eatwithnoi的個人專頁

餐廳位於大廈頂層25樓，配合這天的陽光，是個舒適的weekend brunch地方。大蒜薯仔湯餐湯比較少有是薯仔湯，比較特別，聽到是大蒜，起初都有點擔心會不會好大蒜頭味，但聞下去主要是好香的薯仔味。喝下有濃濃的薯仔味，而且有點口感，不是稀薄那種。麵包上來是熱的，可令牛油溶化，麵包質地鬆軟，不錯。野菌意大利飯這個飯一來到，就超香，聞到很濃烈的野菌味。份量也比想像多，而且見到有大量野菌，非常足料。吃下就真的很重的野菌味，每一啖都有不同種類的菇菌，飯粒口感剛好，不太軟不太硬，加上上面的芝士，真是很好吃。煙三文魚egg benedict這是典型的egg benedict，就是煙三文魚加鬆餅加醬汁同埋最重要的蛋，沒有其他花巧。蛋很香滑，生熟剛好，切開看到橙黃蛋汁，不會漏到全碟上浪費，但又能渗入鬆餅，好吃。熱咖啡值得一提是，奶是熱的，而且打了奶泡。是日甜品是朱古力蛋糕，不會太漏，擺盤也不錯。…查看更多

深井，通常即時想到燒鵝，同埋一些local的茶餐廳等，近年多了些cafe和不同種類的食物餐廳，偏偏沒有較好的西餐。偶然發現了這間One Restaurant，起初以為都是普通西式食物，細看它的餐牌似乎幾特別，而且價錢在這區來說不算便宜，所以還是找個機會試試。走進餐廳，好似穿過隨意門，已有種離開了深井甚至離開了香港的感覺，第一個見到的店員是一位外國人，而且餐廳佈滿了聖誕裝飾，才記起已經11月尾了。餐廳不算大，卻更舒適，有室外室內位置，因為有點涼於是還是坐在室內。燈光偏暗，很好氣氛，播放舒服音樂，好relaxing。打開menu，選擇比想像中多，初時以為小店沒有太多選擇。我們好像有選擇困難，看了很久都未能決定，因為每樣都好像很吸引。店員可能見狀，便走過來逐道菜介紹，還提醒牆上還有些推介是不在menu的。還未點菜便送來兩塊麵包，是西餐指定動作，質地鬆軟，其中一面塗上有點香草蒜蓉味，吃完更期待其他菜式。首先是「自家古法深井燒鵝法式清湯」。在menu見到已經覺得不能不試，因為相信其他地方一定不會有它，而且非常好奇怎樣把燒鵝跟法式清湯扯上關係。上菜時是一碟燒鵝肉和一壺清湯分開上，這時候已經聞到好香的燒鵝味，嗅覺有點像吃燒鵝時的汁。店員然後慢慢將湯倒進碟，其餘便倒在另一隻碗中。賣相已經好靚，欣賞之餘也要趁熱飲。湯非常清澈，一點油也感覺不到，卻有超香濃的鵝味，實在amazing。碟中鵝肉也很好吃，當然沒有骨，而且也不少。上面的燒鵝皮更吸引，一點脂肪都沒有，非常crispy，比吃片皮鴨那些皮片得更出色。這個湯真的很impressive。接着是「西班牙辣腸炒美國大蜆」，這是店員推介的，說不會太辣，所以就試試。份量不少，而且每隻蜆都真的很大很飽滿，吃下非常鮮味，感覺好新鮮，又完全沒有沙。辣肉腸也下了不少，微辣惹味，配合得好好。再來就是「孜然低溫烤焗羊肋條」，西餐常見羊架羊扒，羊肋條比較少見。這道菜拿過來時已聞到極香的羊味，但不是羶味，presentation也很靚。面層佈滿孜然粉，烤得很脆，然後下面看上去似平時食羊時的脂肪，但surprisingly一點也不像脂肪，沒有油膩感覺，反而好像jelly的感覺，然後下面就是非常嫩滑的羊肉，相信是慢煮的效果。本身喜歡吃羊的我們，覺得實在非常好吃。值得一提是旁邊的蔬菜，單是擺盤已經很靚，估不到同樣非常好吃，有鮮甜味，又嫩又新鮮，十分配合濃味的羊肉。最後是「意大利雲吞配蚧肉海膽忌廉汁」，我們本身都十分喜歡意大利雲吞，這個當然也沒有令我們失望。忌廉汁極濃厚creamy，啖啖有蚧肉味，雲吞皮夠煙刃，每件都飽滿，食到一半已經很飽。正當吃至捧腹時，店員還送上tiramisu，心想怎麼吃得下，但是當吃下第一口，便停不下來了。它不是像一般tiramisu那麼甜那麼膩，吃下很輕身卻有超濃厚的奶味咖啡味，上面的berries再balance整個味道，令我重新認識tiramisu！…查看更多

