MisakoC的個人專頁

今晚去到灣仔搵嘢食，喺軒尼詩道望上去見到好多人食呢間餐廳，我哋就上去試吓！一開始間條啡白色恤衫職員態度很好，點知真正落單黑衫禿頭人過嚟幫我哋落單，講完幾個菜名之後，我哋諗住個餐牌都放喺枱面繼續睇飲乜好，就叫佢落住啲菜式先，點知佢搶個餐牌想收，我話我哋想睇嘢飲，佢就話你想睇到時咪再攞囉，好似個餐牌鑲金咁，唔俾留喺枱面，跟住佢行走嘅時候舉起手指好冇禮貌大聲講 「 你咪睇囉！」其實實質上係佢唔俾我哋睇，唔係我哋唔想睇，真係未見過經理可以咁差嘅態度，簡直就係趕客！不過呢度最出色都係燒春雞，其他真係唔得 👎個椒鹽蝦冇味得外面啲椒鹽粉味，個小炒肉啲肉好硬好似好老咁，唔係因為隻燒春雞，真係唔好嚟呢度食！如果一間餐廳有一個咁嘅人，仲要係管理餐廳嘅經理，講真其他人服務有幾好，都比呢一個人搞衰晒！就算要去食，上到去都唔好叫呢個黑色禿頭經理幫你落單，免得受氣！…查看更多

家人踏入生日月, 又準備開始慶祝的時候了, 知道屋企人鍾意食海鮮, 邊個朋友介紹以及網上一致好評, 最後我哋揀選了小漁港, 是一間專門吃蒸氣鍋的火鍋店最抵嘅係佢嘅蒸氣海鮮套餐好豐富, 只係$318一位, 裏面包含嘅時令海鮮我哋好啱食, 唔使諗到頭都爆飲品方面我就會選清熱氣首選的甘蔗汁, 有潤燥生津之效好快就上咗一盤刺身, 色彩繽紛好吸睛呀, 擺盤好靚仲有希靈魚食, 魚身附有粒粒黃色的魚籽, 喜歡它的口感爽脆, 魚籽帶出的味道好鮮甜首輪蒸氣鍋也很豐富, 一共蒸四款海鮮, 其中的鮑魚是我最愛, 加熱後質地柔軟,鮮美又清甜蜆肉沙白有大有細, 難得嘅一粒沙都冇, 而且肉厚, 帶有海洋的自然鮮甜味重頭戲來了! 就是蟹! 蟹裡面肉質肥厚, 而且有絲滑的口感, 膏蟹的蟹黃非常多又緊密, 肉質十分鮮嫩蟲草花蒸雞原汁原味, 雞肉口感鮮嫩之餘, 還夾雜着蟲草花的香味最後就吃預先放入的蟹蓋, 排骨, 瑤柱粥底, 吃完非常飽肚, 鮮味滿滿呢…查看更多

最近因為工作比較忙少咗同屋企人飲茶, 夜晚就特登帶佢哋去呢間點心小店, 聽聞是新開張, 而且是由酒店大廚去打理嘅店舖, 叫做型點特色點心專門店, 睇到網上面食物相片咁吸引, 點心可愛嘅造型吸引咗我同屋企人今晚去食!現在大部份餐廳都係用QR code下單, 方便又快捷, 鍾意幾時落單就落單!我哋兩個人一共點左以下12款美食, 包括了豉汁蒸排骨, 經典蜜汁叉燒包, 荀粒鮮蝦餃, 上湯金魚餃, 珍珠鹹水角, 淮山杞子燉螺頭, 雪耳花膠暾海底椰, 鹹豬骨菜乾粥, 酥皮焗叉燒餐包, 白灼時菜, 海苔鮮鰕脆春卷以及甜品楊枝甘露, 來到都覺得好豐富!本身飲茶我都好鍾意食鹹水角, 呢度嘅珍珠鹹水角相當袖珍, 好像雀巢裏的雀仔BB, 外型塑造得有板有眼, 可愛到唔捨得食, 佢金黃色嘅外皮配上薄薄的鹹水角皮, 內餡仲係熱辣辣好新鮮!呢度招牌的上湯金魚餃, 一份有兩隻, 賣相好靚好吸引, 個個都係相機食先, 以透明澄麵皮包裹着鮮蝦及豬肉, 皮薄餡靚, 真材實料, 味蕾有福了!豉汁蒸排骨用最簡單家常醃法, 配上豉椒及辣椒絲等, 蒸出每一件都是又腍又入味的排骨!叉燒包都係我哋嘅至愛, 所以經典蜜汁叉燒包及酥皮焗叉燒餐包兩款都要試吓, 最特別嘅係酒樓少有的酥皮焗叉燒餐包, 結合了叉燒肉餡和酥皮麵包, 烤得熱呼呼的吃, 爆漿的香甜蜜汁及香甜奶酥外皮, 搭配微鹹甜潤叉燒內餡, 讓人吮指回味!雪耳花膠暾海底椰能滋陰養血, 湯味道很鮮甜, 飲後更能清心安神,滋陰清潤!最後埋單兩個人食到咁豐富嘅一餐, 都只係$400左右, 每人平均消費$200, 實在非同凡響, 非常超值, 性價比還很高!…查看更多

