Azaleadiaryy的個人專頁

到底$898 洲際酒店自助餐有咩食？一齊黎睇下啦～總體來說食物質素並不是粗制灠造，西班牙火腿，鹽焗雞，西冷質素都唔錯，同場仲有鹿兒島和牛同即煎鵝肝，刺身，壽司冇驚喜，有三文魚，吞拿，甜蝦，象蛂蚌，質素一般，其他熱盤質素係眾多的自助餐中，佢的質素都算係甘，最回本莫過于鮑魚和燕窩湯，不過都係一般自助餐質素。如果鐘意食甜品，呢到有好多選擇，必食有拿破侖，焦糖布丁🍮呢個價位黎講，係同級酒店屬於偏貴，如果要食生蠔要另外order，整體環境偏窄，收碟速度不快，service 麻麻，有welcome drink。…查看更多

友人之前吃過，一直說很好吃，想要再吃，其實起初我也有點𣎴解，因為我總覺得蒸汽鍋𥚃的食物不是都沒有調味嗎？這樣有什麼吸引力呢？今日來到尖沙咀，適逢天氣轉冷，便前來一試～呢到的食物主要係食海鮮為主，價位走中高價路線，除了海鮮外，也有少量肉類，丸類等可供選擇。吃套餐比散點划算得多，有A, B, C 餐可供選擇，還有限時供應的大閘蟹set。我們最後點了B 餐。一開始便放了一些南瓜，豬骨和米入煲內準備煲粥海鮮看上去非常新鮮，而且份量也好像不錯。每樣食物都會Pre set 左個timer，時間預得不多也不少，岩岩好。有三種蜆在內，包括鑽石蜆，海黃蜆和海白沙。我地問個呀姐應該點分辨佢地，由於佢廣東話唔太靈光，結果我都係大概估估下得出結論，最大個隻係鑽石蜆，肉質比較有彈性，而最細個隻係海白沙，佢亦都係最軟最滑嘅，個人就最唔喜歡海黃蜆，肉質比較鞋，鮮味亦冇甘出。蠔味十足，又夠新鮮肥美，估唔到就甘點鼓油都甘好味。細細隻的象拔蚌已經切成一條條，方便進食，有點咬口，但唔會韌，味道同樣係非常新鮮。終於貴妃蚌係有返少少調味，蒜容味唔算濃，唔會遮左本身的味道，貴妃蚌本身肉質比較彈口，食落似大蜆，所以個人較喜歡象拔蚌多d有成隻手甘大的瀬尿蝦，又係超級鮮美，肉質又唔鬆散，唔怪得單點要百幾蚊隻仲有大蝦最後壓軸係食龍蝦，橙紅色的波士頓龍蝦色澤十分鮮明亮麗，龍蝦頭帶有點蝦膏，蝦膏質感軟滑，香甜甘味，蝦肉白滑冇離殻，肉質爽彈，而且同樣超級新鮮，真係好好食，龍蝦鉗的殻亦夠薄，很輕易便可以打開，反而鉗肉的肉是帶有點點鹹味和海水味。呢個蟲草雞冇乜特別，舊雞仲有少少鞋套餐內可以係menu 自選一款菜，我地揀左瑤柱蒸白玉，即是娃娃菜最後食埋個豬骨粥，個豬骨粥充滿住海鮮的鮮味，平時唔鐘意食粥的我，都食左2碗仲有甜品，全部的食物真心係好食嘅，所有海鮮都勁新鮮，不過價位有點貴。…查看更多

前幾日同事食完沾仔記後覺得唔錯，話呢到的鯪魚球好大粒，麵亦做得唔錯，所以就帶左我黎試。恕我孤陋寡聞，原來呢間麵店係甘出名架，有好多米芝連推介貼曬係個窗前面～因為我一向好少食雲吞麵，所以就算之前經過呢到，一直都冇留意到。呢到食物的選擇並唔多，只有牛肉，雲呑及鯪魚球，幾時都話貴精不貴多，一間做得精只有幾款食物又如何，不過今時今日係香港人人做什麼吃什麼都要有選擇的時候，係依度竟然敢只得3款選擇，又唔怕冇生意，真係膽色過人。呢到一碗麵的價錢只係$29，雙拼只係$35，係中環呢個價簡直係良心價，相信老闆一定係個好有人情味的人。既然同事大讃呢到的鯪魚球麵，就一於點黎試下～其實我覺得碗麵唔算細，雖然個碗係比平時小，但入面的份量我覺得好足，食完我都會覺得飽。鯪魚球真係好大好大粒，足足同我個拳頭一樣，味道新鮮有魚味，唔會有太多陳皮，蔥花，胡椒粉的醃料味遮蓋左魚的味，而且食落仲非常彈牙。麵質食落其實也夠爽滑，不過味道食落去還有點鹼水味，但其實並不算重，只是個人口味不太喜歡巳而。如果說這家店是米芝蓮推介，抱著這個心態來，吃完後應該會感到好像沒什麼特別，但這個價位在中環區是難求的，其實並沒什麼可以挑剔！…查看更多