雞爺海南雞

印象中香港仔好似只有一間海南雞專門店，今日就試下呢間雞爺海南雞，知道佢下午茶平少少特登下午茶嚟，平咗十蚊雞一個飯，好，二話不說就食個招牌海南雞飯，下午茶可以加12蚊加多個小食，整多個泰式鳳凰雞丸，例牌凍奶茶走甜，海南雞飯嘅份量都算ok，黃油飯都係有水準，而核心嘅甜酸醬都做得非常唔錯，一啲碟頭青瓜蕃茄都比足，雞皮係少少彈牙嘅，算係做足本分，雞肉都幾滑，以一間專門做海南雞飯嘅餐廳嚟講，係合格嘅，小食就普通啦，普通嘅炸物，凍奶茶老實講就同出面茶餐廳畀差少少，不過應該飲啲特色飲品嘅，個人喜好凍奶茶啫，如果有機會經過香港仔都係一個唔錯嘅海南雞選擇

招牌海南雞飯

1

價錢中規中矩啦

最愛嘅凍奶茶