queeninblue的個人專頁

Walk-in去買長期都係有個牌話等30/60分鐘，今日見到30分鐘，諗住照買，店員話：「落單後要等30分鐘以上喎！」我OK，跟住佢叫我等陣先，如是者等咗10分鐘先佢先再問我要咩，然後再等30分鐘？？唔口渴我應該唔會買嘢飲啦！…查看更多

今日經過見到好多人排隊，所以都跟隊買嚟試吓，估唔到有驚喜！望完堂食嘅人D麵之後，決定揀麻辣湯底配米線，餸就要魚腐同春卷，因為呢兩樣睇落係最受歡迎嘅。拎住嘅時候已經聞到陣陣麻香，食落湯底果然有驚喜，係有層次嘅麻辣呀！！！雖然個米線麻麻地，但吹咗D湯之後都係好好味嘅！而餸方面，一打開已經覺得非常之開心，因為魚腐同春卷各有三件，仲要大大件，而且係好味嘅，尤其是係個魚腐，吸晒D湯，真係好正！反而個春卷就無乜驚喜！…查看更多

叫咗個下俾茶餐，沙嗲牛肉麵 + 奶油豬，盛惠$30。由於非常肚餓，喺無做功課嘅情況下行咗入嚟，點知個麵底勁咸，牛肉係一大塊，仲要咬極都咬唔爛，結果只食咗個齋麵 奶油豬唔脆、唔熱、油唔溶，無誠意到一個點:(食完無丁點肉落過肚，極度不滿足地離開。呢間茶記算係坐得舒服既，場內亦無乜人，其實都應該要意識到陣伏味有幾咁濃，只能怪自己太想坐低。…查看更多

落雨天到訪，無位擺遮，問阿姐拎個膠袋，想收起把遮，得到既答覆係：「嘩！你唔好問我攞膠！我要收錢架！」我心諗：唔通夾住把滴水既遮食咩？原來膠袋$1個，但最嬲既係，阿姐俾個最細個只夠裝外賣燒賣既袋我！果下火都黎，平時外賣碗+袋都係收$1，淨膠袋收$1仲要俾個最細，問佢換個大既仲要態度勁惡劣！店內座位極不舒適，亦會隨時因應當時既情況被調位，而我今次食20分鐘嘢，目擊另一食客被調枱三次，調到人地火都黎。講返衛生情況同食物，大家可以參考下相，枱面大部分時間都係唔太乾淨，有漬而且油淋淋。呢間既狗仔粉垃圾到暈，以前有豬油渣，而家豬油渣要加錢，而且D粉既長短度令碗嘢非常難食，再加上佢地俾既果隻又薄又淺又𠝹咀既cheap膠匙，食到非常拿手唔成勢。另外，佢出名既火鴨翅，其實都係非常之極不eater-friendly，D木耳絲鬼咁長，用佢地果隻又薄又淺又𠝹咀既膠匙食，難度係十級。呢間嘢最討厭既地方係，食完一陣離開既時候，會有一陣跟足你一日既油煙味做紀念品。唔知係咪生意麻麻，似乎佢地不停喺大陸宣傳，所以引咗一大班自由行一齊迫，食相差之餘，令人擔心共用果D菜莆既衛生情況。以後都係喺附近再發掘下有冇地道小食既新地方，而呢間狗仔粉，都係留返俾接受到佢地呼呼喝喝既食客啦！…查看更多

