花妮芝的個人專頁

來這裡都是買團購的，見19蚊有個 tea set 就即刻買啦！仲要一買就買咗兩張。今時今日用團購做 promotion 已經好普遍，可惜呢間餐廳好似想用此方式來拆自己招牌。等我用 Openrice 給我們評分的項目來寫啦：味道：上月頭第一次幫襯幾好，件花生醬多士幾香脆，配脆皮腸，飲品加＄２轉了凍飲，同平時Ｄ樓上 Cafe 差不多；今個月第二次去食時，都是叫花生多士，但配雞翼，也是加＄２轉凍飲，可惜今次多士卻燶晒 仲要咬開有花生醬的地方都是”碳”，唉！環境：第一次上去都有幾個客，但第二次就得我一個喇~~~ 真唔明點解打親電話嚟 book 都無位？！服務：餐廳上的服務都不錯，可惜打電話預定時就欠佳。衛生：好大陣烟味 :(抵食：應該是抵食，可惜老闆好似唔想做我o地生意！第二次食時，多士都只半份咁上，我真不知道是否配”一”隻雞翼的多士份量會減半呢？！各位現拿著這張團購的朋友，你們落 Order 時，問清楚吧！（相信大把人都未 ”輪” 到你 ”享用” 這 ”優惠” 吧！）總言之，沒有下次！…查看更多

三蕃四次問了服務員，用什麼卡有九折，他們答了幾次都話我用緊張卡有，到結帳時，卻說放題特價沒有優惠(?)，激死！咁唔老實，你想有人再幫襯都幾難！！！叫食物時，份量寫多少，佢地都係隨意俾幾多你的，跟單又跟唔到！所以 $138 個放題，要俾加一就認真唔抵！！！ …查看更多

今晚試了這間海記，寫黎都係叫自己記得唔好再幫襯喇～～～叫了碗艇仔粥，超鹹，無下次！…查看更多

餸就食左好多碟，但最好味就係相呢三味：－－(1)　蔥油餅：好味在佢o地係用墨魚做餡，食落口感好好；(2)　炸蝦：我最終意食o既海鮮，佢o地又可以煮得好好味，脆得o黎又能保存蝦味，加埋Ｄ辣醬，味道極佳；(3)　石頭鍋飯：個伙計攞出O黎响我地面前炒，有表演睇，Ｄ飯夾雜住少許飯焦，好香口，好好味！…查看更多

呢度Ｄ肥牛係雪花O個隻，好美味！其餘Ｄ餸都算新鮮，好過其他好多間任飲任食的食物，唔知係咪咁，所以剔好多野都話賣晒。但係，宵夜可以做得平多一點~~~…查看更多

昨晚叫了一個Appetizer（任選４款）：芝士菇薯皮（我好鍾意o既芝士加薯皮，味濃夾香，正！）；辣汁雞翼；洋蔥圈（soso）；炸蝦（我o既致愛~~> 蝦，煮得好香脆~~~）Cheese Burger：分量不算大- 分了４份，所以每人都係‘少食多滋味’，可惜唔夠cheese味呢！半份ribs(honey sauce)：最正係呢個菜！ribs夠‘林’，又入味，正！正！正！因為有朋友有信用卡生日優惠，所以是晚埋單７５折。服務方面就麻麻喇~~~叫refill都叫o左好耐先有得飲，唉~~~但廚房ｏｋ喎，竟然咁乾淨？（因為大家如需要去洗手間，係要經過廚房o架！所以見到咁乾淨，有Ｄsurprise＠.＠）…查看更多

昨晚叫了個海鮮石頭鍋飯+ 熱華田。Ｄ食物排列得好似Menu上一樣咁精美，石頭真係勁熱，小心辣親！仲有Ｄ飯蕉又脆又香，唔似煲仔飯咁'loon'晒。一個字：正！…查看更多

昨日叫了四人餐六人食(依相次序)：－－（一）白灼蝦：好鮮甜，又爽口；（二）羌葱炒蟹：五個自選餐之中，最正係佢，蟹係要同葱一齊食先達到最佳效果；（三）上湯龍蝦(伊麵底)：龍蝦好有海水味，我鍾意；（四）蒸帶子：味道幾好，可惜蒸得熟過頭，好靱；（五）椒鹽瀨尿蝦：味道香，可惜勁油膩，全晚敗筆之作；（六）蝦醫炒通菜：佢話送，但相信都計埋入個餐入面，但炒得幾好味。Anyway, 西貢食海鮮都係被人"lert" 水o架喇~~~…查看更多