記得之前試過大埔墟嘅一鳴拉麵拉麵嘅質素都唔錯知道隔離開咗一間子母食堂一鳴丼食堂身邊朋友都試過大贊佢啲嘢食唔錯今晚就興致勃勃同個朋友去撐枱腳先都幾鍾意佢哋嘅餐紙設計雖然唔係好似坊間嘅餐廳都係放實物嘅食物圖反而佢哋係以繪畫嘅設計去展現食物而且食物嘅種類繁多有壽司、刺身、拉麵、丼飯、便當等等每一款都好想試吓係等嘢食嘅期間我哋就周圍觀賞俾我發現每一張枱旁邊嘅醬油架有一罐酸薑即刻夾幾嚿試吓先酸酸美美令到我哋好開胃我最喜歡嘅壽司來到了三文魚腩嘅條紋色澤都好平相信一定係我期望嘅半肥瘦口感整塊三文魚腩包裹着飯團一啖放落口果然好鮮首先未黎之前已經聞到好香嘅炙燒氣味原來就是燒緊鰻魚壽司鰻魚嘅表面有一點燒過嘅痕跡咁樣食落去有一啲脆皮加上鰻魚唔算太多骨魚嘅口感仲好爽吉列豬扒便當🍱賣相好吸引一份就有五格不同嘅美食包括兩件炸雞、一塊切開左兩件嘅炸豬扒以及一些前菜及沙律驟眼睇都覺得好豐富呢炸豬扒面頭仲有幾條醬汁食落去酸酸甜甜嘅味道加上肉質鮮嫩嘅豬扒再配埋日本白飯一齊食就真係夠晒Juicy 喔由於佢嘅炸雞實在太好食我哋再另外嗌多一份一嗚創作醬炸雞另外我哋再order咗海苔櫻花蝦玉子燒喺呢度嘅皇牌玉子燒身為蛋控的我當然不能錯過來到我哋切開一半看看餡料見到有滿滿的櫻花蝦及紫菜確實非常足料呢仲有佢嘅沙律及燒汁醬汁都蓋不住雞蛋嘅香濃味道呢性價比咁高嘅日本菜每人消費都只係$200就食到我哋非常飽肚呢下次要encore再試吓其他菜式#一鳴丼食堂 #日本菜 #香港美食 #大埔美食…查看更多

宵夜時段很多餐廳都準備關門，但又很肚餓，喺太和經過一間好大間的串燒酒場，門面非常多眼大大隻招牌，吸引左我哋入去醫肚。我和朋友先點了一杯Cocktails ，比較喜歡果汁帶一點甜的味道，比較易入口。當中碳燒西冷牛扒一大塊配以牛肉汁，切成小件，食落口質感軟林林，牛肉味道濃郁，唔使點醬汁已經好入味。還有我最鍾意嘅羊架，真係即叫即燒，外皮帶一點脆口，咬一啖羊肉汁滲透出來，一啲都唔騷，反而係好好食！而且所有食物味道同辣度都有得自由選擇。還有招牌茄子燒🍆，食落去除咗口感軟熟之外，仲好入味添！有驚喜！孜然豬肉棒串食落去豬肉外皮有點脆口，而且好入味。車厘茄煙肉卷一串有三件，煙肉有咬口，而且番茄好鮮甜，兩者非常match嘅味道。還有好香嘅雞翼、燒鮑魚、娃娃菜及黑豚肉，同樣地新鮮美味！喺大埔好難得有一間串燒店，食物質素好、坐得舒適，而且最有同感嘅係酒場內播放嘅歌曲令回想起一點以往嘅回憶，所以最近經常幫襯，之前一直有幫襯開佢嘅舊鋪小店！…查看更多