突然蠔癮起，見透過OpenRice訂位有7折，於是即慶決定收工試試呢間蠔吧。一向有喺樂富間OS食開lunch，覺得性價比都幾高，今次轉轉場地試下荃灣呢間。位於CityWalk一期既一個隱蔽角落裡，座位比起樂富店寬敞，環境亦較舒適。坐下來即點了一打自選生蠔，侍應姐姐請我出去開蠔果個位揀蠔既品種，因為選擇不多，大概只有8-9款，我選了1款西班牙、1款南非、1款紐西蘭、2款法國蠔後便不知選什麼好，於是打算要4隻Gillardeau，但侍應姐姐建議我試試美國的kumamoto，心想多試一款也好，於是便跟她的意思。等了不久，蠔便開好送到眼前，效率值得一讚，而侍應姐姐推薦的美國蠔排在第一款，想不到令人頗為失望，蠔雖爽口，但蠔味淡，而且算不上新鮮。幸好，自己選的Namibia、Gilladeau則鮮甜回甘。食完自選蠔覺得意猶未盡，於是再點了兩隻$10蠔，然而這$10蠔竟然有驚喜，比起美國蠔好吃多了，心中立即暗暗呻笨。食完蠔覺得肚仔凍冰冰，於是點了一客牛扒和一個蜆意粉，牛扒尚算合格，但牛的質素確實一般，而意粉竟是意想不到的難吃，意粉完全沒有吸收到蜆肉的鮮甜，而蜆則是半生熟，口感很奇怪之餘帶點腥臭，完全對不起這個價錢。埋單$888，算不上貴，以食物質素來說，我不認為是抵。最後仔細望望帳單，發現只有8折，而不是訂位時所見的7折，著實令人感到十分不是味兒！:(…查看更多

近兩年甚少食buffet，因為人到中年食量大減，總覺得好難回本。作為海鮮迷，見到今期主題係海膽同即煮龍蝦，實在難以抗拒。用的是加拿大海膽，雖說不上是極品，但亦非常鮮甜，除了基本的軍艦及手卷，還有海膽燉蛋白、即製海膽炒飯等，要回本實在沒有難度。另外，即煮龍蝦肉質爽彈，鮮味無比，而且熱騰騰，比起一般buffet的冷盤龍蝦好吃多了，配上泰式汁或特製海膽汁，實在讓龍蝦生色不少。其他熱盤及甜品選擇亦非常多，花多眼亂，實在不能試盡所有食物，但這buffet要回本真是輕而易舉。另外，值得一提的是鐵板師傅實在非常友善有禮，即使取鵝肝時需稍作等候，他的態度令心中的不悅感盡消。…查看更多

難得午飯時間可以到荔枝角一遊，早早便在Openrice做定功課，選定了阿土伯鹽水雞。點了一人餐，胸、脾各半再加三款配菜，感覺好划算，但畢竟是冬日午餐，想吃飽一點，所以加了拉麵。店員都非常友善、熱情，點餐後大約等了5分鐘食物就預備好，原味的醬汁味道非常正宗，帶點微辣，十分開胃。雞的分量比較少，可能是無骨的緣故吧，吃起來太容易，所以感覺很快便吃光光。雞肉的質地比較有嚼勁，不是一般的冰鮮雞軟軟的口那種口感；雞皮爽滑但卻不會油膩，實在滋味無窮。點了雞腎、黑木耳和滷蛋作配菜，雞腎口感比較硬，而黑木耳混合了醬汁很是惹味，滷蛋味道也不錯，如是溏心蛋的話更佳，定必為整個餐加分。其實還想試試阿土醬，奈何只有一個胃，唯有留待下次再來。…查看更多

天氣凍，突然好想食芋頭西米露，於是去路德圍幾間糖水舖碰碰運氣，最後發現只得松記有呢個糖水，一向對松記出品無好感，但喺無選擇而又好想食既情況下，唯有畀多次機會佢，可惜，經過今次，相信以後唔會再幫襯！如此低質既地道糖水真係第一次見！西米小，而且好肯定係糖水煮西米，然後百搭用。椰汁似係淡奶開出黎，椰味唔濃，反而奶味好重，超怪！最後，而且係最衰既一樣，就係糖水入面既芋頭竟然係炸過既，真係聞所未聞，到底係老闆尋晚打邊爐用剩定點？我明白芋頭會溶，但呢個糖水，係應該煮到芋頭同西米都有少少溶，先不至於成碗嘢稀流流。松記糖水款式係多，可惜，為咗配料可以一物多用，不惜犧牲質素，真心覺得不必再回頭！…查看更多

