facialtissue的個人專頁

呢幾年對於長洲都感覺冇邊幾間餐廳值得留低食埋晚餐先走，今晚有緣試到呢一間叫左巴東牛肉夾餅，烤雞同肉骨茶巴東牛肉夾餅：牛肉用少少甜的烤肉汁帶有微微辣味，加上熱辣辣的酥脆夾餅烤雞：東南亞調味的烤雞，肉不柴，十分香口，配料的烤什菜亦十分好味肉骨茶：是變調的新加坡式胡椒湯底，沒有傳統的濃味，排骨肉很嫩，份量亦很足味道是在傳統味道上帶有廚師的新想法，當然不是驚艷的味道，但絕對有小驚喜，同埋食得到廚師的誠意本身很少寫食評，寫呢篇的原因是全晚只有2枱客人，希望多啲人可以認識呢間小店，絕對是一間可以encore的餐廳…查看更多

本身鍾意食麻辣野，見佢新開就試吓，形式同譚仔一樣，一個湯底，一個麵+基本配菜再逐個餸計錢，我叫左麻辣湯底，重慶小麵+牛肉，蝦丸，毛肚黎到果陣見到麵既份量正常，蝦丸同牛肉有4-5件，但最貴既毛肚就得2片，即刻問下個待應係咪真係咁少？佢話公司份量真係咁老實講，味道係正常水準，普通人叫小辣都應該夠辣，但係成世人都未食過8蚊一片牛柏葉咁矜貴，成個用餐體驗已經扣左30分，覺得自己有好多錢唔知點洗既人可以試吓…查看更多

長沙灣有唔少食肆，呢日想食下小菜，就黎到雪山冰廳，七點幾黎到都好多人了，好彩都仲有張吉檯。餐牌上食物同飲品選擇都多，出面黑板仲有是日鮮魚。每個餸加幾蚊就可以轉餐，跟餐飲同白飯。XO醬海中寶西蘭花。海中寶有魷魚、魚塊，同埋蝦。味道適中，唔會過鹹，XO醬惹味，送飯一流。蜜椒野菌薯角牛仔骨煲。上菜時熱辣辣，牛仔骨餣得好入味，亦好易咬，正啊。野菌同薯角亦都好多，甜甜地又香口，好好味。砂煲蝦乾生啫芥蘭。芥蘭係用BB芥蘭，撈埋啲蝦乾肉碎，好香口惹味，令本身唔太鍾意食菜嘅我都食咗好多。飲品叫咗樽仔奶茶，入口濃厚而且好滑，推薦，如果第日行過都會散叫買支黎飲。另外，仲叫咗華田曲奇妙趣，華田上面有厚厚的cream，都好飲。…查看更多

之前睇報導話容記拎咗米芝蓮推介，今晚就同朋友黎試下。一坐低已經跟一碟花生雜豆比你，等上菜果陣有野咬下就岩晒，幾好。既然米芝蓮推介，當然要試一試個燒肉啦，另外仲嗌左個鐵板黑椒牛仔柳。燒肉：皮很鬆脆，感覺似食一塊鬆化既餅乾咁，肉既部分就肥瘦相間，調味唔會過咸遮蓋肉味，但食開重味既人就可能會覺得偏淡，不過佢亦跟左一兜芥末同乳豬醬比你，芥末醬味道輕微刺激，令你連食幾舊燒肉都唔會覺得膩，而乳豬醬亦算聰明配搭，因為乳豬醬點咩都好食，哈哈。一碟燒肉好唔好，我覺得最緊要皮脆肉嫩，而且水準穩定，而容記亦做到呢幾點，唔怪之得拎到米芝蓮鐵板黑椒牛仔柳：呢碟牛仔柳亦相當高質，首先鐵板黎喳喳聲已經加晒分，鐵板保持食物溫度至食完餐飯；而牛仔柳相當大塊亦餣得好好，唔會韌又唔會乸到太淋，口感岩岩好。洋蔥亦相當出色，洋蔥既辛辣味全無，十分之甜；唯一可惜係個黑椒汁明明好好味但太少汁了，如果多啲汁就完美喇。…查看更多