剛好要去太子旺角，就嚟這間餐廳食！是日餐湯是南瓜忌廉湯，恰巧合我的口味，這個湯頗濃厚，吃到南瓜粒，是真材實料的感覺。主菜是蒲燒原條日式鰻魚蛋蓋飯，比想像中澎湃，砌到好像一座山，份量很大。原條鰻魚頗肥美，肉質也厚，而且沒有腥味，算是不錯。蛋是滑蛋，有蛋汁，完整地包裹住下面的飯。另外喜歡有超多的紫菜絲，整體配合不錯。加$10配伯爵茶咖啡，非常喜歡它，每啖都散發出伯爵茶的清香，平衡咖啡的微苦味，令整杯咖啡添上層次。少看了set lunch的份量，點了藍莓芝士蛋糕作甜品，幸好它沒有太甜太膩，反而香滑順喉，藍莓的微酸平衡了芝士的濃郁，這是有驚喜的甜品。店舖環境雖然不大，但坐得算舒服，店員都很有禮貌，態度很好。…查看更多

All Day Breakfast朝早冇乜點食嘢，於是來個豐富的All Day Breakfast。份量不小，紐倫堡腸、漢堡扒、蕃茄扒、多士都有兩件，加上煙肉、蘑菇炒蛋、牛油粟米和沙律菜。見menu寫得蕃茄扒，都有expectation，夠大塊夠厚，juicy，有grill過的感覺。漢堡扒比想像好吃，有肉汁，唔係好似連鎖快餐店咁乾爭爭。香腸之中個人都幾鍾意紐倫堡腸，煎到有少少燶邊，幾香，好食。牛油粟米有香的牛油味，又沒有太油膩，唔錯。個人非常鍾要佢代替了平時常見的茄汁豆！炒蛋非常香滑，夾了不少蘑菇，熱辣辣，好食。Menu寫法式多士，原來係咁樣，應該是法包切片，外脆內軟，喜歡它煙韌口感。蕃茄仔加了耳仔，好cute，有heart。Hot Latte現在咖啡拉花是基本吧，咖啡聞到好香，喝下很舒服順喉，半點苦味也沒有，而且適合我的個人口味，沒有酸味。地方細細，環境卻很舒服，以黑白為主的簡單色調，不知不覺就會可以坐很久，在煩囂的尖沙咀街道上，有這間小cafe真不錯。…查看更多

餐廳環境舒適，桌椅有充足空間，而且在大廈頂層，望外面有點居高臨下的感覺。午餐有幾個main可以選擇，再加不同side dishes options。跟餐飽配牛油麵包熱辣辣的，口感鬆軟，牛油很香很好味。温室菠菜苗伴帕爾瑪火腿有幾款蔬菜，新鮮清新，火腿香得來不會太鹹，很開胃。餐湯是甘筍湯，presentation好似fine dining，很靚。口感creamy，清甜又沒有甘筍的青草味，很好。香煎牛油海蝦伴黑松露忌廉意粉一上桌已經聞到很香的黑松露味，擺碟也很靚。黑松露忌廉汁很濃很rich很creamy，可以黏附在每條意粉，好滿足。蝦很爽口，口感清新，balance到超濃的忌廉汁。整碟份量不少，加上非常creamy，所以share來吃最好。安格斯牛肉漢堡Burger大大個，好足料，有厚厚的牛肉，和芝士蕃茄生菜。牛肉煎得香而且有牛肉味，有肉汁，好食。最驚喜是頂和底的飽，非常非常的脆，一切開已經feel到，咬下就更脆，好好吃。薯條是熱辣辣的，外脆内軟，配burger最match，而且喜歡有充足的茄汁。甜品是芒果mousse，擺碟繼續很靚，有心思，味道不會太甜，食到那麼飽也沒有太膩感覺。熱咖啡欣賞奶是打過泡而且是熱的，店員也細心提醒不要給熨到。值得一讚是店員會在每道菜之後換碟，而且上菜按照吃的速度，簡直有酒店的享受。…查看更多