妹子愛吃辣，是個川菜迷，閒時會約一班辣友一齊試菜。雖然近年香港愈開愈多川菜館，但呢間喺廈門街唔起眼嘅渝川會所，多年來都係我辣癮發作時嘅必然選擇。渝川會所係按人頭收費，所以有時約唔齊辣友時，兩個人都照樣會去食，但人多的話，就可以點多幾味餸啦！不過兩個人食都唔錯㗎，可以點兩個涼菜，三個主菜，仲會附送一碟炒菜，都真係幾滿足㗎！我每次必點嘅係酸菜魚，唔好睇佢一D都唔紅，以為佢一定唔辣，事實上湯內嘅花椒、泡椒，令佢陰D陰D咁辣，但又非常過癮。湯底好好飲，但又一D都唔油，而魚肉又滑又唔腥，食到最後先食D粉絲，入哂味，超正！最鍾意呢間菜館嘅地方係，水煮、酸菜系列係可以添食㗎，啱哂大胃王朋友。多人一齊食嘅時候，我一定會提早預訂定蟹，因為佢嘅重慶香辣蟹真係食過番尋味，而且非常大份，雖然每隻蟹要額外加錢，但有買開餸嘅就知，咁嘅價錢有咁大隻肉蟹仲幫你煮埋，感覺非常抵！另外一味我幾鍾意嘅熱菜係虎皮青椒，比起其他肉類，可能唔係一個「抵食」嘅選擇，但呢碟完全唔起眼嘅尖椒，竟然係出奇地好食，一入口，係充滿住屋企永遠都煮唔到嘅鑊氣味，加上咸淡得宜嘅調味，係多人食時我一定會點嘅一道菜。多年前曾經因爲工作關係，去咗重慶幾日，食過幾餐川菜，非常難忘，一直想喺香港搵返相同嘅味道，而渝川會所完完全全滿足到我呢個渴望。…查看更多

妹子有舖鴨血同麻辣癮，但下下去打邊爐實在太heavy。早前知道養心殿開咗車仔麵，一直想試試，剛巧今日嚟咗港島區做嘢，終於可以一試。由於花多眼亂，而且當時十分肚餓，一口氣order咗大腸麵線和四餸車仔麵，跟餐+$8加埋杯泰國斑蘭薑茶。先講吓大腸米線，大腸滷得好淋、好入味，份量亦唔少，可惜麵底過口有一陣粉味，同台灣食到嘅味道唔太相同，而且麵線溫度唔太夠熱，結論係試過就夠，唔會再點。而四餸車仔麵呢，我會話係好抵食，每樣餸份量都好多，但麻辣湯底同養心殿既始終有D分別。台式寬粉條吸哂湯底嘅味，好入味，但陳皮魚旦一口咬落去，完全無回彈嘅感覺，同期望嘅口感有少少落差。至於跟餐杯特色飲品，$8真係好抵，但略嫌淡咗少少。結論係，未食過嘅可以一試…查看更多

晚飯時間，MegaBox內食肆都大排長龍，發現這店門外沒人排隊，由於星期五晚上的我實在太餓太累，也沒想到會不會是「伏」。兩個人點了酸菜青江魚和水煮牛肉，我只能說我從未吃過這麼難食的酸菜魚，用了這麼多香料煮出來的魚，竟然還是典常的腥臭，而且魚肉非常粗糙，實在難以下嚥。而水煮牛肉側是一層厚厚的油，是油，不是紅油或花椒油，油下是一灘淡啡色的漿糊狀物體，大部分牛肉帶筋，根本不能咬碎，而部分牛肉是散散碎碎的小片，感覺在吃廚餘，而不帶丁點水煮應有的味道。結論是，漁牧，可一不可再！…查看更多

