juliahau的個人專頁

好少好少食齋既我，今日因爲約左個食素既朋友，所以去左食齋！一去到，嘩！比想像中多款好多，保守估計有成50-60款食物！睇落都幾靚仔架！我首推娃娃菜炒粉絲，真心好好味，啲粉絲好彈牙又唔會太咸，堅好食！第二樣一定要試既係冰菜芯，好爽甜，煮到個熟到啱啱好，一啲都唔會過淋同過硬！第三樣要試既係薄餅，好原始pizza既味道，唔好以為無肉就唔好味，相反超好味！最後要推介既係甜品：（1）自己撈涼粉，好多配料，加上蜜糖同花奶，唔會太甜，又好味！（2）杏汁蕃薯糖水，好香杏味得來又唔會太重變藥水味！yummy!值得一提，呢間係社企來的，有些員工是殘障人士，但他們是非常有禮貌的，而且十分會幫助客人！…查看更多

由於呢排朝早都要在土瓜灣工作，要繼續土瓜灣搵野食！同事話唔想再食茶記早餐，所以今日就去左酒樓飲早茶，叫了一個飯，一個馬拉糕，一個煎釀矮瓜，兩個人都只係用左47蚊！好抵，好抵，好抵呀！唔好以為咁平就質素差，我想講食物質素一啲都唔差，仲可以用好味來形容！間酒樓在地下的，細細間，入面好多人，自己搵位坐，可以搭枱！我地坐底後，發覺好多人都有叫飯，就搵點心紙睇下有無飯，完來個飯係6.8咋，真係自己煮都煮唔到啦！最驚喜係唔駛加一！茶錢就8蚊倍！個煎釀矮瓜個皮好脆，入面好多汁，我覺得比其他大品牌酒樓整得好味喎！…查看更多

今次被老闆派遣到黃竹坑做野，黃竹坑我真係一啲都唔熟路囉，仲要放成差不多3個鐘break，勁想喊！正當好頭痕諗緊去邊到打法時間時，同事話不如過對面酒店食啦！即刻打電話去問有無位，又好好彩，有位喎，正，於是急急腳行過去食好西了！我地一過地鐵站，就由天橋到真落酒店，其實真心好方便！人唔算太多，坐住好闊，可以坐得好舒服，野食選擇都好多，個旋轉雪糕櫃，真係好吸精！個有沙律櫃超多選擇，好多新鮮食材，涷盤無生蠔，不過青口好大隻好鮮甜，都已經好滿足了！仲有日冲式魚生，師傅厚切大大塊，好爽呀！仲有特飲任飲！…查看更多

天氣熱辣辣，做完野本來想去X嫂到食碗糖水消消暑，點知完來X嫂係3點先開，由於太熱既關係，曬到食唔落，真心唔想食飯同麵，所以就唯有去食粥啦！其實我一向對食粥都真係麻麻，不過耐唔耐食一次都ok既！叫了一碗生菜粟米瘦肉粥，老實期望真的一點也不大架，點知入口又有啲驚喜喎！啲瘦肉本身有少少喊味，粟米好鮮甜，生菜亦都非常爽口，三樣主要材料都係感覺新鮮的，個粥底煲得好香好滑好綿，全部加埋我只可以用兩個字來形容，就係好味！唔知點解食完感覺良好，好開心！…查看更多

土瓜灣真係一個美食天堂黎架，隨便搵一間都有好野食，今次就同同事試新野，試了一間小店，平時朝早呢間野平時行過都有不少客人的，所以見今日比較小人就去試啦！由於今早比較忙、要快食，所以就同同事一人叫了一份三文治早餐，同事叫了喊牛肉蛋治加熱檸水，我就叫了芝士火腿三文治加熱檸茶！先講同事份早餐，喊牛肉同蛋函唔算係好爆個款，唔會勁多油，同事話喊喊香香，唔會食完好濟！而我個芝士火腿三文治，我叫左佢走油，所以感覺好健康！芝士係成塊架，感覺似係kraft 芝士！檸茶檸水就穩穩陣陣，每杯有3塊檸檬，檸檬都好新鮮！兩份早餐加埋55蚊，呢個年代算抵食了！…查看更多

成日都聽日講海底撈火鍋好好服務，一直都好想好想試，終於到老媽子生日，我家姐提出去海底撈同老媽子慶生！我地係6個大人4個小朋友，會共10人，海底撈好貼心，知我地有4個小朋友，安排了我們坐房！一入到房，服務員哥哥好細心咁送上小禮物比小朋友，又來了一些小食同野飲（酸梅湯，竹庶水）比我們食及飲，到點菜後，服務員為免小朋友等太耐無野入口，就送上了蒸蛋及動物包比小朋友，小朋友好開心！有得玩有得食！我地叫了兩個火鍋底，4款不同既鍋底！4款鍋底都好好味，我特別喜歡蕃茄鍋，好鮮咁！所有火鍋材料都睇得出係有水準同誠意既！最特別係，因為婆婆生日，有人在婆婆面前拉壽麵，又有生日禮物比婆婆！超細心！個人覺得，海底撈既服務質素，絕對係會令你想再次幫襯！最後想順帶一提：小食，野飲同水果係可以無限添食架！小食麻辣菇片超好食！…查看更多