Lunchtime去食Burgeroom!! 有好多burger款式選擇！最後叫了2款burger share食。大烤菇芝士牛肉漢堡加煙肉顧名思義，這是一個很豐富的burger。本人最喜歡burger始終都是配牛肉和芝士，今次貪心一點，見到有配大烤菇的組合，就立刻從眾多選擇中選了，見到加$10可加配料，就再加煙肉啦！食物送上來，真的好高好大個，因為原來入面每樣都好厚好大份量。首先牛肉很厚，懷疑有超過2厘米，跟住大烤菇亦好似牛扒般厚，而且好喜歡連蕃茄都是厚切的，最後就是頂和底的飽，都好厚啊！跟本沒法一口咬下，唯有用刀叉切開，再自行重組放入口！先說牛肉，很有咬口，是很實在有質感的牛肉，一點攪難肉的感覺也沒有，絕對不是連鎖快餐店可比較的。大烤菇好滑好香，有點juicy，跟口感重的牛肉成對比。值得一提是芝士，是半溶的狀態，香得來又不會膩。整個burger令人很滿足！軟殼蟹漢堡加牛油果醬點了一個好heavy的牛肉burger，另一個就選了seafood，share來吃，感覺balanced啲，希望不會太飽滯。軟殼蟹burger好少見，而且本身好喜歡吃軟殼蟹，於是就試試啦。一見到覺得好澎湃，整隻蟹夾在burger中，而且好大隻，蟹腳都撑了出來。炸軟殼蟹不是像泰國菜那種炸到超脆，反而有點像西式fish and chips那種，感覺好match個burger。另外加$12加了牛油果醬，簡直是畫龍點睛，之前都沒有想到牛油果和軟殼蟹是如此match，牛油果醬做得很滑很creamy，令整個burger更加好吃。另外都加了$30配薯條及飲品！吃burger又怎能不配薯條？薯條炸得夠脆，但不會燶或硬，份量不算少，配burger其實真的很飽。而兩杯飲品選了菠蘿冰茶和荔枝冰茶，menu說是自家製，感覺都是，不像市面上買到的，而且底下飲到有少許果肉的感覺，很舒服，沒有像喝汽水那麼飽滯。…查看更多

之前公眾假期來了尖沙咀這間居酒屋食lunch! 估唔到午餐時段有set lunch！100元以下，在尖沙咀這個地點，算是不錯，而且每份定食都跟配沙律、麵豉湯、茶碗蒸，份量充足。天花鯉魚裝飾好靚，令到好似置身在日本嘅感覺！我叫左「太郎什錦海鮮丼定食」！用上舖名太郎，就試試吧。海鮮丼五顏六色、七彩繽紛，十分吸睛。魚生主要是三文魚和一種白身魚，加上玉子和青瓜，全部切成差不多的大小，所以一啖可以吃到幾款餸，感覺豐富。三文魚算是肥美幼滑，白身魚則比較有咬口爽口，玉子亦軟滑，青瓜脆口，令整體口感豐富。細看那些飯，發覺顏色不是白色，而是帶點淡黃色，估計是加了壽司醋，但沒有太酸，不會喧賓奪主。整個丼頗大碗，吃完非常飽啊！屋企人鍾意食雞肉，所以叫左「黑松露唐揚炸雞配白飯定食」！唐揚炸雞，一上來已經好香噴噴。份量不少，大概有六至七塊。旁邊的不是普通沙律醬，而是加了黑松露的沙律醬，好香。炸雞要趁熱吃，外皮幾脆，入面的肉亦夠juicy。跟餐嘅茶碗蒸夠熱，而且都幾滑，入面有一塊鳴門卷和一塊蟹柳。而且白飯上面加了飯素，錦上添花，令飯更好吃。整體成餐午飯感覺唔錯，感覺夜晚居酒屋嘅氣氛都會好好呢！不過餐廳唔大，夜晚去最好要訂位了！…查看更多