難得同朋友慶祝生日，就去食返餐好嘅日本料理。喜歡這間餐廳好日本化，好多燈籠掛喺門口，而且叫嘢食方法好新穎，只需用電話掃描Code就可以落單叫嘢食。炸雞軟骨好香脆可口，而且食落去好有口感好夠味。豚肉提子卷，一咬啖D汁滲透晒出嚟好Juicy呀。一份豬頸肉嘅份量都好多，見到大約有十幾塊，配以泰式辣醬一齊食更加惹味。日式醬油炒雜菜味道好新鮮，當中的醬油令到我好開胃，入面仲有我最鍾意食嘅秋葵。我哋四個叫做枱面全部都係着食，不過由於樣樣都好食，所以好快清晒。🤣下次一定會再幫襯。…查看更多

這段時期因為疫情關係我都少咗出街食飯，但係就多咗買外賣返屋企慢慢嘆，經過灣仔呢間燒味店，門口已經聞到好香嘅燒鵝味道，忍唔住叫返兩個外賣先得！門面嘅招牌燈光好Sharp、好有霸氣，入面嘅燈光好明亮，加上精心裝修，感覺好乾淨好舒服添，見到堂食嘅客人食得好滋味。餐牌食物種類款式好多，仲有特餐選擇，經濟又實惠，等咗10分鐘左右就有外賣可以拎返屋企了。當中的全港首創黯然銷魂鴛鴦飯夠晒吸引，係呢度嘅招牌飯，配上我最鍾意食嘅半肥瘦嘅叉燒，肉質鮮嫩嘅雞扒，加上香噴噴嘅煎蛋，認真豐富，不過最特別係佢嘅秘制大將燒味汁及鳳凰辣汁，真係好滋味，可以送得幾碗白飯！平時少湯水飲，燒味飯加$6已經有老火靚湯飲，飲落去真係啖啖真材實料，好鮮甜呀！朋友就叫了佢最鍾意脆卜卜外皮嘅燒肉及好大隻燒鵝髀，加埋最鍾意嘅薑蔥油，他也大贊好美味好Juicy。我哋二人食得咁豐富都只係叫咗$200有找嘅外賣，而且又食得滿足，原來外賣返屋企食都可以食得咁滋味㗎！…查看更多

知道粉嶺一棟新的私人住宅囍逸樓下開咗酒吧餐廳，今晚屋企冇飯食，終於有機會去試吓晚餐。餐廳門口出面仲可以泊車，而且落地玻璃可以望到餐廳入面嘅環境，好有氣派，仲可以一邊睇波一邊食飯飲酒。咁天寒地凍嘅天氣，店員好體貼俾咗兩杯暖水我哋先。除此之外，還有很多酒精類飲品選擇。我們先每人叫咗一杯果汁，包括蘋果汁和橙汁爽一爽喉嚨。除此之外，還有很多酒精類飲品選擇。羊肉控的我主菜就Order法式寶雲穌羊架，成碟賣相色彩繽紛，仲配襯左一啲蔬菜同埋入口即溶的薯蓉，羊架燒得很香，而且好大支，羊肉味道非常濃郁，一啲都唔騷，仲可以點汁食，Yummy~朋友的美國Prime肉眼扒叫了七成熟，有10安士咁大件，我食一嚿都覺得肉質很鮮嫩，牛味濃郁🤩總括來說食物有質素，而且環境有情調，嚟到可以放鬆舒緩壓力，而且見到周邊的人都是來慶祝紀念日的，而兩個人只係食咗$600左右，性價比都算高！…查看更多

之前在尖沙咀食過The Right Place 覺得環境食物都唔錯，就相約朋友去到大埔分店再食過！遠處已經見到餐廳招牌，係我最鍾意嘅粉藍綠色，門口比較開揚，已經見到入面幾乎滿座。幸好我們預先訂位，店員安排我們坐水吧前的四人枱位置，還給我們幾杯水，態度殷勤親切。A3紙大張嘅餐牌，每一樣都好想試吓，搞到我心郁郁。先叫了餐湯濕一濕個嘴。先叫了小食避風塘蘿蔔糕，煎炸野我一定最鍾意，所以一口氣食咗五六件，蘿蔔糕實在太好食外脆內軟，加上少少辣追住食。這裏的招牌菜12小時低溫慢煮烤乳豬件外皮香脆，肉質鮮嫩，咬一啖豬肉汁已經唧晒出嚟，可見乳豬非常新鮮。 我哋簡直係The Big Right嘅fans，之後再點了低溫慢煮烤西班牙黑毛豬鞍，配以黑胡椒燒汁，更加濃味，而且黑毛豬肉軟口，食落去質感好林，啱晒我冇牙婆😂來到這間酒吧餐廳我就不叫有酒精飲品Chilli 一番，Mango Tannin芒果味濃郁，啱晒我呢個芒果控。食咗咁多嘢都只係$1200埋單，每人平均消費$300就可以食到咁豐富、咁有質素嘅西餐，實在值回票價。…查看更多