同阿仔王玩完公園又未食晚餐時，阿仔王話有啲肚餓、想食小小野，但又唔想食太飽，於是就同阿仔王行了陣APM，一出一田超市，阿仔王見到UCC有雪糕食，就話想食呢間！ 點知阿仔王一見到menu上兒童餐架紅色跑車，就話想食架跑車，而我就叫左過香芒班㦸，其實見到隔離枱碟磨菇意粉，好香，我好想試架，不過怕食唔曬，浪費食物，所以無叫，唯有等下次再試啦！先講下阿仔王既兒童餐，有意粉，有薯角，有jelly，有水果，有腸仔，跟餐可以選擇飲，牛奶，蘋果汁或橙汁，阿仔王選了牛奶！份量唔多，小朋友好易可以食完，我食左佢二舊薯角，非常香脆，好味喎！如果有茄汁可能會更好味！最開心完來係有小禮物送，阿仔王勁開心！到我個香芒班㦸，有兩塊班㦸，一塊係吉士汁，一塊係cream，再加一球movenpick 香芒雪糕！阿仔王見到，話好想試，雪糕當然好味啦，我同阿仔王都鐘意食cream個塊多啲，吉士汁有啲酸！加杯涷啡真係好滿足！ 我最想講，係餐廳侍應好有禮貌，非常有善！服務態度真心非常好👍🏻…查看更多

由於繼續在觀塘區工作，所以要繼續在觀塘午飯時間覓食，繼續在成業街搵嘢食。終於比我地發現到呢間台式餐廳，價錢都算合理。我哋叫咗兩碗麵，一個小食拼盤，及兩杯嘢飲。收費到係每人80蚊到！我覺得算抵食，出去飲杯珍珠奶茶都要30蚊啦！間野裝修好特別，好有懷舊味道！選擇不太多，但都夠選擇既！我叫左一個丸子鮮茄湯麵，兩個人share一個小食拼盤。丸子鮮茄湯麵，好香蕃茄味，麵質都算爽口嘅，我最鍾意就係個小食拼盤，條台式香腸真係令我諗翻起去台灣嘅回憶！最後想講嘅係兩杯嘢飲一杯係有益力多嘅綠茶令一杯係綠茶鮮奶，兩杯都好好飲！有啲驚喜。我覺得如果lunch唔想食咁飽嘅話，呢間都係一間唔錯嘅選擇！…查看更多

Megebox簡直係我家既後花園，出面落大雨，要出街，當然去megabox玩啦，到晚飯時間，見茶木仲未多人排（次次都好多人排隊，所以次次都放棄），我地大約等左5分鐘就有位了，帶位姐姐好醒目，見我有小朋友，一早幫我準備好兒童茶具及bb椅！好細心，值得一讚！我地分別叫了兩個飯，一個蝴蝶粉，三杯飲品，一個甜品，非常豐富！肉燥飯，啲肉燥用來撈飯真心正，小朋友大啖大啖食，個蝴蝶粉啲汁好特別，好香口，個味有啲似千島醬加芝士，我最鐘意係呢個！最係係一個乳酪汁豬扒食，啲飯係䔧麥飯，好健康，同個鮮乳酪汁出奇地夾！好好味！兩杯果茶，係兩個小子最愛，我當然鐘情薑母茶啦！兩個小子最期待就係個招牌甜品，雪糕芒果多士盒，阿仔話個包好食過個雪糕！…查看更多

有假期，當然要相約朋友出來聚一聚啦，飯聚當然要食啲平時唔會食既野啦，有男有女有大有細，食任食就最好了！所以今次我地選擇了呢間燒肉加刺身都任食既放題來食！一來有燒肉，男士一定飽，二來日本野向來是女仕最愛既菜式！呢間鋪頭在銅鑼灣地鐵站隔離，非常方便，店舖都算寬敞，我地5大2細被安排坐長枱，開了兩個爐！食物方邊，呢有有好多款唔同既牛肉可以選擇，又可以食刺身，壽司，同日式小食同飲品都係自助架，好多款野飲，總有一款你會喜歡，而最勁係有炸榴連波波，食完仲每人有杯moving pick雪糕，小朋友最開心！…查看更多