見Openrice食評寫到咁好，放假特登由屯門公路揸車出去試下，碰巧屯門公路有六車相撞，花了個多小時才終於到達。餓得不得了，幸好不用等位，滿心期望叫了牛犇麵，先試一啖湯，嘩！！！心中暗__，豉油溝水做湯？！再吃一口麵，難吃得叫人難以置信，不彈牙不特止，口感痴笠笠，還會張住咀！非常肚餓的時候，仍會覺得難食的食物，你大概能夠想像是什麼質素。這是餃子館，以麵來評可能不太公平吧，於是我再點了五粒羊肉餃子，沒跟湯，餃子皮比較厚，內有少許湯汁，不過羊肉味並不濃，整體來說並沒有什麼特別之處，只能說是不過不失。從這次經驗，我以後在看媒體介紹時，也不會盡信！…查看更多

在沒甚選擇的情況下，唯有在這店用餐。很少吃完後會寫食評劣評一間餐館，但這次認為有必要提醒旅客們可以作更好的選擇。舖進餐廳，已聽到有客人投訴點了紅油抄手等了一個小時還未上，然後聽到廚房裡的「廚師」說對侍應：「無哂雲吞，問佢轉菜餃做抄手得唔得！」然後就是廚房裡兩個「廚師」的爭吵聲。點了牛肉麵餐，1分鐘後油菜便到了，是用外賣的發泡膠碗上，但其他食客的是用碟上，菜是冷冷的，加上大量啡色的粉漿（恕我不能稱之為蠔油，因為完全沒有絲毫的蠔油味），如此低質並毫無誠意的菜，是我在香港做了三十多年人第一次食到！更令我不爽的是，收了$28的茶錢，得到的不是一壺熱茶，是一杯用茶膽開的、味道帶酸的「茶」。至於牛肉麵，湯頭是酸的，亦完全沒有香味，跟台灣牛肉麵實在是兩碼子的事！這個餐還要收加一！我明白在機場吃什麼也比外面貴，但是這是貴得非常不值！…查看更多

雖然《星星熱》不在，但看著大熱的《太陽的後裔》令我想起韓式炸雞+啤酒。在Openrice看見這新分店，於是到九龍城試試，順道到Cres買點麵包。點了韓式炸雞半份（$108），分量足夠2人吃。炸雞熱辣辣、脆卜卜，雞不是肯德基那種咬下去會看見脂肪班班的那種，是脂肪少、肉多、骨細的那種，而且完全沒有雪味，雖說雞味不濃，但滑滑、juicy的口感，叫人一吃下去便停不到手。醬汁濃度適中，甜中帶點辣，十分開胃。另外點了海鮮雜錦炒飯下午茶餐，好像是$5x，包飲品一杯，價錢十分划算，而且味道不錯，海鮮不會有腥味，濃濃的韓醬及泡菜味，令它的外貌十分吸引，唯一的不足是略咸了一點點。整體來說，炸雞叫人一試難忘，是我在香港吃過的最好吃的一家，值得一試！…查看更多

很喜歡Sweets House Cha Cha 雪糕的質感，滑滑濃濃的軟雪糕，感覺很「足料」，不像別家充滿著微小冰粒的綠茶軟雪糕。還有，這家的雪糕筒十分香脆可口，而且不會太甜。無論春夏秋冬，吃飯後總是心癢癢想到這店吃個雪糕！這店會定期有時令精選，這次是法國士多啤梨味軟雪糕，店員稱沒有用任何色素，所以雪糕不是粉紅色。我要了一個綠茶 x 士多啤梨軟雪糕，盛惠 $30，價錢十分公道。士多啤梨軟雪糕是以白色為主調，夾雜著淺紅色的石紋，士多啤梨味不算很濃烈，但吃得出這並非人造的香精味道，然而，濃郁的牛奶味蓋過了士多啤梨的芳香。綠茶雪糕比起這店初開時的味道淡了，可能為了迎合一般香港人的口味吧！很可惜，令這店失去了原本的特色！然而，士多啤梨 x 綠茶絕對是個大膽的新嘗試，味道也出奇的配合，雖說不上是十分出色，但說到底，這新口味是絕對值得一試！…查看更多