相約朋友到灣仔晚餐就特意去鮨月試一試以黑色為主的餐廳裝修顯得非常有格調店員隨即安排我哋坐吧枱位置我哋隨即order左廚師發板套餐先來前菜北海道海膽豆腐及配以酸汁的薄切真鯛刺身兩份都以凍食為主很欣賞海膽很鮮甜無比而且豆腐質感很滑溜食完即刻好開胃粒貝刺身面頭有岩鹽及檸檬用沙磨的Wasbi放入豉油點少少已經覺得好滋味粒貝質感更很爽口繼而就是當做的秋刀魚刺身配以薑汁的醬汁另有一番風味還有用細碟仔裝住的吞拿魚赤身刺身面頭有蓉、芝麻、蔥花及漬汁賣相很吸引師傅先給我們三文魚嘴唇軟骨然後就開始食壽司系列壽司一共有五款由淡至濃嘅味道開始當中有眼仁奈壽司青鯛 縞鰺 赤蝦 及大吞拿魚壽司這些壽司也是我很少在外面吃到的所以覺得非常特別而赤蝦壽司我最印象深刻很大件之餘 面頭有蟹膏麵鼓及一串長長的海葡萄🍇食落去有幾重口感新鮮的赤蝦味道更為突出燒物炸物方面煙肉蘆筍一串有三條煙肉佈滿醬汁而且質感林所以食落去Juicy入味原條河豚一夜干同出面唔同食落去啖啖肉還有很香脆的天婦羅及清酒煮蜆即叫即整 所以味道很新鮮香煎的餃子也很香脆可口第一次吃梅子紫蘇冷素麵梅子味道很濃郁浸一浸在薑蓉蔥花醬汁裏更入味最後還有甜品菠蘿雪糕為呢一餐豐盛的廚師發板晚餐畫上句號…查看更多

臨近聖誕節約埋三五知己食聖誕大餐，朋友比較喜歡吃西餐，上 Openrice 見到旺角的 Sky 726 餐廳食評不錯，就即管試下。餐廳位於佈滿食肆的大廈頂層，一打開電梯門就見到法國餐廳，最重要係有無邊天際景觀，大愛。餐廳的裝修有情調，燈光昏暗讓客人帶一點輕鬆舒緩的感覺。食物餐牌以平板電腦展示，食物圖文並茂，非常吸引。來到必定要飲杯Cocktails 加享受一點海鮮先為最 Match。先點了一份海鮮拼盤，大約有六七款海鮮，非常豐富。當中的龍蝦有我手板咁大隻，蝦肉鮮甜無比，點一點醬汁更加滋味。很少餐廳會有 Oyster Soup ，食法國菜必定要試一試。Oyster Soup中間還有一點魚子粒粒，飲落去除咗很有鮮味之餘，還很有口感！Peri Peri Chicken 賣相很吸引，兩大隻雞髀燒得很香，還有半個蒜頭和一些蔬菜，很豐富呢。雞髀肉質很鮮嫩，非常Juicy。還有Wagyu Beef Conchiglioni，濃郁的鮮蕃茄汁做底配上肉醬，貝殼粒很有咬口，而且入味。甜品Marinated Mix Berries 配上藍莓及士多啤梨等水果粒，食落去更有口感更濃郁。最後四個人埋單都只係$1900有找，可以享受無敵海景之餘，有咁高質素嘅食物，真是值回票價。…查看更多