今日係公眾假期，湊住兩隻馬騮，好怕出去同人迫，阿仔又話想食好味味飯，於是打比朋友，佢叫我食高興既松露飯，佢話佢個仔好鐘意，叫我試下，咁就用電話外賣app 落order, 叫了兩盒松露飯加杯荔枝茶，其實屋企有水飲，不過荔枝控既我，對於荔枝二字有種不能抗拒既感覺，所以忍唔住叫了！松露飯一開蓋，兩個仔勁興奮，因為真係好香，盒飯勁多菇，好creamy，其實好怕意大利飯太硬，好彩呢個係軟的，啲飯口感係一粒粒架！有啲咬口又唔會話太硬！啲菇都好好味好爽口！兩個仔秒清一盒飯！杯荔枝茶，我飲左一啖，就比兩個仔飲曬了，佢地不停話好好味呀媽咪，下次可唔可以再食架！真係好開心，兩個小朋友咁鐘意食，做媽媽既我，真係名副其實，好高興！…查看更多

邊個話去滿記一定要食甜品架？食午餐都得架！今日就係九龍灣做完野，想搵位食午餐時，比我發現滿記都有午餐食，仲要50蚊到包野飲，抵呀！今次試左個泡菜煙肉意粉，加杯涷檸檬薏米水！個意粉辣辣地，加埋啲香口煙肉，又幾過隱喎！好醒胃！個粉煮得啱啱好，最怕啲人煮到好淋，無曬口感，好彩佢又唔係，有啲彈牙！好食呀！杯檸檬薏米水，消暑一流呀！薏米可以去水腫，加埋檸檬可以消濟，杯野仲要係唔多甜野飲，感覺非常健康！好好飲！…查看更多

正所謂一個價錢，食到你飽，因為呢間係白飯任裝的！我同同事，分別叫了一個鵝腸豬腰米，同一個午市客飯，有芽帶魚，油菜，例湯，茶同白飯就係自助既，食幾多裝幾多，茶水自己來！鵝腸豬腰米，真係好爽，唔係好多人識欣賞豬腰，所以唔係好多地方有得食，豬腰好爽無屎味，厚厚的，口感非常好，鵝腸洗得好乾淨，有層肥膏在內，所以食落好甘香，正呀！而且分量十足，唔會食到，到喉唔到肺！輪到午市套餐，個例湯雖然買相一般，但就出奇地鮮甜，佢係用啲雞骨，豬骨，魚骨加黃豆同苦瓜煲的，個味其實好夾，唔係飲完覺好喝！個芽帶魚炸得好脆，但魚肉好滑，有魚味！真心ok！油菜有好多款菜選擇！仲可以揀腐乳，蠔油同腩汁！勁多配搭！最重要係超多分量，食到你飽！…查看更多

最後一日在觀塘做嘢了，梗係要慶祝一下啦！今次同同事就揀咗一間高貴嘅西餐廳，唔好誤會係食材高貴價錢平民啦！真心好好味！我叫咗一個set lunch，食lunch包括餐湯，餐包，一個main course，一杯嘢飲，仲加錢叫一個甜品！超級滿足！首先當然係講下個main course呀，個慢煮肉眼扒，真係超級好味，不太淋，好有咬口，肉味十足，好香口，食完真心齒頰留香！好食，配以配菜，感覺良好！ 涷小紅莓茉莉花茶，好清新怡人，酸酸甜甜，好舒服！最後係加錢既甜品，精緻既士多啤梨蛋糕，甜到啱啱好，係完美既晚餐既閉幕！…查看更多

出去觀塘做嘢，到lunch時間就係最煩惱嘅時間，因為觀塘真係太太太多人。好彩今次官塘區既帶我去了成業街工廈到食呢間餐廳！枱唔多，人都唔多，服務仲非常好！朋友叫了一份午餐台（式照燒雞肉飯加杯嘢飲），而我我就叫了一份商務套餐（細嘅煙肉卡邦你意粉，芝士焗煙三文魚多士，香橙蛋糕加杯嘢飲），超級豐富。朋友份雞肉飯，份量不太多也不太少，剛剛好。朋友話啲雞肉好入味，啲飯不太硬不太軟，加埋佢啲台式醬汁又幾好味喎！而我份商務套餐簡直係誠意之作，個煙肉卡邦你意粉，好夠芝士味二個字形容好味，個芝士焗煙三文魚多士，非常厚實，出奇地咁多芝士食完都不會太膩，加埋個香橙蛋糕，哇呢個香橙蛋糕，真係無得輸，好香橙味，又唔會太甜，我覺得好特別！加埋杯嘢飲，飽到上心口，非常滿足。嘩！呢個香橙蛋糕，真係無得輸，好香橙味，又唔會太甜，我覺得好特別！加埋杯嘢飲，飽到上心口，非常滿足。對我來說，呢間餐廳真係好正！服務真係一流，我會再食囉！…查看更多