SiuChungLam的個人專頁

印象中香港仔好似只有一間海南雞專門店，今日就試下呢間雞爺海南雞，知道佢下午茶平少少特登下午茶嚟，平咗十蚊雞一個飯，好，二話不說就食個招牌海南雞飯，下午茶可以加12蚊加多個小食，整多個泰式鳳凰雞丸，例牌凍奶茶走甜，海南雞飯嘅份量都算ok，黃油飯都係有水準，而核心嘅甜酸醬都做得非常唔錯，一啲碟頭青瓜蕃茄都比足，雞皮係少少彈牙嘅，算係做足本分，雞肉都幾滑，以一間專門做海南雞飯嘅餐廳嚟講，係合格嘅，小食就普通啦，普通嘅炸物，凍奶茶老實講就同出面茶餐廳畀差少少，不過應該飲啲特色飲品嘅，個人喜好凍奶茶啫，如果有機會經過香港仔都係一個唔錯嘅海南雞選擇…查看更多

今日華富邨收工，入商場搵下嘢食先，麗絲餐廳，喺華富邨好有歷史，佢嘅漢堡包炸雞髀都好出名，不過我就鍾情於佢嘅咖哩汁鹽酥雞飯，最緊要加隻蛋，少少鹽酥雞汁嘅油，加埋咖哩汁，蛋汁，白飯嘅香，四合一天下無敵，凍奶茶不過不失，屋邨嘅價錢，屋邨嘅味道，屋邨嘅風味，讀書嘅時候經常幫襯，而家就間唔中就過嚟幫襯，但係味道依然不變，呢度啲扒爐嘢好新鮮，廚房嘢都好夠鑊氣，天氣唔熱嘅時候坐喺商場出面，休休閒閒飲過下午茶，望下啲人，發掘下身邊的事物，相當寫意…查看更多

鴨脷洲西邨蟹點，晚餐正係人都知，但係其實佢午餐嘅泰國嘢都好正，炒金邊粉呀，泰式炒飯呀之類，而佢嘅肉碎泡打飯，加隻煎蛋，更加係我嘅最愛，今日熱到跳舞，一行入嚟歡歡鬆鬆，冷氣又夠，正，呢度嘅泰式凍奶茶好有味道，有種椰椰香香嘅甜，雖然我走甜，但係都好有茶味，送個例湯更加正，呢度午市中泰混合，兩邊都咁多捧場客，咁我嘅炮打肉碎飯，魚露味好香，又唔會過份辣，係好迎合香港人口味，白飯底都好靚，份量又夠又夠乾身，呢啲肉碎撈飯個飯好重要，夠曬乾身再加一隻煎荷包蛋，市井嘅美味，就係咁樣引發出嚟，呢個味道，吸引的…查看更多

久唔久都同啲朋友試下唔同嘅菜式，今日就嚟到黃竹坑綠茶，試下浙江菜，真係好有特色，味道經過調教亦都好配合香港人口味，好多菜色都好精緻好特別，侍應嘅衣著亦都好優雅，好傳統，好有西湖嘅味道，裝修亦都好靚，好突出道浙江嘅風味，我哋六個人嗌十個菜，都唔係好貴，每人200鬆啲，每道菜份量都唔錯，雖然菜式好精緻，但係起菜速度都好快，亦都冇漏單呢個情況，係一個全場爆滿嘅環境算係好高效率，入座起計用餐時間90分鐘，足夠嘅，而家仲可以翻一次枱，做兩轉晚市嘅餐廳，真係買少見少，從呢一點觀察，可見實力超凡…查看更多