位於銅鑼灣的《鉄人旨花》鐵板燒專門店一直很想試，今晚朋友請客，心情興奮又緊張💗。行一條樓梯就可以乘搭電梯上去2樓，一打開電梯門就是餐廳招牌，左邊就是佔全層的餐廳。朋友知道我喜歡吃蟹，就揀選了鱈場蟹鐵板燒套餐。首先食前菜沙律🥗，面頭鋪滿藜麥，味道酸酸甜甜，非常開胃。汁煮白鱈魚，賣相好吸引，好大塊，連很脆口的魚皮插在魚肉上，魚肉非常滑嫩。師傅即場烹調清酒焗鱈場蟹，用咗唔夠10分鐘就煮完。平時好鍾意食蟹嘅我，覺得啲蟹腳真係好好食，蟹肉好大條好爽口好有口感，真係好正。熊本縣產A5和王牛點了五成熟，加埋新鮮嘅蘆筍條、南瓜同埋蘑菇，仲有香脆可口嘅蒜片一齊食，香濃無比。師傅仲教我地第一件牛肉可以原味食，其餘可以點鹹鹽或者wasabi一齊食，牛肉好有質感，口感好林。之後就係蟹膏炒飯，炒飯炒得好有鑊氣，入面配料都非常多，有我最鍾意嘅香蔥粒。最後仲有個賣相好特別嘅清酒雞湯，係用錫紙造成一個底盤，加少少酒精入去同帶子一齊煮，食落去帶子好爽口彈牙。最後吃了水果作為甜品，為呢一餐豐盛而滿足的生日飯畫上句號。…查看更多

最近喜歡了飲台式飲品，幾乎全部由台灣過來的飲品店都試過晒了，唯一未試過的 丸作食茶 ，今日終於可以試吓！店鋪的飲品圖片賣相好吸引，我們兩人決定各買一杯試吓。朋友先點了新推出的草莓系列飲品，當中包括有沙冰、奶蓋及奶昔等選擇。朋友最後點了一杯珍珠草莓奶蓋，都只係$38一杯，而且賣相非常吸引，很Pink Pink，面頭還有很多紅色的珍珠，朋友說飲落去有很清新的草莓香，又不算太甜。我就試了黑糖珍珠鮮奶，原來仲有加大版可以選擇，簡直啱晒大胃王。還可以點少冰，能夠滿足不同客人的需要。賣相有豹紋嘅條紋，攪勻一齊飲非常香滑，黑糖珍珠煙煙靭靭，好有口感。覺得丸作食茶的飲品味道濃郁，不會太淡味，而且係即叫即整、非常新鮮，下次會再試吓其他款式嘅飲品。…查看更多

去完Event返嚟大埔，就係街市買啲點心、腸粉、粥品同屋企人開餐。原來廣福街市都有一間巧手製作，就根據家人的指示買了一些食物。餐牌非常清晰，分門別類列明食物及圖片，多款選擇。這裡竟然有番薯粟米粥，正好可以清一清腸胃。粥都幾軟綿綿，入面嘅粟米同番薯粒份量都幾多。沙嗲金錢肚好入味，質感爽口軟身，小小辣都幾滋味。還有一些煎得好香脆可口的鍋貼，外皮香脆、入面嘅豬肉餡料份量都幾多，食落去好有鮮味。豆漿還有兩款選擇，原味豆漿及黑芝麻豆漿，味道好Fresh好濃郁大豆味道！我們一口氣點了差不多$100的美食，非常豐富及飽肚！…查看更多

一直都好鍾意食 Omakase為慶祝朋友生日就挑選了尖沙咀的靖 請客店員先給我們兩杯熱茶和濕紙巾🧻然後給我們有兩個餐牌選擇價錢介乎1100至$1300就有六款類別的菜式先來了一份四款的食物中間的炸蓮藕很薄食落去香脆可口然後就有很豐富的刺身盛當中有酸汁啫喱淡雪鹽北海道 象拔蚌金目雕腐皮碎 池魚螢光魷魚 蕃茄和粒貝每一款刺身也很新鮮配搭的醬汁也很match特別是金目雕腐皮碎估唔到腐皮也不會遮掩刺身的味道接着就是爽口的立貝一份有幾四五塊洋蔥粒黑椒粒同樣地也很爽口非常有咬口我最愛的肥美拖羅上有岩鹽和Wasabi加上紫菜包住食唔使點豉油同樣也很夠味鰹魚刺身有兩大塊面頭有炸蘿蔔絲及洋蔥汁食落去一啲都唔腥厚燒帶子紫菜中的帶子燒得很香連著紫菜一起吃很軟口吃完煎得很香口的和牛粒再食青靈啫喱清清口腔的味道準備等食壽司一份有五款壽司包括馬糞海膽、BB銀雪魚青魚上面有包昆布、北寄貝、絲魚絲魚是現在時令 呈現粉紅色驟眼睇條紋非常平均帶點入口即溶的口感湯中食到一小粒的豆腐不過估唔到湯很濃郁 鮮甜無比甜品 日本青蜜瓜簡直食過返尋味為何會那麼鮮甜而朱古力芝士蛋糕就是餐廳自家製的當中有好濃郁的酒味而且番薯好鮮甜兩人消費$2420對於食物有質素新鮮美味我們覺得值回票價…查看更多