旺角行到口乾，去旺中Nuttea買野飲！揀完一輪最後都係揀奶蓋茶！我飲嘅係粉紅莓好堅果奶蓋茶：上面有一層好厚的堅果奶蓋，起碼有成吋厚，頂部有好多nuts碎。下面是粉紅色的士多啤梨茶，粉紅色溝了奶蓋的白色，好似雲石花紋，看上去已經好靚好吸引。首先用鏟子鏟起試試個堅果奶蓋，feel到質感好厚，唔係稀稀的，而且聞到好香的nuts味，奶蓋好香好濃，又rich又creamy，比起平時的牛奶奶蓋更香，而且有一陣nuts香味，好正！面層的粒粒nuts增加口感和咬口，感覺好豐富。士多啤梨茶選了無糖，因怕太甜會太漏，士多啤梨味好清新好natural，食到有士多啤梨籽的粒粒。溝埋奶蓋，中和了奶蓋的濃厚和士多啤梨的微酸，洽到好處。屋企人因為唔想太飽，揀了茉莉綠鑽堅果奶蓋茶：同樣地上面有一層好厚的堅果奶蓋，好香好creamy。而下面的茉莉綠茶底都很清香，溝埋奶蓋感覺上會比較清新，當然同樣地都好正啦！逢星期六日買，Nuttea更會捐錢比拯救遺棄寵物中心，飲茶同時做善事！絕對會再飲！…查看更多

人在尖沙咀肚餓想食台灣野，見厚福街有呢間餐廳咁就入咗去食喇。店舖小小，唔係好多位，適合一至兩個人。全部都係面向牆或窗的座位，好似日本拉麵店咁，在現在疫情之下都幾好。紅燒牛肉麵好大碗麵，滿滿的好豐富，好香。首先試試湯底，香濃，但又唔油，幾好飲。好足料，有三大塊牛肉，一塊牛筋，兩塊白蘿蔔，一塊紅蘿蔔。麵條夠滑，也能掛湯。牛肉夠稔，好入味。驚喜地有牛筋，通常牛肉麵都沒有，淨係得牛肉，個牛筋夠稔，好有膠質的感覺。蘿蔔都非常大塊，夠稔夠入味，又冇渣。食完碗麵，好飽。蒜汁青瓜全部切成一口size，好方便，爽脆清甜，清新口感味道配濃濃的牛肉麵好match。小麥胚芽茉香奶綠加六蚊幾抵，大大杯，而且都唔少小麥胚芽。…查看更多

前幾天去了這間醬堡 Juicy Burger 🍔 小店只有大約7個位，簡約白色裝修，環境舒服。餐牌：最後叫左套裝，漢堡+小食招牌醬堡－沙爹醬蝦堡這間餐廳叫做「醬堡」，當然要試試它的招牌醬堡，一共有五款，三種是牛，兩種是蝦。平時吃burger都是選牛肉的，今次見有蝦那麼特別，一於試下，於是選了沙爹醬蝦堡。平時牛肉部分，它用了蝦膠，厚厚的，像一塊很大很厚的蝦餅。還有生菜、青瓜、蕃茄，感覺清新；麵包稍為烘煎過，脆脆的，不錯。這個burger最特別吸引我的是沙爹醬，真是第一次食配沙爹醬的burger，它是平時食串燒沙爹時點的沙爹醬，出奇地配合，真的沒有想過這種沙爹醬配burger或蝦餅。洋蔥圈新鮮炸出來的洋蔥圈，熱辣辣，好香好吸引。外皮炸得好脆，有一點像fish&chips那種魚的脆漿的感覺。而入面的洋蔥還很新鮮juicy，不是那些炸到很乾那種。很好吃，值得加$10配這個洋蔥圈。鮮果盒食burger一般都是配汽水，這裏套餐很flexible，可以隨意選兩項，配鮮果盒也不需加錢，而且本人不太喜歡汽水，於是就選鮮果盒，感覺也健康些。其實本來都沒甚麼期望，但是當中的提子和蜜瓜都很甜很多汁，比平時一般連鎖店的生果杯好吃。…查看更多