正所謂偷得浮生半日閒，飲個早茶最精神，今日嚟到香港仔新光宴會廳，試一試佢，早晨個優惠孖寶，燒賣再加馬拉糕先係35蚊，平到你唔信，再整多碟腐皮蝦卷，又夠熱又夠香，又夠脆，配埋喼汁頂呱呱，現場禮拜一非常多人，好多公公婆婆喺度飲茶，接近爆場嘅水平，原來咁多人留港消費，無他嘅，呢度真係夠平，食物質素又高，講返食物呢度個燒賣，餡料比例唔錯，肥豬肉比例恰當所以好彈牙 。馬拉糕都好出色，鬆軟如雲，搣開後出曬煙，輕型蓬鬆，幾乎能在嘴裏化開，但有焦糖嘅香味，同埋黑糖嘅混合，估唔到一個平價孖寶都咁高水準…查看更多

薩莉亞唔使多講，相信好多朋友都食過，親民嘅價錢，款式又多，飲品款式亦多，甜品又多，有時夜晚都幾旺場，通常去到薩莉亞，無論係下午茶定正餐都好，我一定會點佢嘅雞翼，個皮好脆真係好正，醃得好入味，淨係講個顏色已經好靚，只係差在食四隻定八隻，另外每次嚟到都會有一個選擇意粉困難症，鍾意食嘅意粉實在太多，個人偏愛，簡簡單單嘅肉醬意粉，呢度嘅意粉口感非常好，肉汁足夠，真係帶個白飯嚟送飯都仲得，餐湯都好飲，都落足料，整體嘅份量都對得住個價錢，如果兩三個朋友嚟食，仲可以叫好多個餸share嚟食，一個三五知己聚餐嘅好地方…查看更多

耐唔耐都會想食下啲台灣米線之類嘅嘢，八方雲集週圍都有，近近哋又就腳，一於去馬，最鍾意嘅咖哩味煎鍋貼，台式麵線，豬大腸，貢丸硬係覺得好夾，走甜嘅珍珠奶茶，珍珠細粒咗口感好煙韌，更加容易吸呢一點非常抵讚，主角嚟喇，鍋貼皮煎得非常之脆，出面嘅麵粉脆漿非常之正，咬落口，坤坤聲，最鍾意呢度嘅醋，豉油，辣椒醬，三款都食哂，好似多幾隻味咁樣，睇住佢即整嘅鍋貼，一開個蓋，啲煙湧曬上嚟個下，好治癒，埋單都係街坊價錢，難怪咁多年屹立不倒…查看更多

今日三個朋友約食下午茶，就揀過南區嘅中間點香港仔，金記夠曬大間，任坐唔嬲，我叫一個咖哩吉列豬扒飯，朋友嗌個豬扒炒公仔麵，另一個食份西多士，三樣嘢都好有水準，佢咖哩汁都係偏向馬拉既，椰香味重嘅，最重要就係個飯夠乾身，配合埋咖哩汁吉列豬扒就好好食，朋友嘅豬扒炒公仔麵都好有水準，炒得好乾身，配菜亦都好多，豬扒亦都多，西多士呢啲唔使講啦，水準之上啦，一座就個半鐘，冇人會有任何動作趕你走，下次如果有三五知己約食下午茶，都會繼續嚟呢度幫襯…查看更多

一條友整個下午茶，再開工人生一大享受，今日就海怡半島牛奶冰室，整返個焗豬扒飯下午茶先，香滑嘅珍珠米，拉斯嘅芝士，香濃茄汁，仲有少少配菜，手掌咁大杯凍奶茶，闊落落嘅環境，夠曬光猛，味道中上，價錢亦都適中，佢下午茶仲有好多選擇，不過我有鍾情焗豬扒飯，下次會同朋友一齊嚟…查看更多

呢排月尾冇咩錢唯有慳慳哋，香港人唔使講嘢啦，搵間靚嘅兩餸飯先，求求其啦就觀塘呢間飯桶，反正觀塘收工，舖頭門面各樣都乾淨企理，好唔好食一件事起碼衛生先，都係一個肉一個菜咁選擇啦，一個豆角一個椒鹽豬扒，個飯都幾靚都算係咁，唔係濕隻隻起碼夠乾身，食得兩餸飯份量都好重要，呢間飯桶都算多，味道嚟講唔算話好燶好咸，中規中舉啦，再回頭指數，80分啦…查看更多