本人喜歡食榴槤，所以叫O個「榴槤忘返」。果真！餐牌上特別推介係正Ｄ(雖則價錢貴Ｄ)不過真係好好味！榴槤整碎O左，但整蕃個球體；而黑糯米係加入少少香芋，使得紫糯米更有咬口…查看更多

叫了一個Tea set, 五香肉丁湯米+ 熱奶茶。食第一口五香肉丁是凍的，咁，我就o拿o拿林用Ｄ熱湯米cover佢先啦！跟住就可以食到暖o既食物喇~~~ 所以下次食o既時候要小心！…查看更多

叫o左個海鮮菠菜意粉，食落味道好濃郁，Ｄ汁又不太稀，O岩O岩好！海鮮又新鮮喎。唔錯！而且，Lunch係送果汁，我叫o左個3xberries，但我覺得甜o左少少，可能鮮搾關係o卦~~~ (不過，可能係我平時飲奶茶都走甜，飲唔慣啦~~)…查看更多

前晚分別叫o左兩個ribs + 牛& ribs + 雞，兩碟都係得Ｄribs好味，牛太難切；雞太'鞋'；其次，個Appetizer 好正喎！有條我最喜愛的炸芝士條。同埋叫o左兩個甜品，Cheese Cake & Brownie, WoW! Cheese Cake 可以媲美New York Best Sold "Junior's" -- 上次o向New York 食過次後，都未試過o向香港食過咁鬆軟o既Heavy Cheese Cake喇~~~其次個Brownie，仲正！！！Brownie 本身o既軟硬度及甜、苦度適中，配埋碟邊的Cream, 簡真絶配呀！…查看更多

昨晚叫了個四人套餐Ａ，其中幾道菜(依相次序)：~~(1) 白灼鮮魚扣：好似豬腸咁，爽脆，但係魚O既內臟O黎，唔係人人夠膽食；(2) 錫燒鮮野菌：清清地，但都好入味，Ｄ菇又鮮甜，好鍾意；(3) 鮮茄海鮮湯：因為我喜歡食蕃茄，所以O益O左呢個湯，食食O下先至發覺有蜆肉喎~~~湯都好鮮味；(4) 咸菜鮮腐竹煮星斑：條魚炸過先放入呢個魚湯煲，條魚食O既時候，Ｄ皮仲好脆又香；(5) 石鍋姐姐爆雞球：Ｄ汁好濃，但又不蓋過Ｄ雞味，我都好鍾意；另外叫了餐外的‘鮮魚片湯(魚麵)’，魚麵的質地係好似魚片咁，有少許刄，幾得意，可以一試。整體上，由於本人特別喜歡食海鮮，所以樣樣餸都加O左ＤＤ分。總之就‘鮮’啦！…查看更多

今晚叫O左冬蔭公湯、黃咖哩香芒炒牛肉、雜菜沙拉、巨蟹粉絲煲、白雲鳳爪(類似,不知exact名)、炒通菜。本身不喜歡吃泰式的我，都食倒。但冬蔭公就半碗停O左手lu~~~好辣；我最鍾意香芒炒牛肉，不太辣，香芒令到碟餸好鮮味，可惜牛肉老O左少少；粉絲煲Ｄ粉絲幾好味，可惜Ｄ蟹就唔夠蟹味呢！沙拉好好味，有車厘茄，又加O左少許我最喜愛的花生，食多幾注，hehe....俾笑哈哈，係因為個環境好，坐O向度傾好耐偈都唔怕阻住外面Ｄ等位人，店內人數不多，光線適中，食物也不錯。舊同學聚會O黎呢度唔錯。…查看更多

今日叫o左個午餐，包括：1)　蕃茄什菌忌廉湯：－－　　什菌有好多我喜歡食o既秀珍菇、金菇，呢個湯好正！2)　香煎龍利柳配吉列蝦飯：－－　　龍利柳不是很新鮮，但煎得香口；吉列蝦就比較好味喇~~~3)　熱奶茶：－－　　可能茶胆太勁，見佢落o左好多奶，都仍然唔夠滑，但我可以接受到呢仲濃度。呢度ＤO野大大碟，雖然一個午餐o黎計，比起同區貴，但價錢同數量成正比，所以，下次可以同Friend share.…查看更多