廟街不一定食港式食物，都可以試下越南河！每枱都放了一支搓手液，是made in Korea的，非常好。餐牌有不少選擇可以自己配搭：牛三寶食越南嘢，最鍾意食牛肉pho。這個牛三寶有招牌手打牛丸、生牛肉、牛腩肉，非常豐富，而且份量充足。湯底是可以自選的，有招牌牛骨湯、蕃茄濃湯、清雞湯，食牛肉pho我當然選招牌牛骨湯啦。加點青檸汁，湯底更突出更鮮甜。除了主角牛和粉，仲有蘿蔔，煮得好淋好入味。而粉有三個選擇：金邊粉、河粉、檬粉。選了河粉好match，粉好滑好分明，而且份量唔少。見到有個option係麵底增量50%，真係要好肚餓先得。牛腩肉好淋，冇牙都食到，好香牛肉味，仲有好多件添。生牛肉好快就俾個熱湯浸熟，最好快點吃。牛丸是多汁的，入面有汁有筋有咬口，仲有三粒咁多，是很好吃的牛丸，果然是招牌手打牛丸。越萊精選拼盤這個拼盤有三款小食，每款一件，最適合一個人惠顧的時候，一次過可以試晒三款又唔怕食唔晒。燒帶子明蝦涼拌茄子第一次食越南嘢見到呢款小食，配搭不錯，帶子和蝦都不細。蒜香牛油雞翼好香濃，外皮炸得很脆，牛油味超香，多到跌出來，肉質嫩滑，是非常好吃的牛油雞翼。炸春卷熱辣辣，好香脆，入面的料豐富，點埋個汁更好味。香甜菜芯苗如其名應該是菜苗，所以好嫩，沒有菜渣，鍾意佢加了芝麻在上面，錦上添花。越萊椰青特飲加$8轉特飲都幾抵。飲落真係好似飲緊椰青，平時在越南泰國餐廳點椰青都幾貴。而且仲有好多椰子肉，𡁻下都唔錯。…查看更多

好想食台灣嘢 今次去咗荃灣如心饞•台式幸福食堂時間尚早，趁午餐時間前入座😏Menu有小菜有便當可以選擇，我揀咗食便當 🍱鹽酥雞便當加滷肉台式飯最愛就是鹽酥雞，當然要試下，而且台式飯配滷肉最match，所以加$10加了。看上去份量充足，除了主角鹽酥雞，還有半隻滷蛋和蔬菜及菜莆，吃完真的很飽。🤤雞炸得好脆好香，而且新鮮熱辣辣，不會太鹹，好好食。咬開雞肉，入面還很滑和juicy有肉汁，好食。滷肉大細分明，味道適中，喜歡它沒有像其他店舖般太油太鹹，吃了也不覺得太膩，撈飯吃真的很配合。泡沫紅茶看上去好像沒有特別，所以都沒有太大期望。落單時店員說是固定甜度，不能少甜，起初都有少許擔心會否過甜。可能因為現在多數人都不喜歡太甜，所以其實甜度剛好，只有淡淡的甜味。最重要是茶味頗濃及香，配合碗飯很好。…查看更多

呢日約咗尖沙咀睇牙醫，去之前先喺附近搵搵嘢食，最後食咗呢間樂園魚蛋粉！入面環境頗舒適、光猛，有別於一般舊式魚蛋粉舖。餐牌選擇有粉麵有飯有小食：雙拼魚蛋雲吞河佢個名叫樂園魚蛋粉，梗係試下佢嘅魚蛋河，突然又想食雲吞，所以就要雙拼啦。一黎到，嘩，有三粒魚蛋三粒雲吞，最誇張係啲粉嘅份量，我覺得比平時食魚蛋粉舖多好多，好似自動加咗底咁樣，好抵食呀！魚蛋係潮式白魚蛋，好彈牙，又有魚味，唔係溝粉嗰啲，好配合河粉。雲吞雖然唔算大粒，但係好足料，見到有蝦有豬肉，比例適中。酥炸門鱔皮(脆骨魚皮)見到枱面介紹呢個酥炸門鱔皮，好似幾得意幾吸引，所以忍唔住叫來試下。落單時店員話即係脆骨魚皮，哦，咁就明白，原來係連骨炸，諗落都覺得脆。跟指示將魚皮浸湯5－10秒，表面濕濕地更易入口，中間依然好脆，可能因為連骨，比平時啲魚皮真係脆好多。而且鍾意佢嘅魚皮好完整，唔會碎晒。上湯蘿蔔以為加$10份量唔會好多，起初望落都以為唔多。點知夾夾下好多，食完一舊又一舊，好飽。鍾意佢夠晒淋，一啲渣都冇，清清哋，最後竟然全部食得晒。另外再加埋杯凍檸茶，食完滿足晒…查看更多