呢間餐廳平時久唔久就會同朋友黎食，因為真係好味又抵食，今晚又再同朋友黎食喇。佢每日都有唔同款式既1蚊優惠，而且即使係優惠菜式，亦絕不欺場，唔會偷雞比細細碟啲你，淨係呢點已經加晒分。今晚優惠有我最鍾意既泰式炸蝦餅，一黎到熱辣辣，外皮鬆脆，蝦餅好厚好彈牙，加埋甜甜地既泰式醬汁，入口好滿足。辣椒膏炒蜆：個炒蜆估唔到會係用大蜆，大大隻都幾大舊肉亦無沙，個汁又唔會話好辣，幾有特色咖喱海鮮脆包盅：而家係街唔多餐廳有脆包盅食，呢度見到即刻決定叫一個，個包焗到好鬆脆，加埋個有蛋花既咖喱汁超好味，海鮮亦好豐富，有蝦，青口，魷魚等，十分足料椰汁冰：呢樣係我係泰國餐廳一定叫既飲品，呢杯唔會溝到好淡，好夠甜好香椰汁味，好味…查看更多

黎到觀塘行街，apm有好多餐廳，今日就食位於3樓嘅塚田農場。門口睇menu, 又有邊爐，又有飯/麵，啱曬我同朋友一個想打邊爐，一個想食炒飯。食物選擇多，有美人鍋、炸物、飯/麵等等。美人鍋有成8款湯底可以揀，今次我就揀咗麻辣味噌湯。另外，再叫咗三文魚親子鹽昆布炒飯，仲有小食炸魷魚。美人鍋套餐入面有蔬菜之外，仲有一款免治肉同埋肉類。今次揀咗明太子芝士免治肉，好入味。肉就揀咗日本豚肩肉，食到肉香，唔錯。連餐仲有個烏冬。一個人食個美人鍋都好飽下。魷魚炸得好好，唔會好多粉，新鮮熱辣，正炒飯蛋漿係侍應喺面前淋上去，大家要快手啲攪勻。味道好豐富，三文魚亦好足料，連埋魚子一齊食，好滿足。加38蚊仲有自助飲品吧，勁多款式，花多眼亂…查看更多

之前同朋友講起好耐冇食過韓國炸雞，於是佢就介紹呢間Dodam chicken 比我，今次食完果然冇介紹錯！佢位於利舞臺廣場18樓，地鐵站一出3分鐘就到，岩晒我呢啲路痴唔洗周圍搵😂間餐廳一入門口已經覺得好靚個menu 淨係雞都已經有4頁比你揀，十分多選擇最後決左嗌左一份香辣脆雞同泡菜餅碟雞黎到真係有少少後悔，因為真係好！大！份！😂雖然佢叫辣雞，但其實只係少少辣，個汁仲帶有甜味，十分野味，而且雞皮酥脆，雞肉都算嫩，成個配搭令每一啖都十分滿足另外佢仲有比一碟醃蘿蔔，酸酸甜甜幫助減低油膩感而個泡菜餅黎到既時候真係有少少嚇親，因為佢成個pizza咁大，材料上佢除左有泡菜仲有啲豬腩肉片，入口唔會成啖都只係得麵團，增加口感，而且個邊邊煎到脆晒，好好味😋呢間餐廳啲野全部都大大份好抵食，不過下次黎就會揀半份雞，咁就可以叫到更多野食喇～…查看更多

之前食過位於旺角嘅running燒，今次就試下將軍澳呢間。地點方便，將軍澳站一出就係popcorn商場。上到黎，環境舒適闊落，亦都唔會有好大煙呢到係半自助式嘅韓燒，生肉同海鮮，仲有啲熟食就用QR code落單，其他就自己出去拎。有沙律吧有好多款蔬菜同菇飲品選擇都好多。除咗雪櫃入面嘅雪糕雪條，仲有啲細細件嘅甜品仔。連埋鼓油，總共有成7款醬汁可以用肉類選擇多，牛、豬、羊都有齊，正海鮮種類都好多蝦爽甜，一叫再叫牛肉當中最鍾意佢嘅肥牛，薄切容易燒，有牛味其他款式都好，滿意！熟食叫咗炸魷魚，絕對係誠意之作，上菜時係熱辣辣新鮮炸起。呢到係即炸！好味！最後食支Dreyer’s雪條作結。今餐好滿足，110分鐘由頭食到尾，食物水準高嘅韓燒，而且服務態度好好會再黎幫襯的。…查看更多

