容記小菜王

營業中

休息中

之前睇報導話容記拎咗米芝蓮推介，今晚就同朋友黎試下。一坐低已經跟一碟花生雜豆比你，等上菜果陣有野咬下就岩晒，幾好。既然米芝蓮推介，當然要試一試個燒肉啦，另外仲嗌左個鐵板黑椒牛仔柳。燒肉：皮很鬆脆，感覺似食一塊鬆化既餅乾咁，肉既部分就肥瘦相間，調味唔會過咸遮蓋肉味，但食開重味既人就可能會覺得偏淡，不過佢亦跟左一兜芥末同乳豬醬比你，芥末醬味道輕微刺激，令你連食幾舊燒肉都唔會覺得膩，而乳豬醬亦算聰明配搭，因為乳豬醬點咩都好食，哈哈。一碟燒肉好唔好，我覺得最緊要皮脆肉嫩，而且水準穩定，而容記亦做到呢幾點，唔怪之得拎到米芝蓮鐵板黑椒牛仔柳：呢碟牛仔柳亦相當高質，首先鐵板黎喳喳聲已經加晒分，鐵板保持食物溫度至食完餐飯；而牛仔柳相當大塊亦餣得好好，唔會韌又唔會乸到太淋，口感岩岩好。洋蔥亦相當出色，洋蔥既辛辣味全無，十分之甜；唯一可惜係個黑椒汁明明好好味但太少汁了，如果多啲汁就完美喇。