出開尖沙咀，行到The ONE見有間新餐廳，既然都肚餓咁就份去醫肚試下。見到仲有個花牌係度，應該真係開咗冇耐。餐廳環境好舒服好闊落，有日系感覺，碰巧過咗lunch時間，所以冇乜人，hea下都唔錯。而家用QR code落單好common，好方便。起初諗住淨係點個牛扒丼，點知㩒㩒下見有得追加，仲有好多選擇，而且好似幾抵。最後貪心地點埋雞翼同甜品。黑毛和牛牛扒丼Menu寫呢個係人氣No.1，我又好鍾意食牛，唔駛諗梗係揀佢啦。賣相已經好吸引，份量都好多。丼送上的時候，店員會附上芝麻同七味粉，本人好鍾意芝麻，加咗之後仲香，好味。牛扒份量唔少，每件都幾厚切，好有𡁻口，個邊有燒過嘅香味，好好食。巴馬臣蒜牛油雞翼個雞翼有驚喜，超級香嘅牛油味，加埋上面嘅芝士碎，同埋有淡淡嘅蒜香味，熱辣辣食超正，鍾意牛油嘅人會好鍾意。靜岡煎茶香蕉焦糖批呢個又係有驚喜，有多重層次嘅味道。初時都擔心焦糖會好甜，但完全冇，就算咁飽都唔覺漏。餅底好脆，上面係香蕉同焦糖醬混合，好夾，造得好creamy，上面一大堆cream係好輕嗰種，好滑，好似喺日本食咁樣，唔係連鎖蛋糕店嗰啲！…查看更多

旺角鬧市之中都有好hea處！講嘅係金雞廣場嘅Station 3 Cafe，餐廳環境幾舒服，全部都係梳化位，而且乾淨整齊，仲有得玩board game，喺旺角係一個唔錯嘅選擇。餐牌以London做主題，標誌好似London嘅地鐵，雖然食物同London無關，但感覺唔錯，haha。😂行得耐口渴，所以先一人叫左一杯野飲！＊ 士多啤梨奶昔大大杯，飲落幾滑，有淡淡嘅士多啤梨味，唔會太甜，幾好飲。＊ 星星（蜜桃鮮打沙冰）都係比想像中大杯！因為係沙冰，可以飲好耐🤗 蜜桃味好香，飲到尾都唔會變到好淡味。之後係主食：＊ B 意式芝士焗肉醬長通粉份量好大，比想像中多，充滿芝士香味，肉醬都好多，建議share食，如果唔係會好漏。＊ D 蟹肉雜菌忌廉意粉望落幾靚，上面有一堆蟹肉，配上忌廉汁，味道唔錯。之後再加左啲小食：＊ 香脆麥樂雞塊一放低就聞到蜜糖嘅甜味，無諗過麥樂雞配蜜糖，都幾得意，好似燒嘢食時搽蜜糖咁，幾特別。＊ 特濃芝士薯角薯角配芝士加煙肉，好邪惡呀！而且係一大盤，明明係小食，好似主食咁，估唔到咁多，太飽，最後要食剩少少。🙈最後最後加咗一壺花茶 - 神仙（茉莉花、檸檬草、杞子、桂圓肉），下面有微火熱住，好貼心，可以慢慢坐慢慢飲都唔會變凍。食咗咁多嘢，飲呢個花茶好舒服，消消滯，有清新嘅檸檬草味，係一個好好嘅ending。…查看更多