因為疫情關係已經好耐冇食過雞煲，今日約左朋友出旺角行完街黎呢一間食飯。入到間餐廳，發現佢有一邊都係落地大玻璃，因為佢位於22樓，如果坐到窗邊位，一邊食雞煲一邊欣賞夜景都幾寫意。一坐低，服務員已經準備好兜熱水比我地洗餐具同自選邊爐醬料，而且態度慇懃，服務100分！雞煲選擇都幾多由於我地唔太食得辣，所以叫左個bb 辣既重慶麻辣雞煲試試。半隻雞2個人食岩岩好，雞肉算嫩，小小辣亦有麻香，味道不錯。不過食食下會愈來愈辣，如果挑戰中/大辣既朋友就要留意返喇。於是我地叫左枝啤酒，熱辣辣雞煲配凍冰冰啤酒，一個字：爽！食完雞煲就叫埋配料加湯打邊爐，見佢餐牌有啲自家製手打丸，餃同滑，就叫左個蟹子墨魚滑試試。個份量都算多，入口彈牙亦好重墨魚味，唔錯。最後加多個稻庭烏冬，烏冬掛埋個雞煲汁，飽肚又滿足！呢間無論食物，環境，服務都唔錯，有機會可以再黎。…查看更多

新城市新開嘅火鍋店，座位闊落，坐得好舒服。用QR code落單。午市二人餐，有珊瑚蚌、牛肉、午餐肉、蝦滑、海帶頭等等，呢個餐嘅蔬菜類都算多。每樣食物嘅份量就唔多，但每樣都好味，特別係蝦滑，好彈牙。湯底叫咗麻辣同芫荽皮蛋鴛鴦鍋。麻辣揀咗普通辣，呢種麻辣嘅麻味唔係太重，主要都係辣。芫荽皮蛋湯味道好足，食物真係會食到芫荽香，好味。…查看更多

好開心香港都開issac toast，甜甜嘅多士令人回味無窮。火腿芝士有分兩款，經典火腿芝士同皇牌火腿芝士，皇牌就會多咗酸瓜。呢日叫咗經典火腿芝士，熱辣辣，鹹味嘅火腿芝士配上甜甜嘅多士，味道夾得好好。做下午茶或者輕便午餐嘅好選擇…查看更多

Lunch黎到，都幾滿座。餐廳有好幾張檯，每張都有師傅幫大家燒，睇師傅整嘅過程又可以偷下師。海鮮揀咗原隻大虎蝦，大大隻，爽口彈牙，而且調味好足，夠曬味，好食牛肉揀咗和牛薄燒卷，塊牛的確比較薄，但牛味十足，配埋葱，真係好好味由前菜到甜品都好有水準，而且師傅就喺面前燒，所有食物都熱辣辣，正…查看更多

午餐時段黎食燒肉，叫咗一個牛肉set，一個豬肉set，包白飯任裝，飲品無限refill，包食得飽。邊爐蛋會配上粟米芝士。三小碟有蘿蔔、芽菜同埋泡菜。豬肉set嘅五花肉，正牛肉set都有三款肉。牛肉片就切得比較薄，不過呢個價錢都差唔多了，可以接受。兩款燒肉相比下，豬肉肉味香濃，比較好食。…查看更多

餐廳舒服，食物選擇就唔算多。bb乳鴿味道好，但可惜個皮唔太脆，唔脆嘅乳鴿真係幾入味都冇用，略為失望。炒腸粉，炒得幾好，唔會炒到爛曬，仲有幾隻蝦。蠔餅唔同一般食開，呢到係硬身啲，而且粉多蠔少，下次就唔會再叫呢個了。…查看更多

之前未有疫情嘅時候，呢到lunch time都好旺場，而家就唔洗等位可以直入。一個餐有炸雞，關東煮，魚生飯加埋餐飲，都只係六七十蚊，好豐富而且夠曬飽。炸雞就普通啦冇特別，亦唔係即炸。關東煮唔錯，蘿蔔都入味嘅。至於魚生飯嘅三文魚係厚切而且帶有點鮮甜，略勝帶子一籌。…查看更多