今日過到嚟深水埗同朋友茶聚，朋友介紹嚟呢一間鴻昌茶餐廳，我同朋友二話不說叫杯凍奶茶先，一杯小甜，一杯走甜，兩杯都咁出色好有茶味，朋友叫個雞尾豬仔包，下午茶份量啱啱好，雞尾餡同豬仔包出奇地好配合，我就嗌返個地道常餐，肉丁出前一丁，火腿奄列麵包，不過不失，朋友話呢度嘅咖哩汁好正，可惜今日係下午茶冇咁大胃口食碟頭飯，如果下次嚟一定會試下佢嘅碟頭飯，例湯都係代表作，可以喺深水埗屹立多年，當然有佢嘅強項啦…查看更多

太安樓一向都係掃街邊小食嘅好地方，今次就試下呢間腸粉皇后，一向都好鍾意食三寶，邊三寶呢？魚蛋燒賣腸粉混醬，真係好合拍呢四樣嘢，熱腸粉皇後嘅魚蛋係有好香嘅陳皮味，燒賣皮薄又餡靚，腸粉又夠滑，醬汁液都唔會孤寒，要幾多有幾多，門口亦都好貼心有幾張枱畀你企喺度食，唔會話食到呢咁hea，因為有醬汁嘅食物好容易整污糟件衫，放咗張枱上面食就very good喇，你仲有好多糖水自家製小食都係好正，手工燒賣同埋蝦餃牛肉都係必試嘅，食佢一間都夠曬飽…查看更多

有一次無意中在筲箕灣行下街，發現呢間斗來香，鋪面色彩好繽紛，埋去細心睇下，原來有咁多傳統特色嘅糕點，整齊咁放喺雪櫃入面，唔怪得咁靚啦，每樣糕點都好有懷舊嘅特色，砵仔糕啦，白糖糕啦，芝麻卷啦，簡直正到爆，仲有好多地道小食，燒賣魚蛋腸粉呢三寶走唔甩，仲有好多港式糖水，價錢亦都好親民，好多都只係街坊價錢，有陣時喺筲箕灣東大街食完晚飯，過嚟行下買個宵夜真係一流…查看更多

韓味屋係北角七姊妹道已經好耐時間，可以屹立咁耐原因不外乎幾點，好食，抵食，親切。我就通常每一次都會食佢個石鍋飯，佢嘅紅棗甜茶，三分韓式前菜，已經值回票價，佢嘅韓式石鍋飯好正，好多料都係生嘅，但已經醃好咗味道，要你自己慢慢用個石鍋整熟佢，呢個過程好治癒，石鍋飯都好多配菜，紅蘿蔔，大豆芽，紫菜，鮮雞蛋，牛肉，仲有秘製嘅韓式辣汁，冬天嚟食非常暖身，其他午市定食當然都好吸引啦，但係石鍋飯我就一定推薦第一位，黎北角區搵食既朋友要試下呀…查看更多

重新開張嘅百味園茶餐廳，價廉物美，午餐配凍飲係50蚊有找，早餐下午茶嘅選擇都好多，而佢嘅份量亦都係大大碟，佢午餐好多時都有泰式雞扒，黑椒雞扒，汁固然香又夠味啦，重點係佢嘅煎雞扒真係好正，師傅用心機慢慢去煎，又大塊手掌咁大塊，咁樣煎嘅好處可以鎖住佢好多肉汁，每一啖都好juicy，唔會好似有啲茶餐廳咁炸到乾真真，飲品嘅味道都好好，泥湯水準高，我自己係呢一區嘅街坊，基本上一星期都入嚟幾次，呢度好光猛，冷氣又好夠，又有玻璃門望到出面抄牌，無論街坊定揸車過嚟都好方便…查看更多