。甜品試了 Apple Crumble, 我都好似第一次食呢款甜品，有少少似蘋果批餡料，配上木糠及雪糕，有層次感。…Read More

支持夜經濟，都好耐冇喺中環食晚飯，今次食呢間係南非菜式，我都應該係第一次食，感覺幾特別。餐廳唔算好大，但大部分位置都看到士丹頓街，感受到熱鬧的氣氛。頭盤 Vetkoek, 原來係南非原住民的食物，油炸麵糕，入邊放咗啲牛肉、蛋及番茄，其實都幾似迷你漢堡包，但佢喺表面加上楓糖，有少少甜會感覺少少脆，幾特別。Spinach Fritters 即係夾餅的一類，素食選擇之一，放了一些香料，有少少似印度菜的風格。Stuffed Portobello 焗烤釀大啡菇，菇味好香濃，啡菇，切開時仍然有充足嘅水份，幾juicy 。Braai Chakalaka Chicken ， Braai 其實就係南非嘅燒烤，雞肉串燒，串燒底部配上蕃茄豆洋蔥及少許香料便形成 Chakslaka ，雞肉好有炭火味，都幾甘香。…Read More

今日去開維園，在附近搵食，記得呢間酒樓都好似開咗好耐，但裝修仍然保養得幾好，有宴會廳氣氛。大部分菜式都係傳統中式菜，但其中一款係比較fusion ，波爾多紅酒燴牛尾，仲有脆身法包一齊上，牛尾炆得好淋，好入味，醬汁可以加上法包一齊食，增加層次感。片皮鴨半隻，皮夠脆夠薄，有水準。西湖牛肉羮，份量充足，有幾多牛肉粒，亦夠滑口。勝瓜蒜蓉粉絲蒸帶子，帶子都幾大隻，加上魚肉將勝瓜及帶子黐住，一口食的時間有不同口感的食物一齊，唔錯。…Read More

經常都行過此店，但一直都沒機會幫襯，今日老婆想打邊爐，可以兩個人撐枱腳。裝修富有日式風格，有一半位置都見到街外景色，坐位亦夠闊落。今日選擇了海鮮二人盛宴餐，有海鮮又有牛，套餐有係海膽及象拔蚌刺身。海膽有一個匙羹嘅份量，象拔蚌有12片左右，新鮮爽口。海鮮拼盤內有鮑魚、澳洲藍龍蝦、蜆及貴妃蚌，鮑魚好新鮮生猛，又上枱到落火鍋嘅時候都仲郁緊。澳洲藍龍蝦肉質結實彈牙。蜆及貴妃蚌都好有水準。手工丸餃拼盤嘅蝦丸及墨魚丸，食得出係手工做，肉質好結實好彈牙亦好鮮甜。牛肉雙拼，騸牯牛是新牛肉品種，牛頸脊豐富油脂，邊抓位牛肉味香濃，幾有特色。最後加埋個本地雪糕。…Read More

經常行過山林道，見到一間新餐廳，外面看落似咖啡店，但原來係西餐廳，可以自選意粉，醬汁及材料，幾特別。晚餐除咗自選意粉，亦有晚市套餐，晚市套餐多咗一杯花茶。龍蝦汁配扁意粉加帶子，呢種配搭真係要自己選擇啱自己嘅口味，平時都好少見到龍蝦汁配扁意粉，醬汁好濃厚，香氣吸引，帶子亦夠鮮甜，份量都幾多。原條BBQ 豬肋骨配芝士焗薯條，晚餐$138可以食到原條豬肋骨，性價比高。豬肋骨肉質肥瘦均勻，笑得表皮有少少脆，但肉汁仍然保留到。芝士焗薯條有少少似黑松露薯條。…Read More

今次係觀塘工業區附近，唔想去開源道食嘢，因為中午食飯嘅人太多，所以行出啲近碼頭附近食，呢間餐廳主打咖啡及西餐。午市無套餐，全部都係單點，選擇都多元化。Mango Crab Meat Salad ，芒果汁加上嘅新鮮芒果，加埋沙律菜，夠晒Fresh。Grilled Baby Back Ribs , 佢哋嘅豬肋骨好厚身，雖然係半份，但感覺份量都好充足。味道有少少辣，減低肥膩感。薯條本身好甜，炸得香脆，高水準。Hunt signature tiramisu比平時嘅硬身少少，口感仍然鬆軟，食落有溶化咁，texture 感覺實在好多,似蛋糕加tiramisu 。…Read More

係附近完嘢搵嘢食，行去觀塘海濱都係幾分鐘，呢度附近都有好多好Chill 嘅餐廳，呢間餐廳有好多落地大玻璃窗，剛剛好有窗邊嘅位置，可以一路望住觀塘海濱一路食嘢真寫意。蕃茄醬會鴨肉天使麵大啡菇、意式豬肉丸，天使面嘅份量超巨型，我哋兩個人都基本上食唔晒，如果唔睇餐牌，都唔知嗰啲肉絲係鴨肉，煮得幾嫩，唔會靭，意式豬肉丸都幾結實，亦有少少彈牙感。豬肩伴大虎蝦配黑椒忌廉汁，離遠睇刺虎蝦漢堡，擺設幾特別，將豬肩切細再疊高串燒外型上枱，豬肩口感似黑毛豬，有彈性亦夠滑，唔會太肥。虎蝦質素亦10分高，肉質好結實，亦有少少蝦膏。餐飲嘅杯，設計精美，無論係咖啡或者蜜糖檸檬紅茶，好突出，好chill.…Read More

近來都比較少過嚟呢條北帝街，今日上完堂喺呢條街搵嘢食，發現都多咗好多唔同類型嘅食肆，今日唔想食太豐富，所以喺度食一碗拉麵的份量比較好。因為太太最近個胃唔係太好，想食一啲清淡嘅食物，佢哋嘅服務都好體貼，特登幫我哋煮咗一碗喺Menu上冇嘅拉麵，鰹魚汁波菜拉麵，波菜份量豐富，湯底亦比較清淡，唔會太油膩。我點了日式魚乾豬骨湯拉麵，豬肉夠大片亦唔算好肥膩，醃製入味，輕輕用火煎得香口，魚乾豬骨湯算濃厚但又唔會好鹹，可以飲晒成碗湯底。拉麵亦夠煙靭有咬口。…Read More