lorrainechong的個人專頁

叉燒咬落唔柴，不過唔夠入味同香口條魚蒸得啱啱好呢樣OK 白飯魚煎蛋淡味咗少少，不過都食到白飯魚香味。豉油王大蝦真劣評，唔新鮮，啲肉削，而且唔入味，完全有違豉油王惹味煮法。仲有等待上菜時間都稍為耐，幾乎每一碟上完食晒先下一碟，可能坐得比較入，經常舉手都冇人應，係有個經理好少少會跟一跟。總括嚟講就真係有啲失望，普通小菜小炒都反而仲好食。…查看更多

上海菜開到周街都係，香港仔呢間新開無耐，難得唔多人等位，決定試下佢！一睇menu價錢又唔貴，ard5,60蚊一個菜，上枱碟頭細細，幾好，可以試多幾味。未食正餐已睇埋甜品，都幾多花款，唔見一般上海舖既高力豆沙、窩餅個啲，反而多咗啲新式嘢，not bad金沙南瓜蘆筍邪惡嘢，一睇就想食，始終覺得鹹蛋黃同南瓜夾啲，蘆苟一般。鹼蛋黃唔夠鹹香，不過整體都可以。無錫小籠包幾好，皮薄多汁、肉都嫩，無咩特別但味道唔錯唔錯。四喜烤麩屋企人要食，我一般，所以no comment。秘製黑豚肉配滷蛋呢個正阿喂，肉香酸甜入味而且嫩、唔鞋口、肥肉瘦肉一層層平均分佈，入口唔油膩，出色！即刻叫咗個白飯送飯。紅豆水晶糖不甩以為係湯丸皮個啲質感，點知唔係，煙韌控表示失望，不過無阻呢舊嘢既味道，係好食嘅！清新得嚟唔會過甜！抵讚！椰汁紫米紅豆小丸子中規中矩啦呢個，同出面嘅分別唔大，成個combination喺正嘅不過，本身鐘意食，但就唔會話好有特色。…查看更多

經過海港城諗唔到食咩，就食番呢間之前食過覺得唔錯既BLT Burger。4個人嗌咗3個澳洲和牛漢堡combo，上枱個包都ok，和牛口感不錯，但牛香唔夠突出，油份、肉汁一般。煙肉太乾身，難以下嚥。至於配菜炸粗薯、薯格超失望阿！上枱唔熱又唔脆，當然唔香添啦。講真，二百幾蚊我覺得唔值。朋友叫咗個黑椒蘑菇漢堡，試咗啖，都係同樣問題啦，黑椒味唔香，牛味唔夠突出，肉質鬆散，食落唔太有口感。反而最普通既Caesar salad最好食，新鮮爽脆，完。…查看更多

去完越南既人相信唔會鐘意係香港食越南野，一來貴好多，二來味道真喺差好遠。但今晚朋友約到，就去食下啦，一見menu，有得揀size，已經覺得搞笑，越南粉麵一向細細碗，湯底濃郁，份量適中，食過番尋味。呢間既size份量驚人，大大碗，兩個人食都得，可能係迎合番香港人口味啦。值得一讚既係唔單只粉多，配料都好足既！味道就不過不失啦，湯底唔夠濃郁。至於其他小食，例如炭燒豬頸肉、雞翼都唔錯，即叫即整，熱辣辣都幾惹味！同一般越南小食差不多。…查看更多

嬲到要寫食評。本身想食隔離個間oxio，但太多人排隊又太肚餓所以入咗呢間。點知。。。中哂伏。揀咗個貴啲既咩半自助牛扒Set，因為本身個餐咩都無包，講緊連飯、意粉或薯條都無，咁諗住佢個自助bar夾番幾條薯條/薯角。點知佢話沽清！！個陣8點半咋。都算，終於等到舊西冷到。叫5成熟點知黎到我諗得2,3成熟，血淋淋。叫佢係咁易整番熟小小。第二次黎我諗4,5成熟。總共淨係食咗2舊仔，每舊都趙咗我成5分鐘，隔硬吞先吞到，d筋多到呢。要唔要食大家自己考慮啦。…查看更多

馬鞍山店一早就已經食過，估唔到你我番工地方-觀塘都開咗間。豬肚絲有分好多口味，麻辣、口水、酸辣都有，同行人土今日想食酸嘢就叫咗呢個～，粉皮夠煙韌～有咬口～特意炒香的芝麻粒帶出咗香味，青瓜絲令豬肚絲質感非常爽彈！而且入味十足～勁足料，呢個係朋友食嘅，佢鐘意清淡啲，就揀左豬骨湯，湯底真係有大大舊豬骨響到～！聽佢講仲真係一啲味精都無～老闆注重健康喎～不過鐘意濃味既最好就同啲姐姐請要濃味啲，有啲人可能會覺得清湯淡～大大碗嘅腩肉蓮藕粉係我的最愛！點解？因為佢夠哂惹味，風味十足～岩哂重口味既各位！;P另外，仲有腐竹、酸菜、韮菜等做配菜，加埋燘至入埋腩肉同炸醫肉碎，你都咪話唔豐富!!湯底濃郁，色、香、味俱全，滿足你味呢款脆皮肉簡直又係少編最愛之一！！脆就唔洗講啦，食落一啲都唔油！肥瘦部位適宜～一口咬落去～勁脆！！肉味既餘韻係口入面久久不散.......認真好好食！…查看更多

咁岩去開馬鞍山搵朋友，正當肚餓既時候就見到呢間「阿桂老友粉」。廣西南寧風味從未食過，就決定一試。首先食左個「正宗擔擔麵」，想睇下佢同上海口味有咩唔同。拎上台時熱辣辣，配料有肉碎、花生碎等，可揀辣唔辣，發覺佢比起上海口味多了一份花生香味，混和本身的肉碎花生醬汁更顯濃郁，擔擔麵有咬感，1d都唔乾，好食！「麻辣口水雞」，口水雞肉嫩又入味，辣度選了小辣，辣度剛好，小小刺激，吃後麻感餘韻充斥口腔，味道很香很惹味，嗜辣者可試大辣！最後，佢個自製山楂蘋果茶不得不讚！！！我一向都不會order山楂茶，見佢加入左蘋果，諗住試下味道如何。。飲第一啖即刻愛上，入口清甜又解喝，酸酸甜甜，感覺同一般山楂茶好唔同，好fresh！！諗起都想再飲！！價錢方面勁抵食，又大大碗